نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > نــــــوافــــــــــــــذ > كلمـــــــات

إضافة رد
 
أدوات الموضوع انواع عرض الموضوع
قديم 04-08-2014, 09:10 PM   #[1]
اسراء المهدي
:: كــاتب نشــط::
الصورة الرمزية اسراء المهدي
 
افتراضي يابنية

يابنية من فعل الزمن
لبست جزيل
الوجعه خوف
اتنعلتت صمت القراب
اتلعثمت نشفة جروف
وزغردت عز الليل ضياع
وطمبرت فرقة ولوف
يابنية في كل الشعاب
مصلوبة نفحة وانتعاش
ومالكة الدروب بذكرتها
مربوطه بي هب الدعاش
مرسومه في الخاطر صريف
وضل تبلدي وهمبريب
هباب على طرف الضليل
معزوفة ريد
نغمة بي صاجة وقرقريب
مسواب من خلوة الشيخ الفضل
ماخودة من جذر الدليب
هبي الكوينين واستعجلي
هديك الشمس مالت تغيب
لمي الجهال في العنقريب
لا تنسي تسقيهم حليب
يابنية ذي النيل
مدد
ذي
وساع صحراء
وضي تقابة
ونفس الغابة
وضحكة الناس الغلابة
وجمال سحنة البشر السمر
القوقاية في يوم العرس
وحبوبة في ساعة الشكر
شبال عريس
والسيرة في وقت العصر
يابنية
ياكون ياوطن
ياخالصة من طعم الشجن
ولابسة دوم توب الحزن
وصامدة تتحدي الزمن
يابنية ياكون ياوطن



اسراء المهدي غير متصل   رد مع اقتباس
قديم 05-08-2014, 09:27 PM   #[2]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

جميل وبديع يا إسراء يا وطن

شكرً ليكى وشكراً عكود صاحب الزوق الرهيف والله ما ئفتها

كدى يا أسراء نستنى تماضر وسجيمان يناغوكى بى جاى



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 06-08-2014, 01:48 PM   #[3]
كمال قجه
:: كــاتب جديـــد ::
الصورة الرمزية كمال قجه
 
افتراضي

قصيدة جميلة عبارة عن لوحة رسام متماسكة المفردات طافت بنا في الموروث المحلي فكانت عبق من الجمال لا تملك الا ان تقف امامها مشدوها" .. شكرا" كثيفا"



التوقيع: وين ماشي يانبض الرحيق
سايب المشاعر ريق دقيق
كمال قجه غير متصل   رد مع اقتباس
قديم 06-08-2014, 08:51 PM   #[4]
اسراء المهدي
:: كــاتب نشــط::
الصورة الرمزية اسراء المهدي
 
افتراضي

هلا استاذ كمال والاستاذ رأفت مشكورين ع الاطلالة
انتم قامة الوطن بحروفكم



التعديل الأخير تم بواسطة اسراء المهدي ; 06-08-2014 الساعة 08:54 PM.
اسراء المهدي غير متصل   رد مع اقتباس
قديم 07-08-2014, 07:26 PM   #[5]
احمد ابوزيد
:: كــاتب نشــط::
الصورة الرمزية احمد ابوزيد
 
افتراضي

اقتباس:
المشاركة الأصلية كتبت بواسطة اسراء المهدي مشاهدة المشاركة
يابنية من فعل الزمن
لبست جزيل
الوجعه خوف
اتنعلتت صمت القراب
اتلعثمت نشفة جروف
وزغردت عز الليل ضياع
وطمبرت فرقة ولوف
يابنية في كل الشعاب
مصلوبة نفحة وانتعاش
ومالكة الدروب بذكرتها
مربوطه بي هب الدعاش
مرسومه في الخاطر صريف
وضل تبلدي وهمبريب
هباب على طرف الضليل
معزوفة ريد
نغمة بي صاجة وقرقريب
مسواب من خلوة الشيخ الفضل
ماخودة من جذر الدليب
هبي الكوينين واستعجلي
هديك الشمس مالت تغيب
لمي الجهال في العنقريب
لا تنسي تسقيهم حليب
يابنية ذي النيل
مدد
ذي
وساع صحراء
وضي تقابة
ونفس الغابة
وضحكة الناس الغلابة
وجمال سحنة البشر السمر
القوقاية في يوم العرس
وحبوبة في ساعة الشكر
شبال عريس
والسيرة في وقت العصر
يابنية
ياكون ياوطن
ياخالصة من طعم الشجن
ولابسة دوم توب الحزن
وصامدة تتحدي الزمن
يابنية ياكون ياوطن

سلام بت المهدي ،،
( اتنعلتت صمت القراب )
عدم فهمي لهذه الجزئية لا يعني عدم جودة النص، فهذا التنظير له اهله. فقط ارغب في الفهم فالقصيده مغرية وجميله والوقوف عندها لم يكن محض صدفة ..
شكرا لهذا الدعاش المستمر ..

