هل فعلآ سودانيات أصبحت منتدى الشلليات ...؟؟؟؟

[amine]

أتاني أتصال من صديق عزيز يشكو سودانيات ...
فبادرني بهذا السؤآل و ضرب لي أمثلآ كثيرة ...
قال لي أن سودانيات تعج بالأقلام المبدعة و لكني أحسست بالفوارق ...
أناس يكتبون لبعض و يردون على بعض ...
و أناس لا فرق عندهم يردون على الكل و لكن الكل لا يردون عليهم ...
وهنالك أناس متعالون و يظنون أنفسهم فوق الكل و بعض الكل يردون عليهم ..
وبعض الكل الذين يردون لا يحلمون برد بعض الكل ...لأن روح التعالي مستحكمة في بعض الكل الآخر ...
فسلامة بت محمد زين أن كتبت موضوعآ حتى لو كان هايفآ أؤكد لك بأن الفضيل ود مرسال و أبو حديد سوف يردون عليها كذلك برد أهيف ....ويرتفع سعر البوست في البورصة ....و كذلك المتعالون يردون على بعض و يستصغرون ردود الذين ينشدون التعلم منهم ....يعني الكبير كبير و الصغار ليتهم لا يتعلمون ....
فهذا الصديق فند لي الكثير و أراني بوستات كثر و جعلني أصدقه و فعلآ صدقته عندما قال لي أنظر هذا البوست و كاتبه أسماعيل نبرو فالردود تأتي من خادم الله و مستورة بت مرسال و الفضيل ود التاية ....
و أنظر خديجة بت اللحيمر لما تكتب تأكد أن الردود تأتي من التفو خلو وود جار النبي وووووو...
فسودانيات ملأى بالأقلام النيرة ....نفيدها قليلآ و نستفيد منها كثيرآ ....
يا أيها المتعالون أفسحوا لنا مجال التعلم منكم ....
آآآآآآآآآآآآآآخ يا راسي ...
يا ربي أنا وين ؟؟؟
تحياتي يا حلوين ...
أمين

[الطيب بشير]

الأمين
كلامك سمح
التقييم بعدل الختوة
سودانيات، برأيي، تستفيد بالنقـد أكثر من المدح
بعد شهرين ستكمل عامين
فهل سيكون إحتفاؤنا بهذا العيد مثل حماسنا لسابقه؟
السؤال للتأمل لا الإجابة!
يا ربي أنا وين
تحياتي يا حلوين

[أبو الحُسين]

المشاركة الأصلية كتبت بواسطة الطيب بشير

الأمين
كلامك سمح
التقييم بعدل الختوة
سودانيات، برأيي، تستفيد بالنقـد أكثر من المدح

الغالي الطيب وإنت كلامك أسمح... (من جميل وأجمل)!!

لكن والله بصراحة يا أمين والطيب مجتمع سودانيات فيهو حاجة كدي ما عادية... تشعر بي خوة عجيبة يعني أنا شاركت في بعض المنتديات الأخرى القيمة والعظيمة جداً لكن بأمانة زي المجتمع دا ما قابلني والله...

هسع عليك الله شوف أمين دا وشِعِفْتو دي... موش حلاااااااااااتو... صباح خير وطلعة... لوووووووول!!!

بس زي ما قلت يا الطيب ننتقد أنفسنا نقد هادئ القصد منو الإصلاح إمورنا بي تمشي لا قدام... لكن النقد التاني داك والللللللللللللله مانا دايرنو...

لكم من المودة أحلاهاوأعذبها... ولكل أهل سودانيات الطيبين الحلوين... مننننننننننننن إدارتها الفوق لييييييييييييي عضويتها فرداً فردا...

وماداير أقول ليكم أنا وين يا حلوين أنا عاااااااااارف أنا وين وبسوي في شنو!!!!

أبو الحســــين...

[أبو العز الجنوبي]

هووووووووووووووووي شوف يا أمين...
أول بالتبادي انت ذاتك ما دخلت البوست بتاعي، لأني سالت من ناس ماعارف عنهم حاجة.. المعني كدى انت بتدخل بمزاج.... يعني صاحبك كان يشتكيك انت ذاتك.....
تاني بالتبادي انت والمجدلية عندكم دفتر الغياب والحضور، او الحضور والغياب طالبت بأن يحدّث هذا البوست ويثبت .. برضو عملت نايم وما دخلت البوست.....
تالت بالتبادي البوست بتاعي بعنوان وقفة مع سودانيات .. اين هؤلاء الناس... انت مقصود بيه عدييل رغم اني ما ذكرت اسمك لأنك بقيت تطل علينا بالسيسي... وانحنا دايرنك كل يوم...
فعليك الله قوم تعال لينا....
واقول لصديقك نصيحة قالها لي حمدي اب جقادو... ان كنت تريد ان تكون مميزا عليك بالمواضيع المتميزة... وصدق فيما قال انا تابعت كثير من البوستات ووجدتها متميزة فعلا لذا فهي مقروءة....
وانا ذاتي مرات اقول احنبك عشان بلقي بوستاتي يقروها شوية ناس، لكن قبل ما احنبك ارجع اشوف البوست القاه هايف وده القدر البقروه بيهو اقعد اضحك ...والله سودانيات فريدة وناسها فريدين .. خلي صاحبك يكون فريد عشان يقدر يخش مع زمرة الفريدين والأكثر مشاركة كما في بوست الجيلي....
مع ودي لك ولكوستي حتى كمان
ياربي انا في الكوبري؟؟؟

