راكوبة المجادعات.. النمة والدوباي

[فيصل سعد]

المشاركة الأصلية كتبت بواسطة عبد المنعم حضيري

فيصل سريع النهمة يوت متفوق
تمامة كيفنا ردك وبرضو لينا يروق
شال يحي التواضع وجابو لينا يسوق
وردينالو الجميل وإتلافينا أمراً ضيق

يحي ما جبتوا أنا تب جابو الدرب قدامكم
جابوا ذوقكم يا حضيري و انت دايما باسم
الراكوبة و من عاما اول ضلها شاري قاسم
عمرانة و بيحي و جميعكم ازدهت مواسم

[يحي عثمان عيسي]

مرحبتين ود سعد ود عزة النقاره
ومرحبتين حبابو الجلب البيوقد ناره
من قومة الجهل ولدا عليهو الشاره
ومعروفين جدودك وكت الخلوق تتجاره

[يحي عثمان عيسي]

مرحبتين حضيري سليل الكرم والجود
والرأي والفهم تاج لي ابوك معقـــود
فراج الهموم البابو يوت مقصــــــود
حبابو حصيري مرحبتين حميد العود

[عبده سعد]

ياسجمان تعال شوف يحى جاك بى قولو.
جاهز تب ركب وإمتطاها خيولو.
والراكوبة فاضية ماب بتكفى ليهو فضولو.
محتاجك ترحب بى جيتو ليك ووصولو.

[عبده سعد]

جيت صبح على السمحة الرموشا وضيب.
المفدوعة خلقة سيدا وديسا كابى سبيب.
يشحشح فينى ريدا وكتين سهاما تصيب .
مرات أبقى واعى ومرات عقيلى يغيب.

[يحي عثمان عيسي]

سيد الحوش حباب سجمان حبابو
عامر مجلسك منظوم عقد احبابو
راجين نفرتك لي ضهبو ولا الغابو
بسراع يرجعو ويتلمو تاني صحابو

[أبو أماني]

المشاركة الأصلية كتبت بواسطة يحي عثمان عيسي

سيد الحوش حباب سجمان حبابو

المشاركة الأصلية كتبت بواسطة يحي عثمان عيسي

عامر مجلسك منظوم عقد احبابو
راجين نفرتك لي ضهبو ولا الغابو
بسراع يرجعو ويتلمو تاني صحابو

مرحبيتين حباب يحي الخصاله جميلة
من قومة الجهل أخلاقه سامية نبيلــــة
ود عزا مكين .. راعيـاه أعتى قبـيلـة
راكوبتنا بيك .. ياااادوبو يحلى مقيلها!

[أبو أماني]

المشاركة الأصلية كتبت بواسطة عبده سعد

ياسجمان تعال شوف يحى جاك بى قولو.
جاهز تب ركب وإمتطاها خيولو.
والراكوبة فاضية ماب بتكفى ليهو فضولو.
محتاجك ترحب بى جيتو ليك ووصولو.

السجمان يا أخوي ديمه سادر في نجوعه
ومن درب الهوى .. ما أظن يتم رجوعـه
أكان يحي بيقدر للبدر يرجع لينا سطوعه
يقول لأم ديسا مكنتل تتم ليو ..مشروعه
***********
كاااااااااااااااااااااااااااااااااااااااك !!!

[عبد المنعم حضيري]

المشاركة الأصلية كتبت بواسطة يحي عثمان عيسي

مرحبتين حضيري سليل الكرم والجود
والرأي والفهم تاج لي ابوك معقـــود
فراج الهموم البابو يوت مقصــــــود
حبابو حصيري مرحبتين حميد العود

مني السلام يا يحي ليك مردود
وآلاف التحيا مليانات هَنَود وقَنَود
ود عز الرجال القابلوا البارود
سموك الأصم صاحب الكرم والجود

[سجمان]

المشاركة الأصلية كتبت بواسطة ود فداسي

جلست فوق طقم الجلوس عديله وموهطه
خلت كل زول مزوزو عيونو منططه
القوام اللادن والكفل البلوزتو مزبطه
لجمت حروفي وصبحت شواطيني مربطه

لي متين يالبلد تاويني واعدل راسي
من وهداب فراق الغلبنو مراسي
الطير عقول جلاس هواك يا قاسي
جمالاً في الوصف يعلمبو رب الناس

[سجمان]

المشاركة الأصلية كتبت بواسطة عبده سعد

خلونى أنفتش بيت وأحاول التانى
ومن 2010 مصبر الجوانى
ومالو الزول جانا زى فرفرة سجمانى
ولع فينا نار حرقت مصرانى

وتانى قليبنا بتق فيهو جوه وحيح
ومن ناسنا الزمان ناس مهب الريح
لا حفظوها ذكرى لا جادو بى تصريح
خلونا قليبنا جنا لاعقل لا نصيح

يا خلي الزمن قالب سروج بهجتنا
فارّين بي البلود اتغيرت لهجتنا
النوم للدغس نحن التنوح مهجتنا
فوق فُرق أم وضيب البي الفراق دهجتنا

يعلم الله مشتاقين..

[سجمان]

المشاركة الأصلية كتبت بواسطة تماضر حمزة

انت الشوقو ما بتحمل تشيلو القافية
وانت الايدو وكت الحاجة تصبح كافية
لو ما خوف الملامة وإنكشاف الخافية
أسسع بقفل التلفون وأجيلك حافية

إنت الشوقو شقولو الجيوب يوم قفا
وإنت الـ بالحنان دايماً مرجح كفة
سجمان إن بقيت شرب السجاير وسف
كلو سبب غياب الشنّو حالي مصفى

[سجمان]

المشاركة الأصلية كتبت بواسطة فيصل سعد

" يا سارة الزمن لا بد يفتح طاقة
تجيك أيامو بي راحة و معاها رواقة
الفي الغربة بايتين كل ليلة شفاقة
يتلاقوا و تموت نار اللظى الحراقة"

صدقت والله لا فض فوك..

[سجمان]

المشاركة الأصلية كتبت بواسطة فيصل سعد

" يا لا يمني في طربي و غنايا و شوقي
مهما تلومني ما بتحمي القماري تقوقي
وكت الموت علي مكتوب و قدرا فوقي
خلني ها النغنيلو الظريف الذوقي "

يا عازلني من شوق المِمَسّخ ضوقي
كيف تهديني من زولاً سرح في عروقي
دام الموت علي حتماً علي في طروقي
خلني بي غناي أسرح معاهو وأهوقي

[فيصل سعد]

المشاركة الأصلية كتبت بواسطة سجمان

يا عازلني من شوق المِمَسّخ ضوقي
كيف تهديني من زولاً سرح في عروقي
دام الموت علي حتماً علي في طروقي
خلني بي غناي أسرح معاهو وأهوقي

مرحب حبابك رن صوت الناي
اهلا و سهلا سيد الفهم و الرأي
يا ود الكرم و انت سيد القافية
نورت الديار تب يديك العافية