Homless lottery winner‏ أو حكايات الناس في ال يو إس أي

[أميرى]

قبل يومين حايم في زقاقات أمدرمان نواحي المنصورة والرشيد
واخدين بالكم من العصر العباسي ده؟
فإذا بدفارات عليها كاكي كثيف و عكاكيز و سونكي و سياط عنج
لم أستبن حينها وجها بشريا واحدا يرسخ في البال
كانوا متشابهين شبه غريب
لحظة
الو؟
أهااا
الإجابه بشبهوا ود الداية
المهم شيلك ختك كو كرو رواكيب الغلابة تراب
والمسنة الستينية السمراء لم تجد ما تجد ما تزود به عن عريشتها وكانون الشاي و أكوابها المبعثرة و بمبرها الوحيد غير النظر للأرض بإنكسار عسي أن تجد الرب أسفل ناظريها
فكيف لمقصومة الظهر أن تطأ عيناها السماء؟
...
حملة عظيمه نفذها جند التتار والغنيمة شوية مروق كم لفة حصير شوية مشمعات و خيش كم منقد و شوية بنابر
وكثير من الدمع والدعاء

والآن نحيلكم لرحمة اولاد يو إس إي
بس اكتبوا في اليوتيوب
Homeless lottery winner‏ و تابعوا المقطعين البطلهم المتشرد العجوز الأسود

يمكن نعرف وقتها نحن ربنا ساختنا في جنس السودان ده لي

اللهم إني أحب الامريكان
فأحشرني مع من تحب أنت
يقوموا يطلعوا كفار و أتسيك و عشوشة الضحك يشرطها
...
طبعا المقدمة الطويلة اعلاها نظام تست ون ون
وكده
المهم ركزوا ف البهمكم في الكجيك الفوق ده

[الزوول]

المشاركة الأصلية كتبت بواسطة أميرى

المهم ركزوا ف البهمكم في الكجيك الفوق ده

كدي أول حاجة النقولك يا أميري أنا فاقدك عديل كدي
شفت كيف؟!!!
بعدين أحكيلك قصة صاحبي
واحد صاحبي من أيام الجامعة
زول كّلام وبتاع حنك ممكن يرسلوه لناس بوكو حرام ويحنكهم عادي ويخليهم يرجعوا البنات السبايا وهم يتخنجو بالبكاء
بس كان عندو مشكلة
انو بيرمش كثير جدا وبطريقة غريبة عجيبة
تجبر الزول يركز معاها وينسى الحنك السنين بتاع الراجل
المهم بعد فترة لقيت لي مخرج من الموضوع ده بأنو ما اعاين ليهو في وشو وهو يتكلم
...

المشاركة الأصلية كتبت بواسطة أميرى

قبل يومين حايم في زقاقات أمدرمان نواحي المنصورة والرشيد
واخدين بالكم من العصر العباسي ده؟
فإذا بدفارات عليها كاكي كثيف و عكاكيز و سونكي و سياط عنج
لم أستبن حينها وجها بشريا واحدا يرسخ في البال
كانوا متشابهين شبه غريب
لحظة
الو؟
أهااا
الإجابه بشبهوا ود ألداية
المهم شيلك ختك كو كرو رواكيب الغلابة تراب
والمسنة الستينية السمراء لم تجد ما تجد ما تزود به عن عريشتها وكانون الشاي و أكوابها المبعثرة و بمبرها الوحيد غير النظر للأرض بإنكسار عسي أن تجد الرب أسفل ناظريها
فكيف لمقصومة الظهر أن تطأ عيناها السماء؟
...
حملة عظيمه نفذها جند التتار والغنيمة شوية مروق كم لفة حصير شوية مشمعات و خيش كم منقد و شوية بنابر
وكثير من الدمع والدغاء

والآن نحيلكم لرحمة اولاد يو إس إي
بس اكتبوا في اليوتيوب
Homeless lottery winner‏ و تابعوا المقظغين البظلهم المتشرد الغجوز الأسود

يمكن نعرف وقتها نحن ربنا ساختنا في جنس السودان ده لي

اللهم إني أحب الامريكان
فأحشرني مع من تحب أنت
يقوموا يطلغوا كفار و أتسيك و عشوشة الضحك يشرظها
...
طبعا المقدمة الطويلة اعلاها نظام تست ون ون
وكده
المهم ركزوا ف البهمكم في الكجيك الفوق ده

