أولاد الإشلاق

[عبدالحفيظ]

المشاركة الأصلية كتبت بواسطة علاءالدين عبدالله الاحمر

يعني في عمرنا ذاك اجرامنا كان يحير حتي أهالينا ولكن عند دخولنا المرحلة المتوسطة تغير ذلك بفضل المعلمين في اشباعنا بقرأة الكتب وكرة القدم في رابطة أبوعنجة
تغيرنا جدا لكن في أذهاننا علق كل الماضي

يا حليل معلمين زمان كانت عندهم القدرة على تغيير سلوك تلاميذهم ، واتذكر جيدا عندما ترى استاذك على بعد 200 متر في الشارع كنت تغير الشارع احتراما له ، اما معلمين هذا الزمن بقو يخمسوا السجارة مع طلابهم . فهل يستطيع ان يغير من سلوك تلاميذه الله اعلم ..

[مواهب عبد العزيز نقد الله]

المشاركة الأصلية كتبت بواسطة Anbabtode

(وانا دخلت المدرسة دي بي ضراعي كنت الثامن على مستوى الخرطوم ولو ما كده ما كان عندي طريقة فيها ، وبعد دا كله كانو عايزين يطفشوني المدارس الصناعية قالو انت طويل ، دي حكاية تانية كمان بحكيها ليكم )

أنبابتود : يا ملهم الحرف المعانى .........
كالعادة تضمخ الأجواء بطيب شذاك وعلمك حيثما حللت ....


البوست ضاج بالذكريات والتفاصيل الحبيبة وتوثيقى بدرجة ممتاز فلك الشكر أجزله ....
* ولسه راجيين الحكاية

[عبدالحفيظ]

المشاركة الأصلية كتبت بواسطة مواهب عبد العزيز نقد الله

أنبابتود : يا ملهم الحرف المعانى .........
كالعادة تضمخ الأجواء بطيب شذاك وعلمك حيثما حللت ....


البوست ضاج بالذكريات والتفاصيل الحبيبة وتوثيقى بدرجة ممتاز فلك الشكر أجزله ....
* ولسه راجيين الحكاية

مشكورة استاذة مواهب على الكلام الحلو والمجاملة الرقيقة ، الحكاية يا مواهب بدت يوم معاينة التلاميذ للقبول بالمرحلة الوسطى وانا وولى أمري طبعا كنا في غاية السعادة لان قبولي بالخرطوم الاميرية اصبح قاب قوسين او ادنى ، لاني زول ما فاتوني في كل مدارس مديرية الخرطوم غير 7 اولاد يمكن يكون فيهم بنات كمان ، وانا اخوي الكبير ولي امري جينا ودخلت على لجنة القبول في المدرسة وقررت اللجنة تحويلي للقبول بالمدارس الصناعية لاني صحتى كويسة وطويل ويمكن قايلني عائد 5 سنة ، سبحان الله انا لا ولد قاضي ولا ولد دكتور مشهور ولا ولد وزير ولا راعوا للنبوغ الاكاديمي بتاعي وطبعا الخرطوم الاميرية كانت قبلة اولاد كبار موظفي الدولة مع انها كانت جميلة ومستحيلة ، وكانت مشكلتي انا ما عندي شهادة ميلاد ، ورفض أخي تحويلي للصناعية وقال ليهم انتقلوا للخطوة التالية وهو عرضي للقمسيون الطبي ليحدد عمري بالضبط ، وتم تكليف احد الاداريين لاصطحابي ومعي خمسة تلاميذ لمقابلة القمسيون الطبي وفعلا دخلنا وقابلنا اللجنة وتم فحصنا فحصا دقيقا وسألونا اسئلة منكر ونكير ووصلوا لدرجة انهم فحصوا منطقة العانة لعلهم يجدون آثار عنف على الشعر ووجدوا المكان سالما وسليما وبدون اي تدخل اجنبي، وسلموني شهادة تسنين ادق من شهادة الميلاد الاصلية توضخ ان عمري لم يتجاوز الحادي عشرة من السنين ومنذ ذلك العام احتفل كل يوم 1 يناير بعيد ميلادي ، ورغم انف ناس اللجنة قبلت بالخرطوم الاميرية وكمان في السنة الاولى تم تعييني الفة الفصل واصبحت امارس سلطاتي بتاعت اولاد الاشلاق.. بس في درس مهم جدا هنا لازم نستفيد منه ان ناس اللجنة كان ليهم الحق وولي امري كان ليه الحق والفيصل كان المرجع الذي تم اخنياره من قبل اللجنة وولي الامر وهذا دلاله على ان كل شي يتم وفق القانون واللوائح والاجراءات السليمة .. حليل الخدمة المدنية بتاعت زمان ..

