نص ساعه باقيه علي تنفيذ الاعدام

مها عبدالمنعم · 31-01-2013, 09:08 PM

وانا اعاين للعساكر ديل وقلبي مقطوع من الخوف والا الخلعه مابعرف

هسه مافضل لي من الدنيا الا مسافة بين الحبل ومكان واقفه دا

بس بسمع بقولو الموت للرجال

لا داك السجن للرجال

طيب السجن للرجال والموت لي انا ذنبي شنو مش كان هسه قاعده في بيتي راجيه راجلي يجي من صومعته الكان فيها مالي ومال الانقلابات اشان اقلب الحكومه دي اريتني كان كنت مدنيه وعيني للعسكري بجهز في حبل الشنق دا واهلي ديل مش كان يجو يحضرو يوم اعدامي التاريخي دا
هسه منو يخبر العالم عن بطولة تقبلي للاعدام بشجاعة غير منقطعة النظير
منو يقسم انه راني اتشهد واني شهيده
منو يشهد اني كنت البس سلسله ذهبيه كان مشتريها لي الراجل قبل ابقي متمرده
منو
ومنو
مافي زول زاتو بس انا وكم عسكري والمكان زاااتو ولا تقول قاعة تنفيذ احكام
وهسه بدل الحبل الشنقو بيهو قبالي المجرمين والمجرمات والمغتصبين للشفع والمغتصبات لو شنقوني بعمة

مش اخير
بس يلا الموت للرجال هي الابطال امثالي

قلبنا الحكومه وطيرنا ناس ن وع وماالي ذلك
وان مت فمن اجل الوطن كل شي رخيييييييييييييييص حتي رقبتي دي
والله بنجرح وبخاف من الدم هسه العسكري دا بعد رقبتي تنكسر كان كبت دم بعمل شنو
قلبو قوي مالقي شغل غير اعدام الابطال امثالي وقعدت في الواطه راجيه الراجل يخلص من ربيط الحبل وسرحت ببصري لتلك الايام الفكرت اقلب الحكومه عنوه كانت ايام عصيبه عصيبه عصيبه عصيبه
يتبع

مها عبدالمنعم · 31-01-2013, 09:23 PM

الشي تلك الايام فد حيله نجحت ليخرج الشعب من جحوره مافي

المهم في قعدة الجبنه عن واحده صاحبة بت جيران واحده من نسوان الرئس جات سيرة العيش بقي بكم والسكر والبن وهكذا قمت اقترحت انا ست الجبنه المره الجايه رايكن شنو نقلب الحيكومه الماعاجبانه دي

ووافقت النسوه في سرعه عجيبه شديد وبس الشي قلنا رجال مامعانا كان دار يقلبوها كان يمرقو المظاهرات

داب انهم مامرقو براااااااااااااانا بنقلبه

وبس بدات الترتيبات قائدات الالويه يكونن وين وقائدات المدفعيه ومنو يستلم الاذاعه والتلفزيون وقناة الشروق

والبتزيع الاعلان الاول اجملنا صوتا وصوره

والامور ماشه سمممممممممممح وقلنا مافي مره تدخل راجله اشان مايحميها ولا يبلغ فيها

بس بت الجيران مابتتبلي في خشمه فوله كلمت راجله وفي فد ليل جو قبضونا جميعا قبيض الجراد

والنسوان الفتانات ) السعالوها كلها قالت انا قائد الانقلاب الفاشل

وماسجنوني كتير تلاته يوم وقالو اعدموها فانها شرا مستطيرا

وجابوني ترا راجيه العسكري يخلص من ربيط الحبل دا
يتبع

مها عبدالمنعم · 31-01-2013, 09:38 PM

الشي الراجل ماعرفتو بعقد في الحبل والا بعمل في شنو غايتو بعد مساااااافه اظنها دهرا

قال لي :
قومي لحيلك استعدي
واتذكرت الناس البعدموهم بقولو ليهو قول ااخر امنيه
قلت ليهو ماقلت لي اخر منيه شنو
اخلصي عندنا نسوان غيرك عاوزين نخلص

