شيخ التشيكس

[بابكر مخير]

في قصة حدثت لي أخر أيام عملي في الشرطة السودانية في السبعينات وقبل هجرتي الأولى لدولة الإمارات.
في مساء يوم 26 يوليو 1977 كنت في كشف المرضى، فحوصة الكلى كنت في حركة وكنت في ألم شديد. أنا في تلك الحالة تم إستدعئ لسد خدمة (إستعداد!! وما كان أكثره أيام حكم مايو. ملحوظة: أقل مئات المرات من أيام الإنقاص) في القسم الشرقي حينها وكان ذلك لطفاً من قادتي في المباحث المركزية؛ حتى أكون قريبا من بيت الوالد حيث كنت أسكن عنده.
في حوالي الساعة الرابعة صباح اليوم التالي، ونحن في نتبادل الحديث مع بعض الضباط وصف الضباط (شاءت الظروف أني كنت أعلى رتبة (نقيب) في القسم وقد الحق بالقسم ضباط أخرين من إدارات مختلفة منهم وعلى وجه الخصوص، أذكر ملازم أول الشهيد قسم الله وأيضا الرائد موسى من وحدة الكلاب البوليسية (مع أنه أقدم رتبة، إلا أنه رفض تسلم القسم (يعني وقعت في رأسي، مع أنه لم ينقضي على تخرجي من كلية الشرطة سوى أسابيع).
ونحن نتجاذب أطراف الحديث والمعلومات من صف الضباط القدامى وإلا نسمع ما لم يكن في حساباتنا. مع العلم بأن سبب الإستعداد: تحرك جماعات مسلحة في أطراف العاصمة؛ كان الذي سمعناه بالنسبة لي أمر جديد، أما لصف الضباط القدامى والذين بعض منهم عمل في الجنوب والغرب كان صوت واضح المعالم.
عرف الذي يحدث أحد قدامى ضباط الصف وقال: يا جنابو دا سلاح أوتماتيك وإحنا عندنا ماركة أربعة (وهي البندقية العتيقة ولا حتى شبية بنصف أوتماتيك) أحسن نجمعها وأي زول يجينا نسلم القسم. كانت هذه كلمات شاويش السلاح وكان هو أكثر المتحدثين في ندوة ما قبل الأمور تسخن.
بالنسبة لي فأنا جديد في الشغلة وشاويش السلاح كان فرض نفسو علىَّ حلقة تجاذب الحديث وافقته حتى قبل أن يكمل حديثه وبدأنا في جمع السلاح، أذكر الشهيد قسم الله كان مجهز بعدة الشغب وعلى رأسة خوذة حديد. كنت دوما أعتقد بأنها تحمي الرأس حتى من الرصاص (لكن ثبت غير ذلك)، أما العبد لله فكنت أضع على رأسي (كاب) الشرطة والذي كنت قد حصلت عليه هدية من مصر (لزوم القيافة) وعلى كتفي دبابيري التلاتة ذي عدد بناتي (ربنا يخليهم).
لا اطيل في السرد فبعد دقايق وإمكن ما ببالغ لو قلت ثواني والمكان بس حولية ولا مولد ولا ذكر ولا زار ونار ولا جهنم ذاتها إتفتحت، لم أفق من ذلك إلا على صوت (صديقي ما طبعا بقت صداقة وأكتر من خوة للقالو ليا) شاويش السلاح يهمس في أذني: يا جنابو أقلع الدبابير (هو معقول وديل وهن بناتي التلاتة!! مع العلم أنو بناتي لسة ما كانو إتولدو، لسة ما كنت عرستا، لكن عاجباتني وفرحان بيهم قبل يجوا في الدنيا) والله في لمحة بصر أو رمشة عين!!! لا دبابير ولا أصبليطة فاضية حتى، بس التقول ديجانق (الكاوبوي) في السرعة ما كان نافسني.
(في واحدة تاني جاية).
