شيخ التشيكس

[همس الشوق]

المشاركة الأصلية كتبت بواسطة فتحي مسعد حنفي

الفرق هنا في العين كعبة الله بتكون بسكون العين وكعبة ود مخير بفتح العيين انتي ما سمعتي زول بقول الحاجة دي كعبةوهي دي الخباثة ذاتا وأنا ود مخير دا عاجنو وخابزو وكان كحا بعرف داير يقول شنو وغايتو أنا نبهتك وانتي بعد دا حرة والبغر بالغين وانتي كتبتيها صاح

[align=center]اشكرك ........... حتى آخر حرف ......

عاد اقول شنو انت قلته خابزو وعاجنوا .......[/align]

[فتحي مسعد حنفي]

المشاركة الأصلية كتبت بواسطة حلم الاماسي

[align=center]اشكرك ........... حتى آخر حرف ......

عاد اقول شنو انت قلته خابزو وعاجنوا .......[/align]

وخليتو في الفرن لامن اتحرق كمان. ولا شكر علي واجب وانا شايفك بي نفس اسلوب بتي آلاء عشان كدا لازم أحافظ عليك من الخبثاء ديل

[همس الشوق]

المشاركة الأصلية كتبت بواسطة فتحي مسعد حنفي

وخليتو في الفرن لامن اتحرق كمان. ولا شكر علي واجب وانا شايفك بي نفس اسلوب بتي آلاء عشان كدا لازم أحافظ عليك من الخبثاء ديل

بجد حته انك زي بتي دي حركت كل المشاعر الجميلة جواي ....خصوصاً وان يتيمة الاب ........... فلك منى كل احترام وتقدير ومشاعر البت البحب وتقدر ابوها ......... وكل فروض الولاء والطاعة

ودمت اباً افاخر بك الامم

[فتحي مسعد حنفي]

المشاركة الأصلية كتبت بواسطة حلم الاماسي

بجد حته انك زي بتي دي حركت كل المشاعر الجميلة جواي ....خصوصاً وان يتيمة الاب ........... فلك منى كل احترام وتقدير ومشاعر البت البحب وتقدر ابوها ......... وكل فروض الولاء والطاعة

ودمت اباً افاخر بك الامم

يابتي علي الرغم من انو مافي زول بيعوض عن الأبو لكن أعتبريني في مقام والدك الممكن تلجئي ليهو في أي وقت وفي أي حاجة تصادفك ودا كلام جد ما هزار وأنا يشرفني انك تكوني أخت جديدة لي بناتي أمينة وآلاء

[همس الشوق]

المشاركة الأصلية كتبت بواسطة فتحي مسعد حنفي

يابتي علي الرغم من انو مافي زول بيعوض عن الأبو لكن أعتبريني في مقام والدك الممكن تلجئي ليهو في أي وقت وفي أي حاجة تصادفك ودا كلام جد ما هزار وأنا يشرفني انك تكوني أخت جديدة لي بناتي أمينة وآلاء

[align=center]وأنا لي عظيم الشرف

واشكر نبل مشاعرك [/align]

[بابكر مخير]

الطيب، طيب الأسماء
حلاوة إسمك تتناسب وشخصك، ما شاء الله
وربنا يحفظك بعقلك وعلمك ومعرفتك
ما عارف لكن ما أظني وصفتو كظاهرة، أوافقك في ما ذهبت اليه في حكاية شيوخنا بعد النصف التاني من القرن المنصرم، عاشو عيشة بذخ
(أمشي يا مجنون - فتحي الهندي - نط وقل ليا قاصدك وكتبت بذخ وقاصد البذنجان، آها عشان يعرفو أنك دروشتا،،، إتا حلبي يعني لونك لون الحلب والبذنجان أسود أكثر الي لون البنفسج، إلا تكون من ناحية الريحة،،، ما طيبك ذي البنفسج)
ذي ما إتفضلت ايضا! لابد أنو الناس تفرق ما بين عصر وعصر، لكن أنا القصدتو أنو وخاصة الدعاة لإستقامة لابد أن يكونو قريبين من الناس وأن لا يستغلو أحبائهم كما أنه يستوجب عليهم الفصح بالشفافية التامة، لست أن يتسترو على أموالهم ويعيشو مترفعين حتى ولو من ناحية المسكن عن جيرانهم
يا أخي تصور رئيسنا العيش الرغد العايش فيهو وشوف أستاذو العلمو يالقلم وين (ضرب مثل فانا لا أعرف من درسه)
شكرا ليك الحبيب ومن إسمك أقول إتا ذاتك صوفي

