السوداني بين المظهر والجوهر والشغل الدُراش

[قرقاش]

يا سلاااااااااااااااااااااااااااااااااااااااااام ..
بالله ..
يعنى دى سودانيات ايام التنوير ...
مدهش ياعكود ...طب ووين الاسماء دى كلها لحدى الصفحه السابعه اسماء ماقراءنا لها ..نحن اولاد الروضه فى سودانيات ..
عشان كده ...تلقى 800 زائر وتلاته اعضاء ..
عكود اتمنى ان تفترع لنا بوست بعنوان ...من روائع المنتدى ....
المدهش بابكر مخير ...كان بيكتب كويس فيما مضى .. اقصد ..انه يتحدث الان بلهجه اهلنا فى الارياف ..ولكنه فى هذا البوست ..مصحح صحفى ..له تحياتى ...ونتمنى ياعكود مواصله البحث عن كنوز المنتدى ...ياخى ده بوست مدهش شكرا على الرفع ..

[فيصل سعد]

المشاركة الأصلية كتبت بواسطة قرقاش

..نحن اولاد الروضه فى سودانيات ...

سلامات يا قرقاش و عساك بالف خير،،
على كدا مفروض تهدي العمدة دا اغنية
"انا بحسم الفوضى حبيبي و ما بخلي
المعاي من الروضة دا تومي و ما بخلي"
و ممكن تهديدها لجيجي زيادة خير..

أخبار الجرجير و العماري شنو معاك الأيام دي،
لو في طرود مرسلة لسويسرا أطرونا و كدا..

يديك العافية..

[جيجي]

يافيصل ياخ ماكبرتني شديد
المفروض تهدي لي
ماما زمنها جية
جاية بعد شوية
جايبة معاها لعب وحاجات

[فيصل سعد]

المشاركة الأصلية كتبت بواسطة جيجي

يافيصل ياخ ماكبرتني شديد
المفروض تهدي لي
ماما زمنها جية
جاية بعد شوية
جايبة معاها لعب وحاجات

لا لا يا ست الناس انا احسن حاجة اهديك المشاعر
و تخوني الامانة أو اهديك عيوني و اسقيك من
وريدي و انت تختاري بمزاجك و كدا..


كثيف الود و التقدير..

[البديري]

سلامات للجميع هنا،
حقيقة، بوست هادف، وجميل، ومن الزمن الجميل..
من ناحيه آخرى، اكتر ما يغظنى عمة حسين خوجلى وترباس!!!
مجموع امتار قماش هذة العمم، ممكن تعمل انكسة وعراريك وسراويل لمدرستين اساس -بنين!
او تكفى طِرح لمدرستين اساس -بنات!

حسبى الله ونعم الوكيل

[اشرف السر]

المشاركة الأصلية كتبت بواسطة البديري

من ناحيه آخرى، اكتر ما يغظنى عمة حسين خوجلى وترباس!!!
مجموع امتار قماش هذة العمم، ممكن تعمل انكسة وعراريك وسراويل لمدرستين اساس -بنين!
او تكفى طِرح لمدرستين اساس -بنات!

حسبى الله ونعم الوكيل

قوووووية يا البديري
قوية جد

[فيصل سعد]

سلامات البديري و أشرف و عساكم بالف خير،،
"اشتراكية سودانية من واقعنا ما من اكتر"

و أبقوا طيبين..