نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 07-12-2007, 09:36 AM   #[1]
فيصل سعد
:: كــاتب نشــط::
الصورة الرمزية فيصل سعد
 
افتراضي *** مصطلحات عامّية سودانية ***

الاحباب الكرام :

تحية طيبة ،،

اتمني مشاركة الجميع في تسليط الضو علي المصطلحات العامية السودانية قديمها و جديدها و الامثال و الحكم و التراث و تبادل المعلومات حولها و بسم الله نبدأ :-

ود اللحد : المكان الذي يوضع فيه الجثمان داخل القبر.
الضانقيل : الطوب الاحمر.
الانداية : محل لبيع و تعاطى الخمور البلدية .
المريسة : خمرة بلدية تتكون من تخمير الذرة .
الصارقيل : دودة صغيرة تعيش في الطين تستخدم كطعم لصيد الأسماك.
المساير : الجزء الامامى للشعر فى المشاط.
العنقريب : سرير من الخشب ينسج بالحبال .
القرقريبة : تصنع من السعف وتستخدم في العواسه.
السعن : جلد يستخدم في حمل الماء او اللبن.
الصاج : قطعة من الحديد توضع على اربع حجارة وتعاس عليه الكسرة و الحلومر.
الكشف : المشاركة المادية فى المآتم و الافراح.
القدوم : آلة نجارة لقطع الاخشاب.



التعديل الأخير تم بواسطة فيصل سعد ; 26-12-2007 الساعة 08:16 AM.
التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 09-12-2007, 06:20 PM   #[2]
فيصل سعد
:: كــاتب نشــط::
الصورة الرمزية فيصل سعد
 
افتراضي

التكل : المطبخ

النملية: دولاب لحفظ ادوات المطبخ

مترار: جهاز يدوي لغزل الخيوط

برطوش: حذاء

الاستبالة: المستشفى

سبلوقة: مجري تصريف المياه في راس البيت

المستراح: الادبخانة ، بيت الادب، الحمام

السهلة: الحوش، ساحة كبيرة داخل البيت

اللقيمات: فطائر تقدم عند الصباح مع الشاى



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 09-12-2007, 06:55 PM   #[3]
omrashid
:: كــاتب نشــط::
 
افتراضي

المعراكه -بضم الميم --قطعه من القماس لزوم مسح الصاج قبل العواسه

المشلعيب---علاقه مصنوعه من الحبل لوضع الطعام وحفظه (تلاجة المساكين

الخماره --بضم الميم --اناء مصنوع من الفخار لتخمير العجين لزوم العواسه



omrashid غير متصل   رد مع اقتباس
قديم 09-12-2007, 08:22 PM   #[4]
Haimoura
:: كــاتب نشــط::
 
افتراضي البو

البو
ربما نطق الكلمة يختلف قليلا من كتابتها ويمكن تسكين الواو..

وهو تحنيط وليد البقرة الميت واحضاره بالقرب من البقرة لتدر اللبن ...



التعديل الأخير تم بواسطة Haimoura ; 30-12-2007 الساعة 09:48 AM.
Haimoura غير متصل   رد مع اقتباس
قديم 12-12-2007, 11:53 AM   #[5]
فيصل سعد
:: كــاتب نشــط::
الصورة الرمزية فيصل سعد
 
افتراضي

كونشبر : قفة صغيرة يستخدمها المزارع في نقل التراب لسد الماء.
الهضليم : الشعر
التكم : قفل الباب.
الدوكه : مكان لوقد النار علي الارض.
التيوه : نواه ثمره الدوم
الدافوري : لعب كره القدم في شوارع او ميدان وسط الحله.
كدندارة : حشرة تطير حول الزرع
جربوكس : ترس ناقل السرعة في العربات.
دكوة : زبدة الفول السوداني.
مررو : فول حاجات ، فول مدمس
الدفتر : ورق شفاف رهيف يستعمل في نظافة النظارات



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 12-12-2007, 03:43 PM   #[6]
أشتر
:: كــاتب نشــط::
 
افتراضي

سمعت اغنية لمحمد النصري فيها كلمة العميوق
فما هو العميوق يا فيصل ؟



أشتر غير متصل   رد مع اقتباس
قديم 12-12-2007, 09:15 PM   #[7]
أشتر
:: كــاتب نشــط::
 