اها زي دي
الاقيلا مخرج كيف
عشان اركز مع موضوعك الظريف ده
حلها كالتالي
يا اما تاني ما تكتب من موبايلك الشين ده
ويا اما تديني تصريح مفتوح اصلح الرمشة بتاعتك دى عشان ارجع اقرأ بى مزاج
...
اسع تلقاك تقول
بالله شوف الزوول ده مخلي الكجيك كلو وماسك لي في الغلطات الاملائية
ايه رايك آخد لي لفة واجيك راجع

[جيجي]

المشاركة الأصلية كتبت بواسطة الزوول

كدي أول حاجة النقولك يا أميري أنا فاقدك عديل كدي
شفت كيف؟!!!
بعدين أحكيلك قصة صاحبي
واحد صاحبي من أيام الجامعة
زول كّلام وبتاع حنك ممكن يرسلوه لناس بوكو حرام ويحنكهم عادي ويخليهم يرجعوا البنات السبايا وهم يتخنجو بالبكاء
بس كان عندو مشكلة
انو بيرمش كثير جدا وبطريقة غريبة عجيبة
تجبر الزول يركز معاها وينسى الحنك السنين بتاع الراجل
المهم بعد فترة لقيت لي مخرج من الموضوع ده بأنو ما اعاين ليهو في وشو وهو يتكلم
...


اها زي دي
الاقيلا مخرج كيف
عشان اركز مع موضوعك الظريف ده
حلها كالتالي
يا اما تاني ما تكتب من موبايلك الشين ده
ويا اما تديني تصريح مفتوح اصلح الرمشة بتاعتك دى عشان ارجع اقرأ بى مزاج
...
اسع تلقاك تقول
بالله شوف الزوول ده مخلي الكجيك كلو وماسك لي في الغلطات الاملائية
ايه رايك آخد لي لفة واجيك راجع

هسة يادكتور في داعي تورط نفسك جنس الورطة دي
انت ما عارف انه العين اتقلبت غين في مجالس اهل التمدن والتعصر
ولا قصدك تقول لي اميري
الفلهمة العوراء وشيل البطارية في القمراtongue:

[أميرى]

المشاركة الأصلية كتبت بواسطة الزوول

كدي أول حاجة النقولك يا أميري أنا فاقدك عديل كدي
شفت كيف؟!!!
بعدين أحكيلك قصة صاحبي
واحد صاحبي من أيام الجامعة
زول كّلام وبتاع حنك ممكن يرسلوه لناس بوكو حرام ويحنكهم عادي ويخليهم يرجعوا البنات السبايا وهم يتخنجو بالبكاء
بس كان عندو مشكلة
انو بيرمش كثير جدا وبطريقة غريبة عجيبة
تجبر الزول يركز معاها وينسى الحنك السنين بتاع الراجل
المهم بعد فترة لقيت لي مخرج من الموضوع ده بأنو ما اعاين ليهو في وشو وهو يتكلم
...


اها زي دي
الاقيلا مخرج كيف
عشان اركز مع موضوعك الظريف ده
حلها كالتالي
يا اما تاني ما تكتب من موبايلك الشين ده
ويا اما تديني تصريح مفتوح اصلح الرمشة بتاعتك دى عشان ارجع اقرأ بى مزاج
...
اسع تلقاك تقول
بالله شوف الزوول ده مخلي الكجيك كلو وماسك لي في الغلطات الاملائية
ايه رايك آخد لي لفة واجيك راجع

دكتور العوض سلامات
والله انا زاتي كانت مضرساني الغينات والظاظات دي من امس بس مروة تعديل كانت مافي ياخ إتا ما عارف ساي الظرف الإنساني الكنت البكتب تحت وطأته و وحاتك بالإضافة لي إني كنت بالع أنتي بايوتك و فلوتاب و عين فاتحة واختها النوم يقابضها
...المهم بعد طارت الفكرة و جات السكرة جينا استعدلنا ليك الحروف و راجين الألوف....

بعد كدة عتل قدح مونتك ساي وابقي مارق من هنا

[ود المامون]

[QUOTE=أميرى;605224]قبل يومين حايم في زقاقات أمدرمان نواحي المنصورة والرشيد
واخدين بالكم من العصر العباسي ده؟

...

.. الصديق الحبيب اميري

.. لك المحبة والسلام ..

.. .. في احياء ( عصر الرشيد ) .. شفت كيف التاريخ يعيد نفسه ... المرة دي برضو.. نكبة ( للبرامكة ) .. ( طائفة انصار الشاي ) .. !!!


.. مرحبا بعودتك وبالكجيك ... ولك الشوق ... يا جميل ..

.. كل الحب ..

