إمرأة من زمنٍ آخر ... ( محادثة هاتفية لها أنياب و أظافر ) - الصفحة 2

أبوجهينة · 11-11-2009, 08:09 PM

اقتباس:

المشاركة الأصلية كتبت بواسطة فتحي مسعد حنفي

سمورية الدايما مسجلة غياب

علي الرغم من انو أخي أبو جهينة راجل كتاب ودي ما دايرة كلام الا انو الكلام دا جد وأكيد حصل لي ناس قريبين منو..لكن السؤال مفروض يكون: أبو جهينة منو الحكي ليهو ..الزوجة ولا الصديق الغلط.. عشان الكلام الزي دا ما بيتحكي علنا وغايتو أبو جهينة يشيل شيلتو مع الحكي ليهو..بعدين عايزين نعرف الحكاية دي انتهت علي شنو ولا داير تخلينا معلقين يابو جهينة..
حكايتك دي ذكرتني حكاية شبيهة فيها الزوجة طلعت ناصحة وقامت راجعت نفسها وقعدت تفكر ليه الراجل قرر الهروب الي امرأة أخري وبالفعل اكتشفت انو هي السبب لأنها أهملت نفسها وقفلت حياتا علي تربية الأولاد والمطبخ.ودي حاجة تطفش أي راجل لامن يحس انو متزوج مربية أو كماريرا ويقوم يفتش عن الرومانسية في حتة تانية...
المهم الزوجة ابتدت تهتم بي نفسها وغيرت اسلوب حياتا بدون ما تهمل باقي واجباتا والزوج حس بالتغيير وردت الحياة في عش الزوجية مرة تانية وأخونا نسي الحب الجديد ورجع لي بيتو وصوابو..وحقو أي زوجة قبل ما تتخذ قرار ينسف حياتا الزوجية تفكر بصدق مع نفسها عن الأسباب الوصلت الأمور للمرحلة دي وتحاول تزيل الأسباب دي وما بصير الا الخير وتكون هفوة وعدت بدون خساير مدمرة..

تحياتي فتحي

في مجموعتي القصصية .. و عند الإحتفال بها في الرياض .. سألتني إمرأة : هل هذه القصص حقيقية أم خيال؟
فقلت لها : ليس بالضرورة أن تكون حقيقية أو أنا بطلها .. و لكن العظة و العبرة في قلب القصة.
لذا فإن القصة أعلاه هي خليط بألوان قوس قزح ... خليط مسْتَقى من زوابع هذه الحياة و تجاربها الثرة الغنية ...
قصتك التي أتيت بها واحدة من تداعيات قصتي.
و يمكن زوجة تانية تتهور و تطلب الطلاق
أو واحدة تجعل حياته جحيما لا يطاق
أو ممكن في هذا الزمان ترتكب حماقة لا يحمد عقباها

مرورك دائما غني و مفيد
دمتم

أبوجهينة · 11-11-2009, 08:19 PM

اقتباس:

المشاركة الأصلية كتبت بواسطة تحفة حوا

تفتكروا الأحسن شنو :
الرجل يتزوج على زوجته في السر ؟
ولا
يخبرها قبل الاقدام على هذه الخطوة ؟

وما الاسباب في الحالتين
يعني سبب اخفاء الامر او البوح به
هل من يخبئ الامر يخشى عليها من هول المفاجأة مثلا

ومن يصارحها هل لأنه لا يهتم بمشاعرها ؟

شكرا لك أبو جهينة وباقي المتداخلين

وشكر خاص للاستاذ فتحي للنصائح والحكم

تحفة حوا

سلام كبير

الدين الحنيف يطالب الرجل بمصارحة الزوجة بنيته في الزواج من أخرى و يترك لها خيار البقاء أو طلب الطلاق.
معظم الرجال ينطلقون سرا في الزواج من ثانية .. فكأنما يمسكون العصا من منتصفها .. فلا هو يريد تشتيت أسرته و لا هو يريد الإستغناء عن زواجه من أخرى ( رغم إختلاف أسباب الزواج من أخرى ).
الذي يصارح زوجته لا بد أن يكون واحد من أربعة:
1. الزوجة عندها سبب شرعي يمنعها من معاشرة زوجية
2. الزوج يريدها أن تقرر الطلاق و تذهب في حال سبيلها
3. الزوج واثق من أنها ستمكث مرغمة لأنها ربما بطلاقها قد تعيش واقعا أمرَّ من بقائها في ظل ضُرَّة
4. الرجل ( ديكتاتوري ) .. لذا هو يتزوج من أخرى و يبلغ زوجته كنوع من خبر يلقيه على مسامعها من باب العلم بالشيء

