خريجو جامعة أسيوط لمزيد من التواصل

[imported_muntasir hassan]

المشاركة الأصلية كتبت بواسطة الزوول

السلام عليكم
يبدو انني وبدلاً من ون تو مع ميكي
سالعب بالمهارات الفردية
لأبقاء البوست عالياً

الجزء الثاني من صورة خريجي سوبا

العزيز الزول حيرته الناس انت من ياتو كليه مره سوبا ومره الجمعيه صور ناس الجمعيه وعرفنا انك كنت فى مكتب الاسره وكنت مسئول من طبع وتوزيع الصورلكن ياخائن واضح انك كنت بتطبع نسخه زياده فماهى علاقتك بسوبا وانت من مدنى. بالمناسبه انت والاخ طارق حماد مابتردو على التلفونات ياخى بطلوا الطمع الايام دى الدزلار نايم وعملتكم اخار حلوه بالصلاة على النبى..

[imported_مكي محمد الحسن]

تررن ...تررن
الو ....
السلام عليكم معاي مكي
نعم معاك ..منو معاي
معاك محمد الطيب
محمد ااطيب منو؟
محمد الطيب عبد الله
محمد الطيب عبد الله ..ما عرفتك
يا مكي انت نسيت الناس ولا شنو ؟ محمد الطيب زميلك في اسيوط
اهلا محمد كيف حالك محمد الطيب متصل من وين؟
من دبي بالامارات العربية المتحدة
انت وين ؟
انا في كندا
بالله كيفنك يا محمد واخبارك ؟ انت قريت بوست سودانيات !
نعم ورسلت ليك e-mail وبسال عنكم والله وعن د.صلاح
.....
مكالمة من الاخ محمد الطيب عبد الله صباح يوم الاحد 20 يناير 2008 الساعة 2:45 صباحا بتوقيت وسط كندا..
يا لهذا الزمن الجميل ..زمان اهلنا قالوا ( السكة حديد قربت المسافات ) ومال اسع مع الانترنت ده والتلفونات يقولوا شنو؟؟
اخي محمد الطيب عبد الله حبابك في بيتك الاسيوطي ...لكنني لم اجد رسالتك البريديه ارجو ارسالها علي :
mekki15@hotmail.com
or makook98@yahoo.com

تخريمة:
د.الزوول صورة بالله للاخ محمد الطيب لو عندك؟
يا اخوانا انتو وين البروف ...غرق في امطار مكة المكرمة الاخيرة دي ولا شنو؟

[imported_مكي محمد الحسن]

الاخوة والاخوات الاسايطة
السلام عليكم
بعد رحلة الي الوطن العزيز عاد الوجيه مزمل فزع واسرته الكريمة محملا بالاخبار والصور الاسيوطية
سوف اوافيكم بها تباعا ...د.الزوول اصحي يابريش للاخبار والون تو!
في ليلة من ليالي الخرطوم وفي منزل الاخ الباشمهندس جوهر ادم الطاهر التقي هؤلا الاخوة والاخوات الاسايطة يتبادلون التحايا والقفشات والاخبار ...


الاخ مزمل محمد ابراهيم فزع



الباشمهندس جوهر ادم الطاهر وابنته
لسع الصور بالكوم فيها اسايطة غير الدهر منهم في الملامح ..فاصبروا ورابطوا معنا بالجوار

[imported_مكي محمد الحسن]

يا صاعيدة ازيكم
بعض من شحتفه ...عشان ناس البروف لما يمشوا السودان يعملوا كده يجيبوا الصور والاخبار مش نديكم ليها نحنا من كندا ؟؟



الصورة بعيدة شوية لكن اي شخص فيها سوف انزل لكم صورته لوحده وهي تجمع كل من:
من اليسار لليمين:
عمر ابو دم - نادر احمد عيسي - زهير حسان ابوعاقلة ابوسن - وصلاح هجو
التلفونات سوف انزلها مع صورة كل واحد فيهم
لسع في اسايطة كتار مفاجأت بالكوووووووووووووووم؟!!

