*** مصطلحات عامّية سودانية ***

[عبدالماجد محمد عبدالماجد]

صور حلّوف وكدروك ومرفعين (انقر على الربط):

http://sudaniyat.net/up/uploading/Kadrook-byMAGID.JPG

[أشتر]

[أشتر]

الكلام دخل الحوش ومرقتونا بقد القفة ...

[شبارقة]

المشاركة الأصلية كتبت بواسطة عبدالماجد محمد عبدالماجد

الكدروك هو خنزير أليف وعبد الماجد شاهد عيان على سعايتو وأكلو وتصديرو للعاصمة

[align=justify]التفاصيل عندك يا عبد الماجد .... وطالما سعيت وربيت وصدرت لا نستطيع أن ندخل معك في مغالطة ولا نملك إلا أن نشكرك على هذه المعلومات الثرة ... ولكن يا ريت تجيب لينا صور من السودان للكدروك والمرعفين والضبعة. [/align]

[شبارقة]

المشاركة الأصلية كتبت بواسطة محمد أبوعاقلة

الكلام دخل الحوش ومرقتونا بقد القفة ...

[align=justify]ألمي حامي ما لعب قعونج [/align]

[عبدالماجد محمد عبدالماجد]

محمد أبوعاقلة

شكرا ليك كتير على تنزيل الصور من الربط. غلبني أنزالها. بعدين يا خوي ألمي دا دافي ما حار لأن المصادر موجودة. الله يخلي ليكم كباركم.


الشبارقة

تحياتي مع نصف شكر مدنكل على الثراء الذي وصفت به المشاركة أما النصف الآخر فمحفوظ حتى تراجع ردك القلت فيه: "ما دام ربيت وسعيت ...الخ". منذ متي كانت الشهادة اقتراف عيب. يا خي والله نحن سعاية الماعز عندنا فيها كلام وفي النهاية تبقينا سعاة كداريك !! على العموم مافي مشكلة يا زول.والله شفت سعاية الكدروك وطريقة ذبحو وسعرو مقارنة بالخراف وشفت الأسود ذاتها راقدة لينا في نص الشارع ولم نملك غير أن ننتظر حتى تخلي لنا الطريق (قعدنا جوة اللوري حوالي 10 دقايق) ولي مع المرفعين قصتان (وش لوش) شفتو كيف؟

[أشتر]

المشاركة الأصلية كتبت بواسطة عبدالماجد محمد عبدالماجد

ولي مع المرفعين قصتان (وش لوش) شفتو كيف؟

اباطنا والنجم ... وعبد الماجد في الأحراش ...

[أشتر]

المشاركة الأصلية كتبت بواسطة شبارقة

[align=justify]ألمي حامي ما لعب قعونج [/align]

غاغ غاغ ... وبغم بغم ...
ويا الحبان ... صيّعتو بينا

[عبدالماجد محمد عبدالماجد]

أبو عاقلة

أحراش شنو ؟ جوّة الحلّة سنة 50 وسنة 54 وسنة 61 وبعد داك بدت تختفي أو نزحت بسبب السكة الحديد والجفاف وانتشار السلاح الناري ولمّا دخل الجنوب كانت الحرب الطويلة. هل ستعود هذه الحيوانات التي هربت لدول الجوار وهل سنخاف الله فيها إذا عادت ؟ الله أعلم.

[باسط المكي]

السورج ==
كان مهم في زمان مضي في واحد
بعرف معناهو..

[فيصل سعد]

المشاركة الأصلية كتبت بواسطة باسط المكي

السورج ==
كان مهم في زمان مضي في واحد
بعرف معناهو..

غايتو يا باسط يا خوي سورج العارفينه هو محل التمباك السالط في سوق امدرمان
و المسمى على اسم صاحبه ،، غير كدا!! احسن تخش لينا بالمعنى

[باسط المكي]

المشاركة الأصلية كتبت بواسطة فيصل سعد

غايتو يا باسط يا خوي سورج العارفينه هو محل التمباك السالط في سوق امدرمان
و المسمى على اسم صاحبه ،، غير كدا!! احسن تخش لينا بالمعنى

تحياتي
فيصل ورمضان كريم
السورج ==نوع زي الحسوة ..والبقنية والعسلية
ويجففف كوجبة للمسافر ..في زمان عهد سلطنة الفونج
يعني ممكن تقول هو وجبة اطعم من الكسرة اليابسة والابري
كان شيوخ الصوفية بحملو ها كذاد
لسفر عبر احراش وغابات البلد ..وخصوصا في الخلوات ....
الروحية 00
طيب بتعرف العتنيبة