مرورك مشكورة عليه

أبوجهينة · 11-11-2009, 08:26 PM

اقتباس:

المشاركة الأصلية كتبت بواسطة فتحي مسعد حنفي

أنا غايتو ماخد لي تكية لغاية ما أبو جهينة يرجع عشان ما نسرح ويجي يقول لينا خرمجتو لي البوست حقي

بالعكس يا فتحي
وجودك في البوست دة زي كفة الميزان الراجحة ..
واصل

طيبان · 11-11-2009, 09:04 PM

الأخ أبوجهينة ..
حضرتني نكتة - إن كان المقام يسمح - حين قرأت هذا البوست ..
رجل أتي لزوجته نهاية اليوم وقال ليها بكل برود يامرة أنا ( عرّست فوقك ) .. قومي جهّزي شنطتك ولبّسي الأولاد عشان تمشي ناس أبوك ..لأني ماشي شهر عسل مع المرة الجديدة ..
زوجتو ارتبكت تماما ولم تحر جواباً ..وقامت لبست ودمعتا فوق خدّها وراسا وهي بين مصدّقة ومكذّبة ..ودمعتا فوق خدّها ..وزوجها يستعجل فيها ..
ساقا بي تاكسي لحدّي قريب بيت أبوها ونزّلا ..وقبل يوصّلا البيت قال ليها ( والله يا ستّي الحقيقة أنا ما عرّست فوقك ولا ممكن أعمل كدة .. بس كنت داير أجيبك بيتكم لأنّو أبوك مــات) ..
ما كان من الزوجة إلا أن صاحت به ( يخسي عليك هجمتني بحكاية عرسك دي .. )

...
البوست غير حرج صديق الزوج الواضح فيه ..والداعي للتعاطف ..وربما الواحد يحمد ربّو إنو ما اتختّ في الموقف دا .. لكن بخلّي الزول يفكّر ممكن يعمل شنو لو كان في مكان هذا الصديق ؟؟
وكمان شايف الشباب ما قصّروا وفتحوا الأبواب كلّها ..
البوست قابل لتفكيك قضيّة متجدّدة ..لا ينتهي الحديث حولهــا ..
أنا لحدّ ما شفت راي الزوجة كان منطقي ..
لكن هل كل ردود الأفعال ستكون متشابهة .؟؟

____

أحيّيك ..

أبوجهينة · 12-11-2009, 11:58 AM

طيبان

سلام و تقدير

شكرا للمرور البهي

اقتباس:

البوست قابل لتفكيك قضيّة متجدّدة ..لا ينتهي الحديث حولهــا ..

هذا بيت القصيد ... و و المُبْتَغى ..
و أكرر الشكر

11-11-2009, 09:04 PM	#[19]
طيبان :: كــاتب نشــط::	الأخ أبوجهينة .. حضرتني نكتة - إن كان المقام يسمح - حين قرأت هذا البوست .. رجل أتي لزوجته نهاية اليوم وقال ليها بكل برود يامرة أنا ( عرّست فوقك ) .. قومي جهّزي شنطتك ولبّسي الأولاد عشان تمشي ناس أبوك ..لأني ماشي شهر عسل مع المرة الجديدة .. زوجتو ارتبكت تماما ولم تحر جواباً ..وقامت لبست ودمعتا فوق خدّها وراسا وهي بين مصدّقة ومكذّبة ..ودمعتا فوق خدّها ..وزوجها يستعجل فيها .. ساقا بي تاكسي لحدّي قريب بيت أبوها ونزّلا ..وقبل يوصّلا البيت قال ليها ( والله يا ستّي الحقيقة أنا ما عرّست فوقك ولا ممكن أعمل كدة .. بس كنت داير أجيبك بيتكم لأنّو أبوك مــات) .. ما كان من الزوجة إلا أن صاحت به ( يخسي عليك هجمتني بحكاية عرسك دي .. ) ... البوست غير حرج صديق الزوج الواضح فيه ..والداعي للتعاطف ..وربما الواحد يحمد ربّو إنو ما اتختّ في الموقف دا .. لكن بخلّي الزول يفكّر ممكن يعمل شنو لو كان في مكان هذا الصديق ؟؟ وكمان شايف الشباب ما قصّروا وفتحوا الأبواب كلّها .. البوست قابل لتفكيك قضيّة متجدّدة ..لا ينتهي الحديث حولهــا .. أنا لحدّ ما شفت راي الزوجة كان منطقي .. لكن هل كل ردود الأفعال ستكون متشابهة .؟؟ ____ أحيّيك ..
طيبان :: كــاتب نشــط::	التوقيع: [align=center][/align]