من ذاكرة المدمرق !!! النور يوسف محمد

اوبريتـــات سودانيـــة (اوبريت) !!! عبد الحكيم

هَكَذَا يَمْضِي الغفاريون نَحْوَ الله: في رحيل مظفر النواب !!! عبد الله جعفر

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 08-08-2011, 04:58 PM   #[91]
مهند الخطيب
:: كــاتب نشــط::
الصورة الرمزية مهند الخطيب
 
افتراضي

اقتباس:
المشاركة الأصلية كتبت بواسطة فتحي مسعد حنفي مشاهدة المشاركة
بالله ياجماعة الكايس ليهو مشكلة مع الادارة يمشي يدورا بعيد عني وأنا شخصيا شرحت الوضع والعايز يصدق يصدق والما عايز يصدق يمشي يشتكيني للادارة وأعلي ما في خيلو يركبو عشان أنا خلاص قرفت وزهجت وما عندي خلق لي مسخرة زيادة عن الحصل وبعد كدا أي زول يقول كلام فارغ حأعتبر كلامة جد وممكن أرد رد جارح وأختو في قائمة المقاطعة مهما بلغت درجة علاقتي بيهو ..
ياعم فتحي سلام يغشاك .......

للمرة التانية انا ماعندي مشكلة مباشرة مع السادة الادارة ......

عندي مشكلة مع التصرف والسلوك الماجميل كونك كنت لاعب اساسي في هذا التصرف مابقدر ادور المشكلة دي بعيد عنك والكلام الجارح البجي من قبلك بأستحملو (البتجي من السما بتحملا الواطا)

ارقد عافية



التوقيع:
"أتعرفين ماهو الوطن؟ الوطن هو ألّا يحدث ذلك كلّه...!"

غسّان كنفاني
مهند الخطيب غير متصل   رد مع اقتباس
قديم 08-08-2011, 05:01 PM   #[92]
مهند الخطيب
:: كــاتب نشــط::
الصورة الرمزية مهند الخطيب
 
افتراضي

اقتباس:
المشاركة الأصلية كتبت بواسطة جيجي مشاهدة المشاركة
صراحة ومن غير مجاملة
يجب التوقف كثيرا هنا
لانه فعلا اذا دا حصل
دا تجسس فاضح وبصورة مقرفة
عوفيتي ياجيجي وشكرا لكلامك الواضح......

وشكرا لأنك أبيت الكلام المغتغت وفاضي وخمج....



التوقيع:
"أتعرفين ماهو الوطن؟ الوطن هو ألّا يحدث ذلك كلّه...!"

غسّان كنفاني
مهند الخطيب غير متصل   رد مع اقتباس
قديم 08-08-2011, 05:34 PM   #[93]
مهند الخطيب
:: كــاتب نشــط::
الصورة الرمزية مهند الخطيب
 
افتراضي

اقتباس:
المشاركة الأصلية كتبت بواسطة طارق صديق كانديك مشاهدة المشاركة
الاخ مهند الخطيب والاخوة/ات المتداخلون
السلام عليكم ورحمة الله وبركاته

فينا يتعلق بالموضوع المثار أود أن أوضح الآتى ..

تقدم العضو ( عبدالله عيدروس ) بطلب لعضوية المنبر عبر البريد المعتاد لهذه الطلبات .. قام المشرف الفني باستلام الطلب .. وكاجراء روتيني يهدف بالدرجة الاساس الى الاطمئنان على اعضاء المنبر بالتأكد من المعلومات كما تشير لائحة المنبر في الفقرة السادسة المتعلقة بالتسجيل :




قام الاخ المشرف الفني بارسالة رقم هاتف الأخ عبدالله عيدروس الى العضو فتحي مسعد حين علم أنه يقيم في القاهرة .. قبل أن يرد العضو فتحي مسعد الذي تأخر نوعا ما على المشرف الفني ، أرسل الاخ حافظ حسين مستفسرا وداعماً تسجيل الاخ عبدالله عيدروس .. لم ينتظر الأخ المشرف الفني أي افادة من العضو فتحي مسعد بل بمجرد استلامه لرسالة الأخ حافظ حسين قام باكمال اجراءات التسجيل . ماتم في مكالمة العضو فتحي مسعد والعضو عبدالله عيدروس ليس للادارة به أي علم وهو تصرف أقل مايمكن أن يقال عنه أنه خاطئ ومسئ لفكرة الموقع ابتداءا .. ان جاء كما تم وصفه هنا .

