نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 20-02-2014, 10:30 PM   #[16]
طارق جبريل
:: كــاتب نشــط::
الصورة الرمزية طارق جبريل
 
افتراضي

أبو كباس..

يا الحبيبين امبارح ماني قربت اموت..
الشي بالليل مسكني ليكم ابو كباس
انا عارفها الفاصوليا دي بتسويها فيني.. لقيتها بايتي في التلاجة يا حلات الدنيي عليها
سخنتها وقعدت ألوغد فيها لامن ادشيت وبطني دي اتمبلت علي زير السبيل..
قلت كدي اترحمنت ومشًيت علي السرير ونومت..
ان كان يجيني ليكم ابو كباس... وتظهري لي شويفعي كل ما تقرب مني
الشعر دة يقيف علي اللاشميق ويطول والوش يتفلطح علي قراصة الطيانة..
ومتل محمد ولدي ماسك في سروالي وخايف ويشيل ينصل فيه وانا ارفع
وافتشلي في عصايي ولا نصيبي فشان اضربها الخرابة دي
وهي تمشي علينا واليدين قلبن ضلافين ضومة ضومة..
ومحمد ولدي اصلو من الخوف اتشعلق في السروال لامن قطع التكة..
واتاريني انا نايم بقيت افتفت واناتق.. وشويتين جابتلها كواريك ضومة ضومة
ووووووووووووو هيييييييك ووووووووووووك
لامن كواريكي كترن ادوني لكزة
وكتين صحيت بي شوووي مديت يدي لااااااتحت قلت تبقى
فاصولية الجن دي مرقت واللحاف باظ وريحتو بقت صِنِني
ربكم رب الخير ما لقيتلي شي
الله يقلع الفاصوليا تاني آآبتدخل بيتي



طارق جبريل غير متصل   رد مع اقتباس
قديم 20-02-2014, 10:31 PM   #[17]
طارق جبريل
:: كــاتب نشــط::
الصورة الرمزية طارق جبريل
 
افتراضي

الله يا الخرطوم ياخ..
العشش.. عم آدم بتاع التموت تخلي.. قراصة النبق... القنقليز في الطشاتة.. عم هارون
بتاع الشُرُكٓة..الاقاشي.. التبش بالشطة.. المسكيت المكوم في شوال كل كوم بي قرش
بص الهنقاري والكومساري بيكورك: الغالي الغالي.. بص البعيو وسواقه اسحق جربكس
استوديو سمعة الذي لا نزوره الا ونحن مقبلون على احد امتحانات الشهادة مع (تفة)
لا تخطئها الكاميرا... حين تحتار في احد اسئلة الامتحان لا تجد غير النظر في
هذه (التفة) في بطاقة رقم الجلوس علها تسعفك بالاجابة الصحيحة...
عم موسى بتاع البرسيم وامامه رُبط القش مكومة وهو يمضغ شيئا اصفر اللون
مدرسة فاطمة عبد الرحيم و(البرتق) طالع و(حلات الدنيا) عليه.. استاذ بشير
وصوت العنج وحاجة النعمة بتاعة الفطور ومدرسة بشير... حاجة حفصة بتاعة التسالي
عثمان ضيق وعلووب والبهجة التي لا تنتهي... السوق الشعبي.. اكشاك العصير
وريحة الجوافة وصوت الخلاطة ودق المصفا في جك الخلاطة (كككككككككك)
وصوت محمد الامين: ما هو باين باين في العيون... اكشاك الجرائد ومجلة (الصقر)
وصورة رومنيغة في الغلاف.. طبلية السفنجات الصينية... بتاع العراريق والسراويل
محل الصندل والمحلبية والسرتية.. محلات ود الكشامر... تياب العيلفون...
البصات السفرية... حصاحيصا حصاحيصا حصاحيصا.. كوستي كوستي كوستي
سنار سنار سنار... مناقل مناقل مناقل.. ربك ربك ربك..
تسخين السواق للمكنة عععععععن ععععععععععن عععععععععععععن...
صوت كمساري وسط ضجيج المدن هذا: الللللليييييييل نحن ولا بلد نقعد نقوم علي كيفنا..
صوت شافع مباري شبابيك البصات: لبان ماكسي... مرايات مرايات...
الكلية المهنية وصوت الغفير يطرد في اولاد الامتداد جايين يلعبوا كورة في الميدان..
ميدان الربيع... محمد كجاجة جاري بالكورة في الجناح الايمن... طرمبة حجازي..
الديم.... الديم... الديم وصوت بوب مارلي: نو ومان نووو كراي.. الراستات...
ديم القنا... العمارات... اسكريم واحد واربعين(اخخخخخخ انا)... (شدر) التمرهندي
اولاد المصارين البيض... مقابر فاروق... محطة الغالي... الخرطوم الجديدة..
الناظر عبد الحميد مدني.. استاذ قناوي بتاع الرياضيات.. استاذ سيف بتاع الاحياء
جامع شروني... السكة حديد.. (صعلوق المحطة).. قطر كريمة... كلية الطب..
المستشفى الجنوبي... شارع الاسبتالية... المعرض التشكيلي في (المريديان)...
استوديو فلاش.. كماسرة الحافلات: شرق شرق شرق... ظلط ظلط ظلط..
الجامع الكبير... مكتبة الجامع الكبير... الممتاز في الرياضيات.. مذكرات
عبد الرحيم عمسيب للكيمياء.... بتاعين السبح والمساويك.. بتاعين الكتب القديمة..
شحادين الجامع الكبير: كريمو ربنا كريمو... كريمو ربنا كريمو...
شارع الجمهورية... اتني.. محلات المسرة... محلات باتا..