[فتحي مسعد حنفي]

المشاركة الأصلية كتبت بواسطة Babiker Mukhayer

الطيب، طيب الأسماء
حلاوة إسمك تتناسب وشخصك، ما شاء الله
وربنا يحفظك بعقلك وعلمك ومعرفتك
ما عارف لكن ما أظني وصفتو كظاهرة، أوافقك في ما ذهبت اليه في حكاية شيوخنا بعد النصف التاني من القرن المنصرم، عاشو عيشة بذخ
(أمشي يا مجنون - فتحي الهندي - نط وقل ليا قاصدك وكتبت بذخ وقاصد البذنجان، آها عشان يعرفو أنك دروشتا،،، إتا حلبي يعني لونك لون الحلب والبذنجان أسود أكثر الي لون البنفسج، إلا تكون من ناحية الريحة،،، ما طيبك ذي البنفسج)
ذي ما إتفضلت ايضا! لابد أنو الناس تفرق ما بين عصر وعصر، لكن أنا القصدتو أنو وخاصة الدعاة لإستقامة لابد أن يكونو قريبين من الناس وأن لا يستغلو أحبائهم كما أنه يستوجب عليهم الفصح بالشفافية التامة، لست أن يتسترو على أموالهم ويعيشو مترفعين حتى ولو من ناحية المسكن عن جيرانهم
يا أخي تصور رئيسنا العيش الرغد العايش فيهو وشوف أستاذو العلمو يالقلم وين (ضرب مثل فانا لا أعرف من درسه)
شكرا ليك الحبيب ومن إسمك أقول إتا ذاتك صوفي

والله العظيم يابابكر انا فاهم كل الانت قلتو وعارف كمان البيدور في راسك وانا عارف انك ما قلت ظاهرة وانا قلت شاركت في بوست عصمت من بعيد والبوست داك عنوانو ظاهرة شيخ الامين يعني ما انت المقصود بالكلام لكن أنا المزعلني والكان في يوم من الأيام سبب يخليني أخش في مشاكل مع ناس سودانيز اون لاين انو في ناس بيلفحوا الكلام ويخشوا يهاجموا أو يمدحوا حسب رؤية صاحب البوست يعني كان في تور وقع كل زول تلقاهو جا ساني سكينتو وعايز يلقي ليهو طعنة فيهو وهو من الأساس ما عارف عن الموضوع الا السمعو من الناس ودي صفة بشرية انو الزول بيمشي علي راي الانسان البحترم رأيو حتي لو المرة دي غلطان لأنو في نظرو الزول دا ما بيغلط.
عشان كدا أنا كنت بتفرج وما عايز أدخل في تقييم شيخ الأمين كأنسان أو ظاهرة أو أي شي تاني عشان ما أدخل في جدال بيزنطي ساكت علي الرغم من اني أنا البعرف الزول دا شخصيا ما الناس الكتبو ديل وحتي لو فيهم زول حضر ليهو حضرة لكن ما قعد وناقشو وعرف في راسو في شنو عشان كدا التقييم ما بكون دقيق وممكن يكون فيهو ظلم وتجني علي الراجل.
أظني وضحت ليك وجهة نظري وكفي.
اتكلمت مع مجدي ولا لسة شاريهو؟أنا غايتو قايم بكرة ولغاية هسع ما عارفك مسافر ولا لأ وما عارف انت بتتهرب من الاجابة ليه.

