سلام يا ستهم يا أم كلاما بالاحمر
:
يا بروف العسكر كانو حارسين لرغبات الشعب المصري
و منذ متي يؤتمن الذئب على الغنم ؟!
الزول البفرض إرادتو بالسلاح لا أمان له، انتو هسي فرحانين لانو الكيزان إتبلو، بكرة لمن تتغير الادوار ببقى ليكم بمبي !!
لمن يحصل أنا كان حي، إلا تخلو المنتدي ده
واعلنو بالواضح انهم لايريدون الحكم ولا يتدخلون بالسياسة
الجيش شاف الحشود وساند شعبو....
كذلك قادة الانقاذ، اعلنو انها هي لله، لا للسلطة و لا للجاه و انهم ما جاءو إلا لصلاح البلاد و العباد !!
الجيش ما مسك حكم ولا انقلب عليهو ولاساعيهو
عيّن رئيس المحكمة الدستورية الُعليا رئيس وحيؤدي اليمين الدستورية يوم الخميس
يعني بعد ساعتين تلاتة ...
قال فترة انتقالية وانتخابات رئاسية مبكرة
والاتفاق والبيان كان برعاية قوى مدنية وروحية الكنيسة والأزهر ودكتور برادعي مفوض من جبهة 30 يونيو
وأطياف من القوى الوطنية وكان برعاية تمرد القادت من ابريل الفات حملات
لجمع التوقيع والتحشيد
الجيش إنقلب على الحكم يا لنا، و بقوة السلاح اكرر بقوة السلاح ازاح رئيس منتخب و بشرعية لا يرقى إليها الشك !
بعدين يا لنا، عمك البرادعي و (أطياف من القوى الوطنية) ديل مش نزلو الإنتخابات و الشعب المصري - الصحي صحي
- فضل عليهم مرسي و الكيزان ؟!!
باي حق الجيش يسلمها ليهم بقوة السلاح ؟!!
الجيش ما اقصى الكيزان وهم رفضو يفاوضو مع القوى الوطنية....الشعب طالب بثورة محمية وكان دونها حمام دماء.
كيف الجيش ما اقصى الكيزان و هم بقوة سلاح هذا الجيش، تم ازاحتهم عن السلطة .
بعدين قصة رفضو فاوضو مع القوى الوطنية ما صاح، أنا بعيوني ديل اول امبارح في الجزيرة شفت المتحدث الرسمي للرئاسة المصرية في مؤتمر صحفي بقر باخطاء من الرئاسة و استعدادهم للحوار مع المعارضة حولها و قال رسلنا ليهم كذا مره و هم برفضو الجلوس للحوار .
بعدين حمام الدم الصحي صحي جاي بكرة لمن الكيزان يرفضو ما حدث.
والجيش لو كان عايز ينقلب كان ينقلب من سنة وقبل حصول الزلزال
الجيش براهو ما بقدر يحكم، الشعب كلو كان ح يعارضو، لكن اهودا جاتو الفرصة الذهبية و القوى اللبرالية - للاسف - أصبحت تهلل للتدخلات العسكرية بحجة حقن الدماء و القضاء على الفوضى العملهوها هم أساسا !! و لو ما إستلم المرة دي، المرة الجاية ما بعيدة طالما المبدأ بقى مبرر !
الكيزان القاعدين في ميدان رابعة العدوية قدر الأكثرية الفي الاتحادية والتحرير
والحرس الجمهوري وقصر القبة والمحافظات الشفنا سيولا البشرية؟؟؟
يارااااااجل ع قول محمد سليمان
سئيلي الله شفت صور لمؤيدي مرسي في ميدان رابعة و ميادين تانية في المحافظات أكاد أجزم إنو مجموعهم أكتر من بتاعين التحرير، ولا بتاعين المحافظات ديل ما مصريين؟!!!
بعدين يا لنا القصة مبدأ ما غلاط منو كانو في الشارع أكتر من منو !!
سؤالك الأخير ده انت جادي فيهو؟؟؟
والله أجد من الجداد ذاتو
إذا انتو بتأيدو دخول العسكر لازاحة رئيس منتخب، معترضين على الانقاذ مالكم ؟!
غايتو يا لنا و آمال طلعتو بتاعين عسكر، أحرجتوني مع عسوم !!