افتراضي

اقتباس:
المشاركة الأصلية كتبت بواسطة فيصل سعد مشاهدة المشاركة
الدفتر : ورق شفاف رهيف يستعمل في نظافة النظارات

no comment





اخوي عكود ... عُلم
وتسلم يا حبيب



أشتر غير متصل   رد مع اقتباس
قديم 14-04-2008, 11:42 AM   #[8]
مهند بشير
:: كــاتب نشــط::
الصورة الرمزية مهند بشير
 
افتراضي

اقتباس:
المشاركة الأصلية كتبت بواسطة فيصل سعد مشاهدة المشاركة

الدفتر : ورق شفاف رهيف يستعمل في نظافة النظارات
لاااااااااااااااااااااا
كدا ما صاح ابدا
دي تسأل منها الخواجه المهترهش داك
قطع شكك بلقى ليها تفسير


قول يا خواجه و ما تخجل
و كان خجلتا
رسلا في الخاص




التوقيع: ما طالما انو المطر بيصب طبيعي انو البحر ما راق
كما انو العكار من طين كمان من طين بيجي الرواق
مهند بشير غير متصل   رد مع اقتباس
قديم 30-05-2008, 03:25 PM   #[9]
طارق الحسن محمد
Banned
الصورة الرمزية طارق الحسن محمد
 
افتراضي

اقتباس:
المشاركة الأصلية كتبت بواسطة فيصل سعد مشاهدة المشاركة

الدفتر : ورق شفاف رهيف يستعمل في نظافة النظارات
خليك واضح وصريح
اصلا الورق صنع للف السجائر
واخوانا المساطيل بيستخدموه فى لف البنقو والحشيش
فيصل
بيت النضارة البيجى مع النضارة بيكون معه قطعة قماش صغيرة لمسح العدسات
بطل لف ودوران



طارق الحسن محمد غير متصل   رد مع اقتباس
قديم 15-08-2008, 03:20 PM   #[10]
محمد ديكور
:: كــاتب نشــط::
الصورة الرمزية محمد ديكور
 
افتراضي بعض ما اختزنته الزاكره

اقتباس:
المشاركة الأصلية كتبت بواسطة فيصل سعد مشاهدة المشاركة
كونشبر : قفة صغيرة يستخدمها المزارع في نقل التراب لسد الماء.
الهضليم : الشعر
التكم : قفل الباب.
الدوكه : مكان لوقد النار علي الارض.
التيوه : نواه ثمره الدوم
الدافوري : لعب كره القدم في شوارع او ميدان وسط الحله.
كدندارة : حشرة تطير حول الزرع
جربوكس : ترس ناقل السرعة في العربات.
دكوة : زبدة الفول السوداني.
مررو : فول حاجات ، فول مدمس
الدفتر : ورق شفاف رهيف يستعمل في نظافة النظارات
الاخ فيصل عليك السلام
تحيه وود
طبعا الموضوع كبير شديد ومتشعب الالفاظ او اللغه التى كادت ان تندثر لولا المجتهدين من امثالك وربنا يقدرنا كناس ريف نساهم ولو بقدر قليل من الكلمات الجديده القديمه
اللبقه:حاجز من الطين يستخدم فى الجدول ليجعل المياه تتدفق داخل حوض معين.
الهربه:حفره داخل حوض الرع تتشكل بفعل التششقات فى التربه وهى غير مرغوبه لانها تسرب مياه الرى لداخل التربه
التقنت:حاجز من التراب يصنع حول حوض الزرع لحفظ مياه الرى
السعن:وعا من جلد الماعز يستخدم لخش الروب
الفرصه:الزبده الى تقلى لصنع السمن
الغباشه:لبن مخشوش بالسعن



محمد ديكور غير متصل   رد مع اقتباس
قديم 18-05-2011, 09:59 AM   #[11]
ابراهيم المونة
:: كــاتب جديـــد ::
 
افتراضي

اقتباس:
المشاركة الأصلية كتبت بواسطة فيصل سعد
الدفتر : ورق شفاف رهيف يستعمل في نظافة النظارات



ورق البرنسيس: ورق شفاف رهيف يستعمل في نظافة النظارات وفي حاجات تاني....................حامياني



ابراهيم المونة غير متصل   رد مع اقتباس
قديم 12-12-2007, 09:26 PM   #[12]
أشتر
:: كــاتب نشــط::
 
افتراضي

اقتباس:
المشاركة الأصلية كتبت بواسطة Haimoura مشاهدة المشاركة
البو
ربما نطق الكلمة يختلف قليلا من كتابتها ويمكن تسكين النون ..
يا حيمورة ... ازيك
النون البنسكن فيها دي وين ؟ !!!
بالايجار ما لقيتا !!!
اديتنا الصقيعة ...