انا لله يا الخرطوم ياخ



طارق جبريل غير متصل   رد مع اقتباس
قديم 20-02-2014, 10:40 PM   #[18]
نبراس السيد الدمرداش
:: كــاتب نشــط::
الصورة الرمزية نبراس السيد الدمرداش
 
افتراضي

  • غايتو بس الطلقوها وبالا في الرجوع
    طيب تعال الصباح
    طوالي لملمت حاجاتك وجيت جاري
    انا لو طردوني عقاب الليل دا حتكون انت السبب

    ياخي تنعدل عليك يا رب



التوقيع:
اذا جاء نصر الله والحب
ورأيت الورد في الطرقات يمنحك الامان
فاشرع سفينتك العتيقة وامنح الياقوت وجهك
وانتظر فرح الزمان

عصام عبدالسلام
نبراس السيد الدمرداش غير متصل   رد مع اقتباس
قديم 20-02-2014, 11:06 PM   #[19]
مرافي
:: كــاتب نشــط::
الصورة الرمزية مرافي
 
افتراضي

اقتباس:
المشاركة الأصلية كتبت بواسطة طارق جبريل مشاهدة المشاركة
الله يا الخرطوم ياخ..
العشش.. عم آدم بتاع التموت تخلي.. قراصة النبق... القنقليز في الطشاتة.. عم هارون
بتاع الشُرُكٓة..الاقاشي.. التبش بالشطة.. المسكيت المكوم في شوال كل كوم بي قرش
بص الهنقاري والكومساري بيكورك: الغالي الغالي.. بص البعيو وسواقه اسحق جربكس
استوديو سمعة الذي لا نزوره الا ونحن مقبلون على احد امتحانات الشهادة مع (تفة)
لا تخطئها الكاميرا... حين تحتار في احد اسئلة الامتحان لا تجد غير النظر في
هذه (التفة) في بطاقة رقم الجلوس علها تسعفك بالاجابة الصحيحة...
عم موسى بتاع البرسيم وامامه رُبط القش مكومة وهو يمضغ شيئا اصفر اللون
مدرسة فاطمة عبد الرحيم و(البرتق) طالع و(حلات الدنيا) عليه.. استاذ بشير
وصوت العنج وحاجة النعمة بتاعة الفطور ومدرسة بشير... حاجة حفصة بتاعة التسالي
عثمان ضيق وعلووب والبهجة التي لا تنتهي... السوق الشعبي.. اكشاك العصير
وريحة الجوافة وصوت الخلاطة ودق المصفا في جك الخلاطة (كككككككككك)
وصوت محمد الامين: ما هو باين باين في العيون... اكشاك الجرائد ومجلة (الصقر)
وصورة رومنيغة في الغلاف.. طبلية السفنجات الصينية... بتاع العراريق والسراويل
محل الصندل والمحلبية والسرتية.. محلات ود الكشامر... تياب العيلفون...
البصات السفرية... حصاحيصا حصاحيصا حصاحيصا.. كوستي كوستي كوستي
سنار سنار سنار... مناقل مناقل مناقل.. ربك ربك ربك..
تسخين السواق للمكنة عععععععن ععععععععععن عععععععععععععن...
صوت كمساري وسط ضجيج المدن هذا: الللللليييييييل نحن ولا بلد نقعد نقوم علي كيفنا..
صوت شافع مباري شبابيك البصات: لبان ماكسي... مرايات مرايات...
الكلية المهنية وصوت الغفير يطرد في اولاد الامتداد جايين يلعبوا كورة في الميدان..
ميدان الربيع... محمد كجاجة جاري بالكورة في الجناح الايمن... طرمبة حجازي..
الديم.... الديم... الديم وصوت بوب مارلي: نو ومان نووو كراي.. الراستات...
ديم القنا... العمارات... اسكريم واحد واربعين(اخخخخخخ انا)... (شدر) التمرهندي
اولاد المصارين البيض... مقابر فاروق... محطة الغالي... الخرطوم الجديدة..
الناظر عبد الحميد مدني.. استاذ قناوي بتاع الرياضيات.. استاذ سيف بتاع الاحياء
جامع شروني... السكة حديد.. (صعلوق المحطة).. قطر كريمة... كلية الطب..
المستشفى الجنوبي... شارع الاسبتالية... المعرض التشكيلي في (المريديان)...
استوديو فلاش.. كماسرة الحافلات: شرق شرق شرق... ظلط ظلط ظلط..
الجامع الكبير... مكتبة الجامع الكبير... الممتاز في الرياضيات.. مذكرات
عبد الرحيم عمسيب للكيمياء.... بتاعين السبح والمساويك.. بتاعين الكتب القديمة..
شحادين الجامع الكبير: كريمو ربنا كريمو... كريمو ربنا كريمو...
شارع الجمهورية... اتني.. محلات المسرة... محلات باتا..

