والله الفيكم إتعرفت

[ثابت محمد]

يعني ح تسألوا علينا متين ؟؟
لما يجيبوا ليكم خبرنا ؟؟




البركة في ( بدور )

[ثابت محمد]

حنك بيش ما بمشي
أي زول سأل يجيب رابطة الموضوع أو المشاركة


لن أقبل أي مشتاركة خضعت ( للتعديل أو التحرير )
رغم إنو الكتبو في موضوع .. بدور .. ( قامو دفرة )
بس برضو الكحة ولا صمة الأيمان



خوة قـِرقـِر بسسسس

[سمراء]

بركة يايمة البقيت حي ترزق ياثابت
اللوم هين ....والحنك راقد

بس انا يشهد لى التاريخ وشركة الاتصالات القطرية
فقط هناك بعض الاشكالات الفنية التى حدثت مؤخراً فحالت دون التواصل
ووجب عليك ان تعزرنا حتى يثبت العكس

اوووعك تهرشنى انا اليومين دى " جتتى ماخالصة " ياقول اهل عمو فتحى
ف بشويش على عليك الله
سمح ؟
والله لا يضيع اجر العاملين
وشكرن

[منتصر محمود حامد]

اقتباس:
المشاركة الأصلية كتبت بواسطة ثابت محمد

يعني ح تسألوا علينا متين ؟؟

لما يجيبوا ليكم خبرنا ؟؟

البركة في ( بدور )

ثابت السجم..
يا ريتنى لو أقدر أكونك...

شوق بقدر المحبة..

[ثابت محمد]

اقتباس:
المشاركة الأصلية كتبت بواسطة سمراء
بركة يايمة البقيت حي ترزق ياثابت
اللوم هين ....والحنك راقد

بس انا يشهد لى التاريخ وشركة الاتصالات القطرية
فقط هناك بعض الاشكالات الفنية التى حدثت مؤخراً فحالت دون التواصل
ووجب عليك ان تعزرنا حتى يثبت العكس

اوووعك تهرشنى انا اليومين دى " جتتى ماخالصة " ياقول اهل عمو فتحى
ف بشويش على عليك الله
سمح ؟
والله لا يضيع اجر العاملين
وشكرن




سمراء
هسي حنكك دا لو أنا صدقتو
إنتي بتصدقي نفسك ؟؟


عرفتي لحقتيها برسالة وأشياء أخرى
.
.

ماداتم غلطتو
كان تخلونا نجيكم نحن بالأعذار

[سارة]

لوم العدو والله

حمد الله بالسلامة يا زول يا زين

[بدور التركي]

انت بتين جيت
قلبت الصفحة كنت عايزة ارفع موضوع قديم
لقيتك جيت
بركة الجيت

ثابت:
اقول ليك سر
تصدق أني مشتاقة لاختي امتسال
وأخوي حبيب قلبي اسامة

[طارق الحسن محمد]

ثابت
سلام
ياخى من حقك تلوم
وقصرنا معاك
ومتلومين فيك
اها
بتسامح

؟ ؟

مودتى ياصديق الليل

[ثابت محمد]

اقتباس:
المشاركة الأصلية كتبت بواسطة منتصر محمود حامد
اقتباس:
المشاركة الأصلية كتبت بواسطة ثابت محمد

يعني ح تسألوا علينا متين ؟؟

لما يجيبوا ليكم خبرنا ؟؟

البركة في ( بدور )

ثابت السجم..
يا ريتنى لو أقدر أكونك...

شوق بقدر المحبة..

مسافر ليل يا نقي الدواخل
الشوق بقالي هاجس

إنت في ياتو درجة من التجلي وفي ياتو مكان من الاطلس ؟
تلفونك بتاع أرض زايد الخير ( حارن ) وواقف ألف أحمر
يا تطلق سراحو يا تركب ( لـِجام ) أقصد شريحة جديدة .


إنت عارف شوقي ليك

[ثابت محمد]

اقتباس:
المشاركة الأصلية كتبت بواسطة سارة
لوم العدو والله

حمد الله بالسلامة يا زول يا زين

سارة
اللوم من فرط المحبة .. والجماعة ساعدوني بالتجاهل

جعل الله المسرات رفيق دربك

[ثابت محمد]

اقتباس:
المشاركة الأصلية كتبت بواسطة بدور التركي
انت بتين جيت
قلبت الصفحة كنت عايزة ارفع موضوع قديم
لقيتك جيت
بركة الجيت

ثابت:
اقول ليك سر
تصدق أني مشتاقة لاختي امتسال
وأخوي حبيب قلبي اسامة



جابني عطر الياسمين ودم الوريد الذي يربطنا
جابني الشوق أفتش في الأكواخ
ولقيتك
لقيتك يا فيني في غيابي وحضوري
لقيتك كما خلق المولى تتبارك وتعالى
وأودع فيك سر الصدق والنقاء


إبتسال أخدت وعكة وبدت تتعافى
أسامة في أمان الله والشافع دخل مرحلة خطوبة
بالله شفتي الزمن كيف يا بدور ؟؟ أسامة عاوز يعرس


كيف الثلج والورد وما بينهم وطعم الجميع ؟
والله شوق لمن غلط

[ثابت محمد]

اقتباس:
المشاركة الأصلية كتبت بواسطة طارق الحسن محمد
ثابت
سلام
ياخى من حقك تلوم
وقصرنا معاك
ومتلومين فيك
اها
بتسامح

؟ ؟

مودتى ياصديق الليل



ود الحسن يا صاحبي حين ينام الجميع

كيف لياليك ؟؟
ما عتـّرت ليك أشواقي بين قمر ونجمة ؟
يا حبيب مافي لوم
دي حركة لإستدراج روعتكم


خليك مساهر

[مبر محمود]

نعم، لم نفتقدك، ولم نسأل عنك، إلا حين ظفر بك الموت، والموت فقّاد.
أعفي لينا ياخي..

[النور يوسف محمد]

بسم الله الرحمن الرحيم

يفضحنا الموت ..
وتهزم كبريائنا هذه العبارات المشرقة ..
كيف كنا نحبو وأنت على مشارف الوصول ..
لله درّك ....... .. وللأحزان أكثر من مقال ..

[قيقراوي]

المشاركة الأصلية كتبت بواسطة النور يوسف محمد

بسم الله الرحمن الرحيم

يفضحنا الموت ..
وتهزم كبريائنا هذه العبارات المشرقة ..
كيف كنا نحبو وأنت على مشارف الوصول ..
لله درّك ....... .. وللأحزان أكثر من مقال ..

يا الله

صدق اللقال : الموت نقاد و في ايدو الجواهر

يا موت لو تركتو ...

ربنا يتقبلو و يحسن اليه ...