نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 26-02-2021, 08:33 AM   #[1]
imported_إيهاب الأمين
:: كــاتب جديـــد ::
الصورة الرمزية imported_إيهاب الأمين
 
افتراضي وكتين شفتك

وكتين شفتك
شعر/ إيهاب الأمين

شفتك شاقة بحور الليل
متخبية جوة قصيدة
تغني وتصدح
شفتك شايلة الفجر البدري مراية
وضامة الغيم فوق كتفك ملفح
وكانت عين النيل بكاية
وقلبو دوام كان بجمع وبطرح


شلت الحسرة الطاوياني
ودمعات دفاقة وجرحاً بنتح
شان ألقاك ياحلمي الراحل
ياساساق ما بين الصحرا
وبين البحر النشر الخضرة
وصدراً واسع بغفر ويصفح
شفتك شايلة القمرا حقيبة
ولابسة وميض النجمة قلادة
عيونك تفضح معنى سكوتك
ومعنى غياب الفرح الروّح



عشنا وشفنا مسافة ردك
مابين حنك ونفرة صدك
تصبح ضو فى قبضة يدك
ترسم جانب لوحة وملمح
وكان الموج فوق صدرك بمرح
وكتين شفتك
شايلة الفجر البدرى مراية
وضامة الغيم فوق كتفك ملفح



imported_إيهاب الأمين غير متصل   رد مع اقتباس
قديم 26-02-2021, 10:20 AM   #[2]
عكــود
Administrator
الصورة الرمزية عكــود
 
افتراضي

مرحب أخ إيهاب بعودتك ورفدك البديع.
قصيدة مليانة ولحنها منها وفيها.



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 27-02-2021, 07:03 AM   #[3]
بابكر مخير
:: كــاتب نشــط::
الصورة الرمزية بابكر مخير
 
افتراضي

حقيقة الحب
متنازع بين ريدة وملامة وتلاقهو شايل ديمة العذر ورافع شعار السماح في كل حال. الحب هو الذكرى الجميلة أكتر منهو اللحظة. لأنهو اللحظة ليها متقلبات. ممكن شيتن يفرح وتبقى لحظات حلوة وممكن شيتن يغلط ويبقى ياهو النكد وجمال الذكرى يتجلي في أنك بي سهولة للشين تعمل delete وللجميل save as
دحن ياهو متل قولك دآ البتسيف




التوقيع:
بابكر مخير غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:16 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.