[ناصر يوسف]

لأ يعني إنتَ هسي جاي منقط حروف كلامك الفوق ده وشايت شمال ويمين
ومودينا للعصر العباسي والمنصور والتتار وشنو شنو داك ،، في شان ستات كسره وملاح وستات شاي غلااااااااااااااابه جاتهم الكشة بتاعة النظام العام ولا ناس المحلية ؟؟؟

ياخي هسي أنا قلت الود أميري ده ( عليه اللــ ،،، ع ،،، ) هذا الوغد الجميل قد إتجلي وجاب ليه شيتاً جديد

ياخي قوم لِف كده ولا كده

المسألة برغم رفضي ليها ،، لكنها بقت عااااااااااادي جداً يا حبيب
زي إيصال المرور البقي عامل كتصريح عمل خاص لأي عربيه هايس ما مرخصة

يجي الزول السايقها من دغيش الرحمن يقيف قدام بتاع المرور ويقول ليه هاكا ياخ أقطع لي إيصال عشان ماشي أدور أشوف زرق الله ده يجينا من بدري

أحييييييييييييا ياخ من وجع القلب

قلت لي المره الستينية السمراء عاينت بإنكسار للأرض في شان تشوف الله يحلها من التتار ديل ؟؟؟

هو الله دحين مو شاااااااااايفها ياخ وشايف التتار ،،، وحتي الماااااااا تتار ظاااااااتهم الله شايفهم


الله في يا اخوي ،، الله في ياخ

[النور يوسف محمد]

بسم الله الرحمن الرحيم


بقرأ فى اللوحة دى ، تذكرته النكهات ،،
النكهات البقوم الصيادلة يضيفوها على أدوية الأطفال ،
عشان شويه يخفف عليهم طعم المرارة ،
أها ياخى ، كتر خيرك ،
نحن بقينا زى الاطفال ديك ،
أوجاع البلد دى بقينا ما بنقدر نستسيغا ( اسكتو ) كده ،
لو ما كسروها لينا بى (لايم جوس ) ولّ تلج إن شاء الله ،،
حا تودينا فى ستيم داهية ،

واحده فى الواتس
رسلت لمجموعتا رسالة
قالت ليهم يا حماعة
( أبى رسائل حب رسائل عشق ،
الموت ، النار ، جهنم ، لظى ، شالسالفة ،
ترى هادى رقمى مو رقم أبو لهب )

شكراً يا أميرى ،
شكراً على المعاناة ،،، بنكهة الفراولة ،،،،،،

[أميرى]

[quote=سيد احمد محمد علي المامون;605231]

المشاركة الأصلية كتبت بواسطة أميرى

قبل يومين حايم في زقاقات أمدرمان نواحي المنصورة والرشيد
واخدين بالكم من العصر العباسي ده؟

...

.. الصديق الحبيب اميري

.. لك المحبة والسلام ..

.. .. في احياء ( عصر الرشيد ) .. شفت كيف التاريخ يعيد نفسه ... المرة دي برضو.. نكبة ( للبرامكة ) .. ( طائفة انصار الشاي ) .. !!!


.. مرحبا بعودتك وبالكجيك ... ولك الشوق ... يا جميل ..

.. كل الحب ..

الحبيب ود المامون
الربط العجيب بين البرامكة و طائفة أنصار الشاي والحي الذي هو بإسم سيد الشي زاتها لا ينقصه إلا سحابة عابرة تتابعها أبصار الأمير و تنهال هي بخراجها...علينا أولا...أما الدولة !!! فستلبس عمامتها و...سنزفها عروسا للمشانق.... قريبا

[جيجي]

المشاركة الأصلية كتبت بواسطة أميرى

قبل يومين حايم في زقاقات أمدرمان نواحي المنصورة والرشيد
واخدين بالكم من العصر العباسي ده؟
فإذا بدفارات عليها كاكي كثيف و عكاكيز و سونكي و سياط عنج
لم أستبن حينها وجها بشريا واحدا يرسخ في البال
كانوا متشابهين شبه غريب
لحظة
الو؟
أهااا
الإجابه بشبهوا ود ألداية
المهم شيلك ختك كو كرو رواكيب الغلابة تراب
والمسنة الستينية السمراء لم تجد ما تجد ما تزود به عن عريشتها وكانون الشاي و أكوابها المبعثرة و بمبرها الوحيد غير النظر للأرض بإنكسار عسي أن تجد الرب أسفل ناظريها
فكيف لمقصومة الظهر أن تطأ عيناها السماء؟
...
حملة عظيمه نفذها جند التتار والغنيمة شوية مروق كم لفة حصير شوية مشمعات و خيش كم منقد و شوية بنابر
وكثير من الدمع والدغاء

