اقتباس:
المشاركة الأصلية كتبت بواسطة تماضر حمزة
قبال المحاكم بي حكمو ماني الراضي
بتين سجمان حكم وأصبح علينا القاضي؟ 
الماورد المراح يرجع سعيهو الفاضي
كان داير الأكيدة أرمي هسّي بياضي |
فلاش باك
شن نفرو السجم غير الغنا البتوالف*
وما بسدّر حكم لي النفرتو بتتوالف
ما أصلو الغرام قاضيهو ما بتخالف
أدِفْقُو من الصباح القى المسا بيتخالف
اقتباس:
المشاركة الأصلية كتبت بواسطة تماضر حمزة
السجمان أخوك عارفين كمال أنسابو
لكن الحكم من جيهتو مابنرضابو
الزول كان صدق مافي شيتن عابو
كيف يبقى الخصم ويحكمنا بي اتعابو؟
جر شكل قال ليك 
شنو كلّو حبكانات وشكر...كده ماحلو |
اقتباس:
المشاركة الأصلية كتبت بواسطة طارق صديق كانديك
يازولة الدواس ان قام تشوفي عجاجا
والشين ان وقع مابدورلو مني لجاجا
قولة كف اختفو صقرا ضربلو دجاجة
والدمي والعويل ترقد تكب سجاجا
هييييع أنا اخو البعبد الله حق |
السجمان أخوك شاف النضم يا دابو
واتمحن يمين مو عارف الـ ببدابو
الفارس الغيور وحمى الخدور ديدابو
ان برز الظبي عُقب الدواس في دابو
* من ألّف يؤلف
