اطفاءت شمعتى ،،على صفحات الفيس بوك

[واحة]

مضت سنة اخرى من ايامى المعدودة فيها ما فيها ، وجاءت الامنيات

الجميلة من الاصحاب والاحباب هنا، والجديد بالنسبة لي على بريدى

بذلك الفيس بوك ،

ولكن ما فاجانى (وانا لست من انصار المفاجاءت رسالة

بدايتها معايدة رقيقة وبداخلها مواساة حنينة ولم افهم عن ماذا الحديث

بعت افهم الحاصل ، فكان الرد اتصال افهمنى اننى مازلت صغيرة

ولم انضج ، واعتذار من هاتفنى اعتقد معرفتى بكل ما يعرفه

اهل الفيس ولم ادركه انا المتعلق الامر بي !!!!

لم اكن اعلم اذا اكدت طلب صداقة حسب ما جأتنى الرسالة على عنوانى ،

فيغير الطرف الاخر رايه برفضه .ويشطبك من الوجود الافتراضى هو حر ،

بس يمكن ان يٌفرد ذلك مساحات للتشهير والهمز واللمز ،

بجد ما صدقت و استهجنت الكلام فحب من تحدث ان يثبت

صحت حديثه فبعت كمية من القص واللصق من تلك المداخلات

لصفحته او صفحات اخرى ، عجبت لهذا المتصل وعجبت اكثر لتك القصاصات .



عليه سامحونى لو تانى ماقبلت اى طلب( رلشن شب)

والكتابة كده مخصوص وحقوق الطبع محفوظة.

ادى بداية سنتى النهاية كيف يا حبايب؟؟؟؟

على جنب كده ،،،

اعجبنى التناغم بين الراقصة والطبال .

سلمتم وسلمت الرلشن شب بتعاعتكم ............ وعجبى,

واحة

[عمر عبدالكريم]

تحياتي ياواحه
حقيقي ماقدرت أنسجم إطلاقاً مع الفيس بوك ده
بحس بيو بايخ وخالي من النكهه ويشعرك بالرثاء للكثيرين
المنتديات دي حنيييييينه وظريفه ماتفوتيها تقبلي غادي

[واحة]

عارف يا عمر انى اقبل غادى دى ما بقدر عليها اصلى

ادروب ولووووف خالص خالص ، حتى الفيس دخلتوا لانو

الناس الهنا كلهم هناك واتعرفت عليه عن طريقهم .

احنا هنا عمر والله ، ياما اختلفنا فرحنا مع بعض

رغم الشتات والغربة وترحال البعض ، بس قريبين .

وشوف وجعتى هناك جيت كبيتها هنا ، شفت الحالة .

اسعدتنى طلتك ونصيحتك بكل تاكيد .

تسلم

واحة

[معتصم الطاهر]

واحتنا ..





http://www.youtube.com/watch?v=bKrUvahMz1w

[عكــود]

كل سنة وأنتِ بكل خير وسعادة
ودنياك مليانة بالمحبّة والتوفيق

[خال فاطنة]

كل سنة و انت طيبة، و كل الاماني محققة

[حجة امنة]

كل سنة و إنتي طيبة يا ست البنات،

أما إذا دار محور سؤالك عن عيال (الفي سي بوك) يا عملات السودامصريةgap
ف ديل خُتي ليهم السم القدر عشاهم gap

بلا بلاوي

[قوت القلوب]

كل سنة وانتي بخير وهنا وكل ايامك الباقية سعادة
ياستهم
والجاتك في فيسك
خير ليك

[قوت القلوب]

http://www.youtube.com/watch?v=jEiY87HhIwg

[الرشيد اسماعيل محمود]

كل سنة وإنتِ طيبة يا واحة..
كثير من الفرح، قليل من الشجن وطاقة قصوي لاحتمال الحياة


تحياتي

[واحة]

يا هندسة


والله دبابيسك المرة دى قاتلة لعلهم يعوا ،بس مع الاخذ فى

الاعتبار انو (شتان بين امرين

لك كل مودتى,,


تسلم

واحة

[واحة]

ياعمدة

آمين يا سيدى ، ولو اضفنا ليها بعض سوء الظن
لابأس ،،،

المحبرة نشفت ، اطلق ذاك القلم .


مودتى وتسلم



واحة

[واحة]

يا خال فاطمة وخالنا( بعد اذنك طبعا


عارف ان شاء الله نصها فى السنة دى انا ما طماعة بس يخلص الماجستير ،
اغمض عين وافتحها يكبر العيال، وافتح التانية نكون فى حال غير الحال واغمضهم
الاتنين و.....مافى داعى

تسلم كتير

واحة

[واحة]

يا حجوجة

حكاية (ست البنات دى) ذكرتنى طفولتى والله يقدرك

تقولى لى يا بت ، الله دا انا بعمل عمايل بت

انا عندى اسم ما تقولى بت والوش كله بتكرفس
بس اجمل يا بت سمعتها فى حياتى وكنت طبعا
مستعدة للشكل يا بت ... انا بحبك.
اصبحت احبهاواحب......ذاتو واتحسرت على معركتى الخسرتها على كبر

اما ناس الفيس بوك ،يا ستى نفضى على قول ( السودامصرية)كتير النفضناه
جات على دى .

تسلم لي

واحة

[واحة]

امى...وقوت قلوبنا

دايما يفرحنى تدليلك لي، وانت وماما نفس

الطريقة فى التعامل مع القلق على ابنائها

لا اكلى ، لا اشربى عينك تغمض تجى براااحة
تشوفك ،ربنا ما يحرمنى منك ، انا بخير ما تقلقى ياامنا.

اما فيس بكى فكما قلتى .

لكى قلبي تمددى فيه كيفما شاتى وكل كل الاحترام.

تسلمى لي وليه يارب.


واحة