من السودان وما بين سودانيات سودانيين

[elmhasi]

هل نحن موعودون بهرجلة تقضي علي السودان !!!

حالة السودان الآن هو الهدوء الذي يسبق العاصفة !!! فحالة الترقب والإنتظار في كل ركن من اركان السودان ..
وهناك مقولة جديدة مفادها : ’’أملنا في صلاح قوش‘‘ . يحاول صلاح قوش أن يسبغ علي عهدهـ الجديد بعض من الآمال ولو كانت عن طريق الإشاعات ، وإعطاء عصرهـ الجديد نوعا من حل الازمة ، بما إنه احد اركان واسباب الازمة التي تمر بالبلاد ، إلا إن ما يقوم بطرحه ويتحدث عنه ، نافيا نفسيا من مسببات الازمة الوطنية وازمة الدولة وازمة الثقة بين افراد المجتمع والشعب والحيكومة ..
لا يستطيع حتي قارئ الفنجان من ان يقرأ ما سيتمخض عنه الايام من جديد في دنيا حياة الشعب السوداني ، ولكن في المقابل لا يستطيع أكثر المتفائلين أن يقول : إن صلاحا يمكن ان يتم في ظل هذه الحيكومة الفقرية ، لأن هذه الحيكومة هي السبب الاول للازمة ، ومن ثم تأتي مؤسساتها الحزبية واكوامها من الدستوريين وأصحاب المرتبة العالية واصحاب الحظوة ...
إن ما تم في خلال الـ 3 عقود من فساد وإفساد وتفكيك لا يمكن بحال من الاحوال إبادته أو علاجه في فترة سنة أو سنتين .. خاصة وإن ظاهرة التغول علي المال العام ما زال يطفو علي السطح وكل يوم تظهر رأسمالية طفيلية جديدة من داخل الحزب الحاكم أو من سدنته أو بطانته ...

نحتاج لوقفة مع النفس ،،، حتي نبدأ خطوة أولية في درب التغيير .
ولكن الا ينطبق علينا قول الشاعر :
إذا كان رب البيت بالدف ضارب فشيمة اهل البيت كل الرقص ؟؟
فكيف نرجو تغييرا والرئيس يقول :
نحنا جهجنا المغتربين !!!
كأنما المغتربين طابور خامس أو هو العدو الذي في خط المواجهة الاول ؟؟؟
لماذا لم تخرج الجماهير لترد مثل هذا السفه وهذه الهرطقة !!! التي لا تشبه راعي الغنم ، ؟؟؟ ناهيك من راعي البشر ونري انه قد بلغت به الغطرسة حتي له أن يقول ’’انا ربكم الاعلي‘‘ ..
وإنا لله وإنا إليه راجعون‘‘ ... ’’ ولاحول ولا قوة إلا بالله‘‘ ...

نسأل الله السلامة وسترة الحال والكرامة ..
أو كما قال : عم عبدالرحيم ...
وصلي الله وسلم علي محمد نبي الرحمة .

[elmhasi]

المشاركة الأصلية كتبت بواسطة elmhasi

الرئيس يقول :
نحنا جهجنا المغتربين !!!

ما بين 26 فبراير 2018م وعشرين مارس 2019م
جرت مياهـ كثيرة فوق رماد الإسلامويين ، فتعاركت الأقلام الصدئة ’’مثال حسين خوجلي والهندي عزالدين والطيب مصطفي والطاهر حسن التوم‘‘ مع الشعب الأبي ... ورجعت وتعاركت مع أعداء خيالها ’’البعثيين والشيوعيين‘‘ يا أخي ’’تخ‘‘ ..
بالله الإسلامويين ديل بعد العمر السياسي الطويل ده لسع ماسكين في مساكة الفتوح البيش ده !!!! يا شنو قال : ’’ما بيحكمونا البعثيين ولا الشيوعيين‘‘ لا وكمان شنو : ’’ما بنديها ليهم كده بالساهل‘‘ ... هو شنو وهي شنو ؟؟؟ البتدي وما بتدي !!! هو بلد بي حالو إنت يا دبدوب فاكرو عزبة كافوري الكان ابو سيدكم شغال فيها رئيس الحلابيين !!!
وإلا هو أحد المرابحات البنكية الأخدتها إنت من .................

