نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 22-02-2015, 07:54 AM   #[46]
حافظ حسين
:: كــاتب نشــط::
الصورة الرمزية حافظ حسين
 
افتراضي

بالجد كان بدري عليك يا أجملنا و أغلانا
الحدث وفاة والدة هيثم خيري و الحزن صار حزنين .... حزن على وفاة والدة صديقنا و حزننا على مفروش الذي منع بأمر السلطات و الرأسمال...
ثلاثتنا كنا بابكر الوسيلة, ديدان, انا و رابعنا انت ايها الثوري الجميل
النقاش حول ايقاف مفروش و ما العمل؟
لم تتساءل (ما العمل) كما قال لينين أو كما يقول تجار الدين (العمل عمل ربنا) و لكن العمل كان عملك انت.... و نصيحة واضحة و قاطعة كما عهدك
(أي منا يحمل كتابين و يذهب الي أتني و نري ماذا يفعل الأمن بنا)
لم يحمل أحد كتاب
و لم تقام فعالية مفروش
و لكن أعاهدك الثلاثاء القادمة سوف أحمل كتابين بأثر رجعي و أذهب الي مفروش و أري ماذا يفعل الأمن بي
و وداعاً ايها الرجل الجميل



التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة

مريد البرغوثي
حافظ حسين غير متصل   رد مع اقتباس
قديم 22-02-2015, 07:56 AM   #[47]
حافظ حسين
:: كــاتب نشــط::
الصورة الرمزية حافظ حسين
 
افتراضي

يا خبر الشوم يا صلاح
و إني أخشي نعيق البوم يا صلاح
رانيا غندور قبل ايام كتبت في الفيس بوك عن مفروش و أغلاقه
أحدي المداخلات كانت لك و فيه قلت
والله يا رانيا مفروش دا لو ما رجع انا ح أموت
صدقت وعدك يا صلاح و مفروش لن يرجع
والله يا ذاكرة النار
الله يا الوطن الدمار



التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة

مريد البرغوثي
حافظ حسين غير متصل   رد مع اقتباس
قديم 23-02-2015, 08:56 AM   #[48]
جيجي
:: كــاتب نشــط::
 
افتراضي

الله يرحم صاحبك ياحافظ ويدخله فسيح جناته
وبصبرك
مافي حاجة بتهزم الزول قدر فقد الاحباء



جيجي غير متصل   رد مع اقتباس
قديم 23-02-2015, 11:13 AM   #[49]
اشرف السر
:: كــاتب نشــط::
الصورة الرمزية اشرف السر
 
افتراضي

خالص التعازي يا حافظ...

وهذا ما قاله ساكن عنه:

اقتباس:

في سِدَرَةِ الروح.

الموتُ شيءٌ عادي وبسيطٌ ويومي، مثل الذُبابة والخنفساء. مثل الطريق الممل الذي اعتدنا عليه، مثل الوصول.

فمات الذين نحبهم ومات الذين يحبوننا، مات الذين نكرههم ومات الذين يكرهوننا، مات الذين لا نعرفهم ولم نسمع بهم ولا بموتهم، ولا يعرفوننا. ومات الذين يعرفوننا حق معرفة ونعرفهم، وسوف نموت نحن ايضا ولكن، لماذا اليوم ادركُ ان كل ما تعلمته عن الموت وادعيه ليس سوى اكاذيب او ثرثرة عقل يخاف الحقيقة وان الموتَ شيٌ معقدْ.

عندما يموت شخصٌ بسيطٌ جدا وعادي جدا وخفيفٌ ونحيفٌ جدا مثل خيطٍ من الهواء لا يمكن تبينه، او لمسه،او شمه، اتحير كثيرا: كيف انتبه الموت له؟ الموت الذي لا يعلم بوجود مثل هذا الهواء الخفيف اللطيف!.

صلاحٌ لم يكلف الكون شيئاً، فقد كان يعيش علي هامش الاشياء كلها، لذا باتت في هامشهِ الحياةُ.

عاش في هامش الاصدقاء والخرطوم والسجانة، وعلي هامش معهد جوتا والفرنسي وحليوة، كان في هامش الريح التي تهب وهامش الماء الذي يُشرب، وهامش قُنينة الخندريس المراوغة الخجول، كان في هامش القلب وهامش السيرة وهامش الدرب وهامش الحُرية والعبودية، علي هامش نُصوص الخراب الضجر.

علي هامش الله والرسل والطين والبادوبا، هامش النكتة والحقيقة والكذبات، علي هامش الآكل والماكول، بابكر الوسيلة، مودة أحمد، عاصم الصويم، كان علي هامش جحيم الحياة البليد. فلماذا لم يكن في هامش الموتِ شيءٌ مُقدس!