[imported_مكي محمد الحسن]

هذه الصورة لاسيوطي من الزمن الذي سبقنا هل منكم من يذكره؟؟


انه الاخ / صلاح هجو وابنائه



من اليمين :زوجة الاخ صلاح هجو وابنائة ثم الاخت هاجر حسين زوجة الاخ مزمل فزع وابنتهما

لسع التقيل قدام ...مفاجاءءءءءءءءءءءءءءءءءءءءءءءت

[imported_مكي محمد الحسن]

الاخ الباشمهندس جوهر ادم الطاهر وحرمه نور
رجل عصامي كريم ..غضب معاتبا لشخصي عندما علم بانني اتيت للزواج في السودان عام 2005 وبالرغم عن سؤالي عنه وعن الكثير من الاخوة والاخوات من اسيوط الا انني لم استطع مقابلة اي منهم تعددت في ذلك الاسباب ولكنني الملام فللجميع المعزرة والسماح.ولكنني ذهبت الي السودان بعد غياب 15 عاما بالتمام والكمال كحالة اخي مزمل فزع 17 عاما بالكمال والتمام...
الذي اريد ان اذكره ان الاخ الباشمهندس جوهر ادم الطاهر وحرمه نور قد قام بزيارة زوجتي غاده النور ابوالقاسم في بيتهم ببيت المال وقاموا بدعوتهم الي عشاء بمنزلهم جمع له جوهر الكثير من الاخوة الاسايطة وأسرهم ...لقد ذكرت ذلك من قبل في الحوش السابق ...واكرره لان جوهر من الاسايطة الهميمين متواصلا مع الكثيرين في السودان وخارجه وهاهوا مزمل فزع يعود بالاخبار بعد تلكم الدعوة التي لبها عدد من الاسايطة سأوافيكم بأخبارهم وأرقام تلفوناتهم تباعا..



الاخت نور حرم الباشمهندس جوهر أصبحت أسيوطية في تواصلها وزوجها بالعديد من الاسايطة وأسرهم نيابة عنكم نسجل لها الشكر والعرفان.



وللاخ الباشمهندس جوهر ادم الطاهر

كباشي الحاج ومنير من تجارة اليكم هؤلا......
عاصم شبارقة ...من علوم اليك هؤلا ....
من معهد تجاري ..
ومن قانون...
ومن بيطرة ...
ومن أسيوط تابعوا معنا

[imported_شبارقة]

المشاركة الأصلية كتبت بواسطة مكي محمد الحسن

كباشي الحاج ومنير من تجارة اليكم هؤلا......
عاصم شبارقة ...من علوم اليك هؤلا ....
من معهد تجاري ..
ومن قانون...
ومن بيطرة ...
ومن أسيوط تابعوا معنا

دائماً رائع يا مكي ونحن في إنتظارك ....وإنه فعلاً جوهر آدم الطاهر الذي أعرفه رغم أننا لم نتقابل منذ تلك الأيام الخالدة ولنا معه ذكريات طيبة هو وعبد الحميد عبد الله وصديق كاكوم وقاسم ومعظم العقد الفريد الكانو في هندسة ...

[imported_Kamal Mahjoob]

مكي ، الزوول ، د. منتصر ، شبارقة
منتهى الروعة
الجميع تحياتي
غبت ولكن (أنا والأشواق في بعدك بقينا أكتر من قرايب .. )
لا زلت أقرأ في الصفحات التي فاتتني لظروف عمل ضاغطة

[imported_مكي محمد الحسن]

المشاركة الأصلية كتبت بواسطة شبارقة

دائماً رائع يا مكي ونحن في إنتظارك ....وإنه فعلاً جوهر آدم الطاهر الذي أعرفه رغم أننا لم نتقابل منذ تلك الأيام الخالدة ولنا معه ذكريات طيبة هو وعبد الحميد عبد الله وصديق كاكوم وقاسم ومعظم العقد الفريد الكانو في هندسة

وأخيرا ظهر البروف وقال:

