النبيذ الأحمر - الصفحة 4

جيجي · 23-06-2011, 10:14 AM

اقتباس:

المشاركة الأصلية كتبت بواسطة بابكر عباس

أجمل عشا يعزموك ليهو يكون صاحب الدعوة شيوعي مقندل و راقي و يكون متزوج من أم درمان (ما ضروري هو من وين) و تكون معزوم مع شخصية معروفة. و كدي إتخيلو معاي العيزومة دي في دبي.

بت أم درمان بترتب العشاء جيهه شديدة
اللحوم بأنواعها
السلطات و المقبلات
الشوربات
كل أنواع المحاشي
التحالي
الشوك و الملاعق و السكاكين ذهبية
كاسات النبيذ الأحمر الرسلوا جابوهو من البراكودا في أم القوين، لا لون لها و ذهبية الحواف

سيد البيت اللابس ترينق أبيض مع بجامة عنابية بطلب من الضيف المشهور التقدم نحو السفرة
بدأ العشا و في واحدة سريلانكية مخصصة لمتابعة مستوى النبيذ في الكاسات,
العشا أخد ليهو زي تلاتة *ساعات و نص، الضيف و سيد البيت بتكلموا عن لوحة تشكيلية معلقة في الصالون
أنا مشاركتي كانت بس كلمة ثانكس (شكرا) للسريلانكية لمان تتم لي الكاس!
يا أخي الناس ديل لمان الواحد يقطع ليهو قطعة لحم و يلحقها بسلطة و شرفة نبيذ و يواصل الكلام عن اللوحة بفم مليات باللخليط الأحمر و الله يكسر ليك كل الإرث الإكتسبتو عن سوء الكلام أثناء الأكل!

وانااااا اعيييييييييييط

اقصد اعاين

عثمان · 23-06-2011, 10:18 AM

إنت عارف يا بابكر الأنتكة والترتيب في أي حاجة بيعجبني شديد والله
حتى في القعدات بالرغم من إنه أنا ما بلحس لكن بحب المزة والمحدقات

عندنا جارنا يا بابكر ده كان بتاع نواشف وسوائل كان عندو طقوس جميلة جداً للحاجات دي ياخي لما يكون منور السهارة اللون اخضر أعرف الجو زابط
وبعدين لوحتك الجميلة الرسمتها عن الشيوعي وزوجته الأمدرمانية وضيفهم وطريقة العشاء والنقاش ياخي دي لوحة جميلة جداً
عاين يا بابكر لحظة قبل يكبو ليك الكاس مش في حفاظة كدة "صغيرونة" وبيكون فيها التلج المكعبات داك ويشليوه بالملقاط يااااه
بابكر إنت صحي السنة "بكسر السين" بتنضف البطن؟
ياخي أنا بابكر ده بقيت أريده والله لأنو حرييف

أبوبكر عباس · 23-06-2011, 10:28 AM

اقتباس:

المشاركة الأصلية كتبت بواسطة عثمان

حتى في القعدات بالرغم من إنه أنا ما بلحس لكن بحب المزة والمحدقات

عثمان كيفنك؟
يا أخي في حاجة محيراني في قعدات السودانيين (الما راقين)، ليش بيصرّوا ما يتعشوا إلا يسكروا ظط؟

شكرن لاضافتك حفاظة التلج و الملقاط
أعفي لي نسيتم

مبر محمود · 23-06-2011, 10:31 AM

اقتباس:

شوف يا عادل أنا بقت عندي سياسة جديدة
داير أكون زول مبتهج و من الليلة دي بطلت الغلاط و السياسة و المواضيع الدينية
لو خرمت لي لغلاط بجي أغالط "قمر دورين"

اقتباس:

هسع يا مُبر ناس حوار الأديان ديل لو بدو بالنبيذ دا ما لو؟
يوحدوا الأديان السماوية دي، و البختلفوا عليهو زي النبيذ دا يصوتوا عليهو
و النتيجة بتكون تو أقينست ون يا عملات وجدي (2/1)
المريسة و العرقي خليهم يطلعوهم من التصويت كحل وسط للاسلاميين

نفيدكم بأن المداخلتين أعلاه هما لبابكر عبّاس ..
ملحوظة: المداخلتين أعلاه في بوست واحد ولا تفصل بينهما سوى مداخلة واحدة!

يموت الزمّار .. الخ

أبوبكر عباس · 23-06-2011, 10:31 AM

اقتباس:

المشاركة الأصلية كتبت بواسطة جيجي

وانااااا اعيييييييييييط

اقصد اعاين

جيجي صاحبتي الزمان
عيطي
يا ها قسمتك

أبوبكر عباس · 23-06-2011, 10:34 AM

اقتباس:

المشاركة الأصلية كتبت بواسطة مبر محمود

نفيدكم بأن المداخلتين أعلاه هما لبابكر عبّاس ..
ملحوظة: المداخلتين أعلاه في بوست واحد ولا تفصل بينهما سوى مداخلة واحدة!