دي الحكاية يا مواهب ما بتستحق تكتبي فيها قصيدة والا رواية والا حتى ترجمة هههههه

[نغم]

المشاركة الأصلية كتبت بواسطة Anbabtode

مشكورة استاذة مواهب على الكلام الحلو والمجاملة الرقيقة ، الحكاية يا مواهب بدت يوم معاينة التلاميذ للقبول بالمرحلة الوسطى وانا وولى أمري طبعا كنا في غاية السعادة لان قبولي بالخرطوم الاميرية اصبح قاب قوسين او ادنى ، لاني زول ما فاتوني في كل مدارس مديرية الخرطوم غير 7 اولاد يمكن يكون فيهم بنات كمان ، وانا اخوي الكبير ولي امري جينا ودخلت على لجنة القبول في المدرسة وقررت اللجنة تحويلي للقبول بالمدارس الصناعية لاني صحتى كويسة وطويل ويمكن قايلني عائد 5 سنة ، سبحان الله انا لا ولد قاضي ولا ولد دكتور مشهور ولا ولد وزير ولا راعوا للنبوغ الاكاديمي بتاعي وطبعا الخرطوم الاميرية كانت قبلة اولاد كبار موظفي الدولة مع انها كانت جميلة ومستحيلة ، وكانت مشكلتي انا ما عندي شهادة ميلاد ، ورفض أخي تحويلي للصناعية وقال ليهم انتقلوا للخطوة التالية وهو عرضي للقمسيون الطبي ليحدد عمري بالضبط ، وتم تكليف احد الاداريين لاصطحابي ومعي خمسة تلاميذ لمقابلة القمسيون الطبي وفعلا دخلنا وقابلنا اللجنة وتم فحصنا فحصا دقيقا وسألونا اسئلة منكر ونكير ووصلوا لدرجة انهم فحصوا منطقة العانة لعلهم يجدون آثار عنف على الشعر ووجدوا المكان سالما وسليما وبدون اي تدخل اجنبي، وسلموني شهادة تسنين ادق من شهادة الميلاد الاصلية توضخ ان عمري لم يتجاوز الحادي عشرة من السنين ومنذ ذلك العام احتفل كل يوم 1 يناير بعيد ميلادي ، ورغم انف ناس اللجنة قبلت بالخرطوم الاميرية وكمان في السنة الاولى تم تعييني الفة الفصل واصبحت امارس سلطاتي بتاعت اولاد الاشلاق.. بس في درس مهم جدا هنا لازم نستفيد منه ان ناس اللجنة كان ليهم الحق وولي امري كان ليه الحق والفيصل كان المرجع الذي تم اخنياره من قبل اللجنة وولي الامر وهذا دلاله على ان كل شي يتم وفق القانون واللوائح والاجراءات السليمة .. حليل الخدمة المدنية بتاعت زمان ..

دي الحكاية يا مواهب ما بتستحق تكتبي فيها قصيدة والا رواية والا حتى ترجمة هههههه

ابناتود التحية ليك والله قاعدة اقيف كتير فى السرد و الحكى للممارسات البتقع على الاطفال و فيها من العنف و الاضهاد الكثير يعنى هسى اللجنة دى مرطشه ول حقاره عديل كده لامن تمارس الفعل البشع ده وهو لولا رفض اخيك اكان حرمت من التعليم رغم انف نبوغك و شهادتك غايتو لو كنا صحى بنتمسك بى حقوقنا كويس و نقيف للظلم فى وشو القبيح اكان الحال مو حالنا اسى

وفى الاصل دوما الادبيات هى البتسلط على افعالنا الوحشه المجهر و تطلعا زى ماهى من غير تنميق ومط ولولوة دى طبعا ما اشادة لانو كلماتى ماقدر السرد الهنا المضمخ بى قيمنا الانسانيه مع التركيز على السوالب
وخلينى كدى بى طلب صغنونى ان تواصل فى النقل الحى وانفض الجراب مرات

وبسعد صباحك
مع مودتى

[عبدالحفيظ]

المشاركة الأصلية كتبت بواسطة نغم

ابناتود التحية ليك والله قاعدة اقيف كتير فى السرد و الحكى للممارسات البتقع على الاطفال و فيها من العنف و الاضهاد الكثير يعنى هسى اللجنة دى مرطشه ول حقاره عديل كده لامن تمارس الفعل البشع ده وهو لولا رفض اخيك اكان حرمت من التعليم رغم انف نبوغك و شهادتك غايتو لو كنا صحى بنتمسك بى حقوقنا كويس و نقيف للظلم فى وشو القبيح اكان الحال مو حالنا اسى

