*** مصطلحات عامّية سودانية ***

[شبارقة]

المشاركة الأصلية كتبت بواسطة فيصل سعد

و هنا وجب السؤال عن حال و احوال دينمو هذا البوست اخونا شبارقة
الغائب و المختفي من زمن و عساه بخير و عافية ..و يا ود ابوعاقلة الكع و الفى
الزول دا و ادينا اشارة

[align=justify]راجي منك بس إشارة وكلمة تديني البشارة [/align]

[align=justify]تشكر يا حبوب على السؤال ... الغياب كان بسبب إنكماش في البعد البؤري ...وضعف في المفاوضات ما بين الذاكرة العشوائية ومركز الإستشعار عن بعد في النخاع الشوكي... كما حدث إجهاض للمعاني والمفردات وكسر مُركـّـب في رأس عصعص الأفكار البرجوازية الكبيرة والصغيرة ... وكذلك إعصار سونامي أصاب مد وجزر بحار البوليتاريا والمعذبون والمهمشون في الأرض .... مما دعانا للإستعانة بملاذ أفكارنا الهيمانة ويا ريتك ما تشوف تيارا وين ودانا [/align]

[شبارقة]

المشاركة الأصلية كتبت بواسطة محمد ديكور

الغباشه:لبن مخشوش بالسعن

[align=justify]هلا وحباب ديكور ... ويا ريت تظبِّط لينا ديكور المعاني هنا

مخشوش دي زاتا الجماعة ما ح يعرفوها ... هل هي من الخششان أم من الغششان

وما هو الفرق ما بين اللبن المغشوش واللبن المخشوش ؟ وسلم لي على اللبن المقنن (بترقيق القاف) [/align]

[شبارقة]

[align=justify]5- الكر (دابي الكر)[/align]

[align=justify]الكر هو حجر يوضع بجانبي القبر (أقرب ما يكون للشاهد) وبالذات في مقابر جدودنا وحبوباتنا القديمة ... وهذا الحجر يمثل ملاذ آمن لواحد من أخطر أنواع الثعابين من حيث نوع السم ومن حيث مقاومته وإستعداده للقتال ... ولذا كان الناس يعملون ألف حساب عند مرورهم بالقرب من الكر في المقابر القديمة بالذات خوفاً من ذلك الدابي ... ومن هنا جاء تشبيه خليل فرح (إفتخاراً) في ملحمته الشهيرة : نحن ونحن الشرف الباذخ دابي الكر شباب النيل .... والله أعلم [/align]

[شبارقة]

[align=justify]ما الفرق بين الدسيس والهسيس وما الفرق بين الحنقوق والطنقوق[/align]
[align=justify]وسلمولي على سمبر مريوق [/align]

[align=justify]ملحوظة : الجائزة للفائز تذكرة سفر ذهاب وإياب لجزيرة الأحلام الوردية [/align]

[محمد ديكور]

المشاركة الأصلية كتبت بواسطة شبارقة

[align=justify]هلا وحباب ديكور ... ويا ريت تظبِّط لينا ديكور المعاني هنا

مخشوش دي زاتا الجماعة ما ح يعرفوها ... هل هي من الخششان أم من الغششان

وما هو الفرق ما بين اللبن المغشوش واللبن المخشوش ؟ وسلم لي على اللبن المقنن (بترقيق القاف) [/align]

طبعا يا شبارقه مخشوش تعنى تحريك اللبن داخل سعن مربوط فى شعبه للامام والخلف بقوه حتى تنفصل الذبده عن اللبن ويصبح اللبن روب(نفس فكرة النابذه فى المعامل-centrifugal- ويمكن ان يحول الى غباشه تشرب منها وتمشى تشوف ليك عنقريب هبابى تحت شجرة الطندب القاعه حدا البيت.
نوم العافيه يا اخ شبارقه.

[أشتر]

المشاركة الأصلية كتبت بواسطة شبارقة

[align=justify]راجي منك بس إشارة وكلمة تديني البشارة [/align]

[align=justify]تشكر يا حبوب على السؤال ... الغياب كان بسبب إنكماش في البعد البؤري ...وضعف في المفاوضات ما بين الذاكرة العشوائية ومركز الإستشعار عن بعد في النخاع الشوكي... كما حدث إجهاض للمعاني والمفردات وكسر مُركـّـب في رأس عصعص الأفكار البرجوازية الكبيرة والصغيرة ... وكذلك إعصار سونامي أصاب مد وجزر بحار البوليتاريا والمعذبون والمهمشون في الأرض .... مما دعانا للإستعانة بملاذ أفكارنا الهيمانة ويا ريتك ما تشوف تيارا وين ودانا [/align]

عاااااااااارفك شِفِت ... وبتقدر تت فك فك ...

[أشتر]

المشاركة الأصلية كتبت بواسطة شبارقة

[align=justify]هاكم إلى أن نلقاكم وبدون تنوين عشان تشطحو وتنطحو :-

1- الحوبة دُخري الحوبة ... العنكبة والقتال او الدواس...
2- البغيتة ... PASS
3- الدعفسة ... العكلتة...
4- الدباسة ... آلة لتدبييس الورق ...

5- الكر (دابي الكر) ...الكر هو الاقتحام ... ودابي الكر للزول المقدام

[/align]

والله على ما اقول شهيد

[شبارقة]

المشاركة الأصلية كتبت بواسطة محمد أبوعاقلة

4- الدباسة ... آلة لتدبييس الورق ...