اذ جرت العادة أن يقوم رئيس المجلس بمهمة التأكد من العضوية في كثير من المناسبات ويتم التحدث بشكل واضح لالبس فيه وتقبل كل من حادثته الامر بعقل ثاقب وروح متعاونة . !!

ان فحص أي عضو يتقدم للتسجيل دون أن يأتي عن طريق أحد أعضاء المنبر هو من صميم مهام المشرف الفني وهو أمرٌ لايتعدى استخدام المعلومات المقدمة كالحديث معه على الهاتف المرفق أو مراسلته على عنوان بريده الالكتروني لمزيد من الاطمئنان .. !!

لم يكن الأخ عبدالله عيدروس مقصوداً بعينه ومترصَدا من قبل المشرف الفني أو من الادارة بل نفتح له الابواب كلها يلج فيها كيف يشاء .. ان هذا الاجراء تم قبل وصول البيانات من العضو حافظ حسين .. ثم جاءت محادثة العضو فتحي مسعد لاحقة لأمر التسجيل .. !!

ختاماً نؤكد على الآتي :

1- ان مهمة التأكد وفحص طلبات العضوية الجديدة لن تتوقف وهي من واجبات الادارة الفنية .

2- ندين الأسلوب الملتوى الذي تعرض له الأخ عبدالله عيدروس اذ كان الأولى الحديث اليه مباشرة وبكل وضوح .

3- نعتذر للأخ عبدالله عيدروس وللأخ حافظ حسين ولكل من أمتعض من الذي جرى.

كما أود أن أنتهز هذه السانحة وأقول أنه ليس من الجميل أبداً أن نلوح بمقاطعة المنبر كلما لاحت لنا بارقة لخلافٍ هنا أو تحسسنا بوادر خطأً هناك .. إلا أن تكون ( سودانيات) لغير غرض الاسهام في الفعل الانساني سياسياً وثقافياً واجتماعياً . عندها يسهل لكل من وجد شيئا لم يعجبه أن يذهب مغاضباً ..

وللجميع شكري وتقديري

طارق صديق كانديك
رئيس مجلس الادارة
الاخ طارق كانديك سلام .......

حقيقة كنت قد بدأت بالرد على هذه المداخلة ردا يحمل وجهة نظري الشخصية بناء على سرد الصديق عبدالله عيدروس لحيثيات تختلف في تركيبها وتكوينها عمّا تفضلت بذكره فاستوقفني الأخ حافظ حسين عن ذلك وأرسل لي ردا معنونا لك شخصيا علك ترى فيه مايمكن أن يُرى ........



اقتباس:
السيد رئيس مجلس الإدارة .......بعد التحية و فائق الإحترام


شكراً علي الرد الذي يزيل بعض اللبس و لكن للأسف الشديد بجيب لبس جديد و لبش كمان ... فيما يختص توصيتي لقبول عبدالله عيدروس جات بعد ما أشتر رسل تلفون عبدالله لفتحي كما ورد في مداخلتك يا طارق , دي معلومة بالنسبة لي حسب تتابع الأحداث ما سليمة.
أولاً: عبدالله قدم طلب عضوية لسودانيات قبل شهر و لم يبت في أمرها.....

ثانياً: للتأخير أعلاه أتصلت علي الرشيد إسماعيل و قلت له يا خي انا عندي زول صحبي و كتاب جداً داير يخش سودانيات ملأ الفورم قبل شهر و لحد هسي ما جاه رد ... الرشيد قال يشوف أشتر و يجي .... فعلاً شاف أشتر و جاء واخبرني أني مفروض أرسل معلومات عيدروس لأشتر عشان يديه حساب لان أشتر ما لقي معلومات عيدروس أصلاً مسجله عنده و طالب بإعادة التسجيل القمت بيها أنا يا طارق, بس كيف يا طارق أشتر يقول ما عنده معلومات عيدروس و في نفس الوقت يكون رسل تلفون عيدروس لفتحي؟ ....
المهم أشتر رسل الحساب في وقت وجيز لعبدالله مشكور علي ذلك بعد رسالتي ..

