نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 23-12-2018, 10:14 PM   #[1]
بابكر مخير
:: كــاتب نشــط::
الصورة الرمزية بابكر مخير
 
Angry الجهالة والعمالة

زماااااان يعني زمنا كان في قولة لناس المباحث والهم حسي ناس الأمن بتقول:
مغفل نافع وهي نفسها ذي البتنقال أو مشابهة البي العربية الفصحى: عدو عاقل خير من صديق جاهل..
حسي والثورة يادوبك جمعوا ليها الطلح ويادوبك حضرو الشملة ويادوبك حننو العريس وخلاص العروس في اللمسات الأخيرة للدخلة.
ينط ليك واحد من ديكة العدة ويرش الموية في الطلح قبل ما يولع.
يطبزها بي جهالة وتبقى تخدم الخصم أكثر مما كان يفوز بيهو من أهل العمالة...
الناس مشحونة وجاهزة.
الجهلاء بقصد أو بعدم دراية يقوم يصرفوا الأنظار عن المهم والأهم بمواضيع جانبية سئم منها القراء ونفر منها العقلاء والأسطوانة المشروخة دايرآ، أبوهو منهو وأمه منهو..
بالله عليكم خلونا في ثورتنا وأبعدو عنا كراهياتكم الغير مؤسسة.
يعني حسي فلان قال ولا فرتكان قال وإستمراء القوالة الفارغة فايدتها شنهو..
شعبي الكريم أنت البطل ولست بحاجة لفلان وعلان أن يصرفوك عن همك في إقتلاع الإنقاصيين..
للجهلاء خير لنا أن تكفونا عن مهاتراتكم وللعملاء حلوا عن سمانا..
والفي رأسهو ريشة يتحسسها...
إن شاء الله ثورة ونصر



التوقيع:
بابكر مخير غير متصل   رد مع اقتباس
قديم 24-12-2018, 07:16 AM   #[2]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

اقتباس:
المشاركة الأصلية كتبت بواسطة بابكر مخير مشاهدة المشاركة
زماااااان يعني زمنا كان في قولة لناس المباحث والهم حسي ناس الأمن بتقول:
مغفل نافع وهي نفسها ذي البتنقال أو مشابهة البي العربية الفصحى: عدو عاقل خير من صديق جاهل..
حسي والثورة يادوبك جمعوا ليها الطلح ويادوبك حضرو الشملة ويادوبك حننو العريس وخلاص العروس في اللمسات الأخيرة للدخلة.
ينط ليك واحد من ديكة العدة ويرش الموية في الطلح قبل ما يولع.
يطبزها بي جهالة وتبقى تخدم الخصم أكثر مما كان يفوز بيهو من أهل العمالة...
الناس مشحونة وجاهزة.
الجهلاء بقصد أو بعدم دراية يقوم يصرفوا الأنظار عن المهم والأهم بمواضيع جانبية سئم منها القراء ونفر منها العقلاء والأسطوانة المشروخة دايرآ، أبوهو منهو وأمه منهو..
بالله عليكم خلونا في ثورتنا وأبعدو عنا كراهياتكم الغير مؤسسة.
يعني حسي فلان قال ولا فرتكان قال وإستمراء القوالة الفارغة فايدتها شنهو..
شعبي الكريم أنت البطل ولست بحاجة لفلان وعلان أن يصرفوك عن همك في إقتلاع الإنقاصيين..
للجهلاء خير لنا أن تكفونا عن مهاتراتكم وللعملاء حلوا عن سمانا..
والفي رأسهو ريشة يتحسسها...
إن شاء الله ثورة ونصر
ثورة ثورة حتي النصر
ثورة ثورة حتي النصر
ثورة ثورة حتي النصر
ثورة ثورة حتي النصر
ثورة ثورة حتي النصر

المجد و الخلود لشهدائنا الكرام



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 24-12-2018, 12:25 PM   #[3]
imported_عبدالله الشقليني
:: كــاتب نشــط::
 
افتراضي

معك يا دكتور بابكر في كل ما قلته



التوقيع: من هُنا يبدأ العالم الجميل
imported_عبدالله الشقليني غير متصل   رد مع اقتباس
قديم 25-12-2018, 09:16 AM   #[4]
بابكر مخير
:: كــاتب نشــط::
الصورة الرمزية بابكر مخير
 
