اقتباس:
المشاركة الأصلية كتبت بواسطة مهند الخطيب
سؤالين يا ود الخير :
انت قلت احتمال ديل عضوية سودانيات ، طيب مالم في السبعة سنين السابقة لترؤس شيوعي للمنتدى ماعملو الرقم ده؟؟ يعني زمن رئيس المنتدى ماشيوعي الحردانين ديل ماكسروا الرقم ده مالم ؟
السؤال التاني ، انت شرفك وين من الحتة دي؟؟ يعني شايفك قاعد وتكتب في امانتين الله وما انتصرت لشرفك يعني؟؟؟
|
ـ
كيف أحوالك يا مهند ..
للحق انت جد كدا ما شايف أنو في فرق أو مشكلة حاصلة ؟
وما قادر تتلمس أسبابها ؟
وما عندك ليها حل ؟
طيب ياخي :
* في مشكلة بسبب الانتخابات ، مشكلة كبيرة جداً لأنو جزء كبير من الناس هنا ما عجبتهم الطريقة التمت بيها
( طريقة صاح واللا غلط دي ما موضوعنا هنا لأنو ناقشوه كتير جداً )
* في مشكلة في المجلس الحالي لأنو رئيسته لنا متسلطة ، وقراراتها كلها بالزندية وقافلة باب أي مراجعة فيها
( شوف كم مرة المجلس نشر حاجة هنا والسيدة الريّس قفلت بلغة خشنة باب مناقشتها فيها)
* في مشكلة لأنه انت ما قادر تعدِّل لغتك بعد توليك مهمة الاشراف وبتقول للناس أهو كدا أنا مهند ودي لغتي والما عاجبو يقع البحر
( ما عاجبنا ياخ وما ح نقع البحر ، وح نظل محتقنين والجو ملبد كدا زي ما شايف )
* في مشكلة لأنو لنا جعفر ذات الاصابع الحديدية دي
( ممكن تكتب الف كلمة في الدقيقة وتااااني تكتب ليك الف كلمة في الدقيقة بعد أقل من دقيقة !! )
بتشب في حلق أي زول يقول أي كلمة اعتراض ، وتمطره بملايين الكلمات أم لون شين دي
( بالله الحق اتمنيت لو كان خالد الحاج خت لون الخط البتستخدمه دا في محبرة كان كملتها وريحتنا )
* في مشكلة يا مهند لأنه الناس مع اصرارها على وجود لايحة عادلة شايفة أنو من بيده تنفيذ هذه اللايحة مايل بشدة ..
وما عايز يقلب صفحته !!
فهمتني ؟!!
ـ