أعلن ترشحي للرئاسة

[أبوبكر عباس]

الشافكم السنة الجاية قبل نهاية دورتي في الشارع وتكوركوا:
ضيعناك وضعنا معاك يا عبود*
ما كضب.

ـــــــــــــــــــ
* فعلا عبود قاصد بيهو لنا جعفر

[أبوبكر عباس]

حملتي الإنتخابية تحت شعار:
يا محمّد أحمد همتك
صوتك أمانة في ذمتك
ما تخلي سادن قمتك

[أبوبكر عباس]

عادي ممكن تكون في مشكلة بين البديري وتماضر مرفوعه لي من الأمانة وأفتي فيها لصالح البديري.

تكجني لبعض الناس ما عندو علاقة بإدارتي للمنبر

[أبوبكر عباس]

مشروع الإستنارة لن يتأثر بالرئاسة

[معتصم الطاهر]

مش تفوز اولا بعضوية المجلس بعدين الرئاسة .


غايتو انا ضامن ليك ضوتين

[أبوبكر عباس]

المشاركة الأصلية كتبت بواسطة معتصم الطاهر

مش تفوز اولا بعضوية المجلس بعدين الرئاسة .

إشمعنا لنا؟! نزلت الإنتخابات وعينها كانت على الرئاسة عديل، بعدين أنا ماشي بحكمة زول مدني القال:
أكتر حاجات مكجنها هن؛ اللاين مان والكورس بتاع الفنانين
الزول يا يبقى الحاجة عديل يا يبطلها

[حسين عبدالجليل]

المشاركة الأصلية كتبت بواسطة أبوبكر عباس

مشروع الإستنارة لن يتأثر بالرئاسة

أنا رأيي الإستنارة تتقِل عليها شوية في الأسبوعين الجايين , وذلك حتي تتم لك البيعة .

فما أظن أسبوعين بدون إستنارة حيفرقوا مع ناس أحبابنا البديري و أحمد.

[زول الله]

وحتنزل بياتو اسم
بابكر وللا ابوبكر وللا الرويعي








اقول قولي هذا واستغفرالله لي.....................

[معتصم الطاهر]

المشاركة الأصلية كتبت بواسطة أبوبكر عباس

عادي ممكن تكون في مشكلة بين البديري وتماضر مرفوعه لي من الأمانة وأفتي فيها لصالح البديري.

تكجني لبعض الناس ما عندو علاقة بإدارتي للمنبر

كمان ما للدرجة دى !!!

[أبوبكر عباس]

المشاركة الأصلية كتبت بواسطة معتصم الطاهر

كمان ما للدرجة دى !!!

دا مثل ساكت يا معتصم
يا أخي البشبك تماضر مع البديري شنو؟!
مثل مثل ساكت

[معتصم الطاهر]

المشاركة الأصلية كتبت بواسطة أبوبكر عباس

دا مثل ساكت يا معتصم
يا أخي البشبك تماضر مع البديري شنو؟!
مثل مثل ساكت

يا زول تماضر دى ممكن تنشبك مع اى زول ..

[البديري]

المشاركة الأصلية كتبت بواسطة أبوبكر عباس

دا مثل ساكت يا معتصم
يا أخي البشبك تماضر مع البديري شنو؟!
مثل مثل ساكت

سلامات ابوبكر وضيفك الكرام،
والله العظيم(وجادى فى كلامى دا) ومن غير (سلسلة مكاجراتنا،ومناكفاتنا،) و (وانا شخصياً، وقسماً بالله ما بكرهك، لكن ماقدرت احبك،،، حاولت لكن ماقدرت اعمل شنو؟!) والزاد الطين بله شايفك زى كورة التنس فى سودانيزاولاين)!! شغال ضنب ككو سااااى!!
مفروض تخش التوليت وتعاين للمرآية وتسأل نفسك هذا السؤال; (why so online )
المهم:لاول مرة تقول جملة اراحت اعصابى من مجموع مشاركاتك المُنتشرة والعاملة زحمة فى الاقمار الصناعية!
الاخت الاستاذة/ تماضر (وردة) البشبكة (الله يحفظ)، معى انا (الشوك) شنو؟

___
ببركة هذة الجمعة; تترشح وتجى الطيش! يا طيشابى، ولو جيت الطيش ما ترجانى!...احسن تبقى عضو فى منتدى الستاير والديكور!

تحياتى يا بكه

[ZEIN ABDALLA]

المشاركة الأصلية كتبت بواسطة أبوبكر عباس

عادي ممكن تكون في مشكلة بين البديري وتماضر مرفوعه لي من الأمانة وأفتي فيها لصالح البديري.

تكجني لبعض الناس ما عندو علاقة بإدارتي للمنبر

ياخى ما فى طريقة تخلى الرشيد يتنازل من علاهو الفوق ويقبل بان ينزل
معاك كنائب رئيس فى بطاقة انتخابية واحدة. اذا اللوائح والقوانين لا تسمح
فيجب تغييرها كسابقة وطبعآ انت زول ما ساهل لانك مبادر وتصنع الاحداث وتخلق السوابق,
غايتو دا رأيى فى حكاية الانتخابات.
لكن ريان السر اذا ما عاجبه ترشيحك فسوف اسحب دعمى واصوت لأي امرأة تترشح لمنصب الرئيس .....
جيجى اذا نزلت الانتخابات فحتحصل على لاند اسلايد فيكتورى.

[جيجي]

المشاركة الأصلية كتبت بواسطة ZEIN ABDALLA

[SIZE=5][COLOR=blue]
لكن ريان السر اذا ما عاجبه ترشيحك فسوف اسحب دعمى واصوت لأي امرأة تترشح لمنصب الرئيس ...

يعني يا زين مصر كل مرة تطعن في استنارة صاحبك دا

[جيجي]

المشاركة الأصلية كتبت بواسطة ZEIN ABDALLA

[SIZE=5][COLOR=blue]
جيجى اذا نزلت الانتخابات فحتحصل على لاند اسلايد فيكتورى.

عشان كدا قلنا مافي داعي ننزل مع المساكين ديل