أعلن ترشحي للرئاسة

[أمين محمد سليمان]

المشاركة الأصلية كتبت بواسطة خالد غالي

نفسي اعرف الشي الشايفو البروف امين في بكة ده ونحن ماشايفنو

يا خالد ...لو كلكم شفتو الشايفو أنا في بكة ... معناتها كلكم بتشوفو بنور الله ... و هذا ما لا يستقيم !!!

[حسين عبدالجليل]

المشاركة الأصلية كتبت بواسطة أمين محمد سليمان

يا خالد ...لو كلكم شفتو الشايفو أنا في بكة ... معناتها كلكم بتشوفو بنور الله ... و هذا ما لا يستقيم !!!

الإنت شايفو أنا برضو شايفو . و بالأمارة كدا قلت لود أخوي السر نقد , في بوست ترشيحي للشفيف , لو مامصدق إنو بكة مُستنير أسأل عمك اللمين أب صلعة , صاحب عادل .

[أمين محمد سليمان]

المشاركة الأصلية كتبت بواسطة حسين عبدالجليل

الإنت شايفو أنا برضو شايفو . و بالأمارة كدا قلت لود أخوي السر نقد , في بوست ترشيحي للشفيف , لو مامصدق إنو بكة مُستنير أسأل عمك اللمين أب صلعة , صاحب عادل .

يا حسين ... ياخي إنت أساسا معانا في العلالي ... الكلام ده لناس خالد الغالي و ديل !!!

[خالد غالي]

والله بابكر ده انا مرة مشيت ليهو في بيتو، وعاينت ليهو من كل الجهات ماشفت اي حاجة!
شنب بس، شنب كبييير......
لكن تاني مافي اي حاجة

[أمير الأمين]

المشاركة الأصلية كتبت بواسطة خالد غالي

لكن تاني مافي اي حاجة

كيفن الكلام دا ؟

[ناصر يوسف]

المشاركة الأصلية كتبت بواسطة خالد غالي

والله بابكر ده انا مرة مشيت ليهو في بيتو، وعاينت ليهو من كل الجهات ماشفت اي حاجة!
شنب بس، شنب كبييير......
لكن تاني مافي اي حاجة

هههههههه
يعلم الله يا خالد غالي ضحكتتي لأمن اتشرقت

قلت لي غير الشب تاني ما لقيت أي حاجه ؟

ياخي الرويعي ده من شدة ما بقي زول مستنير .. لغاية ما بقي كاتبي المفضل ياخ






مثل مثل ساااااااكت كده ياخ

[أبوبكر عباس]

المشاركة الأصلية كتبت بواسطة خالد غالي

شنب بس، شنب كبييير......
لكن تاني مافي اي حاجة

نوع مشاكل حدر لي وعاين لي محتاجة لشنو غير شنب كبير؟!

[عادل عسوم]

المشاركة الأصلية كتبت بواسطة حسين عبدالجليل

الإنت شايفو أنا برضو شايفو . و بالأمارة كدا قلت لود أخوي السر نقد , في بوست ترشيحي للشفيف , لو مامصدق إنو بكة مُستنير أسأل عمك اللمين أب صلعة , صاحب عادل .

فعلا صاحبي
دا زول بيطلع في السي ان ان وشايل اي فون 6 باقيليك اصاحبو هو واللا اجي اصاحب الزيكم ناس شغل الshifts

[سر الختم إبراهيم نقد]

المشاركة الأصلية كتبت بواسطة حسين عبدالجليل

الإنت شايفو أنا برضو شايفو . و بالأمارة كدا قلت لود أخوي السر نقد , في بوست ترشيحي للشفيف , لو مامصدق إنو بكة مُستنير أسأل عمك اللمين أب صلعة , صاحب عادل .

بأمانة ياحسين كنت دايرك تنضم لينا في حملة إسقاط بابكر أقصد أبوبكر أنا ما عارف العاجبكم شنو فيهو ﻻ كاتب ﻻ إداري وفي الغالب شخصية المرء تظهرها حروفه.
ذات مرة قال لينا إنه بوابة العلم ومحسن خالد مدينته- أي العلم- طيب ليه محسن خالد ما وزعوا في زمرة الأنبياء آخر طبعة.
غايتو حتى لو فاز لن يطمئن حتى لحظة ظهور النتيجة.

[ياسر كبوش]

يا خينا
بعد قراية البوست من كل الجهات والزوايا
اتضح لى حلك الوحيد ترجع الباسورد لعكود (حرده باستايل جديد)
وتلزم المساطب ياعم طلع حبايبك كتااااار

[أبوبكر عباس]

المشاركة الأصلية كتبت بواسطة ياسر كبوش

وتلزم المصاطب ياعم طلع حبايبك كتااااار

كتار، لكن كغثاء السيل، كلهم بطقطقم ليك، وغصبا عنهم بصوتوا لي.

[ناصر يوسف]

المشاركة الأصلية كتبت بواسطة سر الختم إبراهيم نقد

بأمانة ياحسين كنت دايرك تنضم لينا في حملة إسقاط بابكر أقصد أبوبكر أنا ما عارف العاجبكم شنو فيهو ﻻ كاتب ﻻ إداري وفي الغالب شخصية المرء تظهرها حروفه.
ذات مرة قال لينا إنه بوابة العلم ومحسن خالد مدينته- أي العلم- طيب ليه محسن خالد ما وزعوا في زمرة الأنبياء آخر طبعة.
غايتو حتى لو فاز لن يطمئن حتى لحظة ظهور النتيجة.

لا لا يا سر الختم ياخ

كده انا بزعل منك ياخ

ياخي تقول في كاتبي المفضل د. بيكو الرويعي متل كلامك ده

نان ما اتلومت معانا ياخ

[سر الختم إبراهيم نقد]

المشاركة الأصلية كتبت بواسطة ناصر يوسف

لا لا يا سر الختم ياخ

كده انا بزعل منك ياخ

ياخي تقول في كاتبي المفضل د. بيكو الرويعي متل كلامك ده

نان ما اتلومت معانا ياخ

تصدق يا ناصر أكيد حتصدق أي زول تعجبني كتابتو هنا وأقول الله الزول ده كتاب خﻻص ألقاهو تاني يوم موقوف.
قلت أستغل الخاصية مع بابكر بين قوسين أبوبكر قدر ما فتشت ما لقيت لكن هو ماشي كويس بس ببطء.

[أمير الأمين]

المشاركة الأصلية كتبت بواسطة سر الختم إبراهيم نقد

ذات مرة قال لينا إنه بوابة العلم ومحسن خالد مدينته- أي العلم- طيب ليه محسن خالد ما وزعوا في زمرة الأنبياء آخر طبعة.

محسن خالد اطلق على ابوبكر "هامان"
نبى بس على الجانب الاخر من الانبياء

[أبوبكر عباس]

المشاركة الأصلية كتبت بواسطة أمير الأمين

محسن خالد اطلق على ابوبكر "هامان"
نبى بس على الجانب الاخر من الانبياء

أمير دا يا سر الختم، تختلف معاهو لكن تحترمو

معقولة زول يسمي رحو سر الختم؟!
ويا ريت لو الختم هنا مقصود بيها الرسول