وما الناسُ بالناس الذين عرفتهم !!! عبد الله الشقليني

إلى د. طلال فى حربه العادلة و قيادته الماثلة !!! معتصم الطاهر

الجن وعالــم اللامرئيـات/Parapsychology !!! خالــد الحـــاج

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!
آخر الأخبار العالمية

العودة   سودانيات .. تواصل ومحبة > نفــاج خالــد الحــاج

إضافة رد
 
أدوات الموضوع انواع عرض الموضوع
قديم 12-05-2013, 10:42 AM   #[1]
مشرف منتدى نوافذ
Super Moderator
 
افتراضي إفطار طالب .. معتدل مارش

سلام جاكم..
1- البوست ده قد تكون سواقتو صعبه نظرا لإننا حنتكلم عن تفاصيل مالية ، فالرجاء التعامل مع كاتب البوست كزول بيفتش في الأرقام ليس إلا ، عشان الشفافية أولا ً ، وعشان نطلع الناس على العمل الطوعي بين الهتافات وبين البيان بالعمل ثانياً..
2- كاتب البوست ما بيفتش لأي صنيع ، عشان ما تلصقوا فيهو فرية إنو زول بيبادر بالعمل الطوعي وو .. فكرة إفطار طالب الناس إتلقتها كلها ، وإذا كان في صنيع ، بالتأكيد بيرجع للناس الساقت المشروع ده ، وإللي حتسوقو بعد التعطيل الإتعرض ليهو..

نبدأ.........



مشرف منتدى نوافذ غير متصل   رد مع اقتباس
قديم 12-05-2013, 10:43 AM   #[2]
مشرف منتدى نوافذ
Super Moderator
 
افتراضي

- تصدق في قمة زهجي حصلت لي حاجه كويسه
- بشًر
- إتصل علي زول إسمو *** وقرا بوستات عن إفطار طالب ، وقال بيقدر يدعم 10 طلاب في العام الدراسي 13 -14 بس شوف الطلاب وإحتياجاتهم وأنا جاهز
- يا سلاااااااام
- يا شليل محمد ود عشه للمره التالته جا الأول ، والمرًه دي قفًل المجموع





هكذا تكلم ذرادشت.. ود حليمه



مشرف منتدى نوافذ غير متصل   رد مع اقتباس
قديم 12-05-2013, 10:43 AM   #[3]
مشرف منتدى نوافذ
Super Moderator
 
افتراضي

وتكلمت زرادشته بحسره : نزلت السودان الإجازة الفاتت ، وجاني ولد صغير طلب مني أغسل العربية ، فوافقت وأخدت وأديت معاهو في الحوار .. عرفت إنو زول ذكي وأول الفصل بتاعم ، وخلى الدراسة عشان يعول أسرتو.. أها مشيت معاهو البيت وإتعرفت على ناس بيتم ، وإلتزمت بإنو إتكفل بمصاريف المعيشة و الدراسة لحدي ما يخش الجامعه ، بشرط إنو يركز فقط في الدراسة وما ينزل السوق.. وبالفعل كان بإستمرار بيحرز درجات متقدمة ، ونشأت علاقة طيبة بيني وبين أسرتو ، وكنا على تواصل لحدي ما حصلت الفاجعه.. في نتيجة إمتحانات الشهادة السودانية أحرز ( *** ) درجة كبيرة جدا ً وكان شايل النتيجة وعايز يقطع شارع الزلط عشان يضرب لي يوريني جاب كم .. بلا ضربتو عربية ، مزقت نتيجتو وجسدو الصغير و حلمو بإنو يبقى دكتور.



مشرف منتدى نوافذ غير متصل   رد مع اقتباس
قديم 12-05-2013, 10:50 AM   #[4]
مشرف منتدى نوافذ
Super Moderator
 
افتراضي

وفي سودانيات .. تكلم العديد من الذرادشت
هنا في ( حق الفطور )
http://sudanyat.org/vb/showthread.php?t=23690
وممكن نلخصو في المداخلة رقم 156

اقتباس:
* من ناحية تسمية المشروع ماعندي مانع إنو يحل إسم المرحوم خالد الحاج ، أو وجبة إفطار سودانيات ، أو أي مسمًى الناس تتفق عليهو..
* أهم نقطة في تقديري هي الجات بيها العزيزه نبراس حول : الإلتزام.. لمسئوليتنا الأخلاقية أولاً ومسئوليتنا الإجتماعية تجاه أخواننا.. وكلنا مرًينا بالظرف ده ، وعارفين معنى إنو ما تلقى حق الفطور في حين إنو زميلك عندو ، الحاجه البتخلق صدمة نفسية وتعاظم من الصراع الطبقي... فرجاءً يا شباب/ات ، ما تأخروا إرسال المساهمة بتاعتكم.