ثالثاً: نخت في الحسبان اللحظة الرشيد وضع السماعة أنا رسلت رسالة لأشتر و هو كان أون لاين, و ما ننسي المكالمة بين فتحي و عيدروس دي تمت في نفس اليوم العبدالله أخت فيه الباسويرد. يعني هل في فارق الزمن الهو دقيقتين دي أشتر لقي معلومات عيدروس و قام طوالي رسل لفتحي التلفون بغرض التأكد؟, أما أن معلومات عبدالله في خلال الشهر دا كانت في السكة ووصلت مع وصول رسالتي لأشتر؟
علي العموم حصل خير , أنا عارف أن عيدروس ما مقصود بالكلام دا لانه ببساطة ما في حد بعرفه عشان يشك فيه و الكلام ما داير درس عصر و محتاج فقط ل IQ معقول و common sense بناء علي الوقائع المذكورة فوق دي يصل للنهايات و هي كالأتي:
(أصلاً في الحياة حد زعم الإدارة ما في زول إسمه عيدروس بس في زول إسمه حافظ حسين داير ليه حساب تاني عشان يكتب بيه الكلام الما بقدر يكتبه بحسابه الأول. إنتهي).....
قبل العرش يا طارق يا صديق أبداً انا ما لوحت لا حاجة و لا داير لي زول يجي يحنسني زي ما إدعي بابكر عباس فوق ( و يا بابكر عباس تحنيسك وفره لنفسك لأنك بتحتاج له ذات زنقات إسفيرية قادمة) , أنا شلت قوقو بتاعي و طالع , يعني ما محتاج لحنيس لا غيره ....
بالجد الواحد طالع لكن أكتر حاجة حازة في نفسه المبرراتية و ناس جبر الخواطر و خلوها مستورة .... يا خي عضو معاكم هنا اكل ملح و ملاح و مشي قندهار زاتو و متهم في أجمل ما يمتلكه الإنسان تجوا تعملوا الموضوع ونسة و قرقرة معقولة؟
و مع الف سلام نتلاقي في مقبل الأيام

الحافظ حسين ابراهيم



التوقيع:
"أتعرفين ماهو الوطن؟ الوطن هو ألّا يحدث ذلك كلّه...!"

غسّان كنفاني
مهند الخطيب غير متصل   رد مع اقتباس
قديم 08-08-2011, 05:41 PM   #[94]
أميرى
:: كــاتب نشــط::
الصورة الرمزية أميرى
 
افتراضي

مهند لي إنت قلت وداعا حافظ حسين وما كتبت روحك معاهو طالما إنو الحاجة المفروض تبعد حافظ هي نفس الحاجة الإنت رافضها و سالي سيفك عشانها
فكدي أكتب وداعا مهند برضو عشان الكلام ما يكون فاضي وخمج
ياخ أنا متأكد جدا إنو حافظ كان حيحل المسألة بأسلوب يحفظ احترام كل الأطراف
المهم كدي حاول عدل عنوانك



أميرى غير متصل   رد مع اقتباس
قديم 08-08-2011, 05:46 PM   #[95]
مهند الخطيب
:: كــاتب نشــط::
الصورة الرمزية مهند الخطيب
 
افتراضي

اقتباس:
المشاركة الأصلية كتبت بواسطة سارة مشاهدة المشاركة
مهند سلامات واسعد الله اوقاتك بكل الخير

خلينى ابدا ليك من الاخر وبعد ان قرأت كل المداخلات بما فيهم المداخلة الصادمة
مداخلة عم فتحى..يا مهند يا عزيزى انا دخلت بصفتى سارة الانت بتعرفها لم
ادخل باى صفة ادارية ولما كتبت ليك الرسالة لم افهم اى شى وكان نفسى افهم
ودا اكبر دليل على انى لم ادخل لادافع عن الادارة او ابارك اى خطأ انا اتصدمت
من العنوان حسب فهمى القاصر للقصة الانت رويتها
لنفترض انه تجسس{ كما سماها البعض} احد بايعاز من الادارة على احد الاعضاء
والعضو دا كان صاحبك انت مهند وجاى من طرفك شنو البخليك تقول وداعا؟؟؟
يعنى عنوانك بالنسبة لى انا سارة كان ما جميل ولسة بقول ما جميل وما عندو مبرر
مهما كان الحدث عظيما وفادحا يعنى سبب واحد بيخلى حافظ حسين عشان يقول
وداعا مافى وكون الادارة ولا احد باسم الادارة ارتكب خطأ ليس وداع حافظ
حسين هو الحل لهذا المشكل
اما قصة ادخل انا واغير العنوان بعنوان اجمل{ ما عندى غير كتر خيرك}
دا جزء اول