المهم كنا محتجزين لحدي العصر وبعدها جات دبابة عرفت في ما بعد من الشجرة وكان فيها ضابط جنوبي، قصفت مبنى القسم الشرقي ورفع عنا الحجز، حاولت الإتصال بقيادة الشرطة عشان يوفرو لينا ترحيل من المنطقة دي وما كان هناك غير سبيل واحد، هو أن أتحرك وأجيب عربات نقل من رئاسة المباحث التي كنت أنتمي اليها (طبعا دا كلو حسب نصيحة من هم أقدم مني في الخدمة من أنفار وصف ضباط وضباط).
وافق الرائد موسى أن يبقى في قيادة القسم الي حين عودتي وهو كان قد أصيب في قدمه ونتج عنها أنه لجن (أحيل للتقاعد) شقاوة وطلاشة مني بس أني مشيت، ذهب مع الملازم أول قسم الله وكأنه كان على موعد مع قدره، ذهب ليسلم روحه الي بأريها، ذهب بي شبابه وحلاوته وعظم خلقه، لابد أن هناك نفر كثير يعرفه أكثر مني ولكني أحببته، كما بكيته (رحمه الله رحمة واسعة). ذهبنا في سيارة ملاكي كان يقودها وكيل من جهاز الأمن إسمه وراق وهو من أبناء توتي حسب ما عرفت لاحقا وهو الأخر إستشهد في ذلك اليوم أو تلك الليلة المظلمة.
كان الحادث أن السيارة تعطلت بنا أمام دار الهاتف وعرفت لاحقا أنه المكان الذي كان تتمركز فيهو مجموعة من شباب الأخوان المسلمين الذين تلقو تدريباتهم في ليبيا وجاءوا لإزالة نظام مايو، أسم واحد عرفت أنه كان من بين هؤلاء (غازي صلاح الدين العتباني) إذن يداه ملوثة بدماء الشهداء قسم الله ووراق الطاهرة.
من هذه العربة خرجت أنا وفي النهاية عرفت أن بالسيارة كان هناك أخرين فيها، أين ذهبوا حين الضرب الله وهم أعلم والشيخ سيد سبحة اللالوب.
ملخصه: عدت صباح اليوم التالي الي مكان الحادثة وكان شكل العربة (السيارة) أشبه بلغربال والدماء عليها تزيدها قتامة وكأبة وخوف وحزن. تفحصنا المنطقة وتلاحظ وجود رجل شايب يجلس تحت شجرة أمام وزارة الزراعة التي على بداية الشارع تقاطع الجامعة وكان هذا الرجل شبه غارق وسط كوم من سبحة لالوب، ذهبنا اليه نسأله إن كان هناك ليلة البارحة السوداء، فأجب: دا محلي الأنا فيهو قاعد ديمة وفي مغارب أمس جات العربية الشايفينها دي، سمعت صوت نار وقريت للفيها ربنا يغتيهم؛ بس الضرب كان شديد شفت إتنين مرقو وقلت خلاص ربنا إستجاب لي دعاي، لكن بعدها شفت الباب القدام إنفتح ووقع منو زول ما بيتحرك، قلت خلاص يرحم للباقيين لو فيها تانيين، سمعت ليا صوت قال ليا الفيها محجبين وبمرقوا.
هنا قلت ليهو أنا كنت فيها والوقع داك كان الوكيل وراق وإستشهد ولكن معاي كان الباقي في العربية الملازم أول قسم الله وهو برضو إستشهد في إيديني.
كان رد الشيخ الغرقان في لالوبو: إتا من وين ياوليدي؟ قلت من الغرب وبرضو أهلي رباطاب. رد بي بسمة لازالت مرسومة أو منحوتة في ذاكرتي: ناس الغرب بيعرفو الكتابة والرباطاب فيهم الصلاح.
لم أخذ قول عمنا سيد اللالوب على ضمان فحتى اليوم أخاف إبرة طبيب الأسنان وركوب الطائرة فالموت حق وإن طال الزمن.