* يتم الدفع قبل 31 مارس
* باب الشيرنغ حيكون مفتوح ، وفي تقديري إنو عددية الإخوة التنسيقيين كافية ( رايكم شنو في النقطه دي ! )
أي زول مقيم خارج السودان .. يجتهد في إنو يجيب ليينا ناس يساهموا مادياً..

* النقطة التانية المهمه .. الهدوء يا أخواننا.. ما عايزين (شو) وتلميع.. كل ما الواحد قدر يعمل واجبو بدون ما يحسس الناس الحوالينو كلما كان أكتر تصالحا مع نفسو ، ورصيدو الإنساني فووق.

* بالإمكان دفع الإشتراك كل شهر ، أو دفع مقدم 3/6/9/ سنه كل حسب وضعو المالي..
يتم إرسال التحاويل المالية للأخ حافظ حسين (. ما تعمل فيها غمران ).. رقم موبايلو ..249929487608 ، للإتصال من داخل السودان 0929487608
كمسئول مالي.. وهو بدورو يعمل على تكوين لجنة مالية من الإخوة الفي التنسيق ، نبراس السيد الدمرداش
د. أحمد محمد زين
مهند الخطيب
ناصر يوسف

- كمقترح من مداخلات الأخوان/ات-

ويشوفوا الحاجه المناسبه ، عايزين ينزلوا الأداء المالي بتاع كل شهر ويذكروا فيها أسماء الناس العملوا التحاويل - بعد أخذ الإذن منهم- أهلا وسهلاً .. ما عايزين أسماء.. أهلا وسهلاً برضو.. نثق فيكم وفي حضوركم الإنساني..

* ال rate of exchange.. الدولار داٌقي الدلجة في السوق الموازي.. أمس كان عامل 5500 ، اليورو ماعندي فكرة..
في حال إنو أخواننا خارج السودان واجهو صعوبة في إرسال تحاويل مالية ، " ناس أمريكا مثلاً " .. ما عندي مانع إنو إستلمها عبر western union exchange ، بشرط إني حأنزًل ال receipt إللي حيتضمًن إسم المرسل ، وفي حالة رفض المرسل وضع إسمو حأشير للحاجه دي..
الوضع ده ممكن يتمرر على كل الأخوان خارج السودان.. وضعت إسمي لتسهيل عملية الحوالات للناس المقيمين بقطر/خارج قطر..
الإسم : الفاتح السعيد .. موبايل 0097455663802..
Elfatih Elsaeed
* النقطة الأشار ليها هيثم.. جديرة بالإحترام.. بإنو قد يقدر يساهم بشكل متقطًع.. فإذا في أخوان/ات بيقدروا إنو يساهموا بشكل متقطًع وما شهري ملتزم يقولوا عووك باللاي.

* وفقاً لتقديرات الزملاء/ات ، وبحجم المشاركين/ات في الشيرنغ الشهري ، الساندويتش حيكون خالي من المحسًنات البديعية ، إلى أن يقضي الله أمراً كان مفعولاً ، ونشوف إمكانية مربى، طحنيه ، أو طعميه.. بس محتاج شوية وكت ، والناس تركز شويًه ، وبعديها من تجارب أخواننا وأخواتنا حنستفيد أكتر.

* يتم تخصيص راتب/نثرية ، للأسر الفقيره الحتقوم بالمشروع ده ، بالتعاون مع الإخوة/ات المتطوعين ، إللي مهامهم ما بتقتصر على خلق صلة بيننا وبينهم ، بل تمتد للتعاون ، وتوزيع وجبة الإفطار ، وتوفير نقل الإفطار ، والتنسيق مع جهات المدارس الإدارية..

* المدارس المعنيه بالمشروع ده ، هي البتقع في الهامش.. إللي بتنعدم فيها البنى التحتيه ، وغالبية طلبتها بيتساووا في إنهم مقشًطين..
كبداية حنبتدي بمدرسة واحده ، يجمع عليها الإخوة في اللجنة التنسيقية ، وبعديها إن شاء الله نحاول نوسًع في مشروعنا..

* يوضع في الإعتبار لاحقاً .. بعد ما نقطع شوط.. ضرورة الإنتباه لمسألة الشرب.. بإعتبار إنو في نماذج لطلبه بيشربوا من موية ما صحيًُه ، من براميل مصدًيه وو.. وذلك بتوفير أزيار ، صهاريج ، أو الحاجه البنتفق عليها..


