الابن الحبيب عثمان
تحية طيبة
يا ابني المناضلين مش بس كبار السياسيين . أو من يغيرون مواقفهم .
شفت يا عثمان البت بتاعة (قرفنا) البتتكلم في السوق لامن جا البوليس جراها ؟
شفت الشباب الاتكلموا في ولاية النيل والناس البيتكلموا في شرق السودان بكلمات بسيطة واشتكوا وادانوا الحكومة ؟
ديل كلهم مناضلين . والناس البتتعب وتشقي وبتناضل عشان كيس العيش ده كلو نضال .
الاخ علي محمود حسنين لم يغير موقفه أبدا وناضل ولا يزال يناضل ضد الطائفية والمتسلقين والانتهازيين والانقاذ .
عمنا محمد توفيق صاحب الجمرات الذي عاش ومات في الغربة وكان يسكن في شقة عارية في القاهرة ولم يهادن حتى بعد ان تجاوز الثمانين من عمره .
الاخ محمد عثمان يس عضو مجلس السيادة رحمة الله عليه .
يا عثمان انفصال جنوب السودان انا اكثر من سيتألم .
ابتسام ابراهيم بدري
الشنقيطي ابراهيم بدري
عمر ابراهيم بدري
وشقيقي ايمان ابراهيم بدري
كلهم ولدوا في الجنوب . وعشنا وارتبطنا بالجنوب . مافي زول صاحب وجعة أكتر مننا .
30 سنة عاش ابراهيم بدري في الجنوب .
ولكن الذين ضحوا بالجنوب هم الصادق المهدي والانقاذ .
لك التحية
شوقي
|