يا كرور ويا طرور احسن إلزموا حالكم
واليوم داك يوم يجئ بنبتشتن حالكم
وواسوهـ الكلام قبال نواسي رقابكم
ما عندنا فيكم رأي غير نودر دابكم

يا دبدوب أقيف علي طولك 120 ثانية وإتكلم أو كمان زي ما بيقولوا اولاد بمبة ’’أقيف عوج وإتكلم عدل‘‘ تصدق يا دبدوب انا ما غاظني كلامك الاول وبالعكس انا متوقع كلامك دهـ من اول الثورة ، لكن حالة رمي الزلابية بتاعك كانت شينة عديل ، وزي ماك عارف في كلام اهلنا الكبار ’’الشينة منكورة‘‘ والشينة منكورة وما بندورا .....
علي قول نشأت الإمام

الشينة ما بندورا إلا تراها جاتنا براها
وإن قفلت معانا .. محل تمش نبراها
بتعرفنا العبوس وكتين نخوض في ضراها
والدايره بتدور على القبيل فراها

رابط

[flash=https://youtu.be/LbLgIQkaEUw]WIDTH=300 HEIGHT=300[/flash]

في حالة تعطل الفيديو
https://www.youtube.com/watch?v=LbLgIQkaEUw
التشغيل من الرابط

[elmhasi]

بسم الله الرحمن الرحيم
الثـــــــــــــــــــــورة الظافرة (3) ..