عاوزه جبنه

لا دا من تاثير الخوف
هي خوف شنو من الموت المافي منو فوت ابدا وطبعا لا لاتظنن اني جبنت وااااي عندي بت صغيرونه هسه البرضعه منو تلقي البكي دار يشقها واااي يابنوتي الصغيرونه

هسه البرعاها منو مافي طريقه تهربوني من هنا

لا انت اكيد مجنونه نهرب شنو انتي بلوه
ورفعوني فوق كرسي ولفو الحبل في رقبتي انا اكثر النساء صبرا علي البلوه

الدموع دي مامقياس يمكن وقعت في عيني ترابه والا شي
غايتو اشهد ان باقي الشهاده نسيته ياربي مالي كدي لقني الشهاده ياعسكري
سمح قوليها في قلبك
وشات الكرسي واطوطحت اطوطحت وكروووووووو جيت واقعه الحبل انقطع
فد عوجه جاتني مافي

يتبع

خالد غالي · 31-01-2013, 10:24 PM

سلامات يامها

قالو في تلاتة حاكمنهم بالاعدام
يوم التنفيذ جايبنهم ليك التلاتة راصنهم والقاضي واقف والعساكر واقفين والجمهور واقف هنااك يعاين
وخاتين ليهم مشنقة وكرسي كهربائي
اها نادو الزول الاول والقاضي قال ليهو اها عايز تموت بالكرسي ولا المشنقة
الزول قال الكرسي .. ختوهو في الكرسي وشغلوا الكهرباء فقام اتضح انو الكرسي معطل
قام القاضي قال ليهم خلاص فكوهو لايمكن تنفيذ الاعدام مرتين ... قامو فكوهو

نادو الزول التاني والقاضي قام سألو عايز تموت بالكرسي ولا المشنقة .. الزول قال الكرسي فقام اتكرر نفس السيناريو
قامو نادو الزول التالت .. القاضي قام سألو عايز الكرسي ولا المشنقة ؟
الزول قال المشنقة

الجمهور قعد يكورك من هنااك الكرسي ياغبي ... الكرسي الكرسي

قام الزول كورك ليهم ... ماشغال .. ماشغال

مها عبدالمنعم · 31-01-2013, 10:59 PM

اقتباس:

المشاركة الأصلية كتبت بواسطة خالد غالي

سلامات يامها

قالو في تلاتة حاكمنهم بالاعدام
يوم التنفيذ جايبنهم ليك التلاتة راصنهم والقاضي واقف والعساكر واقفين والجمهور واقف هنااك يعاين
وخاتين ليهم مشنقة وكرسي كهربائي
اها نادو الزول الاول والقاضي قال ليهو اها عايز تموت بالكرسي ولا المشنقة
الزول قال الكرسي .. ختوهو في الكرسي وشغلوا الكهرباء فقام اتضح انو الكرسي معطل
قام القاضي قال ليهم خلاص فكوهو لايمكن تنفيذ الاعدام مرتين ... قامو فكوهو

نادو الزول التاني والقاضي قام سألو عايز تموت بالكرسي ولا المشنقة .. الزول قال الكرسي فقام اتكرر نفس السيناريو
قامو نادو الزول التالت .. القاضي قام سألو عايز الكرسي ولا المشنقة ؟
الزول قال المشنقة

الجمهور قعد يكورك من هنااك الكرسي ياغبي ... الكرسي الكرسي

قام الزول كورك ليهم ... ماشغال .. ماشغال

اهلين ياخالد
بالغت اطوطحت اطوحت دي ماسمحه

ههههههههههه

هشام ديدي · 31-01-2013, 11:15 PM

رهيييييييبه لقيتك في سودانيز..بنفس الماده

تحياتي.

مها عبدالمنعم · 01-02-2013, 08:22 AM

اقتباس:

المشاركة الأصلية كتبت بواسطة هشام ديدي

رهيييييييبه لقيتك في سودانيز..بنفس الماده

تحياتي.