[بابكر مخير]

فتحي مسعد حنفي
كيف السودان وناساتو
بالله عليك والوصا بالمهلة
تمشي تزور حي البنا في أمدرمان وتسأل،،، يا زول ولا بتحتاج تسألا، بس شوف ليك عربيات سمحة كدي ذي الفي مسلسل beverly hills وباريهم بيودوك لبناية فخمة، خضراء، برحة، قمة في التصميم، ما بتشبه الخرابات الحوالينا، قداما رتل من السيارات الفخمة، الفاخرة، الغالية.
هناك دا هو هو المكان المقصود
ولا يازول أقول ليك قول
أنده قول يا شيخ الأمين، أنا وين،
بيجيك براهو، بالمرسيدس الماخمج، وبدي قارداتو body guards ونضاراتو وتلفوناتو وبلوتوساتو، أكان بسمعاتو ولا ساكت
وإتا يا الحبيب أقعد ساكت وعاين
بس لمن ترجع بالسلامة، عايزيين منك تقرير
عارفك حتندم أنك ما ندهتو أيام الإنتخابات عشان يلحقك ويفزعك
إنشاء الله السودان إنستر
على آي حال أنا متأكد أنو أبو رحيق طيب خاطرك وونسك

[بابكر مخير]

من شيخ التشيكس 180 درجة للحبيب الشيخ الأمين
حلقة جديدة بعد التحول
رؤية جديدة لحقيقة الشيخ
محبة جديدة إتولدت
ريدا صادقة إتخلقت
بعد إسبوع والمية وتمانين درجة في البوصلة تشوفها كيف قلبت

[فتحي مسعد حنفي]

الحبيب بابكر ما غيرك 180 درجة بعد مقابلتك لشيخ الأمين سبق وغيرني 360 درجة بالنسبة للصوفية ككل وليس شيخ الأمين وحسب.قبل 13 عاما. وأنا في غاية الشوق لقراءة تجربتك وكلي فخر بشجاعتك التي لم تكن موضع شك في أي فترة من فترات صداقتنا الا حين أطلقت ساقيك الي الريح أمام الزملاء الكبابيش (لقب كنا نطلقه علي العرب في تلك الفترة)يوم كدت أن تقع في كمين في براتسلافا.
لك مودتي وما تنسي الاتصال بدكتور كامل عشان أم راشد زانقاني.

[بابكر مخير]

ود أختي الكنت طريتو في بداية الموضوع، قال ليا: شيخ الأمين عاوز يلاقيك لمن تجي السودان.
ياالله، يلاقيني وين
عندو في الزاوية
ومتين
يوم الذكر والدرس
طيب يا ولدي ما حيكونو كل حيرانو موجودين وإتا ما في الخرطوم
لا يا خال ما في مشكلة

هنا الكلام ما وقع ليا،، يعني محمد ما في الخرطوم وشيخ الأمين عاييزني عندو في الزاوية ولسة أنا متذكر الشباب الخمسة ، الما شاء الله، أجسام كيف وطول وعرض وشكلهم وليدات هاشم بدر الدين (ناس كونفو وكراتي وتايكوندو وعفص ورفسي وفرم عديل)
إتولكلت علي الواحد الاحد، ويا زول دقا تفوت ولا حد يموت (دي كلمة كان بروفسر قاسم بدري دايمن بيقولا ليا لمن نكون زايقين السينما دون إذن،،،،، لكن البحصل الدقا بتجي وما بتفوت وأنا كنتا بكون قريب من الموت)
قلت البس جلابية أنصارية، ما الحكاية في ود نوباوي وممكن القى ليا حجاز، قلت لا بالبنطلون الجري بيكون أسهل.
مشيت، أتلبد لقيت ليا شاب وسيم، لابس هدوم عادية، لسة ما لبس الينوفورم وبي صوت متقطع كدا سألتو، يا أخي في الحقيقة، والله يا ولدي، يا شاب، 3 دقايق أتمتم وفي بالي العلقة الساخنة.
الشاب قاطعني، إتا دكتور مخير
إتلفتا وراي عسى يكون في زول تاني وأنا أذوق، لكن الشارع فاضي.
نعم أاأناا (كلمة نعم دي بتذكر أخر مرة إستعملتها في حياة الوالد) يا هو الإتا قولتو دا
الشيخ منتظرك
ياااخي ما إتو الليلة مشغولين بالذكر بجي مرة تانية (في اللحظة دي ظهرو تلاتة شباب والغريبة أنهم مبتسمين،،، قلتا أكون أنا الغربان بتاع حلقة الذكر لليوم دا)
عرفوني بنفسهم وسربع كدا أدوني ال cv بتاعتهم، شي هندسة وشي محاسبة،،، الغريب في الامر الوحيد العاطل كنتا أنا
دخلت الصالون، جلست والولد مؤدب، الركب ملصوقه واليدين مختوتات فوق الركب والعيون تحفر في الواطة، لا لفتا شمال ولا يمين، بس الزول المقديمنو للسياف، يعني مادي رقبتي ذي نص مسطرة عشان أسهل العملية وما تبقى عليا قصة صدام حسين.
حسيت بي نسمة ولا رطوبة ولا رعشة كدا في جسمي، أها يا ربي دي الجنة بعد راسي إنقطع،،،، عندي وهم شديد أني حأكون من رفقاء الصديقين والشهداء.
طلع إستنتاجي غلط، لمحتا قامة ممدودة قدامي، إنحنت بأدب مبالغ، رد فعل طبيعي وقفتا.
لقيت نفسي في وش الشيخ، للحظة لو سألني زول الشيخ شكلو كيف،،، أكون كضاب لو قدرتا أقول.
طايبني، حياني وقعد قدامي.
يا دكتور والله أنا كنت في الحج والشباب حكو ليا عن مواضيعك
(انا لو ما كنت بسذاجة بستعمل إسمي كتوقيع،،،، كنتا نكرتا ورميت القصة في زول تاني،،، لكن ما مغرور الود يعني بيكاسو بيمضي لوحاتو)