و صار في اهتمام الموات اللئيم!

اليست هنالك مؤامرةٌ تُحاك، شراكٌ تُعدُ، اليس من الافضل ان نعيد سؤال الموت للموت ونلغي القيامة!

تموت المدينة في موته، تموت الطرقات الباردة الفقيرة،تموت شحوم المكان الغبية، تموت فناجين القهوة وأكواب الشاي المسيخ الرخيص والقَرَنْفُلْ.

تموت الخمور الحزينة: يموت الصباح.

سلامٌ عليك في سِدَرَةِ الروح ترقى.

سلامٌ عليك السلامْ.
بركة ساكن



التوقيع:

اشرف السر غير متصل   رد مع اقتباس
قديم 28-02-2015, 03:08 PM   #[50]
حافظ حسين
:: كــاتب نشــط::
الصورة الرمزية حافظ حسين
 
افتراضي

البركة في الانسانية و شكرا جيجي و اشرف



التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة

مريد البرغوثي
حافظ حسين غير متصل   رد مع اقتباس
قديم 28-02-2015, 03:08 PM   #[51]
حافظ حسين
:: كــاتب نشــط::
الصورة الرمزية حافظ حسين
 
افتراضي

تفاهة جديدة
يوم بمبي
السبت كما هو معلوم إجازة رسمية بأمر السلطات لكل من هب و دب ... لكن هذا السبت يجب أن أذهب الي العمل و مجبورة يا خادم المديرة على الصلاة .... مشيت الشغل و كيف و على كيفك انتهى نصف اليوم بكل شروره الممكنة .... ختفت رجلي في زيارة سريعة لتفقد الرعية بالديوم و ما جاورها لاني في حال نفسية ارثي علي نفسي منها ... مشاكل لي كم رب عمل, ابوي جاي من البلد عيان و مفروض امارضه هو و أمي, المهم قصص بايخة كلها.... وقفت بتاع الركشة و المسافة خمسة جنيه شهودي على ذلك كل من الاصمعي, و عبدالله و الوسيلة صح؟
سيد الركشة قال لي ب 15 جنيه؟
بحركة لا شعورية قلت ليه: ينعل د.....
نزل و شكله ما بتاع مضاربة بس ردحي ... تسب لي عقيدتي و واو عقيدتاه و الناس اتلمت.... شكله من عينة الناس الما عندهم اي عقيدة ديلاك لكن لقاه فرصة .... مرتين داير ادبل ليه لكن سرعان ما اتدراكت أن في الأمر ستة أشهر و الشهود حضور ... المهم نكرته حطب و قلت ليه افو انا كمان بسب العقيدة .... لكن رشوتي ليه ركبت معاه بالسعر الحدده والله نسي أمر عقيدته المسبوبة زي الترتيب ...
في الشارع راجع علي البيت خفيفاً الا من بؤسي .... الاقى آخر زول اتمنى الاقيه .... عينة البشر الرب خلقهم بوصف وظيفي محدد و هم كمريرات للمدراء .... الزول دا بخلعة كدا زي الإكتشف حاجة كويسة صاح:
حافظ حسين؟!!!
و قبل ما يسترسل اديته إبتسامة (يخلق من الشبه اربعين ديك)..... و قلت ليه انا ما حافظ انا أخوه الأكبر
يااااااا سلام والله شبه مبالغة
و انا لم أزل محتفظ بابتسامة الاربعين و رديت: فعلاً
هو: و وين حافظ بالله؟
أنا: والله حافظ دا مشي الدهب
في خلعة حصلت و انا استمتعت بيها شديد و رد : يا زول, ليه؟
والله كرهنا الدنيا كل يوم كاتب ليه شيك و خاشي السجن و نحن نلقط من وين لوين نفكه .... آخر حاجة دي مطارد من زول كاتب ليه شيك ب 250 مليون و الزول مطارده ... قلنا ليه نحن فترنا و ما عندنا ليك قروش تاني و أخواني كلهم قالوا ليه ما تجينا... في النهاية ضرب تلفون قال هو في الدهب
هو: ياااااااااااااااااااااا سلام يا خي.... عليك الله اديني تلفونه
عندي رقم قديم رايح اديته ليه لكن قلت ليه ح يكون مقفول بس حاول معاه .... سجل الرقم و اتصل و قال لي: فعلاً مقفول
و توادعنا على أجمل ما يكون الذين بينهم أخ مشترك
و أنا ما ناقص كمريرات



التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة

مريد البرغوثي
حافظ حسين غير متصل   رد مع اقتباس
قديم 02-03-2015, 03:20 PM   #[52]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

اقتباس:
المشاركة الأصلية كتبت بواسطة حافظ حسين مشاهدة المشاركة
تفاهة جديدة
يوم بمبي
السبت كما هو معلوم إجازة رسمية بأمر السلطات لكل من هب و دب ... لكن هذا السبت يجب أن أذهب الي العمل و مجبورة يا خادم المديرة على الصلاة .... مشيت الشغل و كيف و على كيفك انتهى نصف اليوم بكل شروره الممكنة .... ختفت رجلي في زيارة سريعة لتفقد الرعية بالديوم و ما جاورها لاني في حال نفسية ارثي علي نفسي منها ... مشاكل لي كم رب عمل, ابوي جاي من البلد عيان و مفروض امارضه هو و أمي, المهم قصص بايخة كلها.... وقفت بتاع الركشة و المسافة خمسة جنيه شهودي على ذلك كل من الاصمعي, و عبدالله و الوسيلة صح؟
سيد الركشة قال لي ب 15 جنيه؟
بحركة لا شعورية قلت ليه: ينعل د.....
نزل و شكله ما بتاع مضاربة بس ردحي ... تسب لي عقيدتي و واو عقيدتاه و الناس اتلمت.... شكله من عينة الناس الما عندهم اي عقيدة ديلاك لكن لقاه فرصة .... مرتين داير ادبل ليه لكن سرعان ما اتدراكت أن في الأمر ستة أشهر و الشهود حضور ... المهم نكرته حطب و قلت ليه افو انا كمان بسب العقيدة .... لكن رشوتي ليه ركبت معاه بالسعر الحدده والله نسي أمر عقيدته المسبوبة زي الترتيب ...
في الشارع راجع علي البيت خفيفاً الا من بؤسي .... الاقى آخر زول اتمنى الاقيه .... عينة البشر الرب خلقهم بوصف وظيفي محدد و هم كمريرات للمدراء .... الزول دا بخلعة كدا زي الإكتشف حاجة كويسة صاح:
حافظ حسين؟!!!
و قبل ما يسترسل اديته إبتسامة (يخلق من الشبه اربعين ديك)..... و قلت ليه انا ما حافظ انا أخوه الأكبر
يااااااا سلام والله شبه مبالغة
و انا لم أزل محتفظ بابتسامة الاربعين و رديت: فعلاً
هو: و وين حافظ بالله؟
أنا: والله حافظ دا مشي الدهب
في خلعة حصلت و انا استمتعت بيها شديد و رد : يا زول, ليه؟
والله كرهنا الدنيا كل يوم كاتب ليه شيك و خاشي السجن و نحن نلقط من وين لوين نفكه .... آخر حاجة دي مطارد من زول كاتب ليه شيك ب 250 مليون و الزول مطارده ... قلنا ليه نحن فترنا و ما عندنا ليك قروش تاني و أخواني كلهم قالوا ليه ما تجينا... في النهاية ضرب تلفون قال هو في الدهب
هو: ياااااااااااااااااااااا سلام يا خي.... عليك الله اديني تلفونه
عندي رقم قديم رايح اديته ليه لكن قلت ليه ح يكون مقفول بس حاول معاه .... سجل الرقم و اتصل و قال لي: فعلاً مقفول
و توادعنا على أجمل ما يكون الذين بينهم أخ مشترك
و أنا ما ناقص كمريرات
حافظ حسين

أول شئ أعزيك في رحيل الأخ حسين
والله أسأله له الرحمة والمغفرة

بالنسبة للتفاهه الأخيرة

بالفعل يا حافظ في بعض البشر كده تتمني ترحل تسيب ليهم الحي ،،، المدينة ،،، بل البلد ذاها تمرق تخليها ليهم ياخ

أها شنو ليك لو في زول شغال معاك في مكان عمل واحد
وبالرغم من إنو مكتبو بعيد من مكتبك وتخصص شغلو مع تخصص شغلك ما بتلمو

إلا تلقاه علي طوووووول جاري رجلو علي مكتبك وهاك يا نضمي وبصوت ،،، عااااااااااالي ياخ

نوعية الزول الما بسكت كلو كلو داك ياخ

يسألك سؤال وقبال ما إنت تفتح قدومك ،،، يرزعك بالإجابة ومعاها تلاتة أسئلة إضافية


ويكون ،، مُش كمريرا !!! ده مُرَكب مكنة مدير عام عدييييل كده ياخ

إنا لله بس








هسي قلت لي حافظ حسين مشي الدهب ؟؟؟



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 05:57 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.