انا لله يا الخرطوم ياخ
قت لي ياود جبريل كان غلبتك الاجابة بتعاين في التفه امكن تفتح مخك
احلى من كدا ما قريت رغم انها سرد لواقع واماكن واسماء
لكنها اطعم من كتير من قصص قريتا
ياخ اغلط وعاين في التفة وبعدين ادينا الحكي الطاعم دا
يخدر قلمك ويديك العافية
انا لله يا ود جبريل ياخ ..
بس لكن لقيتك قديم خلاص...



التوقيع: [frame="1 80"]خلقنا للحياة ِ وللمماتِ ومن هذين كلُّ الحادثاتِ
ومَهْدُ المرءِ في أَيدي الروَاقي كنعش المرءِ بينَ النائحات
وما سَلِمَ الوليدُ من اشْتكاء فهل يخلو المعمَّرُ من أَذاة ؟
أحمد شوقي
[/frame]
مرافي غير متصل   رد مع اقتباس
قديم 21-02-2014, 08:17 AM   #[20]
عكــود
Administrator
الصورة الرمزية عكــود
 
افتراضي

اقتباس:
المشاركة الأصلية كتبت بواسطة أمين محمد سليمان مشاهدة المشاركة
اكتب ياخي ... ربما يرفع بك الله قليلا من قبحنا المنثور في هذا المكان !!
اقتباس:
المشاركة الأصلية كتبت بواسطة طارق جبريل مشاهدة المشاركة
يا أمين
أيضا سأكتب وفاء لخالد
الرجل دة يحتل في دواخلي كما هائلا من المشاعر..
رحمه الله..

ووفاء لعكود لعهد قديم بيني وبينه

ووفاء ليك انت ونبراس وسارة (ستنور) وكل الجميلين هنا
اقتباس:
المشاركة الأصلية كتبت بواسطة أمين محمد سليمان مشاهدة المشاركة
و ده بالظبط العشم يا طارق !!
شكراً أمين ...
شكراً طارق ...
شكراً لكل من رابض/ت ولم يبرح/تبرح مكانه/ها هنا.
شكراً على الدرس.

ليت قومي يعلمون!

ولا أبرئ نفسي.



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 21-02-2014, 09:29 AM   #[21]
آبري
:: كــاتب نشــط::
الصورة الرمزية آبري
 
افتراضي

وهادي قعده ....
عليم الله الشي اكنها قدامي .... وصف حد الوصف ....