قصة السرعة ما قلت قبيل (في واحدة تاني جاية) في تلك الليلة المشئومة وبعد أن هدء ضرب النار على العربية (الغربال) خرجت وتلفت شمال ويمين، المهم كبرت ولي جسمي صغرت وقلت هوب.
المسافة بين مكان الواقعة ووزارة الثقافة والإعلام حوالي متين متر وسور وزارة الثقافة والإعلام علوه حوالي إتنين متر، بدون مبالغة من قولت هوب ودي أخر حاجة متذكرها (يعني غمضة عين وفتيحتها) وأنا كنت داخل المبنى وبندقية حرس الوزارة في عنقي. (تقول ألعاب أولمبية وبطولة العالم للجري والقفز العالي، كان تشوفني لو قدرتو من السرعة المبالغة، ما النفس غالية لكن برضها ماشية).

القصة دي الطويلة وسببها موضوع شيخ التشيكسي وقولو ليا كيف؟؟؟؟؟؟؟؟

عرفت من الحنينة حنو؛ بأنه تم إتهامي من شخص أني خرجت عن دستور سودانيات (دستور ياسيادي والسماح إن كان إتطاولنا) وحبيت أعرفْ أنوُ إحنا برضو ناس غرب وبيعرفو الكتابة ورباطاب وفينا الصلاح. لكن المهم أنو كتابتي دي عن (عشان الناس ما تزعل) شيخ الأمين لست القصد منها إلا عكس لشئ حادث في السودان، كما أني لم أخفي إعجابي بالتجربة وأني أبديت ملاحظاتي عن السلبيات، ما أصلو أهلنا علمونا قولت الحق ولي سودانيات التي هي في حدقات عيوني الإتنين أنا إستأذنتها وقلت في آخر البورد {إذا ما كان في سودانيات سعة صدر}
ومجددا قولو ليا كلامي دا فيهو خروج من النص ولا ياهو الكلام العادي البتقال؟؟؟؟؟؟؟؟

كلمة بس أقولا:
الدين دين الله وكل الناس عند ربه سواسية (الحمد ليك يا الماك سر زول) وان الذي عند الناس هو من عطاء الله؛ إن كان علماً علموا وأفادوا به عباده دون أجر أو جزاء، فأجرهم عند الله يوم الجزاء العظيم وإن كان مال وجادو به على عباده دون منةٍ ولا زل، فخزائن الله تفتح لهم يوم الجود العظيم وإن كانت السنتهم ذكرت خيرا فخيرهم مرتجى يوم لا خير إلا خيره وإن ذكرت شراً أو مكرو فهو مردود عليهم يوم الحق حقه وهو خير الماكريين.
أوعدنا يارب وأعطنا يا الله من جزيل إحسانك سوابك وأعفو عنا يا حنان.
(إنك أنت الحليم التواب الحنان يا حنان يا منان، يا حنان يا منان، يا حنان يا منان يا متعطف يا رءوف يارحيم) من راتب الإمام المهدي عليه السلام

[بابكر مخير]

مصر المؤمنة، مدحة لا توصف بالكلمات العادية فهي في ذاتها غير عادية، كتب كلماتها شيخ غير عادي في كتاباته فهو غير مسبوق عليها في طريقة صياغتها، الكلمات فيها بالعامية، مستساغة في الفهم، سهلة في التقبل، سلسة في الأداء.
الشيخ عبد الرحيم البرعي أحبه الناس وإعتقدو فيه، يزوره خلق في زريبته في حياته الطويلة عطاء والقصيرة في فترة الإمتاع الذي أعطانا ولم نشبع منه ولا أظن أننا كنا لنشبع . كان للرجل أن يعيش أطول ليثري مكتبة المديح بالمزيد من إبداعاته.
هذا شيخ من شيوخ أخريين صوفيتهم هادئة بلاضوضاء ولا صخب، عاشوأ بالكفاف، أوقدوا نار زريبتهم من العدم فجاد الله عليهم بالمحسنين من عباده لتستمر هذه النار ترشد الضال في الطريق والضال عن الدنيا.
الشيخ عوج الدرب (عوجلو الدرب) إسمه يُعرف هويته فكان صاحب موقع إختاره في خلاء واسع وأشعل ناره، فأضاءت سماء المعرفة وأوقد ناره ليدل الضاليين في طريق السفر فكانت محطة كم من مسافر ريح فيها وإستراح في في راحة الكرم والعطاء.
شيوخ كوتار كان ترحالهم بالدواب يقصدون أهل المعرفة الأكثر منهم ليتلقوا عليهم دروس العلم والفقه. شيوخ كثر إستقروا في أماكن جديدة عليهم، زادهم كان العلم وجاههم كانت المعرفة، فحلوا أهلا في ترحالهم وأقاموا سهلا في أرض الله الواسعة. أفادوا الناس ولم يستفيدوا إلا رضاء الله عليهم وحب الناس لهم.
عشنا في هذه الدنيا وعرفنا عن شيوخ خلدهم التأريخ وأكرمهم الله وعظمهم الناس، لا لشئ إلا لتواضعهم وزهدهم الصادق عن متع الدنيا، طامعيين في غفران المولى عز وجل ومحبة نبيه الكريم.
عشنا أيضا لنرى شيوخا غير ما كنا نعرف، إستهوتهم الحياة فاصبحوا من روادها وأغراهم المال فأصبحوا من جماعه وفتنهم الجمال فأصبحوا من المتلذذين به.
عمرو خالد صاحب البرنامج التلفزيوني، كم من المال يدفع له في الحلقة؟؟؟؟؟؟، الله والقائميين على أمر هذه القنوات أعلم (طبعا الصراف برضو بيكون عارف)
عن شيوخ الحاضر هاهو عيان بيان قدامنا شايفين وعن شيوخ المستقبل وطبعا ما حنكون حاضرين، بخت أولادنا وبناتنا حيشوفو الما شافتو العين ولا سمعت بيهو أضان ولا القالو لسان ولا خطر على ذهن بشر.
هذه سنة الحياة على ما يبدو وحسب تجاربنا المحدودة في السودان.
إستعمار وإستقلال وعسكرتارية شوية سهلة ثم ديمقراطية وبعدها عسكرتارية صعبة وبعدها ديمقراطية لمن جات العسكروجبهاوية السيئة وأصعب من صعبة.
والدايرة مدورة ولا ساقية جحا، من البحر للبحر لافة مدورة. الله يديك العافية حمد الريح ما طريت لينا خير (ساقيتنا لسة مدورة) يعني شيوخ صوفية زاهدين عايشين على التمرة الناشفة وسبحتهم لالوبة ممصوصة، لابسين الشقيانا وكرعينهم مشققة من الحوامة الدايمة بين القرى والمحل، لابسين الجبة من الدمورية نمرة عشرة، رسينهم ملفوفة فيها عمة الحر من لهيب الشمس وحتى حين يركبون فركوبهم حمار بلا سرج كوباني او حتى من خشب غابة السنط (مدينة السنط وغابة الخرطوم وصفقة الملايين).