الجزء التانى بخصوص الغرض من البوست هل هو استيضاح ولا استنكار
ولا استفسار عشان انا شايفة سماح وغيرها قالوا ما يكفى
يا مهند الزول الحكى ليك القصة اكيد قال ليك فتحى مسعد وكان ممكن جدا
تكون رسالتك موضحة لحنفى فى الاول عشان تعرف الزول دا قالوا ليهو
اتجسس ولا الموضوع غير كدا خالص وبعدين تعال افتح نار زى ما عايز
لو الادارة اخطات تحاسب بدون ادنى شك
اعيب عليك عدم التريث والتاكد من االحقيقة الكاملة فدى خصمت كتير
من الغرض الاساسى ودا بالنسبة لى انا سارة يعنى انا بمثل نفسى وبس


مودة تعلمها واخرى الله وحده يعلمها
ياسارة سلام وعساك طيبة..........

حكاية انو حافظ يمشي وللا يقعد بتخصو هو لكن حكاية انو انا اعلن ده بتخصني براي.... وشوفي حافظ مالو قال ماشي.......

أما فيما يخص عدم التريث ياسارة فانا ماعارف اتريث اكتر من كده يعني اعمل شنو .....

استنى تجيني وثائق ممن قام بالتكليف المذكور لاستقصاء حقيقة عبدالله عيدروس بهذا الشكل المخابراتي مثلا؟

وللا أعمل شنو يعني؟؟؟؟

الزول البتقولي حكى لي ده ماقال لي فتحي اتصرف كده براهو قال انو مكلّف؟ يبقى أجي اسال -لو ده من حقي- عن الجهة اللي قامت بهذا التكليف وايضا عن الشكل الغير جميل للاسلوب الذي تم به هذا الاستقصاء............

لك من المودة قواسيب قواسيب



التوقيع:
"أتعرفين ماهو الوطن؟ الوطن هو ألّا يحدث ذلك كلّه...!"

غسّان كنفاني
مهند الخطيب غير متصل   رد مع اقتباس
قديم 08-08-2011, 06:06 PM   #[96]
طارق صديق كانديك
:: كــاتب نشــط::
الصورة الرمزية طارق صديق كانديك
 
افتراضي

اقتباس:
المشاركة الأصلية كتبت بواسطة ممدوح أبّارو مشاهدة المشاركة
سلام كانديك واحسن الله العزاء
الكلام دا بالجد انا ما فهمتو
طالما المشرف اللي هو بيمثل الادارة رسل الرقم لفتحي
فكيف يكون تصرف بغير علم الادارة ؟
وهل خطأ فتحي يحسب من الطريقة التي قام بها ؟
ام من الفكرة نفسها والتي اري ان الادارة شريكة فيها
تحياتي
عليكم السلام يا ممدوح وشكرا للتعزية

حديثي ينصرف الى كيف تعاطي الأخ فتحي مسعد في مهاتفته للاخ عيدروس .. هذا الذي نفيت علم الادارة به .. وان كانت المسئولية الأخلاقية تشملنا بالضرورة لاسيما حين لم يحدد له طريقة محددة في ما طلب منه ..

ان اساءة استخدام هذا الاجراء ( اجراء التأكد ) لا يجعل من فكرته فكرة خاطئة ..

اقتباس:
المشاركة الأصلية كتبت بواسطة بابكر عباس مشاهدة المشاركة
سلامات كانديك و رمضان كريم
شكرا يا طارق على التوضيح

يا أخي أنا كنت مفتكر انو الإدارة ما عندها علاقة من قريب أو من بعيد بتسجيل العضوية الجديدة، و هي مهمة المشرف الفني!

