مجلس السيادة الانتقالي يفتح بلاغ ضد الشاعر يوسف الدوش بسبب قصيدة عن مجزرة فض اعتصام القيادة العامة .
مجلس السيادة الانتقالي يفتح بلاغ ضد الشاعر يوسف الدوش بسبب قصيدة عن مجزرة فض اعتصام القيادة العامة .
لنكتب القصيدة آلاف المرات كل يوم ضد عسكر اللجنة الأمنية التي تحاول طمس جريمة القيادة العامة وقمع
كل من يتناولها.
نص القصيدة
نفس الزول الكاتل ولدك.
حاكم بلدك..
نفس الزول القاتل ولدك..
شال لي روحو الفاتحه وقلدك..
حاكم بلدك..
(رمز سيادة)
شال من ايد الكوز (السوط والسلطه)
وجلدك..
نفس الكوز في وجه جديد
نفس الكلب في الرقبة (قلادة)
نفس كتائب الظل والغل
نفس جهاز الامن والخوف
هم بي أمرك (فضو قيادة)
وقامت ثورة..
وحصدت لجنة...!
فاخر عيش الوزراء الجونا..
بس في الغالب كعبة العجنة..
جائز تحكم غصباً أمه
وتقلب كل ايامه ضلمه
ويبقى مصيرك سقطة و(سجنه)
وقامت ثورة..
حصدت من ارواح اولادنا الطاهرة..
لمن زاد الغل في نفوسهم
رسمو الخرطة هناك في القاهرة..
سمو شهيدنا الباسل (شاذ)
وسمو البت مطلوقه وقاهرة..
دسو العيش والخير والجاز..
ونامت عين الشرطة الساهرة..
وقامت ثورة..
#يوسف_الدوش
#مجزره_القياده_العامه
#القصاص_ااشهدا
#اقالة النائب العام
#اقالة النائب العام
|