شيوخ شاخو في دربهم وماتو للخلق شايلين الهم وشيوخً شابو في عز بعيداً من الوهم
من الصوفية!! ناس الحايم وناس الما نايم وناس القايم، ناس العايم وناس النوبة واللالوبة
ناس ما نامو الليل وفي التبروقة ديمة مقيل، الناس راضية بالمافي او حتى قليل
ديل ناسي، شيوخي وتاج راسي.

الشيوخ والشيوخ
شيوخً رايقة، عرباتً سايقة، وجاهةً لايقة وجاهاً لاقية
وبي حيرانا وبي جيرانا وبي حبانا يديمة المولى ليها زمانا

حبي للشيخ الشاب الأمين وهنيئا له بما كسب من حب الناس والله يسامح الجاهلين له والمتظلمين منه وربنا يزيدو من حق الدنيا ويوعدو بجزاء حسن في القدام.
إن كنت كتبت ما يمسه بغير المودة فله العتبى وإن كنت ذكرت ما يتجاوز الذوق فله العذر وإن كنت كتبت عنه سطر واحد غير الذي رأيته ولم أسمعه عن وعن وعننا فله الحق أن يكذب ما كتبت.
ولي هنا نسكت عن شيخنا الشاب (شيخ التشيكسي، المحايتو بيبسي) لأن البعض غير راضي وعليه بستعير قولة مولانا عبد الباقي "وسكتت شهرزاد"

[Garcia]

سلامات يا بابكر

صاجات نحاسية بحجمين. واحد من الأحجام مكون من صاجتين يمسكهما العازف (فلنسمه العازف، لأنه حقا يعزف بمهارة وقدرة تشابه قدرة محمدية في عزف الكمان) كل صاجة على يد، والعازف تراه في حجم إنسان عادي ولكنه حين يضرب بالصاجتين معاً؛ رنينهما يكاد يفوق صوت إطلاق صاروخ موجه الي السماء ليصحبك معه في رحلة تطوف حولها الكون في ثواني وكانك على البراق وعادة يكون عدد العازفيين واحد أو إثنان على أكبر تقدير.

هذه الآلة التى تقصدها تسمى (الكاس) , يستخدم الكاس مصاحبا لإيقاع
النوبة والطار والطبل في حلقات الذكر عند بعض اهل الطرق الصوفية
بالسودان , ويمكن القول ان العزف على الكاس مهمة ليست سهلة تتطلب
تمارين وحس مرهف , لذا ملاحظتك الأخيرة دقيقة جدا فعدد الذين يعزفون
عليه بيكونوا بسيطين , بمعنى آخر ليس كل الذين يعزفون النوبة او الطبل
يستطيعوا العزف على الكاس ..
إنت اسى وين سافرتا ولا جيت ؟؟ ..شكلك شيخ الأمين دة ربطك خلاك تنزل
السودان كتير كدة
كل التحايا ليك وحتى نلتقى ...