افتراضي

موضوع ديك العدة ودوره في إجهاض الثورات أو قول على الأقله إفراغها من محتواها.
"المرصد السوري" كان ديك عدة كبييييييييير، حسب الكان بيقولهو كان الجيش الحر إتنصب ملك لي سوريا.
الصدق في المعلومة خطوة في طريق الصواب وأريتنا نتعامل بيها ونتصف بيها ونثق فيها وهي أقوى درع لصد إختراقات الأمن.. بينقفل قدامهم الطعن في المعلومات..
شيخنا فرح ود تكتوك قال:
الصدق إن ما نجاك الكضب ما بنجيك وكما قيل؛ الكضب حبله قصير..
في الكُبر الكضب الأبيض علي ضهر من يشيل لكن برضك العواجيز بيكرهو البكضب لأنه بيشعروا أنه فيهو إستخفاف بي عقولهم وقلة إحترام لي فهمهم..
يعني بصحي غريزة العجز المرافقة للعُجز



التوقيع:
بابكر مخير غير متصل   رد مع اقتباس
قديم 26-12-2018, 12:20 PM   #[5]
imported_عابد عقيد
:: كــاتب نشــط::
الصورة الرمزية imported_عابد عقيد
 
افتراضي

سلام مخير.
السيد الصادق المهدي مشهور بتناول الامثال الشعبية في خطابه السياسي وفي رأيي ده تكنيك خطابي بارع وليس وحده كذلك الاستاذ محمد ابراهيم نقد رحمه الله ....... وغالبا ما يكون طابعها فكاهي لتوصيل اكبر قدر ممكن من الفكرة ... قبل كده ايام زيارة اردوغان للسودان وموضوع سواكن اورد السيد الصادق في خطابه (عفوية الشعقيبة) هذه المفردة كادت ان تندثر وبالنسبة لي تحديدا كانت جديدة فما بال الاجيال الجديدة فأعادها الي الذهنية السودانية في خطاب سياسي ... لما بحثت عن الكلمة وجدت انها عبارة عن احتفال يُمارس في الختان في بعض مناطق السودان ... عموما الموضوع لا يستحق ردة الفعل العنيفة هذه في الكارثة العولمية المسماه سوشال مديا لدرجة الافراغ من محتواه .
مودتي وتحية لشعب السودان العظيم.



التوقيع: [justify]لمّن تهون بحبل العنكبوت تنقاد
ولمّن تعاكس تقطّع سلسل الحدّاد [/justify]
imported_عابد عقيد غير متصل   رد مع اقتباس
قديم 26-12-2018, 10:14 PM   #[6]
بابكر مخير
:: كــاتب نشــط::
الصورة الرمزية بابكر مخير
 
افتراضي

العزيز عابد
قالوا: زرزور في يد جهال وقالوا: المابعرف ....
دي مشكلة الميديا الهي سلاح ذو حدين والأخطر أنه حديينه سنينات، يعني بضرب ويقطع لكن المشكلة "الفايرباك" وهو راجع برضك بيقطع..
أنا في رأيي المتواضع جداً في مثلة حالتنا الحسي دي.
الناس تلتزم بتداول الأخبار المؤكدة حتى لا ندي فرصة للسلاح دآ يضرب وهو راجع..
حبي لسوداني الجآي إن شاء الله وبتوفيقه وثورة مباركة توصل لنصر مبين



التوقيع:
بابكر مخير غير متصل   رد مع اقتباس
قديم 27-12-2018, 08:45 AM   #[7]
imported_عابد عقيد
:: كــاتب نشــط::
الصورة الرمزية imported_عابد عقيد
 
افتراضي

اقتباس:
المشاركة الأصلية كتبت بواسطة بابكر مخير مشاهدة المشاركة
العزيز عابد
قالوا: زرزور في يد جهال وقالوا: المابعرف ....
دي مشكلة الميديا الهي سلاح ذو حدين والأخطر أنه حديينه سنينات، يعني بضرب ويقطع لكن المشكلة "الفايرباك" وهو راجع برضك بيقطع..
أنا في رأيي المتواضع جداً في مثلة حالتنا الحسي دي.
الناس تلتزم بتداول الأخبار المؤكدة حتى لا ندي فرصة للسلاح دآ يضرب وهو راجع..
حبي لسوداني الجآي إن شاء الله وبتوفيقه وثورة مباركة توصل لنصر مبين
تحياتي مخير
حقيقة سلاح ذو حدين الا ان السلبية فيها اي السوشال مديا هو الجانب الاكثر بشاعة فالسؤال المهم هو كيفية مقاومة اهداف المديا التي تستهدف المجتمعات لضربها في خاصرتها ؟.. يمكن محيطنا الاقليمي يفتقر للدراسات الاكاديمية ولكن في الغرب التيارات الاكاديمية المناهضة للعولمة اخضعت ادوات التواصل لدراسات دقيقة وورش عمل. ان الله مد في الاجال الواحد يتناولها باذن الله .
مودتي