[معتصم الطاهر]

أمين

أكثر البوستات التى أحبها
لا أرد عليها

ولأكثر من أقرأ له عبد الله الشقلينى ولا أرد عليه
أكتفى بالقراءة ..

اذن المقياس ليس كم مداخلة
بل كم عدد القراء

[عبدالله الشقليني]

عزيزنا أمين
تحية وكثير احترامي لما تكتُب

قرأت وانتابتني مشاعر متناقضة . جُلها سالبة !.
وأصدقك القول أنني ابتأست كثيراً .
لقد نضد الأحباء هُنا أقلامهم ، بورق القلب ،
ونضار المحبة الإنسانية ، وهموم المشاركة في السراء والضراء ،
وخلقوا من الكون السماوي الذي تيسر ، بُقعة ضياء في وطن
جفته المهاجر ، و عنت الحياة في الوطن لمن هم هناك .
أترى سيدي أن وقت ( النت ) وما يتيسر من الدنيا هو
جلسة مفتوحة ، تمنحنا الزمان الذي نُحب لنقرأ ونكتُب ونرد على
مهلنا ؟ .
أتعتقد أننا بالغنى الذي يتدحرج منذ طلوع الشمس إلى غسق الليل ؟!!
إن وجودنا سيدي ، يلعب نرد الصدفة فيه كثيراً .
تنـزعنا الصُدفة أن نقرأ ونكتُب ، ونُحب و نرُد .
ولن نكره أبداً .. أبداً.
فدُنيانا التي يسرها من يسره المولى لنُصرتنا مشكوراً ،
لن تكون إلا كما نُحب .
نقبل النقد في محتوى الموضوع... الخ ،
و لكني لا أعتقد أن الردود تواضعاً ، أو حجبها تعالياً أبداً !!!!!! .
أحزنني رأي صاحبك .
وودتُ لو أنه لم يقُل ما قال هُنا على الأقل .

فبضاعة بعضنا أن يكتُب لكم ما ينتقيه ليقرأ الجميع .
هذا هو الهدف وهذا ما أراه المُبتغى .
لك شكري ، و تلطفاً أن تتقبل لُغتي ،
إذ أسرفت أنا في الصراحة .
وفي الوضوح نصعد سُلم المحبة درجة ثم أخرى .
إني أرى دفء الحياة أصدق مرآة من الكُتبِ .
عبد الله الشقليني
27/3/2006 م

[سارة]

عزيزى امين والمتداخلون سلام من زول بحبكم

يا جماعة والله صدقونى قصة الردود دى مشكلة انا تمانين فى المية ما بقدر ارد عليهم لانى بحس

اى كلمة اقولها دون المقام ومن ارد عليهم اجد نفسى بين سطورهم واحبهم حتى النخاع اما مسالة

الشللية والوجاهات دى انا غايتو راى الناس الهنا ديل كلهك كبار وارقى من كدا

طبعا دا رايى الشخصى مافى زول رشحنى عشان امثله

اها كان نط زول وعمل شكلة انا جارية عندى امتحانات

[عكــود]

أمين العزيز

النقد حبابو عشرة.
ولكن ليس هناك متعالين
يا صاحب أمين.
ليس كل البوستات يمكنك الرد عليها
رغم قراءتها
لا لهيافتها أو هيافة كاتبها/تها
بل لأسباب عدّة
أقلّها عدم المقدرة على الإضافة للموضوع
أو عدم المعرفة حتى.
هناك صداقات نشأت داخل سودانيات وامتدّت،
بعض الأصدقاء يتداخلون مرة أو أكثر في بوست صديق
وده شي طبيعي
ولكنّهم لا يمسكون أقلامهم عن باقي البوستات.إ

و أناس لا فرق عندهم يردون على الكل و لكن الكل لا يردون عليهم ...