* يتم الإبتعاد عما يسمًى المحلية ، تجنباً لإنها تطقط حناننًا..

* مجموع الطلبة المستهدفين وفقاً لتقديرات الأخوان/ات ، ورحمة السوق بيتفاوت بين 180 - 200

* في حالة إنو طلعت قروشنا مبروكه ، وواحد مننا طلع فكي.. ومرقنا بفائض شهري.. يتم شراء الإستوك ( فول ، دقيق ، زيت )

* الإخوة الفي الجنة التنسيقية ممكن يمروا على بتعاين الأفران ، وقد نلقى لينا ود حلال يخفض لينا قيمة شوال الرغيف..

* يجب دراسة تجارب الناس السبقونا في التجربة دي ، والإستفادة من خبرتهم
- مداخلة نبراس نموذجاً-

* المتاح حاليا : بحوزة حافظ حسين
300 جنيه من أحد قراء سودانيات و التحية لهذا الصديق اينما كان
500 من أحد أعضاء سودانيات
1000 عضوة من سودانيات رفضت الاشارة لإسمها
وبحوزة ناصر يوسف شوال فول أو ما يعادله.

إتضمًت أخت عزيزة لقروب الشيرنغ ، رفضت ذكر إسمها ، حأشير ليها ب " م ".. وبكده يكون عندنا 22 زول حيلتزم شهريا بدفع 200 ج ، و13 في اللجنة التنسيقية ، وعدد 1 بيلتزم بالمساهمة متى ما سنحت أحوالو المادية

الملتزمين بالمساهمة الشهرية :
1- بدر الطائف
2- البديري
3- نولا
4- طارق صديق
5- ساره
6- عكود
7- خالد الصائغ
8- حسين عبد الجليل
9- ناصر يوسف
10- عبد المنعم الطيب
11- نور العين
12- حافظ حسين
13- مروان هلال
14-سر الختم
15- أحمد محمد زين
16- أميري
17 زول خرافي
18- آمال
19- مرافئ
20- العزيزه (س)
21- العزيزة (م)
21- شليل

المتطوًعين
1- حافظ حسين
2- نبراس
3- والدة نبراس
4- عبد المنعم الطيب
5- ناصر يوسف
6- بدرالدين عبدالباقي
7- رقية عمر
8- توسل نصر الدين
9- أماني حدو
10- السيدة حد الريد (والدة أماني حدو)
11- مني عبداللطيف
12- سميًة آدم
13- سمراء

المشاركين بدفع الشيرنغ بشكل غير منتظم :
1- هيثم
وزي ما شايفين المبادرين بالإلتزام 21 فرد ، والمتطوعين 13 فرد
وزي ما شايفين إنو التقديرات المالية المكتوبه في البوست بتختلف من تقديرات اليوم
وزي ما شايفين إنو مافي تحرك إيجابي ، بمعنى إنو في ناس قد يكونوا خلوا الدراسة لإعتبارات بتتعلق بإشكالات مالية ، أو يكونوا أحرزوا درجات متدنية ، لأنو فوتوا فطورم.
ما مشى المشروع بتاع إفطار طالب لإعتبارات بتتعلق بإنو ما حددنا مسئول مالي واحد ، يقوم بتمليك العضوية حركة الصادر والمنصرف في إكسل شيت ، ولأنو ما حددنا مسئول تنظيمي واحد يقوم بالتعاون مع المتطوعين في إستهداف المدارس والقيام بالواجب..
حركة الوارد ما كانت واضحة لغياب مسئول مالي محدد.. ونشأت البوستات دي
وارد مشروع إفطار طالب :
http://sudanyat.org/vb/showthread.php?t=23909
ثم إنو العمل الخيري
http://sudanyat.org/vb/showthread.php?t=26267&page=4
مشروع إفطار طالب
http://sudanyat.org/vb/showthread.php?t=25508



مشرف منتدى نوافذ غير متصل   رد مع اقتباس
قديم 12-05-2013, 10:51 AM   #[5]
Sahar
:: كــاتب نشــط::
الصورة الرمزية Sahar
 
افتراضي



وجاك برضه السلام يا مُشرف نوافذ
تصدق امس خطر لي اسأل من المشروع وصل لحد وين، غيرت رأي وسكت قلت انتظر شوية قبل ما تلتصق فيني تهمة التسرع.