شكرا ياهشام
نعم نعم

مها عبدالمنعم · 01-02-2013, 08:27 AM

وبس بعد الحبل الهش الانقطع من تقلي دا

اتبسمت معناه عندي امل كبييير في ان تمتد فترة اني حيه لسه كم دقيقه تانيه لمن يعقد الحبل من جديد هسه كان غالبن يشترو حبل جديد

كل زول يعدمو بحبل براه مالو وفجاه انا بفكر كدا صرخت البت السجمانه في راسي نامن نطيت علي حيلي لقيت نفسي نايمه في سريري وبتي جمبي

كنت بحلم اتاريني

ثم انه زاااته الجيش مافيهو نسوان

تمت

النور يوسف محمد · 06-02-2013, 03:49 PM

بسم الله الرحمن الرحيم

الأخت مها عبد المنعم ..

من المتابعبن لكتاباتك هنا فى هذا المنتدى
احياناً ألمس نصوص غاية فى الذكاء وسعة الخيال
نصوص يتحول فيها الحدث اليومى الى فكرة تضج بالحياة ..
وأحياناً أفاجأ بنصوص فاتره و( دايخه ) ، لا تغري قارئها بالمتابعة ..

وبين إستخدام موفق لدارج القول فى نصوص وفصيح الكلام فى أُخر يتعذر فى كثير من الأحيان تتبع نهج مها عبد المنعم الكتابى ، إنما معالم اسلوبك القصصى لا تخفى ، وهو اسلوب ممتاز ولا شك ..

إن كان جميلاً قسوف أكتب هنا بعض خواطر عن القصة لدى مها عبد المنعم ..
فقط إستناداً على ما قرأته فى سودانيات ، ولو كنت أتمنى أن تمدينى بروابط للإطلاع على المزيد من كتاباتك ..

وشاكر جداً ..

مها عبدالمنعم · 06-02-2013, 04:38 PM

اقتباس:

المشاركة الأصلية كتبت بواسطة النور يوسف محمد

بسم الله الرحمن الرحيم

الأخت مها عبد المنعم ..

من المتابعبن لكتاباتك هنا فى هذا المنتدى
احياناً ألمس نصوص غاية فى الذكاء وسعة الخيال
نصوص يتحول فيها الحدث اليومى الى فكرة تضج بالحياة ..
وأحياناً أفاجأ بنصوص فاتره و( دايخه ) ، لا تغري قارئها بالمتابعة ..

وبين إستخدام موفق لدارج القول فى نصوص وفصيح الكلام فى أُخر يتعذر فى كثير من الأحيان تتبع نهج مها عبد المنعم الكتابى ، إنما معالم اسلوبك القصصى لا تخفى ، وهو اسلوب ممتاز ولا شك ..

إن كان جميلاً قسوف أكتب هنا بعض خواطر عن القصة لدى مها عبد المنعم ..
فقط إستناداً على ما قرأته فى سودانيات ، ولو كنت أتمنى أن تمدينى بروابط للإطلاع على المزيد من كتاباتك ..

وشاكر جداً ..

سلامات وشاكره جدا ويسعدني ان تكتب بعض الخواطر عن كناباتي بحاول اجيب ليك روابط لبعض الكتابات ..

مها عبدالمنعم · 06-02-2013, 04:51 PM

http://sudanyat.org/vb/showthread.php?t=25716

مها عبدالمنعم · 06-02-2013, 04:58 PM

http://sudanyat.org/vb/showthread.php?t=25469

مها عبدالمنعم · 06-02-2013, 05:00 PM

.facebook.com/profile.php?id=100002425252253&sk=allactivity
دي ان شاءالله الرابط يظبط

مها عبدالمنعم · 06-02-2013, 05:10 PM

http://www.sudaneseonline.com/cgi-bi...msg=1359191757

رأفت ميلاد · 06-02-2013, 10:24 PM

يا مها قبال تنومى ما تاكلى كتير .. غايتو خيال جامح بشكل عجيب .. ياخى مشروع رواية طويلة بكون أفضل .. عندك دقة على تفاصيل صغيرة حتى لو أستعملتى التهكم فيها ما بتخطر على البال