الجزء المقتبس من مداخلتك دي أشكل علي شوية؟!
مرة إستعملت جرت العادة ان يقوم رئيس المجلس بالتأكد و تاني رجعت و قلت العمل دا من صميم مهام المشرف الفني؟!!
بابكر وعليكم السلام ورمضان كريم

هذه الاجراءات كانت تتم في هدؤ حين كان المالك والمشرف الفني ( عليه الرحمة ) واحد .. الآن يمارس المشرف الفني هذا الاجراء ( تسجيل العضوية ) وكثيرا ما تاتيه طلبات يحتاج الى فحصها بحكم المسئولية فيعمد الى استشارتي وأقوم بمهاتفة اصحابها بشكل واضح مرحبا بهم وقد واجهتنا حاللات لأرقام خاطئة ومعلومات غير صحيحة ورفضنا اكمال اجراءات التسجيل .. !

هذا الاجراء بحكم اللائحة من صميم عمل المشرف الفني دون شك ..


اقتباس:
المشاركة الأصلية كتبت بواسطة عبد الجليل سليمان مشاهدة المشاركة
والخيال هنا يا مهند لا يشفع لنا، فدعنا (نتم) الحقائق، وهي على ماذا كان يريد أن يحصل من أرسل المخبر لتقصي سيرة (عيدروس) المُزكى من قبل عضو محترم ومحل ثقة ومنجز كـ( حافظ حسين)، ما هي الأمور التي أفترضت (الإدارة) – ممثلة في المشرف أن (حافظ و عيدروس) أخفياها فسعت عبر ( مخبرها) للتقصي عنها – وبهذه الطريقة الفجة – ألم يكن من الأفضل أن تسأل الإدارة حافظ مباشرة – والله يا حافظ متشككين في زولك دا لأنو كيت كيت كيت. ويسردون حججهم ويناقشونه، بدل تأسيس مكتب جديد بأعباء ومهام جديدة ومستخدمين جدد.
هذا كله يحدث – بحسب مهند- بعد أن طلب المراقب الرشيد اسماعيل من حافظ حسين ببعث بيانات المتقدم بالطلب إلى المشرف الفني.
لكن الأغرب من هذا كله .. أن يظن البعض أن طرح (مهند) هذا انفعالي، مهند كتب بهدوء ودقة – و الأمر واضح لا لبس فيه، وهو إن لدى الإدارة من تستخدمهم كجواسيس لمتابعة – على الأقل ما نعرفه حتى الآن- من يريدون الإنتساب إلى سودانيات – وهذا أمر شائن وقبيح. لكن إلى ماذا نرد هذا الأمر ، لماذا تتخذ الإدارة سلوكاً كهذا في عملها؟ و هل هذا السلوك يكشف عن (قوة) أم ( عجز)، وهل هو سلوكاً مقبولاً في منابر للوعي والتنوير – وهل نحن منبر أم شئ آخر؟ هذا أسئلة لا بد من (القعاد في الواطة) والإجابة عليها بدل مناقشتها بإسلوب السوق (يفتح الله ويستر) و ( مالكم جنيتو واللا شنو) .
فلا أحد جُن هنا ، الإدارة تفعل كل ذلك بوعي – و حافظ قال لمهند ما قال بوعي – ومهند كتب ما كتب بوعي .. ليسوا سكارى وما هم بسكارى.
ثم هل تفعل الإدارة ذلك مع الأعضاء أيضاً – حتى الآن ليس هنالك دليل، لكن هنالك مؤشرات – اهمها ما حدث لحافظ وعيدروس وهو ما كشف عنه، فما الذي يضمن أن هنالك (مستخبي)، وان (تحت سواهي المنبر دواهي) .
فكيف نعالج الأمر .. ؟؟
دعونا نفكر سوياً ؟
فهذا منبرنا وليست بيت أحد منا ليخاف عليه فيرسل الجواسيس – لا حول ولا قوة إلا بالله العلي العظيم.

الأخ عبدالجليل سليمان

مساء الخير

دعني أقول ابتداءا أن هذا الاجراء لم يكن بدعاً على العمل الديمقراطي واتفق معك ومع الأخ مهند في أن سؤ استخدامه جعل منه عملا استخبارتيا صرفه من مناطه الأساس .. اذ أنه ليس صحيحا أن يتم قبول كل طلب هكذا اذ تأتي للموقع طلبات ( سائبة) و ( متردية ) و(نطيحة ) كما اشرت في ردي للاخ بابكر عباس بعاليه ويعمل مثل هذا الاجراء على مجرد الاطمئنان من صحة المعلومات المقدمة التي يحتفظ بها الموقع حسبما نص ميثاقه .. !!