التوقيع: [justify]لمّن تهون بحبل العنكبوت تنقاد
ولمّن تعاكس تقطّع سلسل الحدّاد [/justify]
imported_عابد عقيد غير متصل   رد مع اقتباس
قديم 27-12-2018, 11:11 PM   #[8]
بابكر مخير
:: كــاتب نشــط::
الصورة الرمزية بابكر مخير
 
افتراضي

اقتباس:
المشاركة الأصلية كتبت بواسطة عابد عقيد مشاهدة المشاركة
ان الله مد في الاجال الواحد يتناولها باذن الله .
مودتي
العزيز عابد ليك طولة العمر..
في إنتظار مناظرتك الحبيب



التوقيع:
بابكر مخير غير متصل   رد مع اقتباس
قديم 27-12-2018, 11:18 PM   #[9]
بابكر مخير
:: كــاتب نشــط::
الصورة الرمزية بابكر مخير
 
افتراضي


فكرة من الإبن محمد عادل ربما تطرح للتفاكر بشأنها وتادولها في الميديا؛
ليييييييييه ما تتم دعوة جماهير الثورة لصلاة الجمعة في نفس المسجد الذي يصلي فيه رئيس الإنقاذ...



التوقيع:
بابكر مخير غير متصل   رد مع اقتباس
قديم 07-01-2019, 11:49 AM   #[10]
بابكر مخير
:: كــاتب نشــط::
الصورة الرمزية بابكر مخير
 
افتراضي

بي تأريخي وبي سني بقول كلامي دآ...
بعد قريت كلام د. ممدوح محمد الحسن في الجارة "الراكوبة" أولن تبادي شعرت جلدي كلبت من شجاعته هو والبروفسرات المعاهو وقولهم القالوهو..
بس برضك عاينت في الموضوع وشفتا فيهو أمرين كلاهم حلو...
كونهم السادة ديل قالوا الكلام دآ بكل القوة دي لنايب مدير الأمن فدآ فيهو نسايم حرية وتقبل من الطرف المتلقي الكلام..
طيب هنا سؤال..
هل تعلم ناس الإنقاذ بعض من دروس الحرية والديمقراطية وتقبل الرأي الآخر ولا؟؟؟
الجماعة ديل إنكسرو عديل وبقآ ما ليهم غير يكونو كدآ...
لكن برضك في الحالتين..
إن إتعلموا ولا إنكسروا
فدي بداية النهاية
لأنهم كانو عندهم خط والبيحيد من خطهو ومعناها ما بيصل..
وربنا يجيب العواقب سليمة ويتغلب قلب حب الوطن على عقل الأيدولجية الكوزانية...
وينحاز الجيش والبوليس وناس االأمن ظاتهم للشعب

ودي ياها الميديا الإيجابية
https://ara.alrakoba.net/alrakoba-sudan-news3165536



التوقيع:
بابكر مخير غير متصل   رد مع اقتباس
قديم 07-01-2019, 05:42 PM   #[11]
imported_Hassan Farah
:: كــاتب نشــط::
الصورة الرمزية imported_Hassan Farah
 
افتراضي

رجال والله عفيت منهم



imported_Hassan Farah غير متصل   رد مع اقتباس
قديم 07-01-2019, 09:54 PM   #[12]
بابكر مخير
:: كــاتب نشــط::
الصورة الرمزية بابكر مخير
 
افتراضي

في مسيرة أيتها ثورة في مطبات وحفر في بداية الطريق.
خلافات بين الثوار أنفسهم (الثورة الفرنسية) ويقيف قصادها تجانس قوي بين الثوار (البلشفية) الأوليين ما كان عندهم الصبر "من صبر ظفر" والتانيين إتوافقوا على أن هناك صف وكل واحد بيجيهو وكتهو وبيلقى نصيبة وعشان كدآ إستمرت سنيين.
دحن حسي إحنا في ثورتنا دي بقدر ما نجاحيين في أنها (سلمية) برضنا محتاجين لي عنصر هام جدن...
الغلبة بتغلب القلة (يتكرسن أحادا) وجمع الناس حوالينا بقوينا وكترتنا بتصعب الإستفراد بينا.
نعم هناك مصلحجية وهناك ضعاف نفوس وهناك من يركب صحبة ودون عطاء وديل الناس ما تهملهم فهم لست الخطر والعدو المستهدف.
" تأبى الرِّماحُ إذا اجتمعنَّ تكسُّراً ... وإذا افتــــرقَنّ تكــسّرتْ آحادا "
إذن ببعض من روح التسامح بيننا بنسد الطريق أمام الإستقطاب من الطرف التاني حتى لا يكثرو وتتساوى كفتي الميزان..
أنا واحد من الناس مسامح لكل من إختلفت معه في وجهات النظر وحتى لولائك ممن أجزم بأن عطائهم سطحي ومصلحي.