[align=justify]قلنا بدون تنوين عشان تشطحو وتنشكحو وتنداحو والمقصود إنشطاحة وإنشكاحة وإندياحة في مرادفات لها علاقة بالمصطلحات العامية بتاعتنا ... وما أظن إنو الدبـّاسه وردت على لسان حبوباتنا وجدودنا ... وسلملي على الخرّامة [/align]

[align=justify]فما هي الدَبَاسة ؟[/align]

[شبارقة]

المشاركة الأصلية كتبت بواسطة محمد أبوعاقلة

[align=justify]...الكر هو الاقتحام ... ودابي الكر للزول المقدام [/align]

[align=justify]قال له أبوه : كُرّ يا عنتر فقال : العبدُ لا يحسن الكَرّ إنّما يحسنُ الحِلاب والصّر ...[/align]

[align=justify]وهل الدابي مقدام وبيكـُـر على أب عينينن حُمر[/align]

[أشتر]

المشاركة الأصلية كتبت بواسطة شبارقة

[align=justify]قلنا بدون تنوين عشان تشطحو وتنشكحو وتنداحو والمقصود إنشطاحة وإنشكاحة وإندياحة في مرادفات لها علاقة بالمصطلحات العامية بتاعتنا ... وما أظن إنو الدبـّاسه وردت على لسان حبوباتنا وجدودنا ... وسلملي على الخرّامة [/align]

[align=justify]فما هي الدَبَاسة ؟[/align]

طبعن انا شفت اقرب حاجة مناسبة واتناولتها ... هذا لا يعني انني شطّاح وشكاح ومنداح ...
بس العيب في الخفة والانكرابة
عشان كدا شرشحتني بمزاااااج منقطع النظير !!!!!!

[باسط المكي]

المشاركة الأصلية كتبت بواسطة شبارقة

[align=justify]هاكم إلى أن نلقاكم وبدون تنوين عشان تشطحو وتنطحو :-

1- الحوبة
2- البغيتة
3- الدعفسة
4- الدباسة
5- الكر (دابي الكر)[/align]

تحياتي
وعلي معلوماتي
الكر عبارة عن زريبة للحملن لماتكون صغير
او البهائم لماتكون يدوب مولودة
وتفصل عن امها
لماتذهب للرعي
ويقولو الكر ززريبة صغير ة بجانب الزريبة الكبيرة
للحملان او السخلان حديثة الولاة
ودابي الكر ..بكون يعيش في حجر تحت الزريبة
وياكل الحملان
الصغار او العصافير او الطيور
.........
ويقولون الدابي الكركابي
وكركاب يعني الجداداة بين الفروج والدجاجة
وهنا يقولو كركابة
والدابي الكركابي دة البايكل الجداد
والله اعلم

[شبارقة]

المشاركة الأصلية كتبت بواسطة باسط المكي

دابي الكر ..بكون يعيش في حجر تحت الزريبة وياكل الحملان الصغار او العصافير او الطيور
والله اعلم

[align=justify]عزيزي باسط سلامات

أولاً : كويس إنك قلت والله أعلم ... الفردة ود أبو عاقلة شهّد الله

ثانياً : لو كان دابي الكر بتاع عصافير وحمام وطيور يكون ده دابي حنكوش سااي وما كان غنى ليهو خليل فرح وقال :

[align=center]نحن ونحن الشرف الباذخ دابي الكر شباب النيل[/align][/align]

[شبارقة]

المشاركة الأصلية كتبت بواسطة محمد أبوعاقلة

بس العيب في الخفة والانكرابة
عشان كدا شرشحتني بمزاااااج منقطع النظير !!!!!!

[align=justify]حاشاك الشرشحة يا فردة .... هو أنا بقدر عليك ..ده إنت تمرمط بلد [/align]

[باسط المكي]

المشاركة الأصلية كتبت بواسطة شبارقة

[align=justify]عزيزي باسط سلامات

أولاً : كويس إنك قلت والله أعلم ... الفردة ود أبو عاقلة شهّد الله

ثانياً : لو كان دابي الكر بتاع عصافير وحمام وطيور يكون ده دابي حنكوش سااي وما كان غنى ليهو خليل فرح وقال :

[align=center]نحن ونحن الشرف الباذخ دابي الكر شباب النيل[/align][/align]

شبارقة
تحياتي
دابي الكر غني لي خليل فرح
لانو دابي كر شرس
بتاع حمام وعصاير قصدي بعيش هنا
ودلالة علي سمو قاتل علي الانسان
لنو الانسان بتردد في الكر الفيهو صغار البهائم
وعن تجربة انا بيددي كنا بنسوي الكر للحملان
وهي صغير
وكتير ما نشاهد الثعابين الضخمة
ودة هنا مربط الفرس
الدابي الشرس
وضيع ناس كتيرين ..
وخيال التراث الشعبي اضافو
لدابي الكركرة ..بالممناسبة البعرف الكركرة ...الكرد
والسارة ..والكونية ..واللية ..والهرف ..منو
كدي النشوفك عميق في التراث

[الزوول]

السلام عليكم
مشاركة متأخرة بعد متابعة طويلة للبوست

المشاركة الأصلية كتبت بواسطة شبارقة

[align=justify][/align]

[align=justify]فما هي الدَبَاسة ؟[/align]

.........