اقتباس:
المشاركة الأصلية كتبت بواسطة بابكر مخير
ود الخير أخوي
ما يبقى فيني خير لو ما وافقت
نحن فعلا في الصدارة مقارنة بالثورات العربية ضد الحكام الديكتاتوريين الكانوا حكامين..
نحن في الصدراة لأننا ضد حاكمنا الدكتاتور، ثورتنا القادمة هي ضد الذين سرقوا تلك الثورات وإنقلبت عليهم؛ مصر مثالً، تونس عظة وليبيا عبرة...
ثورتنا ضد الإسلامويين الذين سرقوا حتى ذكر النبي ليتغنوا به طربا فيرقص فرعونهم...
بالله عليك ودينن في رقبتك..
ذي ما وافقتك مش موافقني..
|
علاقة أغلب الشعب السوداني تجاه الاسلاميين تختلف في السودان عن دول الربيع العربي !! لذلك ثورة ضد الاسلاميين لخلق تغيير شامل مااا واردة ! يبقى ممكن اوافقك بس موافقة خجولة زي معارضة المعارضة للنظام ! وهي بحالها دا رئيس محلية ما بنغيّرو فما بالك بتغير حكم يتفق الشعب معاهو في الثوابت بنسة80٪ ،،،
الشعب دا في حالة واحدة يثور ويغيير الانقاذ ،، اذا وصل مرحلة ملل الانسان السوداني المحتاج يغير حاكم بآخر ،،، لكن سياسة الانقاذ دي من اي بيت ومن اي حي ومن اي حارة في ممثل في الحكومة ! الناس دي ما خلو سياسة توافق واللا سياسة لم شمل والا طرقو بابها ،،، ودا كلو على حساب التنمية ونهضة الوطن !! فثورة للإقتلاع ما حا ينتج منها للمواطن الا مزيداً من ضياع الحقوق والخطط طويلة الأمد
ناس الانقاذ ديل لو بالغوا تّب بيقولو ليك الخطة الخمسية ! والايام دي في الثلاثية برضو ! فالبلد محتاجة البنيان فوق طوف ناس الانقاذ ديل ! فهل من أسطوات كاربين؟؟؟