يا ريت يلاقي الريدة في دربو

[النور يوسف محمد]

بسم الله الرحمن الرحيم
الأخت تحفة
رحم الله الخالدى .. كان راقياً ورقيقاً
عرفته يا تحفة عن قرب إبان عملى فى البوليس
فلم أرى فناناً فى تواضعه وعزوفه عن الشهرة والنجومية
بسيطاً فى كل شىء ,, مبتسماً على الدوام
كريم الوجه واليد واللسان
أحبه كل من عرفه
فى أغانيه مسحة من حزن .. نعته لمعجبيه
........ قبل الرحيل
شكراً على الإختيار الجميل

[سمورية]

المشاركة الأصلية كتبت بواسطة تحفة حوا

أتعلمنــــــــا من ريــــــــــدا
نحب الدنيـــــا ونريــــــــــدا
ونــــرحل في عيون النـــاس
نشيل لي كــــل زول ريـــدة

لمــا لقينــــا عينيـــــــــــها
لقيــنا الدنيــــا وافراحــــــا
للآمـــــال فتحــــــــنا دروب
لي أحلامنـــا كم ساحــــــــة
غريبــــة الدنيــــا جمعتنــــا
وبقــــولو عليها رواحــــــــة

وجـــــــانا الريــــــــد يعلمنا
نعيش الدنيـــا بالإحســــــاس
نســــامح بي قليب طيــــــب
نشيل الريـــد في كل النــاس
عرفنا الريـــدة في الطيبــــة
[mark=993366]وحلاوة الريدة في الإخـــلاص[/mark]

يـــاريت كــــــل زول تايـــــه
يلاقــــــي الريـــدة في دربــو
عشـــان النـــاس تحب النــاس
وزي عينيـــــــــنا يتحــــــبو
ما اصـــلو البزورو الريــــــــد
حب النــــــــــاس بزور قلــــبو

تحفةحوا ياجميلة

حلاوة الريدة في الاخلاص
ال3 كلمات وحرف الجر ديل
عندي خلاصة الموضوع
الاخلاص يعني الامان
يعني كسر الحواجز بدون خوف من ردود افعال
يعني اي شعور بيكون صااافي ونقي وصادق
احلي من كدا في الدنيا مافي

[تحفة حوا]

المشاركة الأصلية كتبت بواسطة سمورية

تحفةحوا ياجميلة

حلاوة الريدة في الاخلاص
ال3 كلمات وحرف الجر ديل
عندي خلاصة الموضوع
الاخلاص يعني الامان
يعني كسر الحواجز بدون خوف من ردود افعال
يعني اي شعور بيكون صااافي ونقي وصادق
احلي من كدا في الدنيا مافي

سمورية ازيك يا حبيبة
الريدة جميلة والاخلاص أجمل

الله يجمل أيامك بالصفاء والصدق والنقاء

و

نشيل لي كل زول ريدة

[تحفة حوا]

المشاركة الأصلية كتبت بواسطة النور يوسف محمد

بسم الله الرحمن الرحيم
الأخت تحفة
رحم الله الخالدى .. كان راقياً ورقيقاً
عرفته يا تحفة عن قرب إبان عملى فى البوليس
فلم أرى فناناً فى تواضعه وعزوفه عن الشهرة والنجومية
بسيطاً فى كل شىء ,, مبتسماً على الدوام
كريم الوجه واليد واللسان
أحبه كل من عرفه
فى أغانيه مسحة من حزن .. نعته لمعجبيه
........ قبل الرحيل
شكراً على الإختيار الجميل

شكرا لك أخي النور
وشكرا لتعريفنا أكثر بهذا الفنان الانسان
الله يرحمه
وفعلا أغانيه فيها حزن ومحبة

[فتحي مسعد حنفي]

المشاركة الأصلية كتبت بواسطة النور يوسف محمد

بسم الله الرحمن الرحيم
الأخت تحفة
رحم الله الخالدى .. كان راقياً ورقيقاً
عرفته يا تحفة عن قرب إبان عملى فى البوليس
فلم أرى فناناً فى تواضعه وعزوفه عن الشهرة والنجومية
بسيطاً فى كل شىء ,, مبتسماً على الدوام
كريم الوجه واليد واللسان
أحبه كل من عرفه
فى أغانيه مسحة من حزن .. نعته لمعجبيه
........ قبل الرحيل
شكراً على الإختيار الجميل

بوليس شنو يالنور..وجاي تقول لينا هسع بعد ما انبهلنا ومدينا للجلاد حبل المشنقة بي ايدنا..
ياخ بوليس شنو البكتب الكلام القاعد تكتبو انتا دا(رشوة) غايتو من الليلة الحتت البتبقي فيها انت دا طرفي منها

[النور يوسف محمد]