كسره
وا شريري يا يمه .... محروم



التوقيع:
حبيبتي تخونني مع زوجها
آبري غير متصل   رد مع اقتباس
قديم 21-02-2014, 10:42 AM   #[22]
طارق جبريل
:: كــاتب نشــط::
الصورة الرمزية طارق جبريل
 
افتراضي

اقتباس:
المشاركة الأصلية كتبت بواسطة نبراس السيد الدمرداش مشاهدة المشاركة
  • غايتو بس الطلقوها وبالا في الرجوع
    طيب تعال الصباح
    طوالي لملمت حاجاتك وجيت جاري
    انا لو طردوني عقاب الليل دا حتكون انت السبب

    ياخي تنعدل عليك يا رب

نبروسة يا ستهم
حا اهريكم هري غايتو هنا هههه



طارق جبريل غير متصل   رد مع اقتباس
قديم 21-02-2014, 10:44 AM   #[23]
طارق جبريل
:: كــاتب نشــط::
الصورة الرمزية طارق جبريل
 
افتراضي

اقتباس:
المشاركة الأصلية كتبت بواسطة مرافي مشاهدة المشاركة
قت لي ياود جبريل كان غلبتك الاجابة بتعاين في التفه امكن تفتح مخك
احلى من كدا ما قريت رغم انها سرد لواقع واماكن واسماء
لكنها اطعم من كتير من قصص قريتا
ياخ اغلط وعاين في التفة وبعدين ادينا الحكي الطاعم دا
يخدر قلمك ويديك العافية
انا لله يا ود جبريل ياخ ..
بس لكن لقيتك قديم خلاص...
ياخي انا ما اقدم من امين محمد سليمان دة



طارق جبريل غير متصل   رد مع اقتباس
قديم 21-02-2014, 10:44 AM   #[24]
طارق جبريل
:: كــاتب نشــط::
الصورة الرمزية طارق جبريل
 
افتراضي

اقتباس:
المشاركة الأصلية كتبت بواسطة عكــود مشاهدة المشاركة
شكراً أمين ...
شكراً طارق ...
شكراً لكل من رابض/ت ولم يبرح/تبرح مكانه/ها هنا.
شكراً على الدرس.

ليت قومي يعلمون!

ولا أبرئ نفسي.
حبيبنا الذي هناك
ازيك ياخ



طارق جبريل غير متصل   رد مع اقتباس
قديم 21-02-2014, 10:45 AM   #[25]
طارق جبريل
:: كــاتب نشــط::
الصورة الرمزية طارق جبريل
 
افتراضي

اقتباس:
المشاركة الأصلية كتبت بواسطة آبري مشاهدة المشاركة
وهادي قعده ....
عليم الله الشي اكنها قدامي .... وصف حد الوصف ....


كسره
وا شريري يا يمه .... محروم
هيا خرابة انت حي
قالولي شايل حالي في قعدات ناس البركل



طارق جبريل غير متصل   رد مع اقتباس
قديم 21-02-2014, 03:07 PM   #[26]
أحمد طه
:: كــاتب نشــط::
 
افتراضي

اقتباس:
المشاركة الأصلية كتبت بواسطة طارق جبريل مشاهدة المشاركة
حنين..

«سعاد بت الجدل».. «زينب بت ابو دية»..
برج ود درقي..

إنا لله ياخ
طارق سلامات واريتك انت طيب ،
في الباقيلي إنت قاصد سعاد بت الجُضُل ، و قمت لقيت (الجضل) دا يسبب لك الحرج مع ناس الجزيرة وكدة

بالمناسبة : الجضل عند الشايقية هو (الجذل) وهو
اقتباس:
الجِذْل: أَصل الشيء الباقي من شجرة وغيرها بعد ذهاب الفرع، والجمع أَجذال وجِذال وجُذُول وجُذُولة.
والجِذْل ما عَظُم من أُصول الشجر المُقَطَّع،
(لسان العرب)

و مالك ما طريت وداحمد ود نصر
البقية الباقية من الجيل الذهبي

التحايا للبروف الجميل



أحمد طه غير متصل   رد مع اقتباس
قديم 21-02-2014, 04:36 PM   #[27]
أمين محمد سليمان
:: كــاتب نشــط::
الصورة الرمزية أمين محمد سليمان
 
افتراضي

يا اخوانا شوفو لينا سكة إنتساب للشايقية !!

الحاجة المحيراني ... الطريقة البكتب بيها طارق المحادثات بين شخوص روياتو و جرهم للكلام ده ما سمعت بيه أصلا ... ما عارف هل طارق متبلي على الناس دي ... ولا اصحابي الشوايقة حناكيش !!



