نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 25-03-2010, 09:14 AM   #[1]
اروي حامد عبد الله حامد
:: كــاتب نشــط::
الصورة الرمزية اروي حامد عبد الله حامد
 
افتراضي بنات الخرطوم

جدل واسع يدور في الصحافة والمنتديات وقناة زول تحديدا تطرقت له وفي الشارع العام بشكل محدود
كتاب بنات الخرطوم صدر من دار سندباد بالقاهرة يتالف من 110 صفحة للمؤلفة سارة منصور وكعادتها بتحريك المواضيع ذات الجدلية الواسعة وتطرقت فيه لققص واقيعة عايشتها من فتيات سودانيات مقيمات في امريكا والرياض والقاهرة وآخريات متفرقات وتقول بانهن سقطن في شبكات دعارة عالمية
في قناة زول كانت في مداخلات من صحفيين داخل وخارج السودان
تحدث الصحفي محمد الأمين وكان ضد الفكرة وضد الكاتبه سارة منصور وقد راي انها كتبت من اجل الشهرة وربما المال وقال ان النقد بهذيه الطريقة تتنافي مع العادات والقيم السودانية .مني عبد الفتاح من صحيفة الشرق الأوسط
الصحفية فاطمة الصادق وقالت بانها انتجهت نفس الاسلوب وقد وجدت هجوم شديد من الجميع وهي مع الكتابه بذات النهج
محمد خليل من صحيفة البيان الإماراتية وكان ضد الكتاب

ردت سارة منصور في احد المنتديات بالآتي:-
شكرا لقناة زول و للإعلامية سالي عثمان علي الحلقة وللاسف لم اكن علي علم بها ولم أشاهدها

و .. ردي للصحفية الهاجمت بنات الخرطوم إنها تمشي في جولة ميدانية لسماسرة الشقق المفروشة وتقوم بعمل حوارات معهم ليحدثوها عن حواديت الشقق المفروشة والسودان كله بقي شقق مفروشة للأسف والشباب كل واحد ماسك ليه واحدة مؤجر ليها شقة مفروشة وتقعد معاه بالأيام
ولا ما شايفة سيادتها بنات الجامعات الماقادرات يعرسوا انتشروا كيف بحثا عن عريس حتي لو راجل مرا في الشوارع والكافتيريات امواج ، لذيذ ، أوزون ، مؤمن ، من المغربية العربات اشكال والوان والبنات والكوكتيل وانفتاح غير عادي في الحياة ، انا في اجازتي 2007 شفت العجب في هذه الكافتيريات وفي الاسواق والمحلات التجارية ........ زمان للاسف المجتمع السوداني كان محافظ البنت حدها من المدرسة للبيت ومن الجامعة للبيت وماكنا بنشوف بنت سودانيه ماشة في الشارع مع ولد وعلي ايامنا كان ولد معجب ببنت يرمي ليها ورقة اعجاب من علي بعد امتار خوفا من عيون الناس والمجتمع المحافظ لكن هسه بقت الشوارع مليانة اولاد وبنات وايادي متشابكة و حدائق مخصصة للعشاق الزي ديل وبالاسم ( حبيبي مفلس ) .. وللاسف الوضع اصبح عادي ولم يعد يضايق لا الأهل .. ولا الجيران .. ولا ناس الحلة وحتي أغلبية الرجال السودانيين اصبحوا عيونهم طايرة وزايغة ولافين في شارع النيل والكورنيش والاسواق يعاكسون البنات ويبحثون عن فريسة يقضي معاها ساعات وربما ايام او شهور ويقول ليها باي باي لأنهم مامقتنعين بنسوانهم في البيوت ... ونفس الطريقة خمسين في المية من النسوان السودانيات المتزوجات ما مقتنعات برجالهم وعايشين جوءهم وقصص الخيانات الزوجية ملأت الصحف السودانيه والإلكترونيه واليوتيوب ... زمان ماكان في رجل سوداني بيرفع عينه علي سودانيه في الحلة وهسه اولاد الحلة الشباب الصغار بيرفعوا عيونهم علي نسوان في سن امهاتهم و خالتهم و حبوباتهم ولما تقول للشاب عيب يقول ليك رد يشطب بيه رأسك ...
بعدين الرجل السوداني للأسف اصبح بيرفع عينه علي آي امرأة لأنه عنده فهم غريب إنه كل النسوان زي بعض ما محترمات واصبح لا يستطيع ان يفرق بين الكويسة والبطالة ... واصبحت كثير من البنات السودانيات بتتزوج رجال النسوان عن طريق بيوت الشيوخ والفقراءء وكثير من البنات مضيعات اليوم كله في بيت الشيخ الفلاني والفكي العلاني ، ده غير السودانيات الشغالات تجارة بيمشوا الخليج للتجارة وخراب البيوت وعادي جدا الواحدة بتخلي الواحد ينفصل عن زوجته وأم عياله ويصرف عليها دم قلبه ويعرسها ...
و ناس القروش غرقوا البلد فسسسسسسساد وهم النشروا الفساد في البلد مقلدين دول عربية اخري .... و الناس الفقيرة جدا كمان اصبحت دايره تعيش واصبحوا بيقلدوا الاغنياء في كل اساليب حياتهم .... والاسرة اصبحت عاجزة عن الانفاق والصرف علي بناتهم وبالتالي اصبحت كثير من الأسر لا تحاسب بناتها علي الكريمات الغالية والأرياح واللبس والتلفونات ولا يسألونهم من اين لهن هذه الاشياء ؟ وفي نفس اللحظة شركات الإتصالات في السودان اصبحت غنية والموبايلات اربعة وعشرون ساعة في اضنين الشباب وبرضه محلات خلطات الكريمات كسبت الملايين من تركيب الخلطات للبنات والفنانات ، زمان كنا بنلاقي بيت واحد في الحلة سيء لكن هسه الفساد علي عينك يا تاجر .
وكيف تكون صحفية و لم تشاهد الفساد الأخلاقي في برج الفاتح من سهر وصرمحة مع البنات وثقافة بنات الجامعات اصبحت ( واحد في الرف وواحد في الصف وواحد في السف وواحد للف ) .
وهل الاخت الصحفية لم تمر بشارع المطار بالليل والناس كأنها في لاس فيغاس البنات ماليات المكان والاولاد والعربات الآخر موديل والقزاز المظلل واللبس والشيشة ، للاسف زمان بيقولوا السودان دولة اسلامية بسيطة وفي حالها لكن اصبحنا دولة مختلفة مليئة بالفساد والإيدز و كل البيعترض علي الكلام ده وبيقول ان المجتمع السوداني لا يزال مجتمع الفضيلة يذهب في زيارة قصيرة لملجأ المايقوما المليان باطفال الزنا واكرر اطفال الزنا وليس اطفال الحلال وسيظل ملجأ المايقوما اكبر وصمة عار ...........
ارجو من الصحفية التي هاجمت بنات الخرطوم ان تقوم بزيارة خمسة دقائق من وقتها الثمين لملجأ المايقوما لتعرف إلي اين وصلوا بنات الخرطوم