التوقيع:
بابكر مخير غير متصل   رد مع اقتباس
قديم 29-01-2019, 10:04 AM   #[13]
بابكر مخير
:: كــاتب نشــط::
الصورة الرمزية بابكر مخير
 
افتراضي

في الوكت الشايفين فيهو الأمور ماشة تمام والشعب كمل تلاحمهو وكل المثلثات والمربعات والمخمسات من البنيات يحفظهن الكريم والوليدات يغطيهم صاحب الشأن العظيم والمهنين والساسة والناس الحلة ووالقرى والمدن...
بعضهم وعن جهالة ودون وعي وما تقدر تلقى سبب وجيه في أنه لساتهو عايش في وهم ويفتح مواضيع شقاق وفتنة بين أمة إلتحتمت صفوفها في وجه الباغي المجرم..
إن كان الأمر جهالة والتي هي (على قولهم فاقد تربوي أو تعليمي أو أخلاقي ولا قول حنان) أنا شايف أنه أخف مليون مرة ضررن من الشيتن التاني...
ما هو يا أخوانا في ناس بينطبق عليها قولة:
الجن بتادوى بس كعبة الإندراوة والتي هي ممكن ينقال عليها وهي عدم التوفيق في:
القول؛ من الكذب والتضليل
التعامل؛ في عدم إحترام عقول الغير في رواية حكاوي هي من نسج عقل مريض و"حاسد"
الغرور؛ وبرضك النرجسية في أن يترأى الكمال والغريبة، تصديق الحبك المفبرك الكاذب الصادر من الذات المريضة..
أها أنا في تصنيفي لي زولن ذي دآ ما ممكن يتختا إلا في مرتبة واااااااااااااااااااحدة؟؟
أنه عميل والعميل طبعن أخس أنواع البشر فهو عديم القيم والإخلاقيات..
همه أمور مادية أو حسية ..
بعضهم بالقرش وبعضهم حسياً ليوصف بأنه زول كدآ وكدآ وكدآ وراسهو يكبر لمن يتقل ويرميهو لمذبلة التأريخ حين تنكشف كل الأعيبهو وعمالتهو....
حسي وكت نتلم وناس البيكتبو لتأجيج نار الفرقة
أخير تكفونا بي سكاتكم
لأننا إتلمينا للتغير
تحالفات ثلاثة تمثل الشعب كله
قال فلان شنهو وفرتكان شنهو
طيب إتا منهو؟؟؟؟
هنانا أقول ليك:
قال المولى عز وجل؛
(وَاجْتَنِبُوا قَوْلَ الزُّورِ)
(إن الله لا يهدي من هو مسرف كذاب)
وعن ما قال الصديق رض الله عنه؛
أكذب الكذِب الخيانة.
والصدق والصادق في قوله.
قال عنه تعالى في محكم تنزيله؛
"إنَّمَا الْمُؤْمِنُونَ الَّذِينَ آمَنُوا بِاللّهِ وَ رَسُولِهِ ثُمَّ لَمْ يَرْتابُوا وَ جاهَدُوا بِأَمْوالِهِمْ وَ أَنْفُسِهِمْ فِي سَبِيلِ اللّهِ أُولئِكَ هُمُ الصّادِقُونَ".
وحنشوف يا عملاء الدس واللخبتة أي منقلب تنقلبون




التوقيع:
بابكر مخير غير متصل   رد مع اقتباس
قديم 09-02-2019, 09:11 PM   #[14]
بابكر مخير
:: كــاتب نشــط::
الصورة الرمزية بابكر مخير
 
افتراضي

من الأقوال كثيرة الترديد؛
نآطنا بسكاتك...
فاليوم وذي ما قلتا في المداخلة الفاتت..
إتلمين كل جماعتنا في تحالف وااااااسع وعريض...
لكن فاقدي الأهليه وأحقية الحديث عن الوطن وعن التضحيات من أجل السودااااااااااااااان الوااااااااااااااااااحد دآ مش التشدق ببطولات في بلدانن تانية..
يحاولوا أن يصطادو في الماء العكر..
وصدق من قال:
عدو عاقل خير من صديق جاهل....
فيا ريت لو؟
ينأطنا بي سكاتهو