مكي ، الزوول ، د. منتصر ، شبارقة
منتهى الروعة
الجميع تحياتي
غبت ولكن (أنا والأشواق في بعدك بقينا أكتر من قرايب .. )
لا زلت أقرأ في الصفحات التي فاتتني لظروف عمل ضاغطة

واليكم ايه الاحبة ابتداء ب:



الاخ جلال الجميل - تجارة أسيوط وحرمه الاسيوطية



د.ياسمين - بيطرة
كانا في اجازة بالسودان ويقيمان في أستراليا

شكلي لخبت الصور علي ما أعتقد ؟؟؟ فاليصححني مزمل فزع فورا بعد حصولة علي العضوية ان شاء الله

الشاهد في الامر ان الاخ مزمل لم يتعرف بالاخت ياسمين وقال لها انتوا جيتوا بعدنا في أسيوط ولكنها كانت تدرس بكلية البيطرة بجامعة أسيوط في زماننا عندما كنا طلابا في السنة النهائية 1989 .
الاخ جلال الجميل ان شاء الله تعرف درب بيتنا الاسيوطي هذا وتتحفنا بما لديك من ( فيديو ) لتلك الامسية الأسيوطية الرائعة في منزل الاخ الباشمهندس جوهر وتلك التي دعاكم اليها الاخ عمر اب دم والتي أمها نفر من الاسايطة كان من المفترض حضورهم ولاسباب قاهرة غابوا عن هذه الليلة ومنهم الاخ عبد الواحد ابراهيم الزاكي ( الجعول ) ..

يا أخوانا لسع الصور راقدة المفاجاءات قادمة ..
وين د.الزوول والون تو؟؟

[imported_مكي محمد الحسن]

الاخ كباشي اليك هذا الشقيق الرائع



الاخ المحامي القدير خلف الله - معهد تجاري اسيوط والذي أكمل القانون بجامعة القاهرة فرع الخرطوم - النيلين حاليا وله مكتب للمحاماة كبير ..ومن الاتحاديون الذين لا يشق لهم غبار.... الاخ منير العوض شفت كيف كوادرنا الاتحادية عصامية و صلبة علي مواقفها...

يأخوانا وينكم ما تقعدوا فراجه..

[imported_مكي محمد الحسن]

الاسايطة القدام والمخرفين ( حقا ) من زي أمثال البروف كمال محجوب ومنير العوض ...والذين تنعش ذاكرتهم الصور من أمثال شبارقة ...والعندهم الصور القديمة زي د.الزوول ...والمتابعين للتاريخ الاسيوطي القديم ...
التقي جيل البطولات بجيل التضحيات
الصورة للاخ عمر اب دم



يلا ورونا يا عجائز الزمن القديم قرأ متين ؟ وفي ياتو كلية ؟ وياتو دفعة ؟

لسع الصور والمفاجاءات كثيرة؟؟

[imported_عبدالله عبداللطيف]

الإخوه الأسايطه سلام
كيفكم .... والله مشتاقين
غبنا عن المنتدى لفترة وما أحلاها من عوده ... طبعا بدأت في مراجعة البوست من حيث وقفت وفي لمح البصر لقيت نفسي وصلت الآخر...ما أحلاها من ذكريات
العزيز الرائع دوما مكي ( حمدالله على السلامه وعودا حميدا )
في الآخر كده انت دخلت البيت ( أقصد الشقه ) عديل كده
عمر محمد أحمد أبودم .. أبو دليق .. كلية التجاره .. محاسبة .. دفعه .. تخرج 1985م
فاكهة الشقه .. بإمكانك أن تجلس معه أيام في ونسه ولا يجد الملل اليك طريقا زول أكثر من رائع يتمتع بطيبة قلب غير عاديه وخفة دم وطريقة إلقاء غير عاديه بإمكانك الحديث معه في كل المجالات لتجد لديه كمية من المعلومات تستفيد منها الكثير ولذلك كنا دائما نصدره في أي نقاش خاصة عندما يكون الحديث في السياسه ( أقصد الإتجاهات داخل اتحاد الطلاب ) وكانت دائما ما تكون القمة عندما يجتمع مع الأخ عبدالواحد ( الجعول )وذلك هو حديث آخر وكان هو من عرفنا بالدكتور كمال محجوب عندما كان ( برلوووووووووووم ) كنا نسكن في تقسيم الأمريكان ( كما قال أخونا توفيق ده ذاتو بجيب الهوا في الزمن دا ) وكان يسكن معنا الإخوة عطا مختار الحاج ومحمود حسين عمار ( الأول ما زلت أبحث عنه والثاني كان معانا هنا في السعوديه وعاد للسودان نهائيا ) .
الحديث ذو شجون كده نخلي الباقي للمرة الجاية عشان ما يكمل الكلام .
مكي .. لو ممكن رقم تلفونك أو الإتصال على الجوال 0505477359
ولكم تحياتي
عبدالله بستم
اللون الأحمر ده عشان المنتخب نتمنى له التوفيق في غانا