والصقيعة ... هي المكان الواسع الفسيح او الخلا
الخلا ولا الرفيق الفسل ...

والفسل ... هو الزول البخيل



أشتر غير متصل   رد مع اقتباس
قديم 30-05-2008, 03:32 PM   #[13]
طارق الحسن محمد
Banned
الصورة الرمزية طارق الحسن محمد
 
افتراضي

اقتباس:
المشاركة الأصلية كتبت بواسطة فيصل سعد مشاهدة المشاركة

المستراح: الادبخانة ، بيت الادب، الحمام

فيصل واحد صاحبنا دخل حمام فى الجامعة
لقى واحد كاتب كدة
ادبخانة
مستراح
بيت الادب
بيت الراحة
w c
( دورة مياه)
كنيف
فقال كثرة الاسماء تدل
على عظم المسمى



طارق الحسن محمد غير متصل   رد مع اقتباس
قديم 17-12-2007, 05:25 PM   #[14]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

اقتباس:
المشاركة الأصلية كتبت بواسطة فيصل سعد مشاهدة المشاركة
الاحباب الكرام :

تحية طيبة ،،

اتمني مشاركة الجميع في تسليط الضو علي المصطلحات العامية السودانية قديمها و جديدها و الامثال و الحكم و التراث و تبادل المعلومات حولها و بسم الله نبدأ :-

ود الاحد : المكان الذي يوضع فيه الجثمان داخل القبر.
الضانقيل : الطوب الاحمر.
الانداية : محل لبيع و تعاطى الخمور البلدية (مريسة ، عسلية، عرقي، كجومرو).
المريسة : خمرة بلدية تتكون من تخمير الذرة .
الصارقيل : دودة صغيرة تعيش في الطين تستخدم كطعم لصيد الأسماك.
المساير : الجزء الامامى للشعر فى المشاط.
العنقريب : سرير من الخشب ينسج بالحبال .
القرقريبة : تصنع من السعف وتستخدم في العواسه.
السعن : جلد يستخدم في حمل الماء او اللبن.
الصاج : قطعة من الحديد توضع على اربع حجارة وتعاس عليه الكسرة و الحلومر.
الكشف : المشاركة المادية فى المآتم و الافراح.
القدوم : آلة نجارة لقطع الاخشاب.



[rams]http://sudanyat.org/hageeba/sudanyat.org.ss034.wma[/rams]
ود الاحد : المكان الذي يوضع فيه الجثمان داخل القبر. ( ود اللّحد : وهو اللحد )
المساير : الجزء الامامى للشعر فى المشاط. ( الضفاير او السبايب )
القرقريبة : تصنع من السعف وتستخدم في العواسه. ( )
السعن : جلد يستخدم في حمل الماء او اللبن.أو السمن ( ويسمى القِربة ) و منها خشم القربة .
القدوم : آلة نجارة لقطع الاخشاب ( آلة قصيرة العود برأس حديد متعارض مع العود)



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 18-12-2007, 06:46 AM   #[15]
أشتر
:: كــاتب نشــط::
 
افتراضي

اقتباس:
المشاركة الأصلية كتبت بواسطة معتصم الطاهر مشاهدة المشاركة

القرقريبة : تصنع من السعف وتستخدم في العواسه. ( )
)[/color]
ازيك يا باشمهترش (زي ما سمعت عكود قال ليك كدا)
القرقريبة ما اعتقد بتُصنع طالما هي سعف ... يعني حاجة طبيعية لكن المش طبيعي تحرمنا من صوتك ...

اقتباس:
المشاركة الأصلية كتبت بواسطة معتصم الطاهر مشاهدة المشاركة

القدوم : آلة نجارة لقطع الاخشاب ( آلة قصيرة العود برأس حديد متعارض مع العود)
وهنا يا باش قطع الاخشاب بالفأس أو (الفرّار) والفرار أقل من الفأس حجماً والمهام التي ينجزها...
أما (القدوم) فيستخدم في كم غرض منها تقشير اللحاء وعمل (الفنيشينق) وحاجات تانية حامياني ..
والزول (المادّي قدومو) والله يكفينا شر (مد القدوم) دا زول حالتو صعبة ..
والزول العاوز قدوم برضو حالتو صعبة ..
وخلينا نسمع صوتك اذا ممكن !



أشتر غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 12:11 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.