التوقيع:
بابكر مخير غير متصل   رد مع اقتباس
قديم 29-06-2019, 10:31 AM   #[15]
بابكر مخير
:: كــاتب نشــط::
الصورة الرمزية بابكر مخير
 
افتراضي سيف الدولة حمدنا الله

قلم سنين بس المشكلة أنه ناس فترة الإنقاذ..
عاشوا في الشمولية وما تنعوا بريحة ديمقراطية..
في رد علي واحد من مواضيعهو...
رديتي بس عشان شبابنا يتعلموا...


يابا قولة أستاذ تصرف في سوداننا مثل ما يصرف لقب دكتور جزافاً..
عليه هنا وأنا ما ارف كيف أخت من القاب قدام إسمك وعليه بختصررها وبقول:
سيف
قريت موضوعك في الراكوبة عن سيد صادق
كله موضوعي كوجهة نظر مخالفة لكن أنك تحمله عدم الحفاظ علي الديمقراطية فيابا دي فيها إجحاف...
نحنا إتولدنا في زمن الإستعمار وعشنا الإنجليز يمارسو رغم أنه مستعمر كم هائل من الديمقراطية وشربناها وعليه إستقلينا بهدوء وتمت إنتخابات وهي كانت أول تجربة لينا ومشت بهدوء وكأننا متمرسين عليها..
نطو العسكر ورمينها في الحكومة أنها جابت العسكر وهي الحكومة الإحنا إنتخبناها ومسكناها عشان تحكمنا بس ما حميناها وتكرر الأمر تاني وتالت وكل مرة نرميها في الحكومة الديمقراطية المنتخبة مننا وسيبناها براها في الخلآ لذئاب الكآكي عشان تنهش أحشائها...
ما عارف لكن لو إتا أكتر من خمسين سنة في العمر.. بتكون متذكر أنه الطيف السياسي قبل إنقلاب الكيزان كان إتفق أنه يوقع علي ميثاق في مدني لحماية الديمقراطية وقام الإنقلاب وموقعي الميثاق لم يحركوا ساكن بل البعث والشيوعي ونقابات لافة لف الإتنين ديل والجياشة أصحاب المذكرة كلهم باركوها ظانين أنها حقت كل واحد منهم.
يابا إحنا أمة معشعش في دماغها أنه السلطة والحكم شمولية وسيادية..
شيخ القبيلة والنظار والعمد هم وذي ما بنقول: أهل الحل والربط يعني السلطة في يدهم ولا غير وعليه عبود ممكن يحكم سبع ما دام هو براهو الأمر والناهي ونميري 16 سنة نجضنا فيها والبشير قبح الله وجهه تلاتييييييييييييييين سنة لييييه تفتكر لأنهم بالعصى والسوط والرصاص..
لكن سيد صادق ما قعد إلا مجموع خمسة في فترتين بسبب أنه كان كما يقول الجهلاء ما قوي وكما يقول أعدائه أنه شضعيف والبعض ممن في داخله عارف الديمقراطية ماهي أخنق فطس يقولوا ليك: ما بيأخد قرارات حاسمة...
يعني إتا يابا تفتكر أنه سيد صادق كان مفروض يحكم منفرد..
ويبقى شرطي المرور ومفتش البلدية ومهندس الكهرباء وفي كل مكان وشايل سوطه وعصاته وبندقيته ويكتم الحريات ويمنع الأفراح ويتسبب في الأحزان...
يابا فترة حرجة
فترة مواجهة عدو واحد ..
قالوا في القولة "يقدر طبقكم يطبق طبقنا ذي ما طبقنا بيطبق طبقكم"..
فأنتم كان إعلامييين ولا أصحاب وجود في الميديا..
طبقنا عارفيين حتى ولا واحد في المية من طبقكم وعليه المسئولية عليكم أكبر...
في فترة ذي دي شوف المصلحة العامة ووحدو الصفوف ضد أعداء الثورة الحقيقين...
نصيحة من عمك بابكر مخير؛ يابا والله لو تقربت من حيدر إبراهيم بتستفيد بالزيادة...
وبالمناسبة عمك برضهو يعني بيشارك قدر قدراته...
وخليناك عافية وربنا يهدئ النفوس ويهدي من يشاء
الله أكبر ولله الحمد




التوقيع:
بابكر مخير غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 09:39 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.