وفى الاصل دوما الادبيات هى البتسلط على افعالنا الوحشه المجهر و تطلعا زى ماهى من غير تنميق ومط ولولوة دى طبعا ما اشادة لانو كلماتى ماقدر السرد الهنا المضمخ بى قيمنا الانسانيه مع التركيز على السوالب
وخلينى كدى بى طلب صغنونى ان تواصل فى النقل الحى وانفض الجراب مرات

وبسعد صباحك
مع مودتى

مرحبتين حبابك نغم واسمك لو حركي والا حقيقي حلو
وفعلا يا نغم احيانا بتعترض طريق الاطفال مطبات ما عندهم فيها يد ، تخيلي كيف كانت المعايير للاختيار للمدارس الصناعية يعني القدرة العقلية والنبوغ ورغبة الطالب المتفوق ما عندها قيمة عند الناس ديل .. على اي حال انتصر لي أخي وكان فرصة طيبة ان اجلس بجوار ابناء الذوات والفقراء ومحدودى الدخل مما اتاح لي فرصة التعامل مع مختلف الفئات ، وحفزني ذلك لاواصل الدراسة الاكاديمية حتى تخرجت في جامعة الخرطوم والحمدلله على كل حال ، واصبح ذلك جزءا من التاريخ ... وشكرا ليك على المداخلة القيمة التي تذكرنا دائما ان نحافظ على حقوق الاطفال المهضومة. و كان على نفض الجراب هين لكن بيحتاج لمساعدة القراء لتحفيز المخيخ على ان يتذكر ويسترجع ما مضى
وجمعة مباركة

[طارق صديق كانديك]

المشاركة الأصلية كتبت بواسطة Anbabtode

أما عن الاسم فقد ارتبط بي منذ أكثر من 10 سنوات فكل اصدقائي لا يعرفونني الا بهذا الاسم وقد أصبح غير حركي __ واختياري وقع عليه ليس ليكون حركيا لأني ما عندي حاجة اخاف عليها، بقدرما كان اعجابا به لأنه جزء من تراثنا فهو يعني إبن أبي فعندما يقول الدنقلاوي أنا ود ابوك او ود أبوي خلاص كل شي بيكون في حالة ثبات Hold on ، اما اسمي الحقيقي فهو عبدالحفيظ محمد احمد من قرية صغيرة اسمها المقاوده احدى قرى دنقلا العجوز التي تضم ( القدار المقاوده كدكول عرب حاج امنتجو وناوا شمالاً ) اها بعد دا اسم انبابتود ما خفيف وظريف رايك مهم

عبدالحفيظ (ياود أبوي) جمعتك مباركة، وشكراً لمتابعتك ما أكتب وشكراً لصديقك.

تفهمت ما تفضلت به، ومع ذلك وودتُ لو أنك أرفقت (عبدالحفيظ ) لهذا اللقب الذي عرفك به من حولك، إذ (عبدالحفيظ أنبابتود) -في ظني- أفضل من (أنبابتود). وتبقى هي مجرد رؤى.

ممنون

[عبدالحفيظ]

المشاركة الأصلية كتبت بواسطة طارق صديق كانديك

إذ (عبدالحفيظ أنبابتود) -في ظني- أفضل من (أنبابتود). وتبقى هي مجرد رؤى.

ممنون

شكرا طارق مع انك حتضيع لي اسم الوالد لكن اتفق في ان يكون الاسم الاول عبدالحفيظ يكفي والكورة في ملعب الادارة وشكرا تاني مرة

[طارق صديق كانديك]

المشاركة الأصلية كتبت بواسطة Anbabtode

شكرا طارق مع انك حتضيع لي اسم الوالد لكن اتفق في ان يكون الاسم الاول عبدالحفيظ يكفي والكورة في ملعب الادارة وشكرا تاني مرة

تسلم يا حبيب تسلم كتير ، وشكرا لحُسن استجابتك

البركة الطلعنا بي واحد انت كنت مضيعم الاتنين

لك تقديري وامتناني

[علاءالدين عبدالله الاحمر]

المشاركة الأصلية كتبت بواسطة Anbabtode

يا حليل معلمين زمان كانت عندهم القدرة على تغيير سلوك تلاميذهم ، واتذكر جيدا عندما ترى استاذك على بعد 200 متر في الشارع كنت تغير الشارع احتراما له ، اما معلمين هذا الزمن بقو يخمسوا السجارة مع طلابهم . فهل يستطيع ان يغير من سلوك تلاميذه الله اعلم ..

