راكوبة المجادعات.. النمة والدوباي

[عبده سعد]

بعدين ياحضيرى فى ود سعد تااانى.

[عبد المنعم حضيري]

المشاركة الأصلية كتبت بواسطة عبده سعد

بعدين ياحضيرى فى ود سعد تااانى.

الإتنين حبابكم فرسان كلمة

ونمامين

[فيصل سعد]

المشاركة الأصلية كتبت بواسطة عبد المنعم حضيري

الإتنين حبابكم فرسان كلمة

و نمامين

يا راجل

[عبد المنعم حضيري]

المشاركة الأصلية كتبت بواسطة فيصل سعد

يا راجل

نعم

كلنا في الهم ....نمام

[عبد المنعم حضيري]

المشاركة الأصلية كتبت بواسطة فيصل سعد

مرحب بالاميرة الشاعرة و كلامك التحنان
و السهر عيونك اكيد كتر اللوعة و الخفقان
محظوظ الشغل بالك و لقى روحك بالمجان
ان شاء الله سعدك يدوم ريدة و اطمئنان

مرحب بالأميرة والشاغل فؤادا كمان
والسهر عيونك مسهرني ليهو زمان
محظوظ الشغل بالك وجازاك بالإحسان
إلا كمان بقولو شيشك علي الحبان

[فيصل سعد]

المشاركة الأصلية كتبت بواسطة عبد المنعم حضيري

مرحب بالأميرة والشاغل فؤادا كمان
والسهر عيونك مسهرني ليهو زمان
محظوظ الشغل بالك وجازاك بالإحسان
إلا كمان بقولو شيشك علي الحبان

يا منعم ترنم طرب و أعلن المكتوم
و طرز بمحنة قوافي النشوة للمكلوم
السبب الهلك قلوبنا و جت حمانا النوم
رقة و رهافة حس و ضوت سمانا نجوم

[عبد المنعم حضيري]

المشاركة الأصلية كتبت بواسطة فيصل سعد

يا منعم ترنم طرب و أعلن المكتوم
و طرز بمحنة قوافي النشوة للمكلوم
السبب الهلك قلوبنا و جت حمانا النوم
رقة و رهافة حس و ضوت سمانا نجوم

مين ما انهدّ ومين ما جات عليهو هموم
وما بعرف لي محب شبّع عيونو النوم
صالي كُبادنا جمرك يا أم وضيباً كوم
كملنا الصبر وشربنا الصد سِمُوم وسَمُوم

[تماضر حمزة]

انت الشوقو ما بتحمل تشيلو القافية
وانت الايدو وكت الحاجة تصبح كافية
لو ما خوف الملامة وإنكشاف الخافية
أسسع بقفل التلفون وأجيلك حافية

[فيصل سعد]

المشاركة الأصلية كتبت بواسطة تماضر حمزة

انت الشوقو ما بتحمل تشيلو القافية
وانت الايدو وكت الحاجة تصبح كافية
لو ما خوف الملامة وإنكشاف الخافية
أسسع بقفل التلفون وأجيلك حافية

أنت القافية و الشوق الكسح في دروبها
و انت الزينة جد الخاتية الملامة عيوبها
انت و بس تكفي كل الفنون و ضروبها
بنفس و طلة بهية خلت التلفون كالطوبة

[فيصل سعد]

المشاركة الأصلية كتبت بواسطة جيجي

من جهة الشرق جات السحب مجاريه
كبّ الحن سيول غرق علينا الصافيه
رعدّ وانبرق رزرز حواسا حافية
سلك الشوق شلع وين نلقى تاني العافية

يا جيجي الحقيقة مشيتي مننا غفوة
يا صافي البريق غيابك يزيد الكفوة
الراكوبة دونك ناقصة الكلام الصفوة
يا ست الحسان لا تطوليها الجفوة

[فيصل سعد]

المشاركة الأصلية كتبت بواسطة مي هاشم

حليل الصّندلية ويا حليل الجّيهه
حليل وكِت كانوا بيقولو وجيهه*
الحنّة ام سواد نجهوني فيها نجيهه
والحنانة وين..لا بتزورنا لا بنجيهه

*(ما في زول قال وجيهة..دي حركات مني ساي)

بت هاشم الرزينة من بعدك أيامنا جفاف
وينك يا بنية يا حشمة و ادب و عفاف
ماك محتاجة انت يزيدوا فيك اوصاف
يا نبع المحنة يا المثل النبيلة سلاف

[عبده سعد]

ياود سعد قول الحضيرى تمام .
مشكور سوى واجبو بى كل إحترام.
وياراجل دا قولاً مابودى لى قدام.
وماكان العشم زيك يكون هدام.

[فيصل سعد]

المشاركة الأصلية كتبت بواسطة عبده سعد

ياود سعد قول الحضيرى تمام .
مشكور سوى واجبو بى كل إحترام.
وياراجل دا قولاً مابودى لى قدام.
وماكان العشم زيك يكون هدام.

هدام يا عبده خوي فتش عليو بيغادي
نحن لسقالة و مسطرين الحب بننادي
تعال بارينا انا و ود الحضيرى الشادي
و أن غلبك تجاري قول يا لطيف يا هادي

[فيصل سعد]

المشاركة الأصلية كتبت بواسطة سارة

يرف بى طرفو ينظر يتاور عليا جروحى

يفر قلبى المعذب من صدرى تسرح روحى

ملك عقلى ..وتوسد قلبى.. ساكن سوحى

متين يطرانى قلبو ...واقول للبلال نوحى

" يا سارة الزمن لا بد يفتح طاقة
تجيك أيامو بي راحة و معاها رواقة
الفي الغربة بايتين كل ليلة شفاقة
يتلاقوا و تموت نار اللظى الحراقة"

[فيصل سعد]

المشاركة الأصلية كتبت بواسطة elle

بعــد ايام رجعت وقـــلت أفقـــد زولي
خايفة يكون جفا يشمت عدوي وعزولي
كرت الحيلة آس ما إنتم بيهـــو نزولي
يــــــــــا شدة غيابو عليكي الله تزولي

" يا لا يمني في طربي و غنايا و شوقي
مهما تلومني ما بتحمي القماري تقوقي
وكت الموت علي مكتوب و قدرا فوقي
خلني ها النغنيلو الظريف الذوقي "