والناس البتقول كتاب بنات الخرطوم نشر للغسيل الوسخان وتشهير وفضائح بقول ليهم الغسيل الوسخان والفضائح عنوانه ملجأ المايقوما الذي يستقبل من اربعة الي خمسة لقطاء يوميا



اروي حامد عبد الله حامد غير متصل   رد مع اقتباس
قديم 25-03-2010, 09:42 AM   #[2]
نبراس السيد الدمرداش
:: كــاتب نشــط::
الصورة الرمزية نبراس السيد الدمرداش
 
افتراضي

المسكوت عنه
توتا طرقتي باب صعب
و فتحتي جبهة رياح كما الهبباي

بنات الخرطوم وبنات الرياض
وجهان لعمله واحده
كتابين تناولو تجارة الرقيق الابيض
وهي ظاهره موجوده و نتعايش معها بصوره شبه يوميه
بس نحن بنحب ندفن راسنا في الرمله
و نصور مجتعنا بصوره افلاطونيه
تكفيك زياره لدار المايقوما
او الاستماع لتصريح تابيتا ذات مره في الاحتفال باليوم العالمي لمكافحة الايدز
و مطالبتها باستعمال الواقيات للحد من انتشار المرض
اعتقد دا اعتراف ضمني بوجود هكذا ممارسات و بصوره مخيفه

توتا ح اتابع معاك و بجيك بقصص و مشاهدات



التوقيع:
اذا جاء نصر الله والحب
ورأيت الورد في الطرقات يمنحك الامان
فاشرع سفينتك العتيقة وامنح الياقوت وجهك
وانتظر فرح الزمان

عصام عبدالسلام
نبراس السيد الدمرداش غير متصل   رد مع اقتباس
قديم 25-03-2010, 10:04 AM   #[3]
سمراء
:: كــاتب نشــط::
الصورة الرمزية سمراء
 