بقلم : ابوبكر خيري
التفاصيل
نشر بتاريخ : 23 آذار/ مارس 2019م
الزيارات : 87


اليوم السبت 23 مارس 2019م ثورتنا الظافرة تمت 101 يوم ، ثلاثة اشهر وأحدي عشر . وهذا جهد الشباب العارف بحقوقه ، وخرج ضد دكتاتور شرد اكثر من نصف شعبه ، وقام بقتل ومذابح جماعية وفردية في القبل الأربعة من الجنوب الي الغرب الي الشمال الي الشرق . فأصبحت كل الجهات الاربعة مفجوعة ومكلومة في أبناءها .
ثورتنا آخذة في السير نحو الهدف دون أن تقف في منحيات ومتاريس الثورة المضادة . هذا ما يجعلنا نستبشر بالثورة الظافرة ، ولكن لابد من التذكير والنصح وكشف مخططات الثورة المضادة . وعمايل المفسدين الذين يرومون وأد ثورتنا الظافرة .
ثورتنا الآن وصلت لمرحلة متقدمة ، وهذا لا يعني أن الطريق سيكون سالكا لبلوغ الهدف المنشود ’’سقوط النظام‘‘ فهذا النظام أصبح أخطبوطا وضع يدهـ علي كل مفاصل الدولة في خلال الثلاثة عقود ، فأصبح له أذرعا وأرجل في مختلف الإتجاهات ، وكل مجموعة لها مصلحة في بقاء هذا النظام الفاسد ، وكل صاحب مصلحة سيعمل جاهدا من زاوية وقوفه . وهذا ما حدث في حادثة بورتسودان وضابط صف مدرعات الشجرة ، أي إن القوة النظامية لا تتحرك ضد تصرف الكجر ’’قوات المرتزقة‘‘ إلا عندما تدوس هذه القوات المتفلتة علي طرفها . فحادثة بورتسودان ، كان رد فعل لما بدر من عساكر الأمن بضرب ضابط من البحرية ، بعد أن افصح عن هويته ، فكان رد الفعل ذاتيا أو ثورة لكرامة ضابط زميل ، ولا يهم كرامة هذا الشعب الذي أنتج هؤلاء الضابط . وحال هؤلاء المرتزقة ينطبق عليهم وصف شاعرنا : ’’حيطة تتمطي وتفلع في قفا الزول البناها‘‘ الذين إنقلبوا علي أهلهم خائبين .
الثورة المضادة بدأت تحرك في أرقوزاتها حسب ما تقتضيه اللحظة ، كان في البدء الإعتماد علي إعلامهم الحكومي ، وعملا برؤية فرعون ’’إن هؤلاء لشرزمة قليلون‘‘ صور الإعلام الداخلي بأن هذا الحراك ليست بثورة وبلا معني وبلا هدف واضح لها وإنما هم اطفال .
وكان قول الشيخ السفيه ’’إن هؤلاء الشباب يرغبون في الزواج‘‘ في إشارة خفية لما ينقصه من حاجة ، وكان قول القاتل صلاح قوش ’’إننا حرمنا الشباب من أماكن الترفيه ، لذلك هم ينفثون هم مكنونات نفوسهم ، سوف نفتح لكم شارع النيل تعالوا ، والشيشة مصرح به‘‘ أنظر لمثل هؤلاء .
والأنكئ من ذلك رئيس العصابة دون حياء أو حياة يقول ’’قانون النظام قانون جائر ، ولا يمثل الدين ولا الإسلام‘‘ هل لهؤلاء من عقيدة !!!.
وعندما ردت عليهم قنوات التواصل الإجتماعي ، وإزدادت وتيرة الحراك الجماهيري ، بدءوا بالسؤال الغبي ’’من هم تجمع المهنيين؟‘‘ فكان الرد كلنا تجمع المهنيين ...
بدأت الثورة المضادة للبحث عن ما يشغل الثوار بمواضيع جانبية ، وهذا ما يسمي في ميدان الحراك الثوري ، تشتيت الجهد وشغل الحراك بموضوع يسحب فكر الثوار عن الهدف الأساسي ، فحاولت أن تستثمر بفرقعة حسين خوجلي فرفض الثوار الوقوف في محطة فرقعة حسين خوجلي ، فتحرك الذباب الإلكترني ونشر صورة لعلي مهدي وهو يقبل يد رئيس العصابة ’’كبير الحرامية‘‘ فكان ظاهرا من مشهد الصورة إن هذه الصورة قديمة وما أخرجت في هذه الساعة وهذا التوقيت إلا لتشتيت قدرة الثورة الي عكس الإتجاهـ الصحيح ، حتي صورة رئيس العصابة وهو يزور حسين الدبدوب ، لم يجعل الثوار يقف عند هذا المشهد ’’اللانساني‘‘ كثيرا . ولما يتساءل ماذا يعني أن تقتل 57 روحا في تظاهرات خرجت سلمية تطالب بحقها الطبيعي حسب ما وضع من دستور ’’دستور 1998م او دستور 2005م‘‘ ، ولكن في ظل نظام دكتاتوري ’’شمولي‘‘ لا نتوقع أي إلتزام بدستور أو عدالة إلا بما يوافق أهوائهم .
