رسائل ثورية طريفة من الفيس بوك
كتب الأمين عبد الكريم على صفحة والي الولاية الشمالية:
تعجبني اللعبه الحلوه ..😍😍
ياخ (حمدوك) طلع أحرف سوداني .. ده أحرف من (التش) ذاتو .. زول لعاب لعب وحريف جنس حرفنه . . ممتع لمن بهناك ..
وأحلي مشهد مراوغه في التاريخ الحديث . . هي مراوغته (للكيشه كوز ترك) دخلا ليهو (بالبيضه) عديل كده لمن (كوز ترك) إنبرش علي (خشمو) وقال (الروووب) تعالوا فاوضوني وما تسمحوا لحركة الإستيراد والتصدير تتم بواسطة الموانئ (المصريه) ..
طبعآ الجاهل عدوء نفسو .. فكيف يكون صديق غيره .. ؟.
كوز ترك / لمن قفل الميناء كان بتخيل بعقليته (الكيزانيه البهيميه المحدوده) إنو يا حكومة (حمدوك) هاجمتو وضربتو بالسلاح .. وهذا ما كان ينتظره لحشد الرأي العام العالمي وكسب تأئيد منظمات المجتمع المدني ليطالب بعدها بإنفصال الشرق ..
يا كمان حكومة (حمدوك) خضعت لمطالبه الكيزانيه ونفذتا ليهو . . وبهذا يكون قد أدي دوره الكيزاني بنجاح وهز صورة الحكومه عند الشعب ووسع مطالب غيره بأكثر من مطالبه عشان (يلووا) يد الحكومه ..
يا كمان (إستطاع كوز ترك) خنق السودان وتجويع شعبه للخروج ضد الحكومه وإسقاطها ليحكم أسياده الكيزان مره أخري ..
شفتوا كيف ؟؟.
لكن حكومتنا المدنيه بقيادة القيصر المكير الحريف (حمدوك) ما حققت (لكوز ترك) ولا التكتح .. بل إستبدلت حركة الإستيراد والتصدير بموانئ (مصر) في أحرف وامتع لعبه .. ومراوغه ممتعه شديد ياخ ..
وتركت (كوز ترك) يلعق (البوت) ويصرخ ألمآ وندمآ (تعالوا فاوضوني يا جماعه) وزووول شغال بيهو مافي ..
وإنقلبت الطاوله علي رأس (كوز ترك) لأن المكر السئ يحيق بأهله .. الآن كل مواطني شرقنا الحبيب ضد (كوز ترك) وهم من سيخرجون عليهو ويدخلوهوا في (علبو) لأنو (ضراهم) ضرر ما بعدو ضرر .. مش الجاهل عدوء نفسو ؟؟
ضراهم بتحويل حركة الصادر والوارد من ميناء بورسودان الرئه التي يتنفس عبرها الشرق عامه وأهم مورد للولايه الشرقيه ..
من أول قلنا ليهو وكلمناهو (كوز ترك) ده .. قلنا ليهو كما يقول أهلنا بدارفور في مثلهم الشعبي (مويه حاره ولا لعب قعونج) ..
ده لعب كبار (يا كوز ترك) وده شعرآ ماعندك ليهو (خلال خشب) ولا فنجان (جبنه) ولا (سفة تمباك) ..
أها (خم وصر) .
#الردة_مستحيلة
#مدنية_قرار_الشعب
|