اما هذه :

اقتباس:
هذا كله يحدث – بحسب مهند- بعد أن طلب المراقب الرشيد اسماعيل من حافظ حسين ببعث بيانات المتقدم بالطلب إلى المشرف الفني.
فقد تنكب فيها قلمك الطريق الصحيح .. اذ حينما وجه مشرف منبر الحوار الأخ الرشيد اسماعيل العضو حافظ حسين ليقدم البيانات الى المشرف الفني قد قام بواجبه في اسداء النصح والتوجيه الصحيحين .. وليس صحيحاً ان( كل هذا ) تم عقب هذا التوجيه اذ في الوقت الذي تسلم فيه المشرف الفني الرسالة من العضو حافظ حسين قام باكمال تسجيل العضو عبدالله عيدروس ولم ينتظر افادة العضو فتحي مسعد .. !!

ان هذه المداخلة تصور الأمر وكأنه مؤامرة على حافظ حسين وذاك ليس صحيحا ولا ينبغي أن يكون .. قمت بتوضيح كيف سارت التفاصيل وتواقيتها في مداخلتي الأولى اللهم إلا أن تكون قد وجدت حديثي يجانب الصدق فذاك أمر آخر.. !!

ان التلميح الى اتهام للادارة (بالمستخبي) و(ماتحت الدواهي ) تلميحا محزناً بحق اذ لايقدح فقط في امانتها بل في قدرتها على ممارسة أبسط مسئولياتها .. لنا جميعا الحق في أن نخالف ادارة هذا الموقع رؤيتها لكل الأمور ذاك من الابجديات وهو لا يزعجنا إلا بالقدر الذي يتقاطع والأمانة عندها نفقد الثقة التي اولاانا الاعضاء اياها ولا نستحقها ويصبح من واجب من يرى ذلك فينا أن يسعى لتنحي هذه الادارة اليوم قبل الغد وإلا أسهم هو الآخر في السؤ .. !!!

أستطيع أن أقول باطمئنان أن هناك خللاً كبيراً قد حدث بالفعل جراء سؤ استخدام هذا الاجراء نعترف به وسنعمل جميعاً على تلافيه واقرار رؤية تجعل مساحة الخطأ في أضيق مكان ممكن .. !!



التعديل الأخير تم بواسطة طارق صديق كانديك ; 08-08-2011 الساعة 06:13 PM.
التوقيع: الشمس زهرتنا التي انسكبت على جسد الجنوب
وأنت زهرتنا التي انسكبت على أرواحنا
فادفع شراعك صوبنا
كي لا تضيع .. !
وافرد جناحك في قوافلنا
اذا اشتد الصقيع
واحذر بكاء الراكعين الساجدين لديك
إن الله في فرح الجموع



الفيتوري .. !!
طارق صديق كانديك غير متصل   رد مع اقتباس
قديم 08-08-2011, 06:58 PM   #[97]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

يا مهند ويا حافظ

يا جماعة محاولة إختراق سودانيات الأخير كان خطر عديل .. إجراءات التسجيل لازم يكون متحفظ عليها .. خليكم مرنين شوية ..

ويا ريت يا مهند كنت فتحت بوستك فى الخاص .. يتخيل لى يهمك الموضوع ده رأى الأعضاء والإدارة ..

غايتو كان حولتوهو الخاص نتكلم أكثر وضوحاً .. خاصة مع حافظ حسين

سلامات يا عيدروس ومرحب بيك كتير



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 08-08-2011, 07:06 PM   #[98]
بدر الطائف
:: كــاتب نشــط::
الصورة الرمزية بدر الطائف
 
افتراضي

اقتباس:
المشاركة الأصلية كتبت بواسطة ممدوح أبّارو مشاهدة المشاركة
غايتو انا كلام عمكم فتحي دا أصلووووو ما اقنعني !!!!!


وانا زاتى ما اقنعنى؟
اقتباس:
المشاركة الأصلية كتبت بواسطة ممدوح أبّارو مشاهدة المشاركة
نسينا نسلم زاتو
رمضان كريم علي الجميع
ابارو رمضان كريم يازول.
وفرصة طيبة نلاقيك بى جاى.