افتراضي

انا حقيقه بستغرب من الاستنكار ده !!
ياهو الحاصل بالظبط ....واكتر

وزيد عليهو للاسف زمان كنا بنخاف من الشباب نحن كفتيات فى الشوارع او المكاتب ...كوضع طبيعى ...
بس حقيقه الان بنخاف من الرجال الكبار !!
انا شخصيا حصلت لى مواقف كثيرة جدا ولبعض الزميلات ..للاسف من ناس يفترض
انهم فى سن ابواتنا واعمامنا ...نحمد فقط تربيتنا واخلاقنا لولاها كنا ضعنا

وبصراحه الفساد ده ظهر فى السنوات الاخيرة بصورة صارخه جدا ، مع صعوبة الحياة
وضيق فرص العمل ، والانفتاح الاقتصادى وجموح السوق ....

مع ظهور القنوات الفضائية وظهور اللبس ومتابعة الموضه وشكل الحاجات الخلت كل بناتنا اولادنا يقلدو ، وده طبعا محتاج لى مصاريف زياده ...ومن وين ؟؟!!

ظهر الانحراف عشان الواحدة تجارى بنات الاغنياء والميسورين .....وعيييييييييك

دى شبكة طويلة ورمال زاحفه وبتشيل فى طريقه كل شى ...

بس مواجهة القضية افضل من دفن الرؤس فى الرمال ....

وتعالو نفتح الجرح ده عشان نداويهو بكل شفافية



التوقيع:
غيرنا التوقيع عشان النور قال طويل 
اها كدة كيف ؟
<img src=images/smilies/biggrin.gif border=0 alt= title=Big Grin class=inlineimg />
سمراء غير متصل   رد مع اقتباس
قديم 25-03-2010, 10:45 AM   #[4]
اروي حامد عبد الله حامد
:: كــاتب نشــط::
الصورة الرمزية اروي حامد عبد الله حامد
 
افتراضي

اقتباس:
المشاركة الأصلية كتبت بواسطة نبراس السيد الدمرداش مشاهدة المشاركة
المسكوت عنه
توتا طرقتي باب صعب
و فتحتي جبهة رياح كما الهبباي

بنات الخرطوم وبنات الرياض
وجهان لعمله واحده
كتابين تناولو تجارة الرقيق الابيض
وهي ظاهره موجوده و نتعايش معها بصوره شبه يوميه
بس نحن بنحب ندفن راسنا في الرمله
و نصور مجتعنا بصوره افلاطونيه
تكفيك زياره لدار المايقوما
او الاستماع لتصريح تابيتا ذات مره في الاحتفال باليوم العالمي لمكافحة الايدز
و مطالبتها باستعمال الواقيات للحد من انتشار المرض
اعتقد دا اعتراف ضمني بوجود هكذا ممارسات و بصوره مخيفه

توتا ح اتابع معاك و بجيك بقصص و مشاهدات

صحيح وجهان لعملة واحدة ولما إطلعتا علي بنات الرياض كنتا مندهشة من الحاصل بس في النهاية لقيت اننا \بنعايش نفس الواقع
شاهدتا برنامج قبل كمين سنة ومستضيفين بنات واولاد مع تشويش الصورة بتكلمو عن ممارستهم للجنس وانا مستغربة انو عندنا الكلام دا وكان المقدم بابكر حنين وفيه دكتور قال بينصحو بي استعمال الواقي يعني بدل يجيك مرض مارسه بي اسس علمية
المايقوما اه من المايقوما غير كدا كل الاحصائيات لا تكشف حقيقة



اروي حامد عبد الله حامد غير متصل   رد مع اقتباس
قديم 25-03-2010, 11:07 AM   #[5]
جانيت
:: كــاتب نشــط::
الصورة الرمزية جانيت
 
افتراضي

اروى
حبابك اختي
الموضوع جوانبه كتيرة وكلها مرتبط بالسلوك الشخصي
وبعده النظرة العامه للعلاقات الما عندها اساس من المبداء ولا قيم او اخلاق حتى
انت القدامك دي نسبه بسيطة بتجهر بالغلط
تعالي شوفي البي الخفاء وما خفي اعظم طبعا
البيت بقى ما بيربي ابدا .....يمكن نسبه التربيه او عمل كنترول بقى ما بيتعدا 10%
من سلوك الواحده
موضوع اللبس خرج من اليد خالص لانه الموضه لاعبه الدور الاساسي
وموضوع الكريمات دي بقى شي لابد منه السمار ما ماشي في السوق
اما شارع المطار ولحقاته فحدث ولا حرج.........
وموضوع الشقق المفروشه ما هو الا ضعف في الوازع الديني اولا واخيرا
يعني لاتربيه ولا اخلاق هنا ما حتمنع قدر الدين
اما تعدد الجكس
اصبح سنة الحياة .......كل من الطرفين اصبح مرعب حق لاتتوفر الثقه
ولا حتى اخلاص
...............................
..............................
.............................
اصابعي وجعوني بجيك راجعه
اتجم شويه بث