اكيد مودتي مع التقدير



التوقيع: الحالة كلها زي بعض ، إلا المساخيت الدقون
ختوها بين اهلك قرض
بالدين .. وبالطين .. بالنسب
بالمايكرفونات .. بالخطب .. بالبنطلونات بالرتب
( فرق تسد )
احمد ابوزيد غير متصل   رد مع اقتباس
قديم 08-08-2014, 11:42 PM   #[6]
اسراء المهدي
:: كــاتب نشــط::
الصورة الرمزية اسراء المهدي
 
افتراضي

حباب ابوزيد
اتنعلت من النعال
النعال مايلبس ع القدم
اتمنى ان اكون قد افدتك
شكرا ع التعليق الجميل



التوقيع: شقيش اقبل القى شبهك في العباد
مرسوم ملامح واشتها
والقى صوتك في الزفير
يندهني لو طيفك سهى
اسراء المهدي غير متصل   رد مع اقتباس
قديم 09-08-2014, 04:37 PM   #[7]
احمد ابوزيد
:: كــاتب نشــط::
الصورة الرمزية احمد ابوزيد
 
افتراضي

اقتباس:
المشاركة الأصلية كتبت بواسطة اسراء المهدي مشاهدة المشاركة
حباب ابوزيد
اتنعلت من النعال
النعال مايلبس ع القدم
اتمنى ان اكون قد افدتك
شكرا ع التعليق الجميل
حبابك طن بت المهدي ..

جزيل الشكر علي الرد ..
لكن لم يكتمل الفهم ، لإختصار الرد، ارجو الحديث عن البيت بإسهاب اذا امكن، وفي حالة العدم يكفي (صمت القراب) .. المقصود (الغراب) ام (القراب) ..
مع خالص ودي ..



التوقيع: الحالة كلها زي بعض ، إلا المساخيت الدقون
ختوها بين اهلك قرض
بالدين .. وبالطين .. بالنسب
بالمايكرفونات .. بالخطب .. بالبنطلونات بالرتب
( فرق تسد )
احمد ابوزيد غير متصل   رد مع اقتباس
قديم 09-08-2014, 09:53 PM   #[8]
اسراء المهدي
:: كــاتب نشــط::
الصورة الرمزية اسراء المهدي
 
افتراضي

سلامات
انا اسفة اذا اختصرت
في الحقيقة القصيدة م عن بنت
عن قرية صغيرة حاليا خالية تماما
المهم
اتنعلتت صمت القراب
قصدت انها تمشي حافية في طريق الخراب الاتبسط تحتها بسبب الاقارب منها بصمتهم ع حالتها من المحل وكل العملو انهم رحلو بعد ما اغرتهم المدينة
وزغردت ضياع بمعنى انها حتى افراحها بقت ضايعة
اما طمبرت فرقة ولوف بمعنى انو طبولها م بتدق الا لفراق زول ولوف



التوقيع: شقيش اقبل القى شبهك في العباد
مرسوم ملامح واشتها
والقى صوتك في الزفير
يندهني لو طيفك سهى
اسراء المهدي غير متصل   رد مع اقتباس
قديم 10-08-2014, 03:02 PM   #[9]
احمد ابوزيد
:: كــاتب نشــط::
الصورة الرمزية احمد ابوزيد
 
افتراضي

اقتباس:
المشاركة الأصلية كتبت بواسطة اسراء المهدي مشاهدة المشاركة
سلامات
انا اسفة اذا اختصرت
في الحقيقة القصيدة م عن بنت
عن قرية صغيرة حاليا خالية تماما
المهم
اتنعلتت صمت القراب
قصدت انها تمشي حافية في طريق الخراب الاتبسط تحتها بسبب الاقارب منها بصمتهم ع حالتها من المحل وكل العملو انهم رحلو بعد ما اغرتهم المدينة
وزغردت ضياع بمعنى انها حتى افراحها بقت ضايعة
اما طمبرت فرقة ولوف بمعنى انو طبولها م بتدق الا لفراق زول ولوف

سلام بت المهدي
والف تحيه علي الرد الجميل والوصف الأجمل، كما اشكر لك سعة صدرك.

اكيد ودي مع الاحترام



التوقيع: الحالة كلها زي بعض ، إلا المساخيت الدقون
ختوها بين اهلك قرض
بالدين .. وبالطين .. بالنسب
بالمايكرفونات .. بالخطب .. بالبنطلونات بالرتب
( فرق تسد )
احمد ابوزيد غير متصل   رد مع اقتباس
قديم 10-08-2014, 03:21 PM   #[10]
اسراء المهدي
:: كــاتب نشــط::
الصورة الرمزية اسراء المهدي
 
افتراضي

في كل وقت اهلا وسهلا



التوقيع: شقيش اقبل القى شبهك في العباد
مرسوم ملامح واشتها
والقى صوتك في الزفير
يندهني لو طيفك سهى
اسراء المهدي غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:03 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.