يا جنابو فى غياب شبارقة نديكم حصة صغيرة ليك وللفائدة العامة

لامن تبحث عن مواضيع شخص ولّ حتى مواضيعك أنت .. دوس على الأسم فى البروفايل وأختار (مشاهدة ملفه الشخص) فى الملف الشخصى فوق أقصى اليمين فى مربع أسمو (الأحصائيات البسيطة) بتظهر فيه الصورة الرمزية للناس المستعملين صورة فى البروفايل .. المهم فى المربع تحت مكتوب (مشاهدة جميع الاحصائيات) دوس عليها .. بيظهر ليك فى المربع الكبيرالآتى: (حالة مها مثلاً)

إجمالي المشاركات: 229
معدل المشاركات لكل يوم: 0.98
البحث عن المشاركات التي كتبها مها عبدالمنعم
البحث فقط عن المواضيع التي كتبها مها عبدالمنعم

تدوس على (البحث فقط عن المواضيع التي كتبها مها عبدالمنعم) .. يجيك فهرس لمواضيعها من أول يوم كتبت)

ملحوظة: ما تعتمد على لنك الصفحة فى الحفظ .. لنك مؤقت وما بسجلا .. كل مرة تعمل نفس الخطوات

وشكراً شعبى

31-01-2013, 09:08 PM	#[1]
مها عبدالمنعم :: كــاتب نشــط::	نص ساعه باقيه علي تنفيذ الاعدام وانا اعاين للعساكر ديل وقلبي مقطوع من الخوف والا الخلعه مابعرف هسه مافضل لي من الدنيا الا مسافة بين الحبل ومكان واقفه دا بس بسمع بقولو الموت للرجال لا داك السجن للرجال طيب السجن للرجال والموت لي انا ذنبي شنو مش كان هسه قاعده في بيتي راجيه راجلي يجي من صومعته الكان فيها مالي ومال الانقلابات اشان اقلب الحكومه دي اريتني كان كنت مدنيه وعيني للعسكري بجهز في حبل الشنق دا واهلي ديل مش كان يجو يحضرو يوم اعدامي التاريخي دا هسه منو يخبر العالم عن بطولة تقبلي للاعدام بشجاعة غير منقطعة النظير منو يقسم انه راني اتشهد واني شهيده منو يشهد اني كنت البس سلسله ذهبيه كان مشتريها لي الراجل قبل ابقي متمرده منو ومنو مافي زول زاتو بس انا وكم عسكري والمكان زاااتو ولا تقول قاعة تنفيذ احكام وهسه بدل الحبل الشنقو بيهو قبالي المجرمين والمجرمات والمغتصبين للشفع والمغتصبات لو شنقوني بعمةمش اخير بس يلا الموت للرجال هي الابطال امثالي قلبنا الحكومه وطيرنا ناس ن وع وماالي ذلك وان مت فمن اجل الوطن كل شي رخيييييييييييييييص حتي رقبتي دي والله بنجرح وبخاف من الدم هسه العسكري دا بعد رقبتي تنكسر كان كبت دم بعمل شنو قلبو قوي مالقي شغل غير اعدام الابطال امثالي وقعدت في الواطه راجيه الراجل يخلص من ربيط الحبل وسرحت ببصري لتلك الايام الفكرت اقلب الحكومه عنوه كانت ايام عصيبه عصيبه عصيبه عصيبه يتبع
مها عبدالمنعم :: كــاتب نشــط::

31-01-2013, 09:23 PM	#[2]
مها عبدالمنعم :: كــاتب نشــط::	الشي تلك الايام فد حيله نجحت ليخرج الشعب من جحوره مافيالمهم في قعدة الجبنه عن واحده صاحبة بت جيران واحده من نسوان الرئس جات سيرة العيش بقي بكم والسكر والبن وهكذا قمت اقترحت انا ست الجبنه المره الجايه رايكن شنو نقلب الحيكومه الماعاجبانه دي ووافقت النسوه في سرعه عجيبه شديد وبس الشي قلنا رجال مامعانا كان دار يقلبوها كان يمرقو المظاهرات داب انهم مامرقو براااااااااااااانا بنقلبهوبس بدات الترتيبات قائدات الالويه يكونن وين وقائدات المدفعيه ومنو يستلم الاذاعه والتلفزيون وقناة الشروقوالبتزيع الاعلان الاول اجملنا صوتا وصوره والامور ماشه سمممممممممممح وقلنا مافي مره تدخل راجله اشان مايحميها ولا يبلغ فيها بس بت الجيران مابتتبلي في خشمه فوله كلمت راجله وفي فد ليل جو قبضونا جميعا قبيض الجراد والنسوان الفتانات ) السعالوها كلها قالت انا قائد الانقلاب الفاشل وماسجنوني كتير تلاته يوم وقالو اعدموها فانها شرا مستطيرا وجابوني ترا راجيه العسكري يخلص من ربيط الحبل دا يتبع
مها عبدالمنعم :: كــاتب نشــط::