في الحلقة الجاية القصة حتستمر

[فتحي مسعد حنفي]

غايتو ياود مخير أنا لو كنت هناك كنت مت بالضحك لأني عارف البير وغطاها...ما هو أصلو سألني عنك لما مشيت قابلتو في السودان وفاجأني بمعرفتو بكل عايلتك لانو أول سؤال قال لي بابكر دا مش برضو أبوهو عميد كلية الصيدلة الأسبق....يعني الراجل عارفك كويس..
غايتو أنا قلت ليهو عنك الفيها النصيب وحاولت أفهمو انك زول فرغان ساكت وبعد مرات بتخرف وكان هو بيضحك فقام قال لي الظاهر انكم أصحاب شديد فقلت ليهو للأسف دي حقيقة ودا طبعا عشان لو في مصيبة كلمة للأسف دي تمرقني بي طولي..فهمت يادوك قالوا الخواف ربي عيالو وبعدين برضو سألني عن خالد الحاج وعصمت العالم وطلب مني أبلغهم تحياتو وانو مسامح في كل القالوهو عنو وهو اصلا كان سامحهم لوجه الله وهو واقف أمام البيت الحرام في الحج..في الحقيقة أنا وصيتو بلغتها لأخونا خالد الحاج أما عصمت فقد علمت بأنو الوصية وصلتو بطريقة اخري لا داعي للخوض فيها.
واصل يا رفيق بس بدون هز راس

[بابكر مخير]

