راكوبة المجادعات.. النمة والدوباي

[سجمان]

المشاركة الأصلية كتبت بواسطة محمد مصطفي

وان ندرك صعب عنك انا بوفيهو
شيال لي حمولك كل التقيل ختيهو
طارق صاحبي في قولو ما تماشيهو
معذور اصلو ما منو من العليهو

ههههههههههههههههه

المعشقة في الحديد يا خلي ماب تترازى
وماب سوقا الحديدة العدم حق جازا
في كسير التلج يا محمد طريقتك شازة
ومي في الحريم حلفتا بي عكازا

[سجمان]

المشاركة الأصلية كتبت بواسطة مي هاشم

لمنو الكلام المظلل بالأصفر ده؟؟
للضمان كده هاك..

أنا بت الرجال ماني الخبوب وعولّق
واضح نضمي ماهو الخفيف ومعلّق
الداير النزال في سوحي يقع يتزلّق
والبغلط علي بجري ورويسو مفلّق

عريقة أصل من الصغار لا جدودك
وفي النضم السمح ماف الوصل حدّودك
منسلة من ضهور حكمو البرية أسودك
بطرانة جسوم و"الصندلية برودك"

[أشتر]

المشاركة الأصلية كتبت بواسطة سجمان

عريقة أصل من الصغار لا جدودك
وفي النضم السمح ماف الوصل حدّودك
منسلة من ضهور حكمو البرية أسودك
بطرانة جسوم و"الصندلية برودك"

يا اب تلجن دراااش ودرت ليمك وميسك ...
سكيت السرااااااااب طنطنت تلعن ديسك ...
إن ما الشوق شرق وخفت المحنة تقيسك ...
سف من سكات وادينا النسف من كيسك ...

وامرق لينا منو العطرون لو سمحت

[مي هاشم]

المشاركة الأصلية كتبت بواسطة شبارقة

[align=justify]يا ريتني لو بقدر أقول متل كلامكم السمح ده ... كان أقلو جاريتك

كل سنة وإنتي طيبة وأسرتك الكريمة.[/align]

تسلم..كدي جرّب..بتجي كان حاولت..

[مي هاشم]

المشاركة الأصلية كتبت بواسطة سجمان

الصام احتساب في عيدو أصبح فايز
في الأخرة العتق والدنيا نالا جوائز
الشفع جيوبنا ما خلو فيها برايز
والشيالات وحاتكم ما خلو فيها خبايز

الصّام احتساب في عيدو يلقى الفرحه
في الآخرة الثواب لافّيهو زيّ الطّرحه
نتعايد ونســالم بي وشـــوش منطرحه
والشّفع في الكعك بياخدو ليهم سرحه

[مي هاشم]

المشاركة الأصلية كتبت بواسطة سجمان

انفلت النسيم ساكن الفريعات قوقا
لي ام فلجات صبح دستوري ناز فوقا
الجاهلة أم عجن يوماتي زايد توقا
والشوق لي لماها ختاني في المهتوقة

انفلت النسيم جاب لي رويحتو وهبّ
من جيهة أب فلج يوماتي تب ما غبّا
الدّخري الدّسيس الفي قليبي مخبّا
(؟؟)
أبت تتم..اتصرف في الباقي

[مي هاشم]

المشاركة الأصلية كتبت بواسطة سجمان

عريقة أصل من الصغار لا جدودك
وفي النضم السمح ماف الوصل حدّودك
منسلة من ضهور حكمو البرية أسودك
بطرانة جسوم و"الصندلية برودك"

حليل الصّندلية ويا حليل الجّيهه
حليل وكِت كانوا بيقولو وجيهه*
الحنّة ام سواد نجهوني فيها نجيهه
والحنانة وين..لا بتزورنا لا بنجيهه

*(ما في زول قال وجيهة..دي حركات مني ساي)

[سجمان]

المشاركة الأصلية كتبت بواسطة شبارقة

[align=justify]كل عام إنتو بخير يا ناس الراكوبة ... ويتبارك عليكم العيد.[/align]

وعليك يتبارك ان شاء الله

لا خلينا بن لا شاي وبرضو لسع فارقة
نمينا للفي لندن والبرضو ساكنة الشارقة
الراس القليد بالكلمة وزنو شبارقة
كان ما المشاركة دي.. العشرة كانت حارقة

[سجمان]

المشاركة الأصلية كتبت بواسطة عكــود

تسجيل متابعة واستمخاخ شديد بالحيل.

إقتراح لكل النامّين والنامّات،
ياجماعة نمّكم ده ما تخلّوهو حبيس البوست ده،
بعد شويّة بتنسوهو وبيضيع منّكم/ن . .
كل واحد/ة يحفظ في كمبيوترو مشاركاتو و بالمرّة الردود العليها،
ده شُغل سمِح، فأحفظوه، يرحمكم الله.

بينفعكم لا قدّام.

النم يا عكود واخدنو ونسات عامة
مو شيتاً نحفظو ما فيهو حاجةً هامة
من هموم الدنيا الناس بطونم طامة
أخير بالنم نفرّق قبال تجينا الطامة

[سجمان]

المشاركة الأصلية كتبت بواسطة مي هاشم

تعليقك سمِح بالحيل كتير سرّانا
شاركنا النّضم ما بيحلى لينا برانا
ورّينا جدعك سجمان قبيل ورّانا
ما يمكن رصين..نحن إيش درّانا (على قول المواطنين)

في الغنا والنميم ياما شفت فنونكم
فوق نظم الدرر ماب تنلحقلي متونكم
سجمان في النضم ما بطول مكنونكم
جيتو تب جاهزين بالنم كبار بي سنونكم

[سجمان]

المشاركة الأصلية كتبت بواسطة أحمد محمد زين حسين

شعرك يا رفيق مليـان حـكم ومعانـي
وكم شَديت وجيت لي نَمُّو قاصد وعاني
لو كـان بالمـراد والدنيا تبقى أمانـي
كنت كتبت فيك شعري وعقدت لساني

مرحب بالملوك أهل البلود والريع
ايدم في الكرم تلفانا ديمة سريع
أنحنا الفي النضم دايماً معاك بنضيع
كلامك لينا يابا زي النزل تشريع

[سجمان]

المشاركة الأصلية كتبت بواسطة أشتر

يا اب تلجن دراااش ودرت ليمك وميسك ...
سكيت السرااااااااب طنطنت تلعن ديسك ...
إن ما الشوق شرق وخفت المحنة تقيسك ...
سف من سكات وادينا النسف من كيسك ...

وامرق لينا منو العطرون لو سمحت

هعهعهعهعهعهع

ياخ مسدار الضكير للضكير النوم أخير
لكن غايتو نسدّرك بي واحد

يمين الشوق مطر رسلتو ليكا سحائب
ياما كم بهدلنا ..ونارو ساوا عجائب
كترنا في العطرون وهمو تب مو جايب
وبدون عطرون وحاتك إلا تشربو بايب

[سجمان]

المشاركة الأصلية كتبت بواسطة مي هاشم

انفلت النسيم جاب لي رويحتو وهبّ
من جيهة أب فلج يوماتي تب ما غبّا
الدّخري الدّسيس الفي قليبي مخبّا
(؟؟)
أبت تتم..اتصرف في الباقي

انفلت النسيم جاب لي رويحتو وهبّ
من جيهة أب فلج يوماتي تب ما غبّا
الدّخري العفيف الفي قليبي مخبّا
يا سجمان أخوي غير شوفتو ما بن طبّ

[قيس شحاتة]

المشاركة الأصلية كتبت بواسطة سجمان

مرحب بالملوك أهل البلود والريع
ايدم في الكرم تلفانا ديمة سريع
أنحنا الفي النضم دايماً معاك بنضيع
كلامك لينا يابا زي النزل تشريع

يا خوانا القصيد تب ما بدورلو حكايه
أسرح وانسجم.. واجعل نزيفو دوايه
شرع القلوب الفي الغرام بكايا
تفرح.. تنشرح ساعة يِذُكْرُو هنايه
كل عام وانتم بألف بخير
الظاهر حصاني ما جراي ما لحقت الوليمه من اولا

[جيجي]

المشاركة الأصلية كتبت بواسطة سجمان

هعهعهعهعهعهع

ياخ مسدار الضكير للضكير النوم أخير
لكن غايتو نسدّرك بي واحد

يمين الشوق مطر رسلتو ليكا سحائب
ياما كم بهدلنا ..ونارو ساوا عجائب
كترنا في العطرون وهمو تب مو جايب
وبدون عطرون وحاتك إلا تشربو بايب

حلاة البايب والجلسة بي عشاقها
وقت الليل يهود والونسة تبقي دقاقة
الشربات عصيرها والبرتكان حق يافا
حليل زولي البريده طريانه جاب لي الفاقة

كل سنة وانت طيب يا سمحان