يموت الزمّار .. الخ

مُبر ما لك بقيت لي زي همس الشوق؟
مشي مشي يا أخي

بعدين يا أخي المداخلة التانية بتاعة حوار الاديان بتدعو لدين مُبتهج

عكــود · 23-06-2011, 10:41 AM

سلام تاني يا بلبكر،

صاحبنا الزين، لاهو مرطّب و لا حاجة، لكنو ما كان بيبدا القعدة إلاّ بعد يقوم بالطقوس التالية:
- يكنس الغرفة ويمسحها
- يتسوّك، يحلق و يستحمّا
- يلبس جلاّبية مفرتكا من مكوتها (شرط) و يتعطّر
- يجهّز المسجّل و يرص الشرايط بالترتيب حسب ما يود تشغليه أول فالذّي يليه
-يمسح التربيزة و يجلو الطفّايات
- يجهّز المزّة، وإن هَزُلت (مخلّل ممكن يكون كافي)
- يضئ نور خافت و يقفل التلفزيون
ثمّ،
يبدأ

زي الزين ده تصنيفو شنو حسب مقاييسك الفوق دي؟

يا مُبر ما تعصر على الزول ده . .
متجلّي ياخي!

أبوبكر عباس · 23-06-2011, 10:52 AM

اقتباس:

المشاركة الأصلية كتبت بواسطة عكــود

زي الزين ده تصنيفو شنو حسب مقاييسك الفوق دي؟

الزول دا أهلو كانوا مرطّبين

قيل: " الغني يظل أربعين عاما غنيا بعد فقره"

و الله أعلم من حالة الزين دا!

ما زلت متمسك بالقاعدة بتاعتي

هسع أنت لو قلت الزين دا مرطّب ما لو؟
في زول ماشي يفتش وراك؟ و لّ ياها زرزرت مُبر ذاتها؟

مبر محمود · 23-06-2011, 10:54 AM

اقتباس:

المشاركة الأصلية كتبت بواسطة عكــود

سلام تاني يا بلبكر

واضح "بلبكر" ما براهو المتّجلي!
غايتو الباقيه عليكم صعبة.. يشربوا ناس الزين وتسكروا إنتو!

جيجي · 23-06-2011, 10:56 AM

اقتباس:

المشاركة الأصلية كتبت بواسطة بابكر عباس

جيجي صاحبتي الزمان
عيطي
يا ها قسمتك

قلت لي اعرابي في المدينة
حننتني والله
ياصاحبي في كل المواسم

عكــود · 23-06-2011, 10:56 AM

اقتباس:

المشاركة الأصلية كتبت بواسطة بابكر عباس

عكود بالغتا!
يا أخي أنا أديتك ملكية في البوست
كدي راجع ردي على همس الشوق

اقتباس:

المشاركة الأصلية كتبت بواسطة بابكر عباس

الزول دا أهلو كانوا مرطّبين

قيل: " الغني يظل أربعين عاما غنيا بعد فقره"

اليومين ديل مرّاقاتك مااااااها عاجباني . .
فكّت يا دكتور و أنا حأعلن حالة التضامن معاك،
و الرهط الشفيف ما بيقصر.

برضو صورة للرشيد
و مُبر

سمراء · 23-06-2011, 11:07 AM

اقتباس:

المشاركة الأصلية كتبت بواسطة بابكر عباس

* مرة في العيلفون عزموني عرس جابو لينا صينية ملاينة و كان معاي حيران،
خمسة دقائق نشّفوا الصينية و فكّوا لي أصبعي لمان مديتو للضلعة!
شفتو النبيذ بهذب الناس كيف؟

والله يابابكر انا دايرة اديك لقب حصرى ، (الوصّاف) وده بأهلك على فكرة انك تكون اكبر سيناريست فى الوطن العربى ...واحتمال العالم !

بى عرقيك ده ذكرتنى قصة انا عارف بتجيب لىالهواء بس مامشكلة بنحكيها ياخ ...
لمن كان عمرى 9سنة (اى عشان ماتفهمونا غلط ) عندى خالى الله يرحمو زول مزااج وعندو صاحبو حلبى كده بجيب ليهو "القزاز " السمح المضلع الفيهو العلامة الحمراء ، طبعا بعد كبرته عرفتو كان شنو

...المهم فكرة الكبكيب فى حوش الديوان حقنا وشرائط الموسيقى البسمعوها والونسة حقتهم كانت بتستهوينى انا واخوى الاصغر منى شوية وكنا بنقعد بعيد نتاوق ليهم ...
المهم بالنهار لقينا فرقة فى التلاجة ، وناديت اخوى وجبنا كبابينا الماخمج

ومليناها من العصير ...طبعا ده فهمنا انو هو عصير بس بدسو بيهو ليه ده كان السؤال ، وابوى مابشربو ليه ده الكان ملاوز بينا ...بس تعال شوف شربناهو شراب خوف ..وجييييييييييييت

غايتو البتزكرو انو ابوى مشى يحنس جارنا الممرض عشان يعمل لينا غسيل معدة ، وانو الممرض ماهان عليه يمرقو من بطنها ويكشحو فى الواطة

وقال ليهو حرام عليك هو بتلقى بالساهل ياخ الويسكى ده ...(ده طبعا بعد كبرنا عرفنا المعلومة دى )
يلا ...طلعونى سكرجية بعد ده لووووووووول

طارق صديق كانديك · 23-06-2011, 11:22 AM

اقتباس:

المشاركة الأصلية كتبت بواسطة عكــود

اليومين ديل مرّاقاتك مااااااها عاجباني . .
فكّت يا دكتور و أنا حأعلن حالة التضامن معاك،
و الرهط الشفيف ما بيقصر.

برضو صورة للرشيد
و مُبر

بالله ياعمدة ضيف لأصحاب النسخ دي :

الوريف اسامة معاوية صديقنا الذي في بلاد الخلافة العثمانية

عكــود · 23-06-2011, 11:29 AM

و الله عشان خاطرك بضيفو،
و إن كان الفئة المستهدفة،
بحد أقصى مرحلة شفيف!

همس الشوق · 23-06-2011, 11:30 AM

اقتباس:

المشاركة الأصلية كتبت بواسطة سمراء

والله يابابكر انا دايرة اديك لقب حصرى ، (الوصّاف) وده بأهلك على فكرة انك تكون اكبر سيناريست فى الوطن العربى ...واحتمال العالم !

بى عرقيك ده ذكرتنى قصة انا عارف بتجيب لىالهواء بس مامشكلة بنحكيها ياخ ...
لمن كان عمرى 9سنة (اى عشان ماتفهمونا غلط ) عندى خالى الله يرحمو زول مزااج وعندو صاحبو حلبى كده بجيب ليهو "القزاز " السمح المضلع الفيهو العلامة الحمراء ، طبعا بعد كبرته عرفتو كان شنو

...المهم فكرة الكبكيب فى حوش الديوان حقنا وشرائط الموسيقى البسمعوها والونسة حقتهم كانت بتستهوينى انا واخوى الاصغر منى شوية وكنا بنقعد بعيد نتاوق ليهم ...
المهم بالنهار لقينا فرقة فى التلاجة ، وناديت اخوى وجبنا كبابينا الماخمج

ومليناها من العصير ...طبعا ده فهمنا انو هو عصير بس بدسو بيهو ليه ده كان السؤال ، وابوى مابشربو ليه ده الكان ملاوز بينا ...بس تعال شوف شربناهو شراب خوف ..وجييييييييييييت

غايتو البتزكرو انو ابوى مشى يحنس جارنا الممرض عشان يعمل لينا غسيل معدة ، وانو الممرض ماهان عليه يمرقو من بطنها ويكشحو فى الواطة

وقال ليهو حرام عليك هو بتلقى بالساهل ياخ الويسكى ده ...(ده طبعا بعد كبرنا عرفنا المعلومة دى )
يلا ...طلعونى سكرجية بعد ده لووووووووول

ههههههههههههههههههههههههههه
سمراء ومن عمر 9 سنين

23-06-2011, 10:18 AM	#[47]
عثمان :: كــاتب نشــط::	إنت عارف يا بابكر الأنتكة والترتيب في أي حاجة بيعجبني شديد والله حتى في القعدات بالرغم من إنه أنا ما بلحس لكن بحب المزة والمحدقات عندنا جارنا يا بابكر ده كان بتاع نواشف وسوائل كان عندو طقوس جميلة جداً للحاجات دي ياخي لما يكون منور السهارة اللون اخضر أعرف الجو زابط وبعدين لوحتك الجميلة الرسمتها عن الشيوعي وزوجته الأمدرمانية وضيفهم وطريقة العشاء والنقاش ياخي دي لوحة جميلة جداً عاين يا بابكر لحظة قبل يكبو ليك الكاس مش في حفاظة كدة "صغيرونة" وبيكون فيها التلج المكعبات داك ويشليوه بالملقاط يااااه بابكر إنت صحي السنة "بكسر السين" بتنضف البطن؟ ياخي أنا بابكر ده بقيت أريده والله لأنو حرييف
عثمان :: كــاتب نشــط::

23-06-2011, 10:41 AM	#[52]
عكــود Administrator	سلام تاني يا بلبكر، صاحبنا الزين، لاهو مرطّب و لا حاجة، لكنو ما كان بيبدا القعدة إلاّ بعد يقوم بالطقوس التالية: - يكنس الغرفة ويمسحها - يتسوّك، يحلق و يستحمّا - يلبس جلاّبية مفرتكا من مكوتها (شرط) و يتعطّر - يجهّز المسجّل و يرص الشرايط بالترتيب حسب ما يود تشغليه أول فالذّي يليه -يمسح التربيزة و يجلو الطفّايات - يجهّز المزّة، وإن هَزُلت (مخلّل ممكن يكون كافي) - يضئ نور خافت و يقفل التلفزيون ثمّ، يبدأ زي الزين ده تصنيفو شنو حسب مقاييسك الفوق دي؟ يا مُبر ما تعصر على الزول ده . . متجلّي ياخي!
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

23-06-2011, 11:29 AM	#[59]
عكــود Administrator	و الله عشان خاطرك بضيفو، و إن كان الفئة المستهدفة، بحد أقصى مرحلة شفيف!
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.