أغاني .. و أغاني .. 2011

[قيقراوي]

باللول .. تهانينا لكل المسلمين بحلول الشهر الفضيل


[img2]http://www5.0zz0.com/2011/08/02/10/185252615.jpg[/img2]

[قيقراوي]

حسمت قناة النيل الأزرق الجدل الدائر حول مصير بث برنامج (أغانى و أغانى) خلال شهر رمضان القادم و قررت تأخير زمن بثه الى الساعة الحادية عشرة مساء بدلا عن زمنه القديم طوال السنوات الماضية حيث كان يقدم عقب الإفطار مباشرة .
و تأتى تأكيدات بث البرنامج الرمضاني الأشهر خلال الشهر الفضيل فى وقت رشحت فيه أنباء عن تعرضه لضغوط من رجال دين لتغيير أو إيقاف بثه خلال شهر رمضان القادم بحجة تداخل زمن بثه مع صلاة التراويح .
و رغم أن البرنامج الذي حقق نسبة مشاهدة عالية جدا خلال الشهر الفضيل الى حد أن صار احد مستلزمات (المائدة الرمضانية) لكثير من الأسر السودانية ، ألا إن أصوات تحجيمه أو إيقافه صارت نبراتها عالية الى درجة أن بات الناس الآن يتحدثون عن أن النسخة الحالية قد تكون الأخيرة للبرنامج الذي يذاع بعد الإفطار مباشرة .




صحيفة فنون

اخيرا ،،، اعلان برنامج اغانى واغانى نسخة 2011

[قيقراوي]

http://www.youtube.com/watch?v=tsqh1...ature=youtu.be

[ود الخير]

المشاركة الأصلية كتبت بواسطة قيقراوي

http://www.youtube.com/watch?v=tsqh1...ature=youtu.be

قرّب تعال ما تبتعد وقرّب تعال يا شهر التوبه والغفران
تصوم وتفطر على خير أخ قيقا وأنشاء الله كل أيامنا
بركات وخيرات وأفراح .

[قيقراوي]

المشاركة الأصلية كتبت بواسطة ود الخير

قرّب تعال ما تبتعد وقرّب تعال يا شهر التوبه والغفران
تصوم وتفطر على خير أخ قيقا وأنشاء الله كل أيامنا
بركات وخيرات وأفراح .

يديك الف عافية يا حبيب



------

يا شباب بالله يدكم معانا

قلنا نحجز طوبتنا ..

البرنامج دا من اكتر البرامج التلفزيونية الناجحة .. بغض النظر عن الاراء المتفاوتة

و ابلجد ما معروف ظروف العمل تكون كيف عندنا هنا في رمضان .. السنة دي داخل رمضان بظروف مغايرة ..

اها قلنا نجي نشوف الاخوان

[ناصر يوسف]

أستغفر الله لي ولكم ومن هذا المنحي ياااااا هؤلاء الرَجُل أو الرِجِل سوقني معاك بالحِجِل
فإنني أدعوك لكي تثوب إلي باااااااارئكَ وتستغغغغغغغغغغفر الله ..
أما بعدُ ... فإن قَبِلَ هو ... زوجناه إياك ..
هسي عليك أمان الله الملكة دي لو كانت قالت ليهو يااااااا تور شين .. إني مواااااااافقه .... هسي ما كانن عيونَا بِقَن خَدَر ومصارينَا بُيض ... مش بييييييييض يا بيض ....؟؟؟
هو الموضوع في الأصل قلت لي شنو ؟؟؟؟؟ !!!!!!



شايفها حاره كِكيييييف يا فَتَلَه ... أو كما أوصاني الزول القاعد جنبي ده ... ولو كوركت ما بوريك ليهو إلا يدخل هو برااااااهو هنا ويقول ليك هو منو

لووووووووووووووووب

[عكــود]

سلام يا قيقراوي و رمضان كريم،

توقيتو كده أنسب بكتير.

فكرة جيدة أن يكون بوست مفتوح طول الشهر للتعليق اليومي على الحلقات.
ود عثمان موجود
و الزوول موجود
و الشباب الفنّانين موجودين

المافي شنو؟

[النور يوسف محمد]

بسم الله الرحمن الرحيم

هل المطالبة بتأخير وقت البث
حتى لا (يَفَوِّت ) التراويح على ناس ..
أو لا ( يفُوت ) على ناس التراويح ..

تفرق كتير يا قيقراوى ..

ويل لهم كوفة السودان الجدد ..
يسفكون دم الحسين ويستفتون فى دم بعوضة ... !!!!!!!!!

[معتصم الطاهر]

المشاركة الأصلية كتبت بواسطة عكــود

و رمضان كريم،



المافي شنو؟

غايتو الله يرجعك ..أم ربى قبل الناقصة دى ...........

