اقتباس:
المشاركة الأصلية كتبت بواسطة رأفت ميلاد
لا ما تبدى معاى بالتواضع .. ده مضيع ناس كتير .. كل زول ليهو (محاثيث) وبتطلع منو .. وتختلف لامن تطلع من شاعر ..
دى أول نقطة فى (نقدى) ويا ريت يكون برداً وسلاماً
إحساساتك بتطلع طبيعية على طرف لسانك .. محتاجة شوية صناعة .. ما بلاستيك ولا مرمر .. بمعنى تختيها خت .. تتلاعب بمشاعرنا كل يوم بشكل تانى .. تضيفى مشاعر تانية غير مشاعرك براك ..
عارف كلامى ما وصل .. خينا واحدة واحدة .. لامن نخش الغريق
|
سلامات رأفت وصباحاتك نديّة كما روحك،
أبداً الفوق ماتواضع ،تعرف سنة 2007 التقيت الأستاذ محجوب شريف وشجّعني على حفظ كتاباتي في ديوان..وفعلا قمت بتجميع عدّة كتابات على انّها قصائد وكلّما هممت بتضمينها ديوان أقول لالا ياخ لسّة مازابطة محتاجة تشذيب..وكدا
أهن،
التقيت قبل عامين أو أقل الصادق الرضي وبرضك دار نفس الحوار عاليه وحتّى قال مش عليك سوى ترسلي كتاباتك في ايميلي والباقي عليّ..تصدّق للآن مجموعة الكتابات موجودة في ملفات وأنا ماعنديش الثقة الكاملة انها ترقى لتكون في ديوان وقدام اسمي يكون الشاعرة
السبب ذكرته انت فوق بطريقة أوضح كل الكتابات من الكيبورد للمنتديات مافيش أيّ وسيط لاورقة لاكراسة اللهم إلا شاهده قبل نشره
فالصناعة مطلوبة فعلا للتشذيب وماأظنها تحتاج مقدرات عظيمة ، التكاسل برضك موجود..
أنا منتظراك طبعا تكمل مابدأته ظنّي بكبير الاستفادة متوافر وابتسامتي البتعرفها مرافقاني على مد المداخلات هنا ،،
كل الحب أيّها العاشق
،، الأسماء الكبيرة الفوق دي تصلح كنوع من القشرة برضك.