العمل العام بيعتمد في أساسه على الشفافية والتجرد. ورغم انه كاتب البوست نفى الفرية عن نفسه لكنها والله فرية جميلة وتهمة يتمنى الواحد انه تصبغ عليه..




التوقيع: الإهداء إلى ست الحبايب

أُمي
يامن رأيتُها تسير
وكُلها إباء
وكُلها إزدهاء

في دربها الطويل
يُحفها السناء


كنجمةٍ مضئيةٍ
قديمة جديدة

كهذه الثُريا
قريبة بعيدة

تُنير ليًّ السماء
Sahar غير متصل   رد مع اقتباس
قديم 12-05-2013, 11:02 AM   #[6]
مشرف منتدى نوافذ
Super Moderator
 
افتراضي

تعاني الزميلة نبراس بإعتبارها آلت ليها المسئولية المالية ، من مشاكل تقنية بتتعلق برفع ملفات الإكسل ووعدت بإرسال الملف لي.. والمتواجد معاها بيتمثل في 7800 جنيه سوداني ، وبطرف أحمد زين 3462
ونظراً لإنو همة مشروع إفطار طالب إتثبطت ، نتيجة لإنو مافي تقارير عن سير المشروع ، فبرجو المعذرة ، وبثق في تفهمكم لدواعي القيام بآكشن معتدل مارش

أولاً : وافق العزيز أشرف السر بإنو يكون المسئول المالي لسودانيات
مهمتو تتمثل في :
1- قراية البوستات المتعلقة بموضوع إفطار طالب وتحصيل المبالغ مالية منها
2- + عائد جوائز مسابقة خالد الحاج للقصة القصيرة 2013
http://sudanyat.org/vb/showthread.ph...657#post534657
وإللي شايفو متدني جدا جداً.. وإقترح مع الخلاصة بتاعة بوست حق الفطور
تحويل رصيد بمقدار 10 / 20 جنيه بشكل شهري وبعديها يباع الرصيد ويتخت في وارد المشروع
3- إصدار تقارير دورية عن حركة الوارد والصادر ( إن وجد )
4- التنسيق مع المسئول التنظيمي لمعرفة حوجة المدارس

ثانيا : وافق العزيز خال فاطمة إنو يكون مسئول تنظيمي ، مهمتو تتمثل في :
1/ التنسيق مع المتطوعين لسد حوجات المدارس
2/ كتابة تقارير دورية توضح الحاجه الإتعملت ، والمشاكل البنواجهها

وحرصاً على ضبط المشروع ده ، وتمليك الناس حركتو صعودا وهبوطاً ، حنقوم بإنشاء منتدى فرعي بإسم ( نفاج خالد الحاج ) يضم كل المشاريع الطوعية من نفاج
http://sudanyat.org/vb/showthread.php?t=14406&page=10
+ حق الفطور
يتم تخصيص بوستين لكل من المسئول المالي ( أشرف السر) يحمل عنوان وارد ومنصرف مشروع إفطار طالب 2013 -2014 أو بالمعني ده يوضح فيها حركة النقدية
وبوست تاني للمسئول التنظيمي (خال فاطمة ) يوضح فيهو تقرير مشروع إفطار طالب 2013 – 2014
فكلما كان الشغل مرتب كلما كان أفضل ، الناس تقدر تقيف على أخطاؤها وتعالجها..



التعديل الأخير تم بواسطة مشرف منتدى نوافذ ; 13-05-2013 الساعة 06:15 AM.
مشرف منتدى نوافذ غير متصل   رد مع اقتباس
قديم 12-05-2013, 11:14 AM   #[7]
مشرف منتدى نوافذ
Super Moderator
 
افتراضي

اقتباس:
المشاركة الأصلية كتبت بواسطة Sahar مشاهدة المشاركة


وجاك برضه السلام يا مُشرف نوافذ
تصدق امس خطر لي اسأل من المشروع وصل لحد وين، غيرت رأي وسكت قلت انتظر شوية قبل ما تلتصق فيني تهمة التسرع.

العمل العام بيعتمد في أساسه على الشفافية والتجرد. ورغم انه كاتب البوست نفى الفرية عن نفسه لكنها والله فرية جميلة وتهمة يتمنى الواحد انه تصبغ عليه..

جاك شيراك ، وجاك السلام ورحمة الله
بالعكس ..كلما الناس إتسرًعت كلما كان أفضل:D.. ما محتاج أقول ليك أنقري كيف مش !.. لأنو كلما إتحركنا سريع كلما ضمنًا إنو الطلبة ما يدكوا الحصص ويشتغلوا في السوق.



