الما بيخاف من مرتو ما راجل : ( بانورما )

[mekke abunora]

... حـسـى يـا أبـوجـهيـنـة انت عـاوز تـعـصـى الرجـال علـى نـســوانـم ...

....ولا فـهـمـك شـنـو ..

..عنـدنـا واحـدة شــديــدة مـرة حبســتـنـى قـدام ضــكيــرا

.وقـالت لـى ما تـعصـى راجـلى عـلى ... الراجـل الوقفنـا مـعاهـو

..بـدل يـفتـح خشـموا باالكـلام فـاتـح خشـمو يـبـلع فـى البســكويــت با الشاى

..بـرضـو المـرة دى محتـرمـة مـا بتـكافتـو قـدام النـاس.. غايتو الـكـف هيـن الـكـلام

الخـربـشــة بـى ضـفـورم الكبـار دى... يـعنـى الخـربشـة و الجـضـيـم لا ثـم لا...

[سارة]

ابو جهينة ياغالى سلام لك ولضيوفك الكرام

سانسى المصرية التى قطعت زوجها كيمان وشفطت اللحم وكسرت العظم وااتقاضى الطرف

عن الفلبينية التى تعشى زوجها المكلوم علقة كل مساء افتراضا اننا نختلف عنهم وخلينى

ابدا بزولك الفى طابور المطار اولا دا ما بيستحق شرف الكلمة (راجل) الرجولة ليست

عضلات ولا شنبات الرجل مروءة الرجل كلمة الرجل مبدا الرجل موقف وزولك دا انا باقى

لى ولا حاجة من ديل ما عندو لوكنت معاكم اقسم بالله لو ما رفعت يدى على واحد منهم

قسما عظما كنت بصقت فى وجهه. بس هى بنت ال...........ما عندها اهل ربوها

وهو يستاهل عشان دا اختياره

اما زولك بتاع الرحلة

يؤلم جدا جدا ان تكون العلاقة بين الزوج وزوجته بهذه الوضاعة وسامحنى

فى اختيار اللفظ لم اجد اهون منها لنفترض ان فى الشنطة ما يهم جدا جدا كان ممكن النقاش

بين وبين زوجها يتم دون علمكم بتفاصيله بكل ادب وبكل احترام دا اذا كان فى امكانية سهلة

لسفره ذهابا وايابا والا ليست هناك ضرورة ما قهرنى الاسلوب والطريقة وسكات الرجل المذل

غايتو يا ابو جهينة الله يديك العافية لكن تورت على الريطوبة ووجع القلب

الرجالة طايرة والعلاقات الزوجية المن النوع دا بالخراب الياخدها


بجيك تانى ان مد الله فى العمر

[أبوجهينة]

المشاركة الأصلية كتبت بواسطة mekke abunora

... حـسـى يـا أبـوجـهيـنـة انت عـاوز تـعـصـى الرجـال علـى نـســوانـم ...

....ولا فـهـمـك شـنـو ..

..عنـدنـا واحـدة شــديــدة مـرة حبســتـنـى قـدام ضــكيــرا

.وقـالت لـى ما تـعصـى راجـلى عـلى ... الراجـل الوقفنـا مـعاهـو

..بـدل يـفتـح خشـموا باالكـلام فـاتـح خشـمو يـبـلع فـى البســكويــت با الشاى

..بـرضـو المـرة دى محتـرمـة مـا بتـكافتـو قـدام النـاس.. غايتو الـكـف هيـن الـكـلام

الخـربـشــة بـى ضـفـورم الكبـار دى... يـعنـى الخـربشـة و الجـضـيـم لا ثـم لا...

الله يجازيك يا أبونورة
البسكويت بالشاي أخير ليهو من مواجهة المجنزرة اللتو
إنت عاوز الجد .. و الله الخربشة أحسن مية مرة من الكلمة البطالة قدام الناس

كن بألف خير

[رأفت ميلاد]

المشاركة الأصلية كتبت بواسطة mekke abunora

.غـايـتـو يـا أبـوجهيــنـة دخلتنـا فـى أضـافريـنـا.

.. أنـت شــايـت مـعانـا و لا ضــدنـا..

..بـقيـت كـل مـا أشــوف المـرة جـضـومـى بتـنـمـل..

بركة البقت فى جضومك

تعرف يا أبو جهينة الحجة كجنتك عديل .. بتخيل أنت ذاتك دخلتك خوفة لامن صاحبتك قالت ليك (مصاقرنى من جدة) .. وأتعدلت زى الألف .. عاقل لأنه الخطوة التانية كانت بتجيب عاليها واطيها .. زولك ما بكون أنكسر من هين ..

تعرف فى نسوان بهولوا الأمور بصورة عكسية .. الراجل يكون وديع وفى حاله .. تصوره مرتو ضرغام .. دايماً تعلن بإنها لازم تحظى بموافقته ورضاه قبل ما تاخد الخطوة .. لكن قصة تنهره وسط الناس وديك الأدتو كف .. والله أنا كنت معاكم كنت أقوم جارى وألغى رحلتى .. زول زى ده ما بقدر أعاين ليه تانى فى وشه .. أب كف ده قابضين عليه حاجة فوق (مستمكات) شوية .. ولّ المرة مجنونة رسمى وبعالج فيها ..

