نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 29-12-2021, 06:12 PM   #[1]
علي الشيخ الحنين
:: كــاتب جديـــد ::
 
افتراضي عوووووووك،،،،

*بي📝الحنين،،،، ،،*
*د. علي الشيخ،، ،،،،،*

*عوووووووووك،،،،، (٢)*

*بمناسبة سرعة نشر الاخبار...*
الرباطابى راكب حمارو وولدو راكب حمار وراهو...🦓
اتصل📱 العم علي الولد وسألوا من ابوه في اللحظة دي الرباطابي وقع من الحمار...
الولد قال لي عمو تراهو قدامي وقع من حمارو،،،،،
العم قفل طوالي وضرب لي اخوه ،،،،
قال ليهو حمدا لله على السلامة قالوا لي وقعت من الحماره،،،،
الرباطابى قال ليهو
*نان ما تخليني اصل الواطة*...

للأسف،،،،

انتشار،،،، ،،،،،،
*وباء انسخ و الصق*
*Copy and Paste*

بدون التأكد من المصدر،،،

*في حاجه مهمه*
كونك تنشر خبر أو معلومه بدون ما تتأكد من صحتها أو مصدرها،،،، ،،،،
دي،،،، ،،،،،
أخطر من انتشار *وباء الكورونا* زاااااااااااتو،،،،
القصه،،،،
ما انك تشوت اي خبر،،،،
أو معلومه جاتك في قروب،،،، أو في الفيس بوك،،،، أو سمعت بيها،،،،
تقوم طوالي تنسخها و تصدرها لي غيرك،،،،
و غيرك بنسخ و بنقل،،،،
في معلومات أو أخبار
اخير منها الكورونا،،،
كيف؟؟؟؟
*الحاله النفسيه*
الناس ما قادرها تستحمل،،، الحاصل الان ،،،
الناس مجهجه مابين المعايش و الحقوق المسلوبه،،،
يعني الفيها مكفيها،،،،
تقوم ترشهم بي أخبار محبطه،،،، بدون ما تتأكد من صحتها أو مصدرها،،،
*كده*
انت بتكون بتعمل *غلط X غلط*

إذا كنت عايز تقطع الشارع،،،
اكيد بتعاين يمين،،،، وبتعاين شمال،،،،
وبتتاكد انه ما في اي عربيه جايه،،،، بعد كده بتعدي الشارع وانت مطمئن،،،

تاني ،،،،
اي لاعب عايز يسدد ضربة الجزاء،،،، بركز،،،، و بشوت،،،
بتجي قون ،،،
و مرات بتدق في العراضه،،،
و مرات بشوت بعيد،،،،،
و مرات القون بمسكها،،،،،

*نحن عايزين*

نعدي الشارع مطمئنين،،،،
و نجيب قون،،، ،،،

*_ده بيحصل لو اتفقنا_ ،،،*

*ما ننقل كلام ساي*
خبرا،،،، ما متأكد من صحته،،، ما ترسله،،،، امسكه عندك،،،،
خبرا،،، فيهو إساءة أو نعت شين،، امسحه من جوالك،،،

عايزين نقعد في واطة الله دي،،، ،،،
ونتماسك ،،،،، و نقول كلام حبوباتنا
*خشمك فيهو اللبن*

*د. علي الشيخ*
*الحنين*
*ينبع البحر - السعوديه*
*٢٩ ديسمبر ٢٠٢١*



علي الشيخ الحنين غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 08:55 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.