اقتباس:
المشاركة الأصلية كتبت بواسطة مهند بشير
زوجة المك نمر هي في الحقيقة بنت اخ شيخ العرب ود دكين (يعني في الحسبة عمها) فقامت تمّنْح
وترثي فوقو
زوجة المك شمة :
غرار العبوس الليلة دار دولابا
يا خريف البطانة و مرتع الجلابة
بِتعَقّر الركوبة وتنحر الحلابة
كم قشيت دموع وجّعا و نتعتا غلابة
عمي العم سيل إيداهو روى الماحل
تساب بحر المحيط الما بضمو الساحل
يا حليل ود دكين مونة المقيم و الراحل
سند الهاكعة نشال التقيل الواحل
صعيب فقدك عليّ وشوية فيكا بكاي
انوح لامن اروح عيني انقطع وكّايا
طالبني الدهر قاصدلو فيّا نكاية
بعد النكبة دي باديلو تاني حكاية
وا وجعي الشديد انا جمري زاد في وقيدو
ابوي جا وداير يستاتير في فقيدو
الديش كلو راسو خوي وعقيدو
طه المك حماه والشر صِعِبْ ترقيدو
ناقت للمروق وانا روحي جات متطاردة
كعب الحال خلاااااس و العُقدة مي مجاردة
الشكرية امس لحقوها حاره و باردة
خلو المك زِعل حالف يعقر الواردة
ديل ناس وجعا كان عملو زي ما يعملو
مالو المك لو فوت كلاموم حِمِلو
قالو عطاشة وُرّاد بينزلو يملو
وان انسلا سيف تاني القبيلتين كملو
بعضي مجافي بعضي وليه اضحي ميلادي
وانا ان صاد امان الطار في بيت ايلادي
أكان المك يفوز افقد ابوي و اولادي
والتانيا ان بقت افقد ابو اولادي
وا وجعي الشديد يا همومي وين تنجمعي
طشش شوفي فارق سمعي
طال اليوم بكاك يا عيوني جود يا همعي
واصبح جفني جاف و الوَحّا حرقت دمعي
يا بت صافيات لي ود النعيسان روحي (ود النعيسان احد الدُهاة و الاذكياء بين الجعليين وهي طلبتهو للمشوره)
ماتجي دوني فاضلي اخنق روحي
|
مشكورين علي المجهود واتمني لو تكمل الملحمة كاملة وخاصة كرم الشكري ابو شيخ العرب
وحقيقة هذهالقصة تريد منا وقفت وتامل كثير وكبير في كل ما تحمل من معاني الكرم والجود والشجاعة والعفو التكافل والانسانية لا اقول ذلك لاني جدي المك وحبوباتي شكريات ولي في البطاحين نصيب وانسابي شوايقة وحموراب ولكن لانها حقيقة تعني السودان وذلك الزمن الجميل الاصيل الفضيل الرائع واهلوا وناسوا وصفاتهم وسماتهم واصلهم الكريم والكثيرون لا يعرفون عرمان جد الجعلين الكبير ولا يعرفون انتماءنا للعباسين رضي الله عنهم ولايعلمون نسب الكم بالشكرية والبطاحين وهذه القة ودراسات ارجو ان تتواصل حتي نظهر حقائف غايبة عن الكثيرين
مع تحياتي وانه لشرف لي جعلي شكري بطحاني عبدلابي
يعني السودان كلوا وهذا ما نتمناها حزب السودان الكبير الواحد بدون قبلية ولا جهوية لاننا كلنا اهل بدون الاجانب والدخلاء اللذين هم الان يسيطرون علي كل خيرات بلادنا ومشاريعنا ومناصبنا ويدعون السودانية وهي بالجواز والتجنس فقط
كان الله في عونا