التوقيع: عشان القاك
جانيت غير متصل   رد مع اقتباس
قديم 25-03-2010, 11:26 AM   #[6]
اروي حامد عبد الله حامد
:: كــاتب نشــط::
الصورة الرمزية اروي حامد عبد الله حامد
 
افتراضي

اقتباس:
المشاركة الأصلية كتبت بواسطة سمراء مشاهدة المشاركة
انا حقيقه بستغرب من الاستنكار ده !!
ياهو الحاصل بالظبط ....واكتر

وزيد عليهو للاسف زمان كنا بنخاف من الشباب نحن كفتيات فى الشوارع او المكاتب ...كوضع طبيعى ...
بس حقيقه الان بنخاف من الرجال الكبار !!
انا شخصيا حصلت لى مواقف كثيرة جدا ولبعض الزميلات ..للاسف من ناس يفترض
انهم فى سن ابواتنا واعمامنا ...نحمد فقط تربيتنا واخلاقنا لولاها كنا ضعنا

وبصراحه الفساد ده ظهر فى السنوات الاخيرة بصورة صارخه جدا ، مع صعوبة الحياة
وضيق فرص العمل ، والانفتاح الاقتصادى وجموح السوق ....

مع ظهور القنوات الفضائية وظهور اللبس ومتابعة الموضه وشكل الحاجات الخلت كل بناتنا اولادنا يقلدو ، وده طبعا محتاج لى مصاريف زياده ...ومن وين ؟؟!!

ظهر الانحراف عشان الواحدة تجارى بنات الاغنياء والميسورين .....وعيييييييييك

دى شبكة طويلة ورمال زاحفه وبتشيل فى طريقه كل شى ...

بس مواجهة القضية افضل من دفن الرؤس فى الرمال ....

وتعالو نفتح الجرح ده عشان نداويهو بكل شفافية
سمرائي تحية ليك

كلنا مرينا بي مواقف مع اعمار الواحدة تخجل تقول حصل شنو الفساد اصبح بينا يمشي علي قدمين



اروي حامد عبد الله حامد غير متصل   رد مع اقتباس
قديم 25-03-2010, 11:51 AM   #[7]
اروي حامد عبد الله حامد
:: كــاتب نشــط::
الصورة الرمزية اروي حامد عبد الله حامد
 
افتراضي

اقتباس:
المشاركة الأصلية كتبت بواسطة جانيت مشاهدة المشاركة
اروى
حبابك اختي
الموضوع جوانبه كتيرة وكلها مرتبط بالسلوك الشخصي
وبعده النظرة العامه للعلاقات الما عندها اساس من المبداء ولا قيم او اخلاق حتى
انت القدامك دي نسبه بسيطة بتجهر بالغلط
تعالي شوفي البي الخفاء وما خفي اعظم طبعا
البيت بقى ما بيربي ابدا .....يمكن نسبه التربيه او عمل كنترول بقى ما بيتعدا 10%
من سلوك الواحده
موضوع اللبس خرج من اليد خالص لانه الموضه لاعبه الدور الاساسي
وموضوع الكريمات دي بقى شي لابد منه السمار ما ماشي في السوق
اما شارع المطار ولحقاته فحدث ولا حرج.........
وموضوع الشقق المفروشه ما هو الا ضعف في الوازع الديني اولا واخيرا
يعني لاتربيه ولا اخلاق هنا ما حتمنع قدر الدين
اما تعدد الجكس
اصبح سنة الحياة .......كل من الطرفين اصبح مرعب حق لاتتوفر الثقه
ولا حتى اخلاص
...............................
..............................
.............................
اصابعي وجعوني بجيك راجعه
اتجم شويه بث
سلامات جانيت
اوافقك تماما البيت بقي ما بربي بربي الشارع ، غير كدا المشكلة اي حاجة بقت في نظر الناس عااااااااادي شفتا كتير البيلبسو حاجة من البيت وبيغيرو عند صحباتهم يعني من البيت شكل وبرة شكل خاااااااالص بالجد بيرجع للزول شخصة وانضباطه يعني الانسان بيربي نفسه