في ذمننا ذاك ياصحبي المعلمين مربيين أصدقاء لنا فانا عندما التقي بالاستاذ جمال مصباح وهو أول من علمني حرف الأبجدية انحني له اجلالا دوما وهو تدمع عيناه كلما التقي بأحد تلامذته في مكان ، قام علي تعليمنا من أفضل أبناء امدرمان وفطاحلة التعليم حيث ان مدرسة أبوعنجة الابتدائية كانت مدرسة الانضباط والتميز في مستوي التلاميذ العالي تديرها المربية سميرة عبدالحميد والمعلمين جمال وعبدالحمن عمر ونوال مصباح وعماد احمد وخديجة المحسي والمعلمة كوكب ومحمد حقار والطاهر حسين ، وفي المتوسطة وهي المرحلة الحقيقة لنا في تغير السلوكيات وتغير الميول قابلنا هناك في مدرسة أبوكدوك اصطاف غير فينا كل شيء فشعبة اللغة الانجليزية بقيادة الأستاذ ميدين مجيك ومحمد نور عرفنا من خلالهم الأدب الانجليزي والأدب الروسي علمونا قرأة الروايات لتجويد الانجليزية وتثقيفنا بقدر الامكان ، كان مدير المدرسة صالح أبشر يقدم جائزة القصة والشعر والخطاب كل شهر في مسابقة عامة علي مستوي الثلاثة انهار ) النهر كان عبارة عن تراتيبية الصف الأول والثاني والثالث ( المنافسة كانت صعبة بالنسبة لطلاب الصف الأول لكنها تصقل الموهبة ، وهناك جائزة الكيمياء لمادة العلوم وأيضا الاحياء والفيزياء وهن الثلاثة كتاب مادة واحدة تسمي العلوم ،

[عبدالحفيظ]

نحن اهلنا النوبيين قديما كان بينادوا الولد باسم امه ، ( مهمد كمير، وهسن هجلة ، وأوثمان هولة الخ ..) وذلك لكبر قدر المرأة عندهم ... ولكن في بيوت الاشلاق كل النساء ينادوا بعضهن باسماء رجالهن ، يعني لو واحدة اسمها فاطمة وزوجها اسمه محمد خلاص الاسم بيكون فاطمة محمد ونفيسة رحمة الله وعائشة كرم الله .. طبعا زمنا ما في مي مهند ولا أسيل تامر ...ولا حتى مواهب ، لكن تلقى ناس خلف الله ورحمة الله وعبدالله وحليمة وبخيتة وطماية .....وزي ما قلت العلاقات الاجتماعية بين سكان الاشلاقات بتكون مميزة وما في أسرار ولا حركات البرجزة وتلقاهن النسوان لافحات تيابهم وجاهزات للبكيات والافراح ... وبمناسبة الافراح اتذكر كانت السيرة بتمشي لبحر الشجرة جنب الري المصري بالرغم من انو ملتقى النيلين على مرمى حجر من الاشلاق العارف السر شنو يورينا ..

[عبدالحفيظ]

كان يتوسط اشلاق غرب ميدان كبير جدا مخصص لممارسة الرياضة ، كان يقع غرب كلية السجون وشمال شرق المعهد الفني وجنوب شارع البلدية مباشرة ، وكان فرق الاشلاق الرياضية بتستغل هذا الميدان في نشاطاتها الرياضية المختلفة من تمارين ومباريات ومهرجانات ، وكان فرق الاشلاق الاتحاد والعزيمة والوحدة وتشكل هذه الفرق جزء من رابطة الخرطوم غرب وكان هناك فريق المقرن وفريق الخرطوم تلاتة ضمن الرابطة ، وفجأة دون مقدمات تم بيع هذا الميدان لجامعة القاهرة فرع الخرطوم لتشيد عليها مباني كلية التجارة ، طبعا دائما الحكومة على حق وبالذات العساكر ما دافعوا عن حقوق ابناءهم لحدما شالوا منهم بيوتهم كمان في حقارة اكتر من كده .... فاتجهت الفرق جنوبا واستغلت ميدان شرق استاد الخرطوم وغرب سينما الخرطوم غرب ، ورب ضارة نافعة فوجدت الفرق تشجيعا من رواد استاد الخرطوم فكانو يتفرجوا في تمارين ومباريات الرابطة حتى موعد المباراة المقامة في استاد الخرطوم ...فكانوا يوزعوا علينا الالقاب باسماء اللاعبين الكبار في الزمن داك ..