علينا الإنتباهـ إلي سبل الإشاعات والأخبار الكاذبة وكل الطرق الملتوية التي تتخذها الثورة المضادة ’’الذباب الإلكتروني أو مريدوهـ‘‘ ، فهذه الجهات تقوم بكل ما أوتيت من قوة علي التشكيك في قوة الثورة أو وضع متاريس لتحول إتجاهـ الثورة ، بخلق مشاكل في إتجاهات اخري ، مثل ما حركه الرئيس المصري تجاهـ حلايب ’’حصان طروادة‘‘ لخلق عدو خارجي ، حتي يتهموا الثوار بالطابور الخامس ، وأن الدولة الآن في مواجهة عدو خارجي ، ولابد من الشعب أن يلتفت الي الرئيس الملهم ’’شوف قصة الرئيس الملهم‘‘ وهو الذي ترك حلايب والفشقة وغيرهـ كل هذهـ السنين .
علي الثوار أن يعلموا أن عدوهم الاول هو هذا الرئيس الراقص ، وغيرهـ لا يهمنا امرهـ حتي إن جاءت مصر الي امدرمان والحبشة الي الخرطوم والسعودية الي الخرطوم بحري ....
إنتباهـ الي جميع الثوار في الميادين وفي الأسافير ، أقفلوا المسافات وسدوا المنافذ لا يدخلن عليكم ذباب إلكتروني أو جرثومة المؤتمر الوطني ، فيقتلكم .
ثورتنا الآن في حرب مشكوفة الأدوات ، شباب يخرجون الي الشوارع كل ما يحملوهـ صدور مكشوفة وإيمان بقضية مختصرة في شعار بسيط ’’تسقط بس .. حرية وسلام وعدالة‘‘ لم يخرجوا شاهرين سيفا في وجه سارق سرق عمرهم وسرق أملهم وسرق حقهم في الحياة الكريمة بل وحق أجيال قادمة ، وأفسد في الأرض ظلما وجورا ، وهو يقر بفعلته ، وفشله . ولكنه يعاند بأنه يريد الإصلاح .
مختصر ادوات الثورة المضادة حتي نعالجها :
1 - العمل علي التقليل من حجم الثورة . فعلي الثوار عدم الإلتفات لأي تقييم يقلل من شأن الثـورة .
2 - خلق فرقعات وإستفزازات بواسطة صحافة أو إعلام مرئي ’’حسين خوجلي وعزالدين الهندي والفاتح عزالدين وعلي عثمان .. مثالا‘‘ .
فعلي الثوار العمل بقاعدة المثل ’’كلب ينبح وجمل ماشي‘‘ .
3 - خلق عدو خارجي أو الإلتجاء إلي أحداث عالمية ’’حالة مصر في حلايب‘‘ وحالة حادثة ’’نيوزيلندا‘‘ .
فعلي الثوار الرد بـ’’الفينا مكفينا‘‘ و ’’وحكومة الظلم تسقط بس‘‘
4 - الطعن في قيادة الثورة .. ’’من هم تجمع المهنيين؟؟‘‘ سؤال العبيط الطاهر حسن التوم .
فعلي الثوار الرد ’’تسقط تسقط تسقط بس‘‘ .
5 - خلق فرقعات ’’قبض خلية إرهابية في امبدة ....‘‘
فعلي الثوار الرد بـ’’برضو تسقط بس‘‘
6 - عمليات سطو ليلية لإرهاب المواطنين الأمنين ’’مثال حالة شقة شمبات وحالة شقة العميد شرطة في إمتداد ناصر‘‘ .
علي الثوار عمل حراسة دوريات ليلية في المناطق المقصودة مثل بري والعباسية والأحياء الاخري ، عندما يدخل الكجر الي البيوت بالليل علي الشباب مداهمتهم وقبضهم وتقديمهم الي المحكمة‘‘ .
7 - ضرب المواطنين في كل مكان إن كان ثائرا أو غير ’’حالة عمنا الي صلاة الجمعة .
علي الثوار تصوير مثل هذه المشاهد وتوثيقها بالزمان والمكان ..
8 - إعتقال المواطنين من دون دليل .
9 - إبتزاز المواطنين حالة الذي حكم عليهم بالسجن الذين تم ترحليهم من سجن الهدي الي سجن الدويم ’’حيث فرضت سلطات السجن علي هؤلاء مبلغ 150 جنيه للسرير في الليلة ، والتزمتهم بتدبير أكلهم وشربهم علي نفقتهم الخاصة .
10 - إعلان الحكومة بأنهم إكتشفوا فسادا في مرفق ، حتي يوحوا للثوار بأنهم بصدد مكافحة الفساد . وإن كان الفساد الظاهر لا يحتاج لإكتشافه لأنه اصبح كغرة الصلاة في جباهـ الحرامية ... ولا يمكن علاج فساد هؤلاء المفسدين إلا بإسقاط رأس الفاسدين ومن ثم غسل كل مرفق سبع مرات بماء البحر والثامنة حرقه بالنار حتي تتطهر من رجسهم ...
ونسأل الله ان يوفقنا وعليه قصد السبيل .
رابط