اروي حامد عبد الله حامد غير متصل   رد مع اقتباس
قديم 25-03-2010, 11:55 AM   #[8]
hatim ALi
:: كــاتب نشــط::
الصورة الرمزية hatim ALi
 
افتراضي

اقتباس:
المشاركة الأصلية كتبت بواسطة نبراس السيد الدمرداش مشاهدة المشاركة
بنات الخرطوم وبنات الرياض
وجهان لعمله واحده
كتابين تناولو تجارة الرقيق الابيض

Salams Nibrass,

1ST greetings to Arwa and welcome to Sudanyat

There is big differences between the book (Ryhad Girls) by Raja Alsanie the Saudi author
And the is awful book (Khartoum Girls) by the so called Sara Mansour.

The (Rhyad Girls) discuss the life of Saudi girls who live under the very stricted society of Saudi Arabia and try to live normal life there, it is just like notes and emails between the girls who describe their suffer inside that closed society who really oppress women and treat them like sinners because of their gender.

While the book (Khartoum Girls) is a dirty trail from this woman (Sara Mansour) to give a dummy bad picture about the Sudanese girls by telling selected stories from here and there to give the whole world idea that ALL Sudanese girls are pro### s

The (Ryad girls) book discuss a human experience of that Saudi girls how they think how they react but this ( Khartoum Girls) book just telling stories of sex in different cites in the world in Khartoum and Dubai and US , the author Sara Mansour is from the address (Khartoum Girls) is trying hard to apply injustice upon All the Sudanese women and girls by this generalization (Khartoum Girls) for incidents that occur in any human being group and society , and the writer appears to be able to exploit this for fame of herself by mocking the successful book of Raja Alsanee (Ryhad Girls) into this sex stories, the question here is Why do only girls - Sara Mansour – specifically there are many Sudanese men who are notorious and completely perverted morality or it is that the subject of girls is the most exciting and a good way to abuse the whole Sudanese nation.

My questions to Arwa here :

1. Did you read the book Khartoum Girls ?

2. Do you really know who is Sara Mansour ?

If you do not know kindly read here :

http://www.sudaneseinus.com/forums/showthread.php?t=795

Arwa, Kindly asks the Supervisor to remove this post I advice you because u never know what this woman (Sara Mansour) will do againist you

Regards





التوقيع: ____________________________

الليل و النهار واحد على العميان

و اللوم و الشكر واحد على السجمان
hatim ALi غير متصل   رد مع اقتباس
قديم 25-03-2010, 12:00 PM   #[9]
أميرى
:: كــاتب نشــط::
الصورة الرمزية أميرى
 
افتراضي

البوست دة بزكرني صاحبي السورى رضوان
مرة شبكني ليك البنات فى سوريا كلهم انتهوا
وكلهم شنو وشنو...قلت ليهو فيهم اختك وبت خالك
وبت عمك وو...سكت وقال بنات اهلى ديل
غايتو بضمن انهم ماا..... بس ما بضمن انو
.....علي خفيف

ـــــــ
مجرد سؤال
لو كلنا بهذه الملائكية
فكيف امتلأت الطرقات

ـــــــ
متى يأتى المخطئون الذين هم التوابون
أخشى أننا اصبحنا أمة من ملائكة العلن
وشياطين الخفاء

ـــــــ
اقول قولي هذا وفي خاطري بت سمحة
اشيلها في درب ما...

اروى ازيك



أميرى غير متصل   رد مع اقتباس
قديم 25-03-2010, 12:20 PM   #[10]
فتحي مسعد حنفي
:: كــاتب نشــط::
الصورة الرمزية فتحي مسعد حنفي
 
افتراضي

النقاش في هذا الموضوع يقود الي طرق متشعبة تبدأ بدراسة سارة منصور دراسة وافية وليس هذا بشئ صعب فهي صاحبة سودانيز أون لاين دوت أورج..
سارة منصور انسانة في غاية الذكاء وتعلم تماما من أين تؤكل الكتف ويقول المثل من عاشر قوما أربعين يوما صار منهم..استفادت سارة منصور من الفترة الوجيزة التي عاشتها مع زوجها الراحل عبد الرحمن مختار الذي طرق هذا الموضوع علي صفحات جريدة الصحافة في قصته التي نشرها علي حلقات متسلسلة تحت عنوان شارع القصر..أعتقد ان وزير الاستعلامات في ذاك الوقت طلعت فريد قد تدخل وأوقف النشر بعد أن ثار الناس من تصويره لنساء الخرطوم بتلك الصورة وأرجو من الأحباء جعقر بدري وعصمت العالم أن يمدونا بباقي المعلومات..وبعدها لا أعلم ما آلت اليه الحكاية فقد غادرت السودان في تلك الفترة..
وها نحن نجد القصة تتكرر مع أرملة عبد الرحمن مختار التي رأت الدخول في الموضوع بصورة حديثة تناسب التطورات التي حدثت بعد انقضاء أكثر من نصف قرن بدون تغيير يذكر في الأساسيات حتي بتنا لا نعلم هل هو تحذير ودق نواقيس الخطر أم هو هدف مادي يمتطي فرس الاثارة الرخيصة...