التوقيع: ربما لو لم يكن هذا الجدار .. ما عرفنا قيمة الضوء الطليق !!
أمين محمد سليمان غير متصل   رد مع اقتباس
قديم 21-02-2014, 04:54 PM   #[28]
أمين محمد سليمان
:: كــاتب نشــط::
الصورة الرمزية أمين محمد سليمان
 
افتراضي

اقتباس:
المشاركة الأصلية كتبت بواسطة نبراس السيد الدمرداش مشاهدة المشاركة
  • غايتو بس الطلقوها وبالا في الرجوع
    طيب تعال الصباح
    طوالي لملمت حاجاتك وجيت جاري
    انا لو طردوني عقاب الليل دا حتكون انت السبب

    ياخي تنعدل عليك يا رب
يا نبرا ... طارق زي الكان مزنوق بالكتابات دي و جاء فكاها هنا !!

ياخي ده جمال ما بعدو جمال !!



التوقيع: ربما لو لم يكن هذا الجدار .. ما عرفنا قيمة الضوء الطليق !!
أمين محمد سليمان غير متصل   رد مع اقتباس
قديم 21-02-2014, 06:08 PM   #[29]
أمين محمد سليمان
:: كــاتب نشــط::
الصورة الرمزية أمين محمد سليمان
 
افتراضي

اقتباس:
المشاركة الأصلية كتبت بواسطة مرافي مشاهدة المشاركة
انا لله يا ود جبريل ياخ ..
بس لكن لقيتك قديم خلاص...
طارق صلعتو ساي أقدم مننا !!



التوقيع: ربما لو لم يكن هذا الجدار .. ما عرفنا قيمة الضوء الطليق !!
أمين محمد سليمان غير متصل   رد مع اقتباس
قديم 21-02-2014, 07:40 PM   #[30]
AMAL
:: كــاتب نشــط::
الصورة الرمزية AMAL
 
افتراضي

اقتباس:
المشاركة الأصلية كتبت بواسطة طارق جبريل مشاهدة المشاركة
الاندومي..

حمودي: بابا انا جعان
- والله يا ولدي انا ذاتي مهوي كدي ارحكا نكابس التُكل
- المطبخ.. المطبخ يا بابا «الكوزينة»
- كمان جابت ليها مغربي.. امشي قدامي
- التلاجة فيها ويكاب يا ولدي ودمعة جداد تقول يا ليل.. عشرة دقايق واظبط ليك القراريص
ناس امك ديل ما اظن يجوا هسي
- يا بابا انا ما عايز قراصة
- يا ولدي القراريص دي بترقدنا كاويق ونمشي نديها تكية جنب التلفزيون
- لا ما عايص قراريص
- طيب عايز شنو يا فقُر انت
- اندومي
- شنوووووووو
- اندومي يا بابا
- دي موش الشعيرية البي شوربة ديك
- شوربة شنو يا بابا اندومي
- طيب ما نسوي لينا شعيرية بي لبن بتكون سنينة
- يا بابا انا عايز اندومي
- اها واندومي دي انا اجيبها ليك من وين
- الرف الفوق داك يا بابا امي قاعدة تختها هناك
- طيب النشوف.. دي
- ايوة يا بابا دي
- اها ودي بيسوووها كيف
- ماما قاعدة تخت في الحلة الصغيرة ام غتاية قزاز شوية موية وتختها في البوتجاز
- سمح.... اندومي يا محمد والدمعة ام اوراك الجداد قاعدة؟؟
سويناها وختيناها في الصحن وقعدنا في الطربيزة
- بابا موش قلت جعان
- جعااااان
- اكل لذيذة يا بابا
- أنا آكل البتاعة دي الممصرنة دي المتل الدودة الشريطية دي
انا ود جبرين ود نفيسي بت البغاديد آكل اندومي يا ولدي
جملة الايمان نفيسي كان عايشي وشافتني باكل في ديدانك دي يا ولدي
جملة الايمان كانت حلفت علي طلاق تاني ما اخش شبا..
اندومي يا حمودي
اندومي..
دي ولادة شنو دي..


الزوج
- طبختيلنا ايه النهار دا?
الزوجة
- اندومي ياحبيبي
الزوج
- لمي اندومك وروحي بيت ابوك

هههه


شكرا ود جبريل متعة والله



AMAL غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 10:51 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.