مشرف منتدى نوافذ غير متصل   رد مع اقتباس
قديم 12-05-2013, 11:52 AM   #[8]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

سؤال واحد بس

افطار الطالب فى اليوم كم ؟ و فى العام الدراسى بى كم ؟ و حتفطروا ياتو طلبة ؟ وشنو ؟ و بياتو كيفية ؟



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 12-05-2013, 11:57 AM   #[9]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

اقترح
دول الخليح الاربعة يكون عندها مناديب لجمع الفلوس ..
مندوب لكل دولة
الا السعودية 3 مناديب ( شرق +غرب +الرياض)

الالتزام يكون علنى .. ( للمسئولية و ليس للفخر او غيرو)
المبالع غير معلنة

اعلان المساهمة فيهو دعم للمشروع أكتر من الصمت عنها ..



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 12-05-2013, 04:57 PM   #[10]
احمد زين
:: كــاتب نشــط::
الصورة الرمزية احمد زين
 
افتراضي

اقتباس:
المشاركة الأصلية كتبت بواسطة مشرف منتدى نوافذ مشاهدة المشاركة
أولاً : وافق العزيز أحمد زين بإنو يكون المسئول المالي لسودانيات



التوقيع:
[frame="7 80"]يا حلاة العشرة وكتين تبقي صح صح[/frame]
احمد زين غير متصل   رد مع اقتباس
قديم 12-05-2013, 05:25 PM   #[11]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

اقتباس:
المشاركة الأصلية كتبت بواسطة مشرف منتدى نوافذ
أولاً : وافق العزيز أحمد زين بإنو يكون المسئول المالي لسودانيات



اقتباس:
المشاركة الأصلية كتبت بواسطة احمد زين مشاهدة المشاركة
كان ما وافق ..
وافق ..


و كان ما قال
قلنا ليهو ..
أها شن رايك ..!!

انت قايل التكاليف دى بدوها ساى ..
للبسدها ..



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 12-05-2013, 05:46 PM   #[12]
احمد زين
:: كــاتب نشــط::
الصورة الرمزية احمد زين
 
افتراضي

اقتباس:
المشاركة الأصلية كتبت بواسطة معتصم الطاهر مشاهدة المشاركة
كان ما وافق ..
وافق ..


و كان ما قال
قلنا ليهو ..
أها شن رايك ..!!

انت قايل التكاليف دى بدوها ساى ..
للبسدها ..
يا هندسة
قال ليك الموافقات اليومين دي ما بجدعوها كده ساكت:D

انت ما قاعد تقرأ جرايد ولا شنوlooool



التوقيع:
[frame="7 80"]يا حلاة العشرة وكتين تبقي صح صح[/frame]
احمد زين غير متصل   رد مع اقتباس
قديم 12-05-2013, 06:39 PM   #[13]
AMAL
:: كــاتب نشــط::
الصورة الرمزية AMAL
 
افتراضي

اقتباس:
المشاركة الأصلية كتبت بواسطة احمد زين مشاهدة المشاركة
يا هندسة
قال ليك الموافقات اليومين دي ما بجدعوها كده ساكت:D

انت ما قاعد تقرأ جرايد ولا شنوlooool
:D

اعتقد بقصد اشرف السر
م ن دا خرف خلي بالك:p



AMAL غير متصل   رد مع اقتباس
قديم 12-05-2013, 06:46 PM   #[14]
عمر صديق
:: كــاتب نشــط::
 
افتراضي

اتمنى ان يرى الموضوع النور بعد كل هذا الانتظار
ودائما الخطوة الاولى هى الاصعب والباقى بعد داك ساهل
الناس مشغولة بالجرى وراء لقمة العيش والمجاملات ولكن مع ده كلو حقو تخصص وقت ولو يسير من موضوع اتصدت له من ناحية عمل طوعى جاهزين
وده تلفونى
0907174898
والرصيد اترسل على ياتو رقم خالص الود



التوقيع: الله لى ...للخمر نكهة الابد
ولبشرة الحبيب ملمس الظلام
محجوب كبلو
عمر صديق غير متصل   رد مع اقتباس
قديم 13-05-2013, 06:16 AM   #[15]
مشرف منتدى نوافذ
Super Moderator
 
افتراضي

اقتباس:
المشاركة الأصلية كتبت بواسطة احمد زين مشاهدة المشاركة
تم تعديل الخطأ ، بإدراج إسم أشرف السر بدلا عنك
ولك مني العتبى



مشرف منتدى نوافذ غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 08:00 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2017, vBulletin Solutions, Inc.