التوقيع: شيخ البلد خلف ولد..
سماهو قال عبد الصمد..
كبر الولد ولامن كبر نهب البلد..
ما خلي زول ما قشطو..
وآخر المطاف بقي شيخ بلد..
عجبي..
فتحي..
فتحي مسعد حنفي غير متصل   رد مع اقتباس
قديم 25-03-2010, 12:22 PM   #[11]
hatim ALi
:: كــاتب نشــط::
الصورة الرمزية hatim ALi
 
افتراضي

اقتباس:


wrote bu S. Y.


لقد صدف لي الاطلاع علي الكتاب السئ الذكر وانا ف القاهرة ..لدي صديقة تحفظت كثيرا لما قلت ليها اني لقيت الكتاب و اني نفسي ناس امريكا يرفعوا قضية سب و قذف و اشانة يمعة نسبة لتدوالها شخوص محددة .

قد تناولت ف كتابتها بشكل واضح جدا .. الفنانة نانسي عجاج و المذيعة تسابيح بشكل واضح لا يؤدي الي اي لبس .. بقية القصص كانت عبارة عن رموز ابجدية باول حرفين

يكفيكم ان اخبركم ان امين المكتبة كان ف قمة الاستغراب من انه كيف يسمح السودانيون لكاتبة مثل سارة منصور ان تفترئ و تحيك القصص.. التي ف وجهة نظره تشوه منظر الفتاة السودانية ..

و اود ان اضيف انوا حرام ان يتم مقارنة كتاب مثل بنات الرياض ببنات الخرطوم للاختلاف التام ف محور القصة ..حيث ان بنات الخرطوم يدور حول البنات السودانيات ف كل بقاع الارض الخرطوم الخليح ارويا و علي ما يبدو ان سارة منصور تود اصدار جزء ثاني من الكتاب فما هو ردكم ؟؟ اهو التجاهل التجاهل التجاهل ...

الكتاب المذكور ليس سواء حكايات الازقة و الونسة العامة لا توجد به حبكة .. انك لسوف تستعجب من سبب كتابتها للكتاب ف حد ذاته

ف منتصف تصفحي للاوراق (لانة لا يستاهل ان نطلق عليه كلمة كتاب)
دارت ف ذهني هذه الاسئلة

هل قامت سارة منصور بالحديث عنها كظاهرة ؟؟

هل حاولت ان تركز علي خلفية كل قصة المسببات و ما الات اليه الامور ؟؟

هل قامت الكاتبة بمحاولة رصد هذه الظاهرة من الناحية الاجتماعية و الاقتصادية ؟؟

هل قامت الكاتبة لمحاولة ايجاد منفذ ؟

و اخيرا ماهو الغرض من الكتابة ؟؟

قد شعرت بالغضب الشديد عند قراته نسبة للعمومياته و كان كل بنات السودان هما نماذج لبنات الخرطوم

----------------------------


former comments about this book on facebook



التوقيع: ____________________________

الليل و النهار واحد على العميان

و اللوم و الشكر واحد على السجمان
hatim ALi غير متصل   رد مع اقتباس
قديم 25-03-2010, 12:24 PM   #[12]
سمراء
:: كــاتب نشــط::
الصورة الرمزية سمراء
 
افتراضي

اقتباس:
المشاركة الأصلية كتبت بواسطة hatim ALi مشاهدة المشاركة
Arwa, Kindly asks the Supervisor to remove this post I advice you because u never know what this woman (Sara Mansour) will do againist you

Regards


حاتم تحياتى وكلامك معقول الا حد ما بالنسبة للفروقات بين الكتابين ، فى شكل التناول
بس تفتكر الكلام الزكرتو سارة منصور ده فى الجزئية بتاعت الانحراف فيهو تجاوز للواقع ؟!