[عبدالماجد محمد عبدالماجد]

باسط المكي

السورج عندنا في غرب كردفان (وبالذات جبال الكاركو الذي يتحدثون لغة تكاد تتطابق مع الدنقلاوية) هو عصيدة مجففة وبها ملح وبهارات لونها بني أو أحمر داكن وتصنع منها كوّر صغيرة وعند الحاجة يصب غليها الماء الساخن.
أما سكان شمال غرب كردفان فيجففون الكسرة بها بهارات وقوي وسمسم لأغراض السفر أيضا, وكنا طفمناها مع بعض زملائنا في الداخليات.

[شبارقة]

المشاركة الأصلية كتبت بواسطة عبدالماجد محمد عبدالماجد

تحياتي مع نصف شكر مدنكل على الثراء الذي وصفت به المشاركة أما النصف الآخر فمحفوظ حتى تراجع ردك القلت فيه: "ما دام ربيت وسعيت ...الخ". منذ متي كانت الشهادة اقتراف عيب. يا خي والله نحن سعاية الماعز عندنا فيها كلام وفي النهاية تبقينا سعاة كداريك !! على العموم مافي مشكلة يا زول.والله شفت سعاية الكدروك وطريقة ذبحو وسعرو مقارنة بالخراف وشفت الأسود ذاتها راقدة لينا في نص الشارع ولم نملك غير أن ننتظر حتى تخلي لنا الطريق (قعدنا جوة اللوري حوالي 10 دقايق) ولي مع المرفعين قصتان (وش لوش) شفتو كيف؟

[align=justify]الأخ عبد الماجد شكرا ً على نصف الشكر .... وأنا آسف جداً لو زعلت من كلامي ...ووالله العظيم أنا لا أقصد شئ من وراء تعليقي ... وكلنا سعينا ورعينا بالأغنام ضاناً كانت أم ماعز وليس عيباً (وهي مهنة الأنبياء كما تعلم)...ولك الفضل في تعريفنا بالفرق بين الكدروك والحلوف والمرفعين وكثيرين أمثالي كان الأمر مختلط عليهم ...وأفيدك علماً بأن هذا البوست إستمر منذ بداياته في شهر 12 الماضي وما زال في الصفحة الأولى ليس بفضل الكلمات العامية التي كنا نتداولها فقط (قد يكون معظم الناس عارفين معانيها) ولكن بفضل الروح الأخوية المرحة بين الجميع مشاركين كانوا أم مشاركات ...والقفشات والأسلوب والطرح الذي كنا نتناول به مشاركاتنا في جو أخوي (أشاد به الجميع) خالي إطلاقاً من أي نوع من أنواع الزعل أو العتاب ...ويمكنك الرجوع إلى مشاركاتنا في هذا البوست ...ومثل هذا البوست مفتوح في جميع المنتديات السودانية ولكنه لم يستمر بسبب إنعدام الحس الأخوي فيما بين المشاركين ... ونحن في سودانيات ليس بيننا عتاب ولا حاجة لنا لمراجعة ردودنا ... وشكراً لك ... مع ودي [/align]

[عبدالماجد محمد عبدالماجد]

الشبارقة

محامي؟ وليد موية؟ أمْ غمّوج ألْمي؟ ما بتنقدر كلّو كلّو. وأهلنا وصّونا وقالوا لينا: " الما عايشتو بطبعو ظلمتو" ومن هان ولقدام نحاول ندردش شوية ونتونس وإن كنت وبصراحة شديدة أنا داخل البوست دا بمعناه الحرفي وماخدو جد وفوق للإجتماعيات وشايف أنو إي زول لازم يحاول يدقّش فيهو لأهميتو. وأنا برضو متأسف لو زعلتك وحأضحكك كتير إن شاء الله في غرفة الشات لأني هنا في الغالب لا بسمع لا بشوف, زي|رؤساء العسكر , مشغول بتركة عون الشريف قاسم اللازم نضيف ليها هنا من داخل البوست دا .

أبو عاقلة , ياخي ضحكتني بتورياتك وقفشاتك اللذيذة.

يا باسط
العنتيبة؟ دا تشاينيز ولا شنو؟
أشرح يا خويا الله يرضى عليك.

فيصل

كيفنك يا زول. آمل أن لا نكون عكّرنا عليكم. معليش.


وبعدين بشرح الاختبار ,أرجو محاولة ما استطعتم
وشكرا ليكم