رئيس اللجنة الاقتصادية بالبرلمان يطالب الشعب بارتداء العراقى بدلا عن الجلابية للتوفير

[Hassan Farah]

اضحك بس اعمل حسابك.... رئيس اللجنة الاقتصادية بالبرلمان يطالب الشعب بارتداء العراقى بدلا عن الجلابية للتوفير
https://www.facebook.com/Rasdsu/phot...type=1&theater

[فيصل سعد]

دي شكلها تباشير و إرهاصات النهاية، و ما أشبه الليلة بالبارحة.. زمان ابعاج
اخر أيامه كان بتخوجل على الناس في التلفزيون و الرادي، و بهطرق بالتقشف و مافي داعي لأكل ثلاثة وجبات، و يفتخر بثياب زوجته واصفا لها بأنها زوجة رئيس و ليست زوجة نجار، و راح هو و نظامه في غمضة عين.. غايتوا تراكم غبن المظلومين في هذا النظام الانقاذي اذا ما انفجر فقطعا السالم فشفاشو وارم..

لك التحايا يا بروف و أبقى طيب..

[أسعد]

http://youtu.be/l8l1G5yVK8Y

[Hassan Farah]

المشاركة الأصلية كتبت بواسطة فيصل سعد

دي شكلها تباشير و إرهاصات النهاية، و ما أشبه الليلة بالبارحة.. زمان ابعاج
اخر أيامه كان بتخوجل على الناس في التلفزيون و الرادي، و بهطرق بالتقشف و مافي داعي لأكل ثلاثة وجبات، و يفتخر بثياب زوجته واصفا لها بأنها زوجة رئيس و ليست زوجة نجار، و راح هو و نظامه في غمضة عين.. غايتوا تراكم غبن المظلومين في هذا النظام الانقاذي اذا ما انفجر فقطعا السالم فشفاشو وارم..

لك التحايا يا بروف و أبقى طيب..

---------------------------------------------------------
ياها زاتا يا فيصل سعد هطرقة جعفر نميرى الجابت خبرو..... ربنا يورينا فيهم حسابه وشدة عقابه ...الكيزان طلقوا وخرفوا وبدأو يهترشوا .... بالله دا كلام زول يرأس اللجنة الاقتصادية فى البرلمان
تحياتى وتقديرى يا صديقى...

[بابكر مخير]

والله يا ود خالي بلالي إتا ومعاك الحسيب النسيب
الناس ديل
قاعديييييييييييين كدي فوق نفسنا..
أتذكر الاستاذ حسن عبد الهادي "ومن هنا ليه التحايا والاشواق" قال:
الناس خاتين للكيزان ديل حساب كبير بناءا على ظاهرهم وبأنهم منظمين، لكنهم ذي بيت العنكبوت شكله منظم لكنه وآآآآآآآآآآهن،، نفخة وتهده.. دآ كان قبل 22 سنة..
شيخنا الحبيب التوم محمد التوم عليه الرحمة إن كان حي والمغفرة إن كان ربنا رحمه من عيشة النكد دي، قال عنهم وإحنا في بداية الهجرة في القاهرة: بالله عليكم الجماعة الما منظمين ديل قبل نغسل يدينا من الغدآ دا، بيجينا خبرهم،،
آها دآ كان قبل 21 سنة..
الخاتم عدلان ربنا يرحمه ويغفر ليهو.. أول أيامهم وفي إجتماعتنا لتكوين التجمع، قال:
الناس ديل ولا محتاجين لجهد كبير، ديل لوح تلج وحيدوب برآآآآآآآآهو،، قبل 26 سنة..
غايتهوأنا دآ
باقي ليا فيها أيام وبمممممممممممممشي،
مساكين الحيحضورا أولادهم..
هو البشير ما عنده لكن في ديك "البحبهم"
ما أولاد ابراهيم شمسين الدين قالوا:
إتا كل البتحبهم .......
(تموها بقآ)

[جيجي]

غايتو انا شمتانة في رجال السودان

[جيجي]

مش تم تجريدهم من كل حاجة وهم واقفين يعاينو
ويعني
مايملصو
هي يعني الجلابية دي اقيم مافينا

[بابكر مخير]

:

المشاركة الأصلية كتبت بواسطة جيجي

مش تم تجريدهم من كل حاجة وهم واقفين يعاينو
ويعني
مايملصو
هي يعني الجلابية دي اقيم مافينا

[Hassan Farah]