[بابكر مخير]

الحبيب جارسيا
شكرا على المعلومة، لكن ما بيني وبينك شيتن فيهو ذكر ومديح وحاجات ذي دي من الصعب قولت كاس.
والله ما كنت ناقش الأسم دا لكن الحكمة منو شنو؟؟

يازول والله مسافر لكن قريب هنا ما بعيد لحدي السودان، بس كدا قول الامارات يعني، وكان الأمل نتقابل على قول أسعد البرير، لكن ماظبطت.

تكون لاحظت حصل تكرار في البورد وبقيت الأحباء الشرفونا فيهو برضو يكونو لاحظو التكرار، لكن تمت إزالتو فبقول:
متأسف على التكرار
بس يظهر البركات نزلت وخلتنا نلخبت
دستور يا أسياد

إضافة بسيطة وبس هاك من الشمار دا:
شوهد شيخ صوفي في ديزني لاند (باريس) بالشورت
بالشورت وعلى ذمة الراوي يا أسياد

[Garcia]

المشاركة الأصلية كتبت بواسطة Babiker Mukhayer

الحبيب جارسيا
شكرا على المعلومة، لكن ما بيني وبينك شيتن فيهو ذكر ومديح وحاجات ذي دي من الصعب قولت كاس.
والله ما كنت ناقش الأسم دا لكن الحكمة منو شنو؟؟

يازول والله مسافر لكن قريب هنا ما بعيد لحدي السودان، بس كدا قول الامارات يعني، وكان الأمل نتقابل على قول أسعد البرير، لكن ماظبطت.

تكون لاحظت حصل تكرار في البورد وبقيت الأحباء الشرفونا فيهو برضو يكونو لاحظو التكرار، لكن تمت إزالتو فبقول:
متأسف على التكرار
بس يظهر البركات نزلت وخلتنا نلخبت
دستور يا أسياد

إضافة بسيطة وبس هاك من الشمار دا:
شوهد شيخ صوفي في ديزني لاند (باريس) بالشورت
بالشورت وعلى ذمة الراوي يا أسياد

سلامات بابكر
بمناسبة سر تسمية الكاس دى كنت داير إتوسع فى الحديث بس خفتا
من المصنفات الفنية ...
وقلت لى الشورت كيف والمشية كيف
ديل شيوخ زمن العولمة يا بابكر بقضوا إجازاتهم فى باريس
وبيروت وجزر الكنارى ..

تمشى وتجى بالسلامة إن شاء الله

[فيصل سعد]

المشاركة الأصلية كتبت بواسطة Babiker Mukhayer

حبي للشيخ الشاب الأمين وهنيئا له بما كسب من حب الناس والله يسامح الجاهلين له والمتظلمين منه وربنا يزيدو من حق الدنيا ويوعدو بجزاء حسن في القدام. إن كنت كتبت ما يمسه بغير المودة فله العتبى وإن كنت ذكرت ما يتجاوز الذوق فله العذر وإن كنت كتبت عنه سطر واحد غير الذي رأيته ولم أسمعه عن وعن وعننا فله الحق أن يكذب ما كتبت. ولي هنا نسكت عن شيخنا الشاب (شيخ التشيكسي، المحايتو بيبسي) لأن البعض غير راضي وعليه بستعير قولة مولانا عبد الباقي "وسكتت شهرزاد"

شيخ بابكر كل عام و انت بخير و العيد مبارك عليك.
الله يديك العافية و يزيدك من نعيمه دنيا و آخرة زي ما ادي شيخك دا و اكثر.
و واصل و اتحفنا بالمستجدات لانه الموضوع دا رجع سخن تاني . يديك العافية.