إن كان صديقك يقصد أن هناك من يرد على بعض المداخلات
ويتجاهل البعض الآخر
فذلك ما لم أراه
وإن حدث، عن تجاهل، فهو غير مقبول

دع صديقك ينظرنا بمنظار آخر
إن لم يكن بعين الرضا
فليس أقل من عين الحياد

عكـــود

[mamkouna]

الأخ العزيز..أمين
و...
الأخ العزيز...صديق و زميل أمين...

معظم من أتعامل معهم/ ن لا تربطني بيهم/ن أي علاقة شخصية...و فرضوا نفسهم عليٌ بما يكتبوا فأصبح بيننا شبه إتفاق بمقتضاه أتداخل معهم/ن و يتداخلو/ن معي...

من كلام صاحبك ده يبدو إنه جديد في المنتدى و لسه ما عمل ليهو أصحاب...
أنا شخصياً أنصحه بالآتي...
1 / الصبر...
2 / إختيار العناوين المثيرة للإهتمام...
3/ المشاركة العامة في المواضيع التى تهمه...
4/ المواظبة على متابعة ما يستجد على ساحة المنتدى...

و أنا متأكدة أنو صاحبك ح يكون من أهم أعضاء سودانيات..
يا ربي..أنا زااااااتي وين؟؟؟؟؟

[amine]

أبو البشير تحياتي يا رجل ..
فعلآ النقد البناء هو ما نحتاجه ..
وسودانيات هي بيتنا الأول منذ البدء ..
عني أنا أبدآ لم أتضايق و الله ودائمآ أجد كل الراحة هنا ...
و لكن هذا الصديق قديم هو كذلك و يكتب كثيرآ و يتداخل أكثر ..
فكان هذا العتاب منه لكثرة عشقه لكل الأقلام التي تخط هنا ..
يا ربي أنا وين ؟؟؟
تحياتي يا حلوين ...
أمين

[amine]

أبو الحسين كتب ...

لكن والله بصراحة يا أمين والطيب مجتمع سودانيات فيهو حاجة كدي ما عادية...

أبو الحسين العريس مع وقف التنفيذ كيف حالك يا ظريف فعلآ كلامك ده نفسه الممكن أقوله أنا كمان
وكتب ....

هسع عليك الله شوف أمين دا وشِعِفْتو دي... موش حلاااااااااااتو... صباح خير وطلعة... لوووووووول!!!

و بعدين ياخوي شنو الأطراءآت دي أنت الظاهر عليك ما قريت (( سنة يا الحيطة )) البوست الكتبه دفعتي ود الطاهر ...
شووووووووووووووق ...
يا ربي أنا وين ؟؟؟
تحياتي يا حلوين ...
أمين

[amine]

أبو العز الجنوبي كتب ....

وانا ذاتي مرات اقول احنبك عشان بلقي بوستاتي يقروها شوية ناس، لكن قبل ما احنبك ارجع اشوف البوست القاه هايف وده القدر البقروه بيهو اقعد اضحك ...والله سودانيات فريدة وناسها فريدين .. خلي صاحبك يكون فريد عشان يقدر يخش مع زمرة الفريدين والأكثر مشاركة كما في بوست الجيلي....
مع ودي لك ولكوستي حتى كمان
ياربي انا في الكوبري؟؟؟

هههههههههههههههههههههه يا عزنا تعرف أنه المقطع ضحكني شديد و الله ...و بعدين دفتر الحضور و الغياب مش أنا كنت نائب المديرة ؟؟؟ و المجدلية قامت غابت ليها كم يوم كده و مسكتني ليك الدفتر ...و أنا لقيتها لقيت فرصة و قلت أذا هي غابت كم يوم ...يلا أنا نغيب لي كمان أسبوع بس ...و غيبتي جرت أكتر من شهر ..أها قاموا رفدوني ليك و عملوا لي مجلس تأديب خدمة المجتمع لمدة أسبوع بدون أجر ...
و بعدين ياخوي و الله بوست الجيلي و أبجقادو قلببوهو ليك مع أبو مناهل و طارق و عمر صديق راكوبة عديل ...يقيلوا و ينوموا فيها زاتو ...تعرف أنا كلما أكون زهجان بخش هناك و أشبع ضحك و الله ...
بس الحمد لله سودانيات ما فيها مشاكل زي القرى التانية ....
ولك الود و لكوستي أشتقت ليها ...
يا ربي أنا وين ؟؟؟
تحياتي يا حلوين ...
أمين

[amine]

المشاركة الأصلية كتبت بواسطة معتصم الطاهر

أمين

أكثر البوستات التى أحبها
لا أرد عليها

ولأكثر من أقرأ له عبد الله الشقلينى ولا أرد عليه
أكتفى بالقراءة ..