31-01-2013, 09:38 PM	#[3]
مها عبدالمنعم :: كــاتب نشــط::	الشي الراجل ماعرفتو بعقد في الحبل والا بعمل في شنو غايتو بعد مساااااافه اظنها دهراقال لي : قومي لحيلك استعدي واتذكرت الناس البعدموهم بقولو ليهو قول ااخر امنيه قلت ليهو ماقلت لي اخر منيه شنو اخلصي عندنا نسوان غيرك عاوزين نخلص عاوزه جبنه لا دا من تاثير الخوف هي خوف شنو من الموت المافي منو فوت ابدا وطبعا لا لاتظنن اني جبنت وااااي عندي بت صغيرونه هسه البرضعه منو تلقي البكي دار يشقها واااي يابنوتي الصغيرونه هسه البرعاها منو مافي طريقه تهربوني من هنا لا انت اكيد مجنونه نهرب شنو انتي بلوه ورفعوني فوق كرسي ولفو الحبل في رقبتي انا اكثر النساء صبرا علي البلوه الدموع دي مامقياس يمكن وقعت في عيني ترابه والا شي غايتو اشهد ان باقي الشهاده نسيته ياربي مالي كدي لقني الشهاده ياعسكري سمح قوليها في قلبك وشات الكرسي واطوطحت اطوطحت وكروووووووو جيت واقعه الحبل انقطع فد عوجه جاتني مافي يتبع
مها عبدالمنعم :: كــاتب نشــط::

31-01-2013, 10:24 PM	#[4]
خالد غالي :: كــاتب نشــط::	سلامات يامها قالو في تلاتة حاكمنهم بالاعدام يوم التنفيذ جايبنهم ليك التلاتة راصنهم والقاضي واقف والعساكر واقفين والجمهور واقف هنااك يعاين وخاتين ليهم مشنقة وكرسي كهربائي اها نادو الزول الاول والقاضي قال ليهو اها عايز تموت بالكرسي ولا المشنقة الزول قال الكرسي .. ختوهو في الكرسي وشغلوا الكهرباء فقام اتضح انو الكرسي معطل قام القاضي قال ليهم خلاص فكوهو لايمكن تنفيذ الاعدام مرتين ... قامو فكوهو نادو الزول التاني والقاضي قام سألو عايز تموت بالكرسي ولا المشنقة .. الزول قال الكرسي فقام اتكرر نفس السيناريو قامو نادو الزول التالت .. القاضي قام سألو عايز الكرسي ولا المشنقة ؟ الزول قال المشنقة الجمهور قعد يكورك من هنااك الكرسي ياغبي ... الكرسي الكرسي قام الزول كورك ليهم ... ماشغال .. ماشغال
خالد غالي :: كــاتب نشــط::

31-01-2013, 11:15 PM	#[6]
هشام ديدي :: كــاتب نشــط::	رهيييييييبه لقيتك في سودانيز..بنفس الماده تحياتي.
هشام ديدي :: كــاتب نشــط::

01-02-2013, 08:27 AM	#[8]
مها عبدالمنعم :: كــاتب نشــط::	وبس بعد الحبل الهش الانقطع من تقلي دا اتبسمت معناه عندي امل كبييير في ان تمتد فترة اني حيه لسه كم دقيقه تانيه لمن يعقد الحبل من جديد هسه كان غالبن يشترو حبل جديد كل زول يعدمو بحبل براه مالو وفجاه انا بفكر كدا صرخت البت السجمانه في راسي نامن نطيت علي حيلي لقيت نفسي نايمه في سريري وبتي جمبي كنت بحلم اتاريني ثم انه زاااته الجيش مافيهو نسوان تمت التعديل الأخير تم بواسطة مها عبدالمنعم ; 01-02-2013 الساعة 08:30 AM.
مها عبدالمنعم :: كــاتب نشــط::