انا مع تحفظى الشديد للحتة بتاعت الاساءة للشخوص بالاسماء ، وقصد الكاتبة فى كتابة الكتاب ده .. ...لكن لفت الانتباه بعتبرو سكه من سكك لفت الانتباه لظواهر غريبة ودخيلة للمجتمع ..

بعدين هل سارة منصور وصلة الحد الممكن ترعب الناس بالمستوى ده
!!



التوقيع:
غيرنا التوقيع عشان النور قال طويل 
اها كدة كيف ؟
<img src=images/smilies/biggrin.gif border=0 alt= title=Big Grin class=inlineimg />
سمراء غير متصل   رد مع اقتباس
قديم 25-03-2010, 12:25 PM   #[13]
الرشيد اسماعيل محمود
:: كــاتب نشــط::
الصورة الرمزية الرشيد اسماعيل محمود
 
افتراضي

اقتباس:
المشاركة الأصلية كتبت بواسطة اروي حامد عبد الله حامد مشاهدة المشاركة
صحيح وجهان لعملة واحدة ولما إطلعتا علي بنات الرياض كنتا مندهشة من الحاصل بس في النهاية لقيت اننا \بنعايش نفس الواقع
شاهدتا برنامج قبل كمين سنة ومستضيفين بنات واولاد مع تشويش الصورة بتكلمو عن ممارستهم للجنس وانا مستغربة انو عندنا الكلام دا وكان المقدم بابكر حنين وفيه دكتور قال بينصحو بي استعمال الواقي يعني بدل يجيك مرض مارسه بي اسس علمية
المايقوما اه من المايقوما غير كدا كل الاحصائيات لا تكشف حقيقة
روعة يااروي..
تعرفي يابتنا..
الموضوع ده جوانبو عديدة وشائك ومشربك كمان..
الاسباب عديدة في وجهة نظري
وبعدين زي ماقالت جانيت اذا الوازع الديني ماقدر يحد من هكذا ظواهر
فلا الوازع الاخلاقي ولا التربوي ممكن يكون حل
اما قولك:
اقتباس:
وفيه دكتور قال بينصحو بي استعمال الواقي يعني بدل يجيك مرض مارسه بي اسس علمية
انا بتفق مع وجهة النظر دي يا اروي؟؟
طالما انت ماقادر توفر ليهو بدائل وماقدرت تقنعو بحكاية العفة..
خليهو يمارس بصورة علمية..
لأنو ده برضو حل طالما انو الامر بقي واقع شئنا ام ابينا فبالتالي
ناخد بأخف الاضرار..ماتكون ميتة وخراب ديار
والناس التانية البتدعو للعفة برضو خليها تواصل توعيتا
والاتنين يمشو في توازي ومااظن دي مشكلة.
اضف لذلك انو اي حاجة انت عايز تزيلا من الوجود ياخي جيب بدائل ليها
تكون في متناول الناس..
يعني البمارسو الرزيلة ديل ماافتكر انهم كلهم بمارسوها من اجل الممارسة
وبس..او لأنهم غير اسوياء..
الناس دي بتعمل كدة لأنو دي غريزة طبيعية..موجودة في الانسان منذ بدء الخليقة..
ودي نثبتا اولا..
الاشكال بجي في تنظيم الممارسة ..
وبما انو الدين حدد الزواج كمفهوم منظم للحاجة دي..
بالتالي صعوبة الزواج هي البتخلي الناس دي تلجأ للممارسات الخارج اطار الزواج ده.
اللي سماها المجتمع بالرزيلة؟؟
المجتمع البوفر ليك كل اسباب الرزيلة وبمنعك من ممارستا..
اغلب الناس دي بالمناسبة بتلبي نداء الجسد وبس..
يعني ماحبا في الحاجة دي ولا لأنو هي الفطرة السليمة بس لأنو مكبوتين جنسيا.
(لاحظي انا قلت غالبية).
اما:
اقتباس:
سلامات جانيت
اوافقك تماما البيت بقي ما بربي بربي الشارع .
وانا بخالفكم في دي..
ده كان زمان زمن الشارع بيربي..هسع الشارع مابقدر غير يضرب يد علي يد متبوعة
بياحليل زمان (وذلك اضعف الايمان).
الشارع لما كان بيربي يا اروي..كان اي زول كبير في الشارع في مقام ابوك..
تستمع ليهو بكل احترام..وهسع الفي شارع ياخ شخت ليهو..بعرفك ياجلك؟؟
انا ابوي مابيقدر يقول لي كده انت منو عشان تتكلم معاي..؟؟؟ده الشارع الهسع.
اكيد حأجيك راجع..