[imported_مكي محمد الحسن]

الاخ عبد الله عبد اللطيف بستم
انه وكما ذكرت الاخ عمر محمد احمد ابودم من أرض البطانة كان يشكل مع الاخوة عبد الواحد ابراهيم الزاكي ( الجعول ) والمرحوم عصام مطيشة ( رحمة الله عليه ) ثلاثي الصقل بلا منازع ...
ويونسونك ويحكوا اليك من القصص مالا تمله حتي بوادر الصباح الباكر ..
لك تحياتي وما تغيب يا زول البيت ده ما تخلوه علي د.كمال والله يودي ليكم التوج لو اتكلتوا عليهوا!!
تلفوني يا عزيزي:
المنزل: 0012047725101
والخليوي : 0012048034228
طبعا انا عاجباني كلمة خلوي دي ترجمة دقيقة جدا وحرفية ل cell-phone
بعدين يا بستم امنياتنا للفريق القومي بالتوفيق ..لكن
كان لبسوا ليهم فنائل خضراء بالابيض ولا خضراء صافي أو ابيض صافي بيكون أحسن من الأحمر ده ولا رأيك شنو ؟ اوع تكون من ناس المحمولة جوا؟؟

[imported_kabashi]

المشاركة الأصلية كتبت بواسطة مكي محمد الحسن

الاخوة والاخوات الاسايطة
السلام عليكم
بعد رحلة الي الوطن العزيز عاد الوجيه مزمل فزع واسرته الكريمة محملا بالاخبار والصور الاسيوطية
سوف اوافيكم بها تباعا ...د.الزوول اصحي يابريش للاخبار والون تو!
في ليلة من ليالي الخرطوم وفي منزل الاخ الباشمهندس جوهر ادم الطاهر التقي هؤلا الاخوة والاخوات الاسايطة يتبادلون التحايا والقفشات والاخبار ...


الاخ مزمل محمد ابراهيم فزع



الباشمهندس جوهر ادم الطاهر وابنته
لسع الصور بالكوم فيها اسايطة غير الدهر منهم في الملامح ..فاصبروا ورابطوا معنا بالجوار

أخي مكي تحياتي
لقد راعني ما فعلت السنين بهولاء الأعزاء صدقني لم أتعرف عليهم من الوهلة الأولى فزهلت ورجعت أقارن ما رأيته بما أكتنزه من أرشيف الصور ولا زلت عاجز عن المقارنة ووجل أحدث النفس لابد أننا قد صرنا إلى ما صروا إليه رحم الله شباب لم يعد منه غير الذكرى !!

[imported_مكي محمد الحسن]

سلام يا صعايده
انا جبت ليكم الصورة دي ومعاها الاسم الاول لصاحبها ودراسته هل من مضيف؟؟



الاخ عماد - خريج معهد تجاري اسيوط 1988 هل تذكرونه؟

يا أخوانا رئيس اتحادنا ده تراهوا قاعد ساكت خرف ونسي الناس زي صاحبه البروف ...