تعرف فى مصر فى المطار وأنا راجع صادفت الطيارة السوداية .. لميت فى واحد من مدنى قعدت أتونس معاه .. لاحظت واحدة عاتية ومانعة بتراقبنى لامن دخلتنى خوفة .. أتاريها مبارية شنيطى الجاريها وهى عندها تل شنط وفكرت تفك فينى حاجة .. إستفردت بى جمبة كدة وشألتى كان ماشى بالسودانية .. قلت ليها (لا بالسويسرية) .. ما عقبت لكن ما فضل ليها إلا الكف بتاع صحبك داك

فى نسوان قادرات ياخ

[mekke abunora]

المشاركة الأصلية كتبت بواسطة رأفت ميلاد

بركة البقت فى جضومك



فى نسوان قادرات ياخ

.أبـوجهينـة أظـن بدينـا نـنـجر ليك فى بـوستـك أنا و الخواجة..

.. عنـدى حبـوبـتـن ...
جدى مسميـها الشــول أم بـول مـر...

.. كانـت حبوبة الشول دى تاجرة قـويـة و قـاهرة.. قـام جدنـا عزل ليهـا واحد قريبـا عشان

يـعرسـا..المهـم العرس تـما .والشـول دى قاهرة الراجل مع أنـو تاجر بهايم و جـزار صعب

لكن ما على الشول أم بـول مـر.. حـملت الشـول و لمن ولـدت فـى سـريــرة زغردت و طوالى

قالت لى النسـوان نادو لـى الراجـل..لمن دخـل الراجل الجزار.. طـوالى قالـت ليـهو أنت طـلقـان

أمشـى شـوف ليـك مـرة تانيـة..أنـا ما الزولة البتـقعد ليها مـع راجـل..ولـد وخـلاص جبتــو...

.. ولدا ســمتـو سـعيـد..لحدى ما مـات كـانـوا بـقولو ليــهو سـعيـد الفرد وحيـد..يعنى مامعاهو أخو...

... بـكل أســف مرتـى جدها سـعيــد؟؟؟؟؟؟

[أبوجهينة]

سارة

سلام كثيف

غايتو يا ابو جهينة الله يديك العافية لكن تورت على الريطوبة ووجع القلب

تسلمي من كل شر
و لكن صراحة ، أنا غايتو حظي كدة ، دايما أقابل رجال من هذه الشاكلة ، مرات أحن عليهم ، و مرات ينتابني الغيظ و الكمد ، و مرات أعمل نفسي ما سامع و لا شايف

مشكورة على العودة و في إنتظارك برضو
دمت

[أبوجهينة]

رأفت يا ميلاد

سلام كامل الدسم

بركة البقت فى جضومك

تعرف يا أبو جهينة الحجة كجنتك عديل .. بتخيل أنت ذاتك دخلتك خوفة لامن صاحبتك قالت ليك (مصاقرنى من جدة) .. وأتعدلت زى الألف .. عاقل لأنه الخطوة التانية كانت بتجيب عاليها واطيها .. زولك ما بكون أنكسر من هين ..

تعرف لولا خوفي من بلاغ و تلتلة و تأخير السفر و تقصير الإجازة ، كنت خنقتها

تعرف فى نسوان بهولوا الأمور بصورة عكسية .. الراجل يكون وديع وفى حاله .. تصوره مرتو ضرغام .. دايماً تعلن بإنها لازم تحظى بموافقته ورضاه قبل ما تاخد الخطوة .. لكن قصة تنهره وسط الناس وديك الأدتو كف .. والله أنا كنت معاكم كنت أقوم جارى وألغى رحلتى .. زول زى ده ما بقدر أعاين ليه تانى فى وشه .. أب كف ده قابضين عليه حاجة فوق (مستمكات) شوية .. ولّ المرة مجنونة رسمى وبعالج فيها ..

لا لا يا رأفت .. أبو كف دة ماسكين ليهو مستمسكات من الدرجة الأولى ، لأنو قدام الناس ليستْ ليهو كف ، فما بالك بين 4 جدران ؟

تعرف فى مصر فى المطار وأنا راجع صادفت الطيارة السوداية .. لميت فى واحد من مدنى قعدت أتونس معاه .. لاحظت واحدة عاتية ومانعة بتراقبنى لامن دخلتنى خوفة .. أتاريها مبارية شنيطى الجاريها وهى عندها تل شنط وفكرت تفك فينى حاجة .. إستفردت بى جمبة كدة وشألتى كان ماشى بالسودانية .. قلت ليها (لا بالسويسرية) .. ما عقبت لكن ما فضل ليها إلا الكف بتاع صحبك داك

فى نسوان قادرات ياخ و في رجال بتسري فيهم القدرة دي زي الجلكوز

[أبوجهينة]

أبو نورة

... بـكل أســف مرتـى جدها سـعيــد؟؟؟؟؟؟