الرشيد اسماعيل محمود غير متصل   رد مع اقتباس
قديم 25-03-2010, 12:28 PM   #[14]
hatim ALi
:: كــاتب نشــط::
الصورة الرمزية hatim ALi
 
افتراضي

اقتباس:
المشاركة الأصلية كتبت بواسطة فتحي مسعد حنفي مشاهدة المشاركة
استفادت سارة منصور من الفترة الوجيزة التي عاشتها مع زوجها الراحل عبد الرحمن مختار ...
Uncle Fatehi

Are you Sure that Sara Mansour is a widow of Abed Alrahman Mukhtar ?

I think the Widow of Abed Alrahman Mukhtar is Lubna Ahemd El Huessin



التوقيع: ____________________________

الليل و النهار واحد على العميان

و اللوم و الشكر واحد على السجمان
hatim ALi غير متصل   رد مع اقتباس
قديم 25-03-2010, 12:32 PM   #[15]
اروي حامد عبد الله حامد
:: كــاتب نشــط::
الصورة الرمزية اروي حامد عبد الله حامد
 
افتراضي

اقتباس:
المشاركة الأصلية كتبت بواسطة hatim ALi مشاهدة المشاركة

Salams Nibrass,

1ST greetings to Arwa and welcome to Sudanyat

There is big differences between the book (Ryhad Girls) by Raja Alsanie the Saudi author
And the is awful book (Khartoum Girls) by the so called Sara Mansour.

The (Rhyad Girls) discuss the life of Saudi girls who live under the very stricted society of Saudi Arabia and try to live normal life there, it is just like notes and emails between the girls who describe their suffer inside that closed society who really oppress women and treat them like sinners because of their gender.

While the book (Khartoum Girls) is a dirty trail from this woman (Sara Mansour) to give a dummy bad picture about the Sudanese girls by telling selected stories from here and there to give the whole world idea that ALL Sudanese girls are pro### s

The (Ryad girls) book discuss a human experience of that Saudi girls how they think how they react but this ( Khartoum Girls) book just telling stories of sex in different cites in the world in Khartoum and Dubai and US , the author Sara Mansour is from the address (Khartoum Girls) is trying hard to apply injustice upon All the Sudanese women and girls by this generalization (Khartoum Girls) for incidents that occur in any human being group and society , and the writer appears to be able to exploit this for fame of herself by mocking the successful book of Raja Alsanee (Ryhad Girls) into this sex stories, the question here is Why do only girls - Sara Mansour – specifically there are many Sudanese men who are notorious and completely perverted morality or it is that the subject of girls is the most exciting and a good way to abuse the whole Sudanese nation.

My questions to Arwa here :

1. Did you read the book Khartoum Girls ?

2. Do you really know who is Sara Mansour ?

If you do not know kindly read here :

http://www.sudaneseinus.com/forums/showthread.php?t=795

Arwa, Kindly asks the Supervisor to remove this post I advice you because u never know what this woman (Sara Mansour) will do againist you

Regards


عزيزي حاتم تشكر اولا
اي متابع للمنتديات يعرف من هي سارة منصور ومافي داعي نخوض في حقائق مثبتة عليها سلفا وتشكر للرابط
بنات الخرطوم منهم انا وانا واختي وصحبتي وانا واحدة من المحتجات لما يقولو البنات الشر بعم والخير بخص
التربية في السعودية من عادات وتقاليد ناحية دينية كما هو معروف تؤدي الي الانفلات كنوع من الكبت نحن تربيتنا السودانية تقوم علي العلاقات الحميمة في التربية مع ابناء الجيران وابناء العم ومحيط اولاد الشارع يعني ما انفتاحية بالمعني المفهوم ولكنها خالية من الضغوطات نوعا ما
لا يختلف اثنان في الحاصل يا حاتم وبنشوفه وبنتعايشه يعني لو انا لوحدي حصيت ليك العايشته يشيب رأسك
تناولي للموضوع ما عشان كاتباه سارة ولا غيرها ولا عشان عنوان الكتاب الانا محتجة علي عنوانه اصلاً بث تناول لظاهرة ريحتها فاحت بعرف مغتربين بيقولو بيسمعو من البينزلو اجازات في السودان عن البنات والحاصل والشقق المفروشة ومخدرات وسيجار وشيشة وووووو
الامر متروك للمشرف في الازالة لكن دي ما بيمنع او بيحد من الحاصل

لكل جُل الود وخالصه



اروي حامد عبد الله حامد غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 09:10 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.