[elmhasi]

المشاركة الأصلية كتبت بواسطة elmhasi

هل نحن موعودون بهرجلة تقضي علي السودان !!!
وإنا لله وإنا إليه راجعون‘‘ ... ’’ ولاحول ولا قوة إلا بالله‘‘ ...
نسأل الله السلامة وسترة الحال والكرامة ..
أو كما قال : عم عبدالرحيم ...
وصلي الله وسلم علي محمد نبي الرحمة .

هل ستكون هذهـ الحرب العبثية آخر أحزان السودان وأهله !

[النور يوسف محمد]

المشاركة الأصلية كتبت بواسطة elmhasi

هل ستكون هذهـ الحرب العبثية آخر أحزان السودان وأهله !

الحرب يا المحسي كانت نتاج حتمى لواقع مخيف
تردت الحياة العامة وتفشى الفساد ، ماتت الضمائر والهمم
غابت الدولة واصبح المواطن زبون فى معرض ما تقدمه من خدمات

وكل شئ بى تمنو !!!!

الحرب لن تقود الى اصلاح لانها بين باطلين
سيطول امدها وسيشتد أوارها وستقضى على السودان بصورته النمطية المعروفة

ربما تتخلق من بين ركامها هوية مختلفة لوطن مختلف وربما لا ،، لا كبيرة !!!!

[elmhasi]

المشاركة الأصلية كتبت بواسطة النور يوسف محمد

الحرب لن تقود الى اصلاح لانها بين باطلين

فعلا الحرب بين باطلين ..
وهذا ما نخشاهـ .. والشعب السوداني ابدي سلبية شديدة تجاهـ هذا الحرب العبثية ..
الكثيرين انخدعوا وافتكروا ان الحرب بين الجنجويد الرباطة والكيزان ، والحقيقة ان الحرب علي المواطن المغلوب علي امرهـ .. فالجنجويد الرباطة هم صناعة كيزانية خالصة وادارتهم الان ادارة كيزانية خالصة ايضا ..
فالمعني قد اتضح الان يريدون اخلاء البلاد من اهلها ليبيعوها ارضا بوراً ..

[elmhasi]

هكذا كان حكم التاريخ علي عمر البشير فكيف ستكون نهاية البرهان ومن معه في يوم قريب

محمد فضل علي
6 May,
2024م
محمد فضل علي .. كندا
حفل تاريخ البشرية المعاصر بمحاولات مثيرة لتوثيق اللحظات الاخيرة لبعض الزعماء والرؤساء الذين حكموا بلادهم الذين انتهت فترات حكمهم عن طريق الثورات والانتفضات الشعبية والانقلابات العسكرية والحروب العابرة للحدود علي سبيل المثال لقد وثقت اجهزة الاعلام الالمانية والعالمية علي الرغم من تواضع حالها وقدراتها المهنية والفنية انذاك لفترة سقوط النازيه ومقتل وانتحار الزعيم النازي ادولف هتلر في وكره المهجور وقامت الصحافة واجهزة الاعلام المصرية والعربية في وقت لاحق من انتهاء الحرب العالمية الثانية والاخيرة بالتوثيق لوقائع وتداعيات ثورة الثالث والعشرين من يوليو التقدمية 1952م وتغطية المتغيرات واللحظات الصعبة والعسيرة علي ايام العدوان الثلاثي والحصار الاممي المحكم علي الجمهورية العربية المتحدة الوليدة والتهديد باحتلال مصر واعتقال قيادات الثورة المصرية ثم تحول الامر بصورة درامية مفاجئة الي التوثيق الدرامي والاعلامي للحظات كسر الحصار وطرد الغزاة واجبار اساطيلهم علي مغادرة الشؤاطي المصرية وسط الاهازيج والاغنيات الشعبية للمقاومة المصرية للعدوان الاممي وتاميم قناة السويس في مشهد اسطوري .
تم توثيق النهايات الدرامية لبعض انظمة الحكم في العراق ومقتل عبد الكريم قاسم وظهور نظام البعث ونهاية حكم شاوسيسكو في رومانيا واعدامه رميا بالرصاص مع زوجته علي الهواء مباشرة خلف المبني الذي شهد محاكمتