إلي أمرأةٍ جد عظيمة ،، إلي أم رحيق ،،، تاني مبروك ليها ياخ

[ناصر يوسف]

المشاركة الأصلية كتبت بواسطة فيصل سعد

الف مبروكين النجاح الباهر ..
و مزيدا من التقدم يا صحاب ..

يا فيصل سعد يا وِش السعد

سلام يا صاحب
بارك الله فيك ،، نبارك ليك نجاح الوليدات انشاء الله

[ناصر يوسف]

المشاركة الأصلية كتبت بواسطة كيشو

ألف مبروك النجاح للأمورة "رحيق" وربنا يحفظا
والتحية ليك ولأم رحيق يا ناصر
وربنا يديم عليكم الفرح والسرور

بارك اله فيك يا عصام وعقبال ما نفرح بنجاح وفرح عيالك يا الحبيب

المحيرني إنو ناصر افتتح البوست دا في ساعة متأخرة من الليل، يا ربي كان غالبو يكتب شنو؟

والله كان غالبني النوم وخصوصاً إنو رحيق وأخواتها وأمهم فارقين معاي شديد ياخ ،،
مشوا علي حبوبتهم في كسلا وخلوني براي متسكع بين شوارع أمدرمان ،،،
نسوي شنو عاد يا كيشو ياخ

[ناصر يوسف]

المشاركة الأصلية كتبت بواسطة علاءالدين عبدالله الاحمر

ديل النسوان الجد ياحبيب
ربنا يخليهم ليك

يا علاء سلام ،،، طمنَّا عليك وعلي البنية إنشاء الله تكون بلغت العافية

وللحديث عن السيدة الفُضلي أم رحيق يا علاء سأحتاج إلي كل مساحات الكتابة وكل حروف الدنيا لأتحدث عنها
إنسانة عظيمة بحق
مبروك ليها هي وشكراً ليها ولكل لحظة شاركتها انا في حياتها
زولة بلون تاني
زولة واعية ومُدبره
زولة تكون صاااااااابره علي زولاً عِفين مِتِل حالتي دي
أكيد أكيد تبقي زولة تانية ما زي كل النساء

[ناصر يوسف]

المشاركة الأصلية كتبت بواسطة طارق صديق كانديك

أمس الخميس ياخ، وصاحبك بكون جنن الخرطوم جن بالحوامة، وخلي بالك يا كيشو ناصر ده وهو حايم بالعربية،لازم تلقى معاهو موز، ولمّا كنتُ من محبي الموز كإبن أختي، فالحركة دي كانت مكيفاني منو شديد

هي جنس حوامه يا الكاديلاك ،،، أسكت خليها ساي
ختمتها في النهاية بإني قلت لصديقي وأستاذي الجميل محمد نعيم سعد ،،، حاضر ياخ خلاص جاي بايت معاك
أصلو من الصباح قال لي تعال علي في البيت نتونس طولنا منك ،،،
وأنا فعلاً كنت حايم ساي وما عارف أنا ماشي وين ولشنو يعلم الله
ياخي البنيات وأمهن فرقوا معاي شديد يا طارق بمشيتهم لكسلا ياخ

بس بدل الموز شلت معاي برتكان ويوسفي ومشيت علي الأستاذ محمد نعيم سعد في الثورة ،،،
إتونسنا لزمن ،،، دخل هو نام وأنا غلبني ،،، شِن أسوي عاد

مشتاقين يا صاحب

[ناصر يوسف]

المشاركة الأصلية كتبت بواسطة أسعد

وللمرة الثالثة نقول: ام رحيق بتاع الساعة كم؟؟؟؟؟
انما هو من عبقرية نسل الاب يوسف وابائه
بعني ام رحيق دي عاملة كدة زي غوارديولا
لقت رحيق فريق جاهز ومكتمل العبقرية
وبقت في جاه الملوك تلوك ^_^



الف مبروك يا رحيق وابو رحيق
وعشرة مبروك يا ام رحيق

ياخي مش في قول كدي بتقال ،،،،،

أشوف فيك يوم ؟؟

أشوف فيك يوم يا أسعد ياخ
أشوفك عريس ووالد كمان
وحينها ،،، حتتغير كل حروفك دي ياخ

كنت عاوز اقول ليك عقبال ما نفرح بنجاح عيالك
لكن خليني اغير الفهم ده واقول ليك
عقبال ما افرح بيك عريييييييييييييييس ياخ

[ناصر يوسف]

المشاركة الأصلية كتبت بواسطة طارق صديق كانديك

(البت خلاص عرسوها؟)

كان صوتها بريئاً يخرج من هاتف ناصر يوسف ونحن في حضرة الباش.

مبروك لرحيق ولكم، وشكراً لوالدتها وشكراً لك يا ناصر أن أشركتنا فرحتك، واحتفائك بهما.

بالتوفيق دائماً

مبروك عليك نجاح بتك يا طارق وعقبا ما نفرح بنجاح حمزة وأخوه ياخ

[ناصر يوسف]

المشاركة الأصلية كتبت بواسطة حافظ اسماعيل احمد

ود امي سلامات
والله أم رحيق دي مريحاك راحـــــــة
في البيت قاعد ليها عاطل غير الانترنت والمنتدي ماعندك شغلة
وهي تأكلك انت وتقري ليك اولادك ياخ حس شوية
يوم أعمل الملاح انشاء الله ملاح عدس
اصلك مابتعرف غيرهو

ومبروك لرحيق وامها - لكن انت برة القائمة بس تفتخر بيهم
وماعارف الجهد المبذول -

يا بن عمي سلام يا زول يا نضيف الدواخل
كيفنك ونعلك طيب ياخ
يعلم الله أم رحيق دي أفضل زولة قابلتني في الدنيا دي يا صاحب
وربنا يقدرني أرد ليها بعض الدين الفي الرقبة ياخ

قلت لي عدس ؟؟ إنت من زمن العدس ،،، ياخي ما أتطورنا وبقينا نعرف نعمل ملاح أُم شُمطمُط ياخ ههههههههه

بارك الله فيك يا حافظ شكراً ليك

[ناصر يوسف]

المشاركة الأصلية كتبت بواسطة عكــود

يا ناصر، ليك ولأم رحيق كل التبريكات والتهاني؛
مش بس بنجاح وتفوق رحيق الماهو غريب عليها؛
وبالمحبة الرامية فوق بيتكم.

ما شاء الله

عكود ،،، يا جمل الشيل التقيل

بارك الله فيك يا طيب

وربنا يحفظ ليك الحبيبة رُبا ومحمد ويسعدكم بتفوقهم علي الدوام يا رب

ثُم إنو المحبة دي ما اتعلمناها منكم وكتين هديتو فينا يا حبوب

تسلم ،،، وتحياتي لحبيبتنا المشتركة رُبا ولمحمد وأمهم

[حافظ اسماعيل احمد]

المشاركة الأصلية كتبت بواسطة ناصر يوسف

شُمطمُط ياخ ههههههههه

والله طلعتا سنونا بره
والله يعمينا كان ضقنا او نضوق ملاحك دا

[ناصر يوسف]

المشاركة الأصلية كتبت بواسطة حافظ اسماعيل احمد

والله طلعتا سنونا بره
والله يعمينا كان ضقنا او نضوق ملاحك دا

ههههههههههه

تعرف الملاح ده إتعمل مرة وااااااحدة بس في الدنيا دي وتاني ما ظنيتو حيتعمل كلو كلو
النعمنو كدي كان إتعمل فجأة كده ومكوناتو شنو ؟؟ لي هسي الزول السواه ما عارف مكوناتو كانت شنو بالضط ...
النعمنو كدي لما سواه كان ( طااااشِم ) والدنيا ليل وبرد شديد ياخ ،، برد أوروبا
بس لما صحي الصباح لقي ليك علب أكل الكدايس والكلاب مجدعه في المطبخ

هو أخ وصديق لي قاعد في ألمانيا طشم بالليل وقال عاوز يعمل ليه حله
دخل مطبخ الست الهو شغال معاها وهي كانت مافي وهاك يا فتح علب من طرف
وشيل وكُب جوه الحلة

الغريبة قال لي الحلة لقاها طااااااااعمه ياخ

هههههههههههه

[حافظ اسماعيل احمد]

المشاركة الأصلية كتبت بواسطة ناصر يوسف

ههههههههههه

تعرف الملاح ده إتعمل مرة وااااااحدة بس في الدنيا دي وتاني ما ظنيتو حيتعمل كلو كلو
النعمنو كدي كان إتعمل فجأة كده ومكوناتو شنو ؟؟ لي هسي الزول السواه ما عارف مكوناتو كانت شنو بالضط ...
النعمنو كدي لما سواه كان ( طااااشِم ) والدنيا ليل وبرد شديد ياخ ،، برد أوروبا
بس لما صحي الصباح لقي ليك علب أكل الكدايس والكلاب مجدعه في المطبخ

هو أخ وصديق لي قاعد في ألمانيا طشم بالليل وقال عاوز يعمل ليه حله
دخل مطبخ الست الهو شغال معاها وهي كانت مافي وهاك يا فتح علب من طرف
وشيل وكُب جوه الحلة

الغريبة قال لي الحلة لقاها طااااااااعمه ياخ

هههههههههههه

والله دا بكون انت ذاتك في زيارتك الاخيرة لأروبا
وناسا سارة , ورافت ميلاد ومن لفه لفهم اتستروا علي الحدث المهم دا
أم شُمطمط يعني شية وجبة القط المشرورة ذي الشرموط

[سارة]

مبروك لرحيق وامها وليكم كلكم
ربنا يخليها ليكم ويخليكم ليها
ومزيدا من التفوق والنجاح

[مها عبدالمنعم]

الف مبروك ليكم سوا وربنا يحفظه ان شاء الله

[عبدالعزيز خطاب]

بسم الله ما شاء الله

ربنا يحفظك يا رحيق الأزاهير وأريجها
دوماً متفوقة يا رب ومن أعلام المستقبل

فمن شابهت أمها ما ظلمت
عقبال تفرحوا بنجاحات شقيقتيها يارب
وتغروا بهم عيناً..
مبروك حبيبتنا سمية
مبروك يا خيي نبوغ رحيق.. نجابة الأبناء من أكبر نعم الله على الإنسان

مبروك حبيبة عمو والنجاح رفيق دربك ياربب

[مي هاشم]

ألف مبروك ناصر وأم رحيق، رحيقنا برضو عملت نفس العملية الظاهر الاسم ده فيه سر