التوقيع: الصبرمفتاح الفرج
بدر الطائف غير متصل   رد مع اقتباس
قديم 08-08-2011, 07:40 PM   #[99]
أبوبكر عباس
:: كــاتب نشــط::
 
افتراضي

اقتباس:
المشاركة الأصلية كتبت بواسطة عبد الجليل سليمان مشاهدة المشاركة
لأ ما بمشي منها لأنو ما مقتنع بتبرير الإدارة دا.
وح اجي أوضح ليه ما مقتنع بيهو ..

لكن قبل دا.. أنت مع تعيين (جاسوس) يستخبر عن عضو محتمل تقدم بطلب انتساب لمنبر ما حتى بدون أن يكون لديه (مزكي) .. أم لا ..
هذا هو السؤال؟
وخلونا نغير من لوائح المنبر إذا كانت تتضمن بند (تعيين) جواسيس يلاحقون نيابة عن الإدارة ممثلة في المشرف كل من يتقدم بطلب عضوية من منبرنا هذا
يا زول جاسوس ما جاسوس دي تسميات خاصة بيك، لكن
- أنا لو كنت المالك (أو المشرف الفني)، أيوة ممكن أرسل رسالة داخلية لفتحي و أطلب منو التأكد من معلومات العضو المحتمل (الذي لم تتم تزكيته من أحد الاعضاء)، بواسطة الاتصال المباشر و إعلامه بطلب المالك (أو المشرف الفني) للتأكد من بياناتو
- أصلو ما يجي في بالك انو انا ممكن أتصل من قطر أو الإمارات لمصر و أضيع لي عشرة دولارات عشان أتأكد من معلومات عضو محتمل لم تتم تزكيته



أبوبكر عباس غير متصل   رد مع اقتباس
قديم 08-08-2011, 07:49 PM   #[100]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

ها هي الامور تتجه نحو ما توقعنا سابقا
وهاهم ينجحون في ابعاد مبدع اخر
والمنتدى يتجه للاسف الشديد نحو
سودانيات بيتنا وليس منتدى حوار
عقلية تبريرية مازالت تمارس علينا وصاية غريبة
تبرر للادارة وهي نفسها لم تفعل وقالت بصريح العبارة ان هنالك خطاء حصل
راجع مداخلات الاخ كانديك
قلت سابقا انو في ناس هنا حايلحقوا المنتدى دا الغتس -قصدوا ذلك ام لم يقصدوا-
انهم يعتبرون انفسهم ماجرينه مفروشا
للاسف هذا ليس صحيحا
هذا منتدى حوار وليس بيتا لاحدنا
وعندي قصة ذات علاقة بقولها بعد شوية



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 08-08-2011, 07:49 PM   #[101]
أبوبكر عباس
:: كــاتب نشــط::
 
افتراضي

اقتباس:
وداعا حافظ حسين ..............
مهند الخطيب في دعمو للحافظ حسين إبراهيم
اقتباس:
يا طارق يا صديق أبداً انا ما لوحت لا حاجة و لا داير لي زول يجي يحنسني زي ما إدعي بابكر عباس فوق ( و يا بابكر عباس تحنيسك وفره لنفسك لأنك بتحتاج له ذات زنقات إسفيرية قادمة)
مهند الخطيب عن الحافظ حسين إبراهيم
أنا آسف يا حافظ ما كنت فاكر الوداع بتاع العنوان دا، مقصود بيهو مشيك للحج!



أبوبكر عباس غير متصل   رد مع اقتباس
قديم 08-08-2011, 08:02 PM   #[102]
أبوبكر عباس
:: كــاتب نشــط::
 