06-02-2013, 03:49 PM	#[9]
النور يوسف محمد :: كــاتب نشــط::	بسم الله الرحمن الرحيم الأخت مها عبد المنعم .. من المتابعبن لكتاباتك هنا فى هذا المنتدى احياناً ألمس نصوص غاية فى الذكاء وسعة الخيال نصوص يتحول فيها الحدث اليومى الى فكرة تضج بالحياة .. وأحياناً أفاجأ بنصوص فاتره و( دايخه ) ، لا تغري قارئها بالمتابعة .. وبين إستخدام موفق لدارج القول فى نصوص وفصيح الكلام فى أُخر يتعذر فى كثير من الأحيان تتبع نهج مها عبد المنعم الكتابى ، إنما معالم اسلوبك القصصى لا تخفى ، وهو اسلوب ممتاز ولا شك .. إن كان جميلاً قسوف أكتب هنا بعض خواطر عن القصة لدى مها عبد المنعم .. فقط إستناداً على ما قرأته فى سودانيات ، ولو كنت أتمنى أن تمدينى بروابط للإطلاع على المزيد من كتاباتك .. وشاكر جداً ..
النور يوسف محمد :: كــاتب نشــط::

06-02-2013, 04:51 PM	#[11]
مها عبدالمنعم :: كــاتب نشــط::	http://sudanyat.org/vb/showthread.php?t=25716
مها عبدالمنعم :: كــاتب نشــط::

06-02-2013, 04:58 PM	#[12]
مها عبدالمنعم :: كــاتب نشــط::	http://sudanyat.org/vb/showthread.php?t=25469
مها عبدالمنعم :: كــاتب نشــط::

06-02-2013, 05:00 PM	#[13]
مها عبدالمنعم :: كــاتب نشــط::	.facebook.com/profile.php?id=100002425252253&sk=allactivity دي ان شاءالله الرابط يظبط
مها عبدالمنعم :: كــاتب نشــط::

06-02-2013, 05:10 PM	#[14]
مها عبدالمنعم :: كــاتب نشــط::	http://www.sudaneseonline.com/cgi-bi...msg=1359191757
مها عبدالمنعم :: كــاتب نشــط::

06-02-2013, 10:24 PM	#[15]
رأفت ميلاد :: كــاتب نشــط::	يا مها قبال تنومى ما تاكلى كتير .. غايتو خيال جامح بشكل عجيب .. ياخى مشروع رواية طويلة بكون أفضل .. عندك دقة على تفاصيل صغيرة حتى لو أستعملتى التهكم فيها ما بتخطر على البال يا جنابو فى غياب شبارقة نديكم حصة صغيرة ليك وللفائدة العامة لامن تبحث عن مواضيع شخص ولّ حتى مواضيعك أنت .. دوس على الأسم فى البروفايل وأختار (مشاهدة ملفه الشخص) فى الملف الشخصى فوق أقصى اليمين فى مربع أسمو (الأحصائيات البسيطة) بتظهر فيه الصورة الرمزية للناس المستعملين صورة فى البروفايل .. المهم فى المربع تحت مكتوب (مشاهدة جميع الاحصائيات) دوس عليها .. بيظهر ليك فى المربع الكبيرالآتى: (حالة مها مثلاً) إجمالي المشاركات: 229 معدل المشاركات لكل يوم: 0.98 البحث عن المشاركات التي كتبها مها عبدالمنعم البحث فقط عن المواضيع التي كتبها مها عبدالمنعم تدوس على (البحث فقط عن المواضيع التي كتبها مها عبدالمنعم) .. يجيك فهرس لمواضيعها من أول يوم كتبت) ملحوظة: ما تعتمد على لنك الصفحة فى الحفظ .. لنك مؤقت وما بسجلا .. كل مرة تعمل نفس الخطوات وشكراً شعبى
رأفت ميلاد :: كــاتب نشــط::	التوقيع: رأفت ميلاد سـنمضى فى هذا الدرب مهما كان الثمن الشـهيد سـليمان ميلاد