اذن المقياس ليس كم مداخلة
بل كم عدد القراء

سلام يا باشمهندس و الله أنا زي حكايتك دي ....
في ناس كتار هنا أنا بستمتع في قراءة ما يكتبون ...
من ضمنهم عبد الله الشقليني و أنت ...
و الدليل على ذلك ألبوست (( خمسسسسسسسين ))
وسنة يا الحيطة الكتبته عني و الله لحدي هسه ما رديت على الحلقة الأخيرة ...
بس كل مرة بنتظر أولادنا المن كوستي لما يجوني زيارة أفتحه ليهم من أوله
و أقعد أضحك معاهم ...
بس منتظرين منك الحلقة الما قبل الأخيرة ...
هههههههههههههههههههههههههه
يا ربي أنا وين ؟؟؟
تحياتي يا حلوين ...
أمين

[amine]

المشاركة الأصلية كتبت بواسطة عبدالله الشقليني

عزيزنا أمين
تحية وكثير احترامي لما تكتُب

قرأت وانتابتني مشاعر متناقضة . جُلها سالبة !.
وأصدقك القول أنني ابتأست كثيراً .
لقد نضد الأحباء هُنا أقلامهم ، بورق القلب ،
ونضار المحبة الإنسانية ، وهموم المشاركة في السراء والضراء ،
وخلقوا من الكون السماوي الذي تيسر ، بُقعة ضياء في وطن
جفته المهاجر ، و عنت الحياة في الوطن لمن هم هناك .
أترى سيدي أن وقت ( النت ) وما يتيسر من الدنيا هو
جلسة مفتوحة ، تمنحنا الزمان الذي نُحب لنقرأ ونكتُب ونرد على
مهلنا ؟ .
أتعتقد أننا بالغنى الذي يتدحرج منذ طلوع الشمس إلى غسق الليل ؟!!
إن وجودنا سيدي ، يلعب نرد الصدفة فيه كثيراً .
تنـزعنا الصُدفة أن نقرأ ونكتُب ، ونُحب و نرُد .
ولن نكره أبداً .. أبداً.
فدُنيانا التي يسرها من يسره المولى لنُصرتنا مشكوراً ،
لن تكون إلا كما نُحب .
نقبل النقد في محتوى الموضوع... الخ ،
و لكني لا أعتقد أن الردود تواضعاً ، أو حجبها تعالياً أبداً !!!!!! .
أحزنني رأي صاحبك .
وودتُ لو أنه لم يقُل ما قال هُنا على الأقل .

فبضاعة بعضنا أن يكتُب لكم ما ينتقيه ليقرأ الجميع .
هذا هو الهدف وهذا ما أراه المُبتغى .
لك شكري ، و تلطفاً أن تتقبل لُغتي ،
إذ أسرفت أنا في الصراحة .
وفي الوضوح نصعد سُلم المحبة درجة ثم أخرى .
إني أرى دفء الحياة أصدق مرآة من الكُتبِ .
عبد الله الشقليني
27/3/2006 م

أستاذ عبد الله كيف حالك يا أخي ...
فهذ الصديق أخبرني عن وجهة نظره و بصورة عامة ..
يا أخي أنا كما كتب معتصم الطاهر أقرأ لك كثيرآ ولا أعقب ..
أحيانآ أعيد قراءة ما تكتب مرات عدة من أجل الأستمتاع ..
فأرجو منك أن لا تأخذ الموضوع بصورة شخصية ..
ولا تنظر أليه بصورة سلبية ..أعتبره رأي ناقد ...
ودمت أخ لي أنهل من مداد قلمك ..
يا ربي أنا وين ؟؟؟
تحياتي يا حلوين ...
أمين

[amine]

المشاركة الأصلية كتبت بواسطة سارة

عزيزى امين والمتداخلون سلام من زول بحبكم

يا جماعة والله صدقونى قصة الردود دى مشكلة انا تمانين فى المية ما بقدر ارد عليهم لانى بحس

اى كلمة اقولها دون المقام ومن ارد عليهم اجد نفسى بين سطورهم واحبهم حتى النخاع اما مسالة

الشللية والوجاهات دى انا غايتو راى الناس الهنا ديل كلهك كبار وارقى من كدا

طبعا دا رايى الشخصى مافى زول رشحنى عشان امثله

اها كان نط زول وعمل شكلة انا جارية عندى امتحانات

صباحاتك زين يا سرورة ...دائمآ يعجبني تواضعك الممزوج ببعض من المرح المحبب ..
أهي دي سودانيات ...بس أنتي يا ربي كلما تشمي ليك ريحة شكلة تقومي في الجري الدقاق
و تخلقي عذر ...هو يا ربي أنتي أمتحاناتك ديل ما بخلصوا ؟؟؟ ههههههههههههههههههه
يا ربي أنا وين ؟؟؟
تحياتي يا حلوين ...
أمين