[مكي محمد الحسن]

الاخ الدكتور بابكر مخير
بدون تعليق ..ممكن اشارك بهذا الفيديو؟

[flash=http://www.youtube.com/v/29S3i0ctZmE&rel=1]WIDTH=400 HEIGHT=350[/flash]

[فتحي مسعد حنفي]

كتب مكي محمد الحسن:
الاخ الدكتور بابكر مخير
بدون تعليق ..ممكن اشارك بهذا الفيديو؟

تعرف يامكي طلبك المؤدب دا بالمشاركة ذكرني حكاية من أيام الشقاوة وقبل الهداية.
كنا في احدي العصريات جالسين علي شاطئ النيل في بحري في منطقة فيها زراعات بسيطة للخضروات وكنا راميين رماياتنا مشركين للسمك وجماعة مننا مولعين بوابيرهم(لفائف ملفوفة عشان أكون مهذب)
والجميع كانوا آخر سلطنة وأياميها ديك البوابير كانت خطيرة ممكن بعد بابور تشوف أسد طالع ليك من الدولاب الله يجيرك
وفجأة ظهر لينا زول جايي يكورك الظاهر كان الزول البيزرع المكان داك: دا شنو البتسوا فيهو دا ياصعاليك بتشربو الهناي دا هنا ؟والله الا أجيب ليكم الحيكومة تشوف البتسوا فيهو دا.
قعدنا نحنس في الراجل يسامحنا لان الحكاية فيها ستة شهور سجن الزمن داك والراجل راكب راسو لغاية ما في الآخر رخي شوية وقال لينا طيب بس هسي دي تمشو من هنا وتاني ما أشوف زول فيكم هنا.قلنا ليه موافقين واتوكلنا علي الله وقلنا يللا ياجماعة طلعوا الرمايات وأرحكم .وفعلا بدينا نمشي وكان معانا واحد أخونا مصقوع صقعة شديدة رجع للراجل وأشر علي البحر وقال ليه طيب ياعم عن اذنك ممكن أشرب

[مكي محمد الحسن]

المشاركة الأصلية كتبت بواسطة فتحي مسعد حنفي

كتب مكي محمد الحسن:
الاخ الدكتور بابكر مخير
بدون تعليق ..ممكن اشارك بهذا الفيديو؟

تعرف يامكي طلبك المؤدب دا بالمشاركة ذكرني حكاية من أيام الشقاوة وقبل الهداية.
كنا في احدي العصريات جالسين علي شاطئ النيل في بحري في منطقة فيها زراعات بسيطة للخضروات وكنا راميين رماياتنا مشركين للسمك وجماعة مننا مولعين بوابيرهم(لفائف ملفوفة عشان أكون مهذب)
والجميع كانوا آخر سلطنة وأياميها ديك البوابير كانت خطيرة ممكن بعد بابور تشوف أسد طالع ليك من الدولاب الله يجيرك
وفجأة ظهر لينا زول جايي يكورك الظاهر كان الزول البيزرع المكان داك: دا شنو البتسوا فيهو دا ياصعاليك بتشربو الهناي دا هنا ؟والله الا أجيب ليكم الحيكومة تشوف البتسوا فيهو دا.
قعدنا نحنس في الراجل يسامحنا لان الحكاية فيها ستة شهور سجن الزمن داك والراجل راكب راسو لغاية ما في الآخر رخي شوية وقال لينا طيب بس هسي دي تمشو من هنا وتاني ما أشوف زول فيكم هنا.قلنا ليه موافقين واتوكلنا علي الله وقلنا يللا ياجماعة طلعوا الرمايات وأرحكم .وفعلا بدينا نمشي وكان معانا واحد أخونا مصقوع صقعة شديدة رجع للراجل وأشر علي البحر وقال ليه طيب ياعم عن اذنك ممكن أشرب

الاستاذ فتحي مسعد حنفي
لا تعليق ...
قطعت مصاريني بالضحك...حلووووووووووووووووووووووووووه

أما مشاركتي في التعليق عن شيخ الامين ففي السكة ...لك ودي ولقراء هذا البوست

[بابكر مخير]

الأحباء
مكي وفتحي

هاكم دا!!!.؟؟؟!!
ما بين شيوخ وشيوخ نلقى شيوخ
فيهم ناس حضرة وفيهم ناس الخضرة

الصوفيون الفرس وبالاخص مؤسسهم الشيخ حيدر في 550هجرية كان يتعاطاها بإسراف
حتى أن شاعرهم ذكر إسمه كمرجع

دع الخمر وأشرب من مدامة حيدر فعنبرة خضراء مثل الزبدج
فيها لمعان ليس في الخمر مثلها فلا تستمع فيها مقال مفند
هي البكر لم تنكح بماء سحابة ولا عصرت يوما برجل ولا يد
(يا ناس الويسكي ما مكسورة لا موية لا صودا ويا ناس النبيذ، لا عفيص كرعين ولا يحزنون)

الطريقة الإسماعيلية في القرنين الحادي عشر والثاني عشر ..
أحد أمرائهم حسن بن صباح وتسمية الحشيش من إسم (حسن)
إلا أن قصة الحشيش ودولة الحشاشين لها قصة أخرى
ومن إسم الحشاشين جاءت كلمة assassination او الإغتيال.