افتراضي

اقتباس:
المشاركة الأصلية كتبت بواسطة عبدالمنعم الطيب حسن مشاهدة المشاركة
ها هي الامور تتجه نحو ما توقعنا سابقا
وهاهم ينجحون في ابعاد مبدع اخر
والمنتدى يتجه للاسف الشديد نحو
سودانيات بيتنا وليس منتدى حوار
عقلية تبريرية مازالت تمارس علينا وصاية غريبةتبرر للادارة وهي نفسها لم تفعل وقالت بصريح العبارة ان هنالك خطاء حصل
راجع مداخلات الاخ كانديك
قلت سابقا انو في ناس هنا حايلحقوا المنتدى دا الغتس -قصدوا ذلك ام لم يقصدوا-
انهم يعتبرون انفسهم ماجرينه مفروشا
للاسف هذا ليس صحيحا
هذا منتدى حوار وليس بيتا لاحدنا
وعندي قصة ذات علاقة بقولها بعد شوية
مداخلتك دي مداخلة غير محددة لا تخدم الحوار
حدد المداخلات الفيها عقلية تبريرية و مارست عليك وصاية، و فند منطقها أو لا منطقها



أبوبكر عباس غير متصل   رد مع اقتباس
قديم 08-08-2011, 09:50 PM   #[103]
أشتر
:: كــاتب نشــط::
 
افتراضي

البوست دا بعد العيد إن شاء الله بجي أرمي فيهو كمية من اللقيمات يقمن صُلبا ما لما فيه من طرحٍ هزيل !!!
رمضان دا اخوكم فلّاتي جدا في هذا المجال وبنسلّمو فُل باكدچ … وبنحاول نحتفظ برُباط جحشنا آز لونغ آز بوسيبول كي لا يفنجط ويقوم يرفسكم الواحد تلو الآخر … وتصبحون مجدعين على إثرها ... تعانون الويلات
بس الأول أجدعو في خاص بالأعضاء … مع إنو في مجملو كدا مخالف للائحة سودانيات .. التي أحب …
ورمضان كريم على الجميع ... (من مهند صاحب البوست لغاية أكتر واحد دشر كلام فارغ )
خلاص يعني المواضيع كملت ؟؟!!!
على كل حال ...
تصوموا وتفطرو على خير …
وفتكم بعافية يا إتو …



أشتر غير متصل   رد مع اقتباس
قديم 08-08-2011, 10:27 PM   #[104]
بدور التركي
:: كــاتب نشــط::
الصورة الرمزية بدور التركي
 
افتراضي

اقتباس:
المشاركة الأصلية كتبت بواسطة أشتر مشاهدة المشاركة
البوست دا بعد العيد إن شاء الله بجي أرمي فيهو كمية من اللقيمات يقمن صُلبا ما لما فيه من طرحٍ هزيل !!!
رمضان دا اخوكم فلّاتي جدا في هذا المجال وبنسلّمو فُل باكدچ … وبنحاول نحتفظ برُباط جحشنا آز لونغ آز بوسيبول كي لا يفنجط ويقوم يرفسكم الواحد تلو الآخر … وتصبحون مجدعين على إثرها ... تعانون الويلات
بس الأول أجدعو في خاص بالأعضاء … مع إنو في مجملو كدا مخالف للائحة سودانيات .. التي أحب …
ورمضان كريم على الجميع ... (من مهند صاحب البوست لغاية أكتر واحد دشر كلام فارغ )
خلاص يعني المواضيع كملت ؟؟!!!
على كل حال ...
تصوموا وتفطرو على خير …
وفتكم بعافية يا إتو …
حب سودانيات ما عندي موضوع
يعني الناس تقعد تخت ايدها في خدها وتستناك لبعد العيد?



بدور التركي غير متصل   رد مع اقتباس
قديم 08-08-2011, 10:48 PM   #[105]
عمر كبير
:: كــاتب نشــط::
الصورة الرمزية عمر كبير
 
افتراضي

اقتباس:
المشاركة الأصلية كتبت بواسطة فتحي مسعد حنفي مشاهدة المشاركة
ليس هناك أي استدراج مطلوب من قبل المشرف الفني والمشرف لم يفعل أكثر من ارسال الاسم والعمل ورقم الموبايل وطلب تأكيد صحة المعلومات ولم يطلب أي اضافة معلومات ولو طلب لكان هو التجسس بعينه..
ان كان هناك خطأ فهو مني أنا في الاسلوب الذي اتبعته للتعرف بالعيدروس..
شكرا يا خواجة علي الوضوح والتوضيح
وشكرا علي النقد الذاتي للاسلوب
وتاني في شنو يا جماعة؟؟؟
رمضان كريم وقوموا الي صلاتكم يرحمكم الله



عمر كبير غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 11:05 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2022, vBulletin Solutions, Inc.