تحياتي
اقتباس:
المشاركة الأصلية كتبت بواسطة بابكر عباس
هي يا عثمان، من أفضل الحيوانات الداجنة إنتاجا وتأقلما مع المناخ الجاف وشبه الجاف.
الإبل تتبع عدة إستراتيجيات للتأقلم مع شح الماء والغذاء لأداء وظائفها الحيوية.
.
.
.
أعتقد أنو ربنا ذكرها في الآية لانها الأفضل في ذلك المناخ، لكن لو القران دا نزل للجنوبيين، كان ربنا ذكر ليهم البقر، ولو نزل لناس الإسكيمو كان ذكر ليهم الدب.
الأفضل مربوطة بالظروف المناخية وليست مطلقة.
|
والله يابابكر كلامك ده ماوقع لي
وأعتقد سندو العلمي ضعيف
لأنو ببساطة لو قارنت التحورات الشكلية والفسيولوجية بتاعت الإبل كحيوان مجتر مقارنة بباقي المجترات الأقل مقاومة للجفاف بكثير بتلقى تحوراتها مدهشة وكتيرة..
بالمقابل: هل الدب كحيوان مناطق باردة أو جليدية عندو نفس الحجم الهائل ده من التحورات مقارنة بأنواع الدببة البتعيش في مناخات معتدلة؟؟
وهل هناك ما يميز الأبقار كحيوان يعيش في مناطق السافنا الفقيرة والغنية عن باقي الحيوانات سواء مجترة أو غيرها لتكون نموذج مدهش وعالي الخصوصية؟؟
..ما أفتكر..
عموما في رأيي ومن خلال متابعتي الإبل حيوان متفرد ..ما بس عشان اتوجدت في الصحراء او البئة الجافة عموما..وإنما هي مخلوق إستثنائي.. وأعتقد انو لسه في حاجات كتيرة ما إتعرفت عنها محتاجة لكثير من الأبحاث والدراسات