والآن نحيلكم لرحمة اولاد يو إس إي
بس اكتبوا في اليوتيوب
Homeless lottery winner‏ و تابعوا المقظغين البظلهم المتشرد الغجوز الأسود

يمكن نعرف وقتها نحن ربنا ساختنا في جنس السودان ده لي

اللهم إني أحب الامريكان
فأحشرني مع من تحب أنت
يقوموا يطلغوا كفار و أتسيك و عشوشة الضحك يشرظها
...
طبعا المقدمة الطويلة اعلاها نظام تست ون ون
وكده
المهم ركزوا ف البهمكم في الكجيك الفوق ده

اميري
المكتوب في ضميري
يازولل نحن بقينا دمنا تقيل ومابنتحنن-قاصدة حنة ابوبكر
انت ماشفت اليومداك الاستاذة بدية بتنبح كيف والناس واقفة تعاين ليها زول ساي رفع ايده معاها مافي وقلبها عايز يتقطع على ولدها الحابسنه في قفص واحد
مع كلاب الامن
ولا ماشفت امالشهيد طالب الثانوي ولدها مجدوع زي البهيمه المضبوحة في نص الشارع بملابس المدرسة ولا ما شفت الناس البتاكل من الكوش وساكنة الخيران ولا ماشفت ولا ماشفت
ثم انه
ازيك ياخ

[حسين عبدالجليل]

المشاركة الأصلية كتبت بواسطة أميرى

قبل يومين حايم في زقاقات أمدرمان نواحي المنصورة والرشيد
واخدين بالكم من العصر العباسي ده؟
فإذا بدفارات عليها كاكي كثيف و عكاكيز و سونكي و سياط عنج
لم أستبن حينها وجها بشريا واحدا يرسخ في البال
كانوا متشابهين شبه غريب
لحظة
الو؟
أهااا
الإجابه بشبهوا ود الداية
المهم شيلك ختك كو كرو رواكيب الغلابة تراب
والمسنة الستينية السمراء لم تجد ما تجد ما تزود به عن عريشتها وكانون الشاي و أكوابها المبعثرة و بمبرها الوحيد غير النظر للأرض بإنكسار عسي أن تجد الرب أسفل ناظريها
فكيف لمقصومة الظهر أن تطأ عيناها السماء؟
...
حملة عظيمه نفذها جند التتار والغنيمة شوية مروق كم لفة حصير شوية مشمعات و خيش كم منقد و شوية بنابر
وكثير من الدمع والدعاء

والآن نحيلكم لرحمة اولاد يو إس إي
بس اكتبوا في اليوتيوب
Homeless lottery winner‏ و تابعوا المقطعين البطلهم المتشرد العجوز الأسود

يمكن نعرف وقتها نحن ربنا ساختنا في جنس السودان ده لي

اللهم إني أحب الامريكان
فأحشرني مع من تحب أنت
يقوموا يطلعوا كفار و أتسيك و عشوشة الضحك يشرطها
...
طبعا المقدمة الطويلة اعلاها نظام تست ون ون
وكده
المهم ركزوا ف البهمكم في الكجيك الفوق ده

تحياتي ياأميري:

وسعيد بوجودك هنا و أتمني أن تكثر منه .

بمناسبة الاميركان, هم عندهم تعبير يصلح استخدامه هنا وهو "داعية/محامي الشيطان". ودا الزول الذي عندما يتفق الناس كلهم علي حاجة محددة يكون هو المشاتر الوحيد و يتبني وجهة نظر مختلفة و مشاترة خالس .

أها أنا ح أبقي لك داعية الشيطان في البوست دا .

الاميركان بعد مئات السنين قضوها في قتل مواطنيهم الهنود الحمر و العبودية القاسية للسود , أصبح عندهم دولة رحيمة بكل مواطنيها و شعب غالبية أناسه العاديون لايهتمون الا بأنفسهم , ونحن عندنا حكومة قاسية و فاسدة و شعب رحيم ببعضه (لو قارنته بكل شعوب الارض الاخري ستتضح لك هذه الحقيقة الناصعة) . شوف العدل الالهي دا كيف ؟

المشردون ينتشرون في معظم المدن الامريكية وعددهم يزيد علي النصف مليون, و يوجدوا في واشنطون حتي علي بعد مرمي حجر من البيت الابيض . بعضهم فقرء جدا و بعضهم سبب تشردهم لاعلاقة له بالفقر بل بسبب مشاكل عقلية/نفسية . حوالي خُمس المشردين الرجال هم من المحاربين القدماء , فقد بعضهم عقولهم في حروب أمريكا بفيتنام و العراق و أفغانستان .