اقتباس:
المشاركة الأصلية كتبت بواسطة الزوول
فسر لي دي:
ابقى زرزور اباري التمر
أنقد القنديل الحلو ... ومر
والسلام لست الأمر
...
القنديل الحلو ومر ده شِنْ نَفَلو؟؟
القنديل
زي ما ذكر أخونا هو نوع من التمر .. وهو افخر أنواع التمور فى السودان ولا يضاهيه إلا التمود أو ’’الإسكنتا‘‘ .. وهذين النوعين قليلاً ما يباعا فى السوق ..
الحتة بتاعت (حلو ومر) ..
البلح لمن يبقى ’’قلو‘‘ أي يبدأ فى الدفيق بيكون لونو أخضر ومر .. ولمن يبدأ فى الجقروق بيقى حلو ، لأنو إستوى ..
وكنا ونحنا صغار نبارى الطير نشوفو بينزل فى أي نخلة ، لأنو الطير أول من يعرف الثمرة بتاع البلح إذا إستوى .. وبيأكل من الدفيق قبل ما يستوى ..
ملحوظة :
الدفيق هو الذى يتساقط من البلح .. قبل أن يستوى .. وبعد أن يستوى يسمى المتساقط بالشيوق .. ’’شيوق‘‘ كلمة نوبية تستخدم فى تعريف أن الزرع قد إستوى .. فى حال القمح والفول بيقولوا ’’شوو‘‘ أما فى حال البلح بيقولوا ’’شيو‘‘ .. أهلنا ديل أكان عندهم قواعد ’’قرامر‘‘ كده بيعرفوها براهم ..
كسرة :
مواصل معاك فى المراجعة .. والتصحيح .. وقد إحتاج لمتعاون أخر ، خاصة إنو فى كلمات كتيرة مستخدم فيها الدارجة .. زي حال ’’الماية‘‘ وأعتقد المقصود ’’المئة‘‘ ..
تحياتى
المحسى