المشاركة الأصلية كتبت بواسطة بابكر مخير

والله يا ود خالي بلالي إتا ومعاك الحسيب النسيب
الناس ديل
قاعديييييييييييين كدي فوق نفسنا..
أتذكر الاستاذ حسن عبد الهادي "ومن هنا ليه التحايا والاشواق" قال:
الناس خاتين للكيزان ديل حساب كبير بناءا على ظاهرهم وبأنهم منظمين، لكنهم ذي بيت العنكبوت شكله منظم لكنه وآآآآآآآآآآهن،، نفخة وتهده.. دآ كان قبل 22 سنة..
شيخنا الحبيب التوم محمد التوم عليه الرحمة إن كان حي والمغفرة إن كان ربنا رحمه من عيشة النكد دي، قال عنهم وإحنا في بداية الهجرة في القاهرة: بالله عليكم الجماعة الما منظمين ديل قبل نغسل يدينا من الغدآ دا، بيجينا خبرهم،،
آها دآ كان قبل 21 سنة..
الخاتم عدلان ربنا يرحمه ويغفر ليهو.. أول أيامهم وفي إجتماعتنا لتكوين التجمع، قال:
الناس ديل ولا محتاجين لجهد كبير، ديل لوح تلج وحيدوب برآآآآآآآآهو،، قبل 26 سنة..
غايتهوأنا دآ
باقي ليا فيها أيام وبمممممممممممممشي،
مساكين الحيحضورا أولادهم..
هو البشير ما عنده لكن في ديك "البحبهم"
ما أولاد ابراهيم شمسين الدين قالوا:
إتا كل البتحبهم .......
(تموها بقآ)

----------------------------------------------------------
ود عمتى مدينة نقول شنو عاد ....الكيزان فعلا نجحوا فى القضاء على الوعى فى البلد وفركشوا الفئات الواعية وفرقونا ايدى سبأ....عشان كدا زى العواليق دا وغيره تجدهم يقدلون فى عباية رئيس اللجنة الاقتصادية ويتفوهون بهذه الافكار المنحطة....
صدقت بنتنا جيجى حين قالت غايتو انا شمتانة في رجال السودان

[Hassan Farah]

المشاركة الأصلية كتبت بواسطة جيجي

مش تم تجريدهم من كل حاجة وهم واقفين يعاينو
ويعني
مايملصو
هي يعني الجلابية دي اقيم مافينا

------------------------------------------------------------
شغل فرعون داك....الينطلقوا ام فكو عاد.....
دا استربتيز عقول.....

[نزار حسن علي]

عم حسن
سلامات
بالله ده عايش وين واحد يقول عراقي وواحد يقول بعد خمسة سنوات ما حا تجدو انسان تدفعو ليهو الزكاة وواحد يقول حلم بالرسول الكريم صلي الله عليه وسلم قال ليهو سلم علي مامون حميده مهزله يا عم حسن هل تصدق واحد في الونسة امس قال لي والله اتمني دلعش تدخل السودان وتكتلنا وتكتل ناس المؤتمر الوطني معانا نكون خلصنا من المؤتمر الوطني اتخيل ده وصل لدرجة عجيبة كيف والبقول ليك نستعين بالجن عشان نحل مشاكلنا الاقتصادية ما عارفين هم زاتن الجن البتكلمو عنو غايتو يا عم حسن زي ما بقولوا المغاربة في اي موقف الله غالب

[Hassan Farah]

المشاركة الأصلية كتبت بواسطة نزار حسن علي

عم حسن
سلامات
بالله ده عايش وين واحد يقول عراقي وواحد يقول بعد خمسة سنوات ما حا تجدو انسان تدفعو ليهو الزكاة وواحد يقول حلم بالرسول الكريم صلي الله عليه وسلم قال ليهو سلم علي مامون حميده مهزله يا عم حسن هل تصدق واحد في الونسة امس قال لي والله اتمني دلعش تدخل السودان وتكتلنا وتكتل ناس المؤتمر الوطني معانا نكون خلصنا من المؤتمر الوطني اتخيل ده وصل لدرجة عجيبة كيف والبقول ليك نستعين بالجن عشان نحل مشاكلنا الاقتصادية ما عارفين هم زاتن الجن البتكلمو عنو غايتو يا عم حسن زي ما بقولوا المغاربة في اي موقف الله غالب

---------------------------------------------------------
سلامات نزار......
مع البسوا فيهو الكيزان دا انا متأكد اذا اتزنقوا حيطلعوا كرتهم الاخير...الداعيشية... ويطلعوا عين الناس بلا رحمة.... هم من زمان مش قالوا ولترق كل الدماء....

YouTube

[اشرف السر]

غايتواحتراما للائحة سودانيات بس، اقول للزول دا
الـ F. Word

وبس