شيخ الأمين حاولت أتوكد في شكلو عشان أشبهو
الراجل لمن خجلني حاولت بي جاي وبي جاي وعيني ما وقعت في عينو، ناس الصوفية ديل عندهم أخلاق لمن تحيرك، الزول يكون كبير شأن وحوالينو دنيا بي حالها وهو بس بعاين تحت، سبحان الله
ناس إحنا ديل ذي الرايحا ليهو حاجة، رأسو بس التقول بيتفرج في كرة طاولة، شمال يمين، تحت فوق.
آها لمن قال ليا أنو كان في الحج والشباب حكو ليهو، قلت أكيد "لبسوها طرطور وشيلوها ساطور" قالو القلتو وما قلتو، لكن الشيخ لمن خلعني؛ قال ليا:
عجبني إسلوبك القصصي وقلت لي الشباب، الزول دا قال الحاجة الشافها.
أنفرجت أساريري وهلت الفرحة في وشي، أظن يكون مولانا الشيخ ذاتو لاحظها، لأنو من تحت تحت كدا ذي أداها بسمة،،، بس حقيقةٍ لله الشيخ تسمع ضحكتو من خلال تحرك وجناتو، ما هو زول ينبع أدب، لا قهقهة ولا ضحكة بصوت عالي
لمن يتكلم بتسمعو وأنا بي فضولي ومقهي في وشيهو، لكن ما أظن قدرتا أشوف سنونو ولا حتى شفايفو بتتحرك.
كل كلمة إتقالت سمعتها بوضوح، كلام سلس، رطب، يعني ذي التكون حران وتتلفا ليك بي توب خفيف مرشوش بي موية،،،، كتيرين بتذكرو القصة دي في رمضان وفي زنقة الحرايا.
الشيخ قامة ما شاء الله، طول والحكاية دي بتزيدو هيبة وختت النضارة
كنت عندي مواعيد ولمن جيت من الاول قلت أني مستعجل وحاخد من وقت الشيخ القليل (طبعن إعتذار حضاري) لكن الشيخ وبي ثقة وكلام زولن متأكد أنو المتلقي ما حيرفض قال ليا: طبعن حتحضر معانا الذكر.
قال ليك بابكر مش لا شعوريا ولكن بكل صدق إحساس وتأكد شديد يمكن يصل حد الاصرار قلتا: ضروري يا شيخنا
إتخدرتا، إتلخبتا، شرقتا، نمت مغنطسيا والله لي حسي ما عارف
في تمام الساعة خمسة وهو الوقت لبدء حلقة الذكر، جاء احد الأحباب وخاطب الشيخ على مسمعمنا جميعن الموجودين قائلا:
الساعة خمسة والناس جاهزة
رد الشيخ: خلونا كمان خمس دقايق مع الدكتور
قول ليا دي تأثيرا عليا كيف؟؟؟؟؟؟
يا زول نفختا ليك صدري وإتنحنحتا،، عظمة يا زول ساكت،،،،
لا الأدهش من دا كلو
الشيخ قال ليا يعني موضوع التدخين إحنا أخدنا فيهو خطوة متقدمة،، منعنا التدخين قبل الدخول لحدود الزريبة (حلقة الذكر)
من باب الونسة قلت ليهو: أنا مع العلم أني أصدرت كتيب عن التدخين لكني بدخن.
الشيخ قال لي واحد من الشباب الحلويين المعاهو: كدا شوفو لو تلقوا ليكم طفاية تجيبوها للدكتور.
(يا أخي هو في زول بعد العظمة والكلام السمح دا بيقدر يعصي ليك أمور)
طبعن أنا في بعض الاحيان بدهش نفسي وبتفوق عليها تأدبا ولطفا وظرفا، وكان ردي: يا شيخنا معقول أنا أكون سبب في كسر قاعدة سمحة ذي دي إتا بي ذاتك ختيتها،،،، وإتحملت الخرمة (يمكن والله ما أكون إتذكرتها إلا بعد ما حضرت الذكر بالكمال).

نواصل تاني ولغاية ما نصل لي المية وتمانين درجة الحولت القصة من الي

[همس الشوق]

والله يا دكتور ضحكت جنس ضحك

ونحن في شوق لمعرفة النهاية السعيد بينك وبين شيخ اللمين ..............


وبركاتك يا شيخنا ................ شيخ اللمين



حته جاده :
دايما الناس بتظلم لاسباب قد تكون ظاهرة وربما مستتره ولكن الاجمل ان تتحول تلك المشاعر المشغوشة وتأخذ طريقها السليم من على القرب وفي صحبة اهلها
لك وله كل الاحترام والتقدير

[بابكر مخير]

المشاركة الأصلية كتبت بواسطة حلم الاماسي

والله يا دكتور ضحكت جنس ضحك
ونحن في شوق لمعرفة النهاية السعيد بينك وبين شيخ اللمين ..............
وبركاتك يا شيخنا ................ شيخ اللمين
حته جاده :
دايما الناس بتظلم لاسباب قد تكون ظاهرة وربما مستتره ولكن الاجمل ان تتحول تلك المشاعر المشغوشة وتأخذ طريقها السليم من على القرب وفي صحبة اهلها
لك وله كل الاحترام والتقدير

إبنتي الحبيبة آماسي
ما أظن تكون هناك نهاية، لأنو دي البداية وبي صفحة جديدة
صفحة إبتدت عشان تتمدا وتمتدا

حتة جادة
الناس بي طبعها ظلامة وقليل البتفتح ليها ضو الحقيقة
الحقيقة في مرات مرة وجارحة
لكن فيها برضو رؤيا ووضوح
فيها السمح المخفى وفيها القبيح السنيح
فيها البدورهو الناس وفيها البعض الناس تخافو
فيها لعبة السلم والثعبان
شيتن يرفع فوق وشيتن يجيبك الواطة