المشاركة الأصلية كتبت بواسطة فتحي مسعد حنفي

بوليس شنو يالنور..وجاي تقول لينا هسع بعد ما انبهلنا ومدينا للجلاد حبل المشنقة بي ايدنا..
ياخ بوليس شنو البكتب الكلام القاعد تكتبو انتا دا(رشوة) غايتو من الليلة الحتت البتبقي فيها انت دا طرفي منها

بسم الله الرحمن الرحيم
تعرف يا فتحى .. أقرأ كل ما تكتب
وأرى دواخلك بين السطور ... كاملة البهاء
يحزننى كثيراً أن بعضهم دون (شُرفة ) الصدق التى تجلس عليها
...............................................
أما أنا يا صاحب فلا شئ يخيفنى مثل هذه الكتابة !!!
لعل ذلك مرده الى سنين البوليس التى ما زالت ترهق كتف الذاكرة
خرجنا من البوليس يا صديق بملكة تقييم قلّ ما تخطئ .. ومساحة من سوء ظن
تعدل لك المايل أحياناً .. وتمنحك فرصة الهروب الى الأمام أحياناً أخرى
البوليس فتح لنا أبواب المجتمع المخملى فكنا قريباً من نجوم تلك الفترة
..................................................
ويا زول ولا يهمك أنا البجى الحتت البتكون إنت فيها ..
بس أنا ما زيك ... ( الشاى الحار ما بشربو )

[فتحي مسعد حنفي]

المشاركة الأصلية كتبت بواسطة النور يوسف محمد

بسم الله الرحمن الرحيم
تعرف يا فتحى .. أقرأ كل ما تكتب
وأرى دواخلك بين السطور ... كاملة البهاء
يحزننى كثيراً أن بعضهم دون (شُرفة ) الصدق التى تجلس عليها
...............................................
أما أنا يا صاحب فلا شئ يخيفنى مثل هذه الكتابة !!!
لعل ذلك مرده الى سنين البوليس التى ما زالت ترهق كتف الذاكرة
خرجنا من البوليس يا صديق بملكة تقييم قلّ ما تخطئ .. ومساحة من سوء ظن
تعدل لك المايل أحياناً .. وتمنحك فرصة الهروب الى الأمام أحياناً أخرى
البوليس فتح لنا أبواب المجتمع المخملى فكنا قريباً من نجوم تلك الفترة
..................................................
ويا زول ولا يهمك أنا البجى الحتت البتكون إنت فيها ..
بس أنا ما زيك ... ( الشاى الحار ما بشربو )

يازول كلامي كان جر رجل زي ما بقولو أهلي المصريين..أعمل شخيييت..
تعرف يالحبيب أنا في الأول بشكرك علي مشاعرك الجميلة تجاهي ودي المحرية في البواليس دا كلام جر واطي..
تاني تعرف وقالو لينا زمان في حصة الانشاء التكرار ببوظ الكتابة.لكن ضربوهو علي عينو قال خسرانا خسرانانرجع لي تعرف..أنا عندي أصدقاء كتار من البوليس وصلو لي أعلي المناصب لدرجة وزير داخلية..طبعا عرفتني قاصد عباس أبو شامة الكان دفعتي في كلية الحقوق بعد تخرجو من كلية البوليس..تصدق الراجل دا مرة ضرب مظاهرة لطلبة الانجيلية الصباح والساعة 4 العصر اتسبسب وقشر وجا الجامعة والجماعة قنصو ليهو وأدوهو علقة ما أظنو ينساها في يوم من الأيام
ومن ضباط البوليس في ناس ليهم أفضال علي ما بتتنسي.يعني مثال لذلك انو من سنة 1971 لغاية 78 كان اسمي في قائمة ترقب الوصول في مطار الخرطوم.والأمن قانص لي لكن أصحابي ناس المرحوم محمود السيد(حمودة) والمرحوم فاروق هلال ود حلتي حذروني من أول يوم وبلغوني لامن الاسم اتشال عشان كدا في 9\1978 رجعت السودان بعد سبعة سنوات عجاف من التشرد في بلاد أوروبا..
أما أكثرهم قربا وجمائله لا تنسي كان المرحوم محمد جدو الذي خرق القانون وأنا في برلين وجوازي ضايع وقاعد بدون اقامة مهدد بالتسفير للسودان..الراجل دا طلع لي جواز سفر وعمل لي فيهو تأشيرة دخول لألمانيا ورسلو لي عن طريق السعودية بالمخالفة للقانون البينص علي انه لا يسمح باستخراج جواز سفر لشخص وهو خارج السودان.وطبعا كان ممكن بخسر عملو بسبب العملة دي..للأسف جدو آخر أيامو قضاها قاعد في سوق خضار الخرطوم بحري علي عنقريب حبل يسب في الدين للماشي والجاي..
ديل غير جماعة الحركة ناس خورشيد وأبو بكر وغيرهم كتير من الأصدقاء من سلك الشرطة..