[قيقراوي]

المشاركة الأصلية كتبت بواسطة ناصر يوسف

أستغفر الله لي ولكم ومن هذا المنحي ياااااا هؤلاء الرَجُل أو الرِجِل سوقني معاك بالحِجِل
فإنني أدعوك لكي تثوب إلي باااااااارئكَ وتستغغغغغغغغغغفر الله ..
أما بعدُ ... فإن قَبِلَ هو ... زوجناه إياك ..
هسي عليك أمان الله الملكة دي لو كانت قالت ليهو يااااااا تور شين .. إني مواااااااافقه .... هسي ما كانن عيونَا بِقَن خَدَر ومصارينَا بُيض ... مش بييييييييض يا بيض ....؟؟؟
هو الموضوع في الأصل قلت لي شنو ؟؟؟؟؟ !!!!!!



شايفها حاره كِكيييييف يا فَتَلَه ... أو كما أوصاني الزول القاعد جنبي ده ... ولو كوركت ما بوريك ليهو إلا يدخل هو برااااااهو هنا ويقول ليك هو منو

لووووووووووووووووب

لوووووووب

شنو هي الحارة دي!؟
الدنيا مش؟
حارة شديد و الله ..
زي ما قال الزول السمع ( شمسك طلعت اشرق نورا بقت شمسين .. اللخ )
قال : و الله انا ذاتي قلت كدا .. الحر العلينا دي ما حر شمس واااااحدة!



رمضان كريم
تصوموا - انت و الجمبك - و تفطروا على خير


---------

هو قليك ود تورشين كان راجي موافقة الملكة!؟
يا زول!؟
قليك زعل من الخليفة زعل شديد .. قال كيف يعرسوا ليو الغلفاء دي!

[بله محمد الفاضل]

والله مع شغلكم البشلهِت دا
رمضانكم قطع شك
حار اليوم كلو
أخوك مرق من حكاية دوام الليل فيهو
المهم يا عمنا المشهور
تصوم وتفطر علي خير
أنت والأسرة الكريمة

وباقي لي السودان كلو علي بعضو بقى
"النسخة الأخيرة"
مش البرنامج بس
وربك يستر يا مان

وحكاية 11 بالليل دي دحين ما بتتعارض مع القيام وكدا؟

[قيقراوي]

المشاركة الأصلية كتبت بواسطة عكــود

سلام يا قيقراوي و رمضان كريم،

توقيتو كده أنسب بكتير.

فكرة جيدة أن يكون بوست مفتوح طول الشهر للتعليق اليومي على الحلقات.
ود عثمان موجود
و الزوول موجود
و الشباب الفنّانين موجودين

المافي شنو؟

و الله كلو شئ في يا حنين

تعجبني انت ياخ ..

كل سنة و انت أجمل ياخ

[بله محمد الفاضل]

قيقا يا لعاب
وصلني قبل قليل:
ابشروا... دقت ساعة رمضان... دقت ساعة الطاعة ... لا رجوع ... إلى الأمام إلى الأمام ... صلوا وقوموا الليل بيت بيت دار دار زنقة زنقة فرد فرد والرحمة عامة للرجال والنساء سواء كانوا ذكر أو أنثى ...
وكل عام وأنتم بخير...
عادل بله الأمين (مذكرو)

أها، دي إضافة من عندي:
ولا نامت أعين المحبوشين والمحبوشات..


يعني لازم نديها كوز، المافي شنو...

[قيقراوي]

المشاركة الأصلية كتبت بواسطة النور يوسف محمد

بسم الله الرحمن الرحيم

هل المطالبة بتأخير وقت البث
حتى لا (يَفَوِّت ) التراويح على ناس ..
أو لا ( يفُوت ) على ناس التراويح ..

تفرق كتير يا قيقراوى ..

ويل لهم كوفة السودان الجدد ..
يسفكون دم الحسين ويستفتون فى دم بعوضة ... !!!!!!!!!

كل عام و انتم بخير يا ريس
تصوموا و تفطروا على الف خير

مفارقات عجيبة و الله

ياخ الداير يصلي موقناً، بفوّتوا ليها برنامج في التلفزيون!؟
و البمشي التراويح كبرنامج ساي عليك الله فايدة تراويحو شنو؟

ما سمعوا بـ : " ايماناً و احتساباً " !؟




---------

حكاية الكتلوا الحسين : وزي ما قال عاطف خيري

ورونا كيف كتلوا الحسين .. بكينا اكتر منهم .. ساقونا في الآخر عبيد!!


ذكرتني رقاصة مصرية جات حجت، و لمن رجعت بلدا ..
رجعت لي جنها و غباها تاني

الجماعة - الشماشة - شبكوها ليك :

متعينا يا حقّّة

[ناصر يوسف]

المشاركة الأصلية كتبت بواسطة قيقراوي

ذكرتني رقاصة مصرية جات حجت، و لمن رجعت بلدا ..
رجعت لي جنها و غباها تاني

الجماعة - الشماشة - شبكوها ليك :

متعينا يا حقّّة

العجب العجيب لو ختو نُقطة علي الحاء ... ديشششششششششششششششك ...
هوي هه ... رمضان كريم وبس ...