يبقى الأستاذ فتحي مسعد حنفي ما مشى بعيد في الحكاية
هدية متواضعة
[img][/img]

[فتحي مسعد حنفي]

الاستاذ فتحي مسعد حنفي
لا تعليق ...
قطعت مصاريني بالضحك...حلووووووووووووووووووووووووووه

أما مشاركتي في التعليق عن شيخ الامين ففي السكة ...لك ودي ولقراء هذا البوست
==========
ما دام انت زول بتحب الضحك أسمع دي من نفس الأخ بتاع موية البحر.
مرة كنا قاعدين في بيت أخونا طه في العباسية وصاحبنا داك اتكندك من قولة تيت قلنا ليهو قوم أمشي بيتم عشان ترتاح فالراجلسمع الكلام ومشي دور عربيتو وكان عندو عربية موريس ماينر صغيرونة كان لما يدورا ويمسك الدركسون بتجيهو نوبة صحيان وبرجع بيتهم بدون مشاكل.
اليوم داك طلعنا دورنا ليهو عربيتو ومسكناه الدركسون وقلنا ليهو اتوكل علي الله وأخونا اتحرك قدامنا في أمان الله. وهو ماشي في السكة لقي ليهو خطرات عربية قدامو قال يوزن وراهو عشان ما يخش ليهو في شجرة ولا عامود واستمر ماشي ورا الخطرات لغاية ما فجأة لقي نفسو خابت العربية القدامو بي ورا ففكر بي سرعة يطلع سيد العربية التانية غلطان قبال ما داك يقول ليهو حاجة فنزل هايج يكورك: انت يازول مجنون في زول يقيف كدا من غير ما يدي اشارة ولا يهدي ولا يعمل أي حاجةالراجل وقف يعاين ليهو وقال ليهو ياخي اشارة شنو انت دايرني أدي اشارة جوة قراش بيتي
بالمناسبة الحكايات دي ما نكت وحصلت حقيقة والزول دي لسة حي وراجل معروف وأخوهو وزير سابق من أشهر وزراء حكومة الأزهري.

[بابكر مخير]

المشاركة الأصلية كتبت بواسطة فتحي مسعد حنفي

بالمناسبة الحكايات دي ما نكت وحصلت حقيقة والزول دي لسة حي وراجل معروف وأخوهو وزير سابق من أشهر وزراء حكومة الأزهري.[/size][/color]

قلت قبل كدا، فترة الجاهلية دي الناس ما تتعرض ليها
حسي لقيت خيطك ونكشت المغبور؟؟؟
طيب يا الهندي (بالمناسبة الدخانة الهندية من أفقرها مزاجا، السودانية خطرة، لكن الشكولاتا اللبنانية ما ليها مثيل في الكون)
إحنا بعد كدا بيحق لينا نفتح ملفات وبالشارع الدغري،،،، لا حواجز ولا مطبات
في الكشافة بيقولو: كن مستعدا

[فتحي مسعد حنفي]

المشاركة الأصلية كتبت بواسطة Babiker Mukhayer

قلت قبل كدا، فترة الجاهلية دي الناس ما تتعرض ليها
حسي لقيت خيطك ونكشت المغبور؟؟؟
طيب يا الهندي (بالمناسبة الدخانة الهندية من أفقرها مزاجا، السودانية خطرة، لكن الشكولاتا اللبنانية ما ليها مثيل في الكون)
إحنا بعد كدا بيحق لينا نفتح ملفات وبالشارع الدغري،،،، لا حواجز ولا مطبات
في الكشافة بيقولو: كن مستعدا

يالحبيب أهلنا الهنود عندهم حاجة قريبة من حقتنا بيسموها قنجا زي البيلبسوها حبوباتنا في الحداد وطبعا أنا قاصد النطق ودي بتخليك تشوف بدل الأسد نمر مخطط. وما تخاف الناس عارفة احنا تايبين وقالوا عفي الله عن ما سلف والما عاجبو يمشي يستأذن ويشرب مع صاحبنا من البحر. أما الشكلاتة اللبنانية بتجيب صداع ولا أنصح بها المغربية أحسن والبلاك شيت الأفغاني أخطر.

[بابكر مخير]

المشاركة الأصلية كتبت بواسطة فتحي مسعد حنفي

يالحبيب أهلنا الهنود عندهم حاجة قريبة من حقتنا بيسموها قنجا زي البيلبسوها حبوباتنا في الحداد وطبعا أنا قاصد النطق ودي بتخليك تشوف بدل الأسد نمر مخطط. وما تخاف الناس عارفة احنا تايبين وقالوا عفي الله عن ما سلف والما عاجبو يمشي يستأذن ويشرب مع صاحبنا من البحر. أما الشكلاتة اللبنانية بتجيب صداع ولا أنصح بها المغربية أحسن والبلاك شيت الأفغاني أخطر.

أيامي في السودان مرة وأنا راجع من المعمل الجنائي ولابس رسمي وسايق عربية الشرطة وفي طريقي للبيت بعد نهاية اليوم. كان الكبري زحمة جد والعربية خطوة إتنين مستحبل.
قلت ألف ليا سجارة (أنا بدخن التبغ البيلفوهو، ذي القامشا) وإبتديت،،، حسيت كأنو زول بيتنفس ليا في عنقرتي.
إتلفتا ويا زول بص أبو رجيلة مليان ركاب وكمساري وسواق (يعني ذي متين نفر كدا) كلهم وبعاينو ليا.
قلتا حسي يقولو: شوف ناس البوليس يمنعونا وهم بيضربوها.
يا زول جرسة وأحاول أشرح ليهم بالإشارة لكن جو عيونهم كدا، ما مصدقيين.

القنجة هي نفسها البنقو والماريهوانا، بس بتاعتنا وسخانة، دي إمكن فاتت طه سليمان وما ذي ما قال:
شوف لعيبتنا، شينا كورتنا
كان برضو قال: عفنة دخانتنا

[فتحي مسعد حنفي]

المشاركة الأصلية كتبت بواسطة Babiker Mukhayer

أيامي في السودان مرة وأنا راجع من المعمل الجنائي ولابس رسمي وسايق عربية الشرطة وفي طريقي للبيت بعد نهاية اليوم. كان الكبري زحمة جد والعربية خطوة إتنين مستحبل.
قلت ألف ليا سجارة (أنا بدخن التبغ البيلفوهو، ذي القامشا) وإبتديت،،، حسيت كأنو زول بيتنفس ليا في عنقرتي.
إتلفتا ويا زول بص أبو رجيلة مليان ركاب وكمساري وسواق (يعني ذي متين نفر كدا) كلهم وبعاينو ليا.
قلتا حسي يقولو: شوف ناس البوليس يمنعونا وهم بيضربوها.
يا زول جرسة وأحاول أشرح ليهم بالإشارة لكن جو عيونهم كدا، ما مصدقيين.

القنجة هي نفسها البنقو والماريهوانا، بس بتاعتنا وسخانة، دي إمكن فاتت طه سليمان وما ذي ما قال:
شوف لعيبتنا، شينا كورتنا
كان برضو قال: عفنة دخانتنا

أها يابابكر بعد دا كلو عايز تعمل لي فيها برئ وعايزني أقول ليك طيب القنجا عرفتها من وين عشان تقول لي من عملي في المختبر الجنائي في أبو ظبي.خلاص أنا حأحسب ليك الاجابة دي من غير ما أسأل ومن غير ما تجاوب لكن انت ذاتك العلمك لف الدروم شنو؟وانت ما كنت بتشرب سجاير في الزمن الأغبر داك وكانت قزازة البيرة بتجيبك واطةانت قايل روحك الله يرحمو.....وللا بلاش اذكروا محاسن موتاكم والراجل كان ناظر مدرسة والله هداه في سن ال 44 وابتدا يسكر وحلف ما يبطلو لامن يموت والحمدلله تاب واتصوف قبل ما يموت وصام تلاتة ايام عشان كسر حليفتوشفتا الرجالة دي كيف الله يطرا مأمون يوسف بالخير اظنك فهمتي والا تخريجك من كلية الصيدلة يبقي مشكوك فيهو كان ما فهمتا.وانتو يا القايلني غلطت وقلت اسمو. مامون يوسف دا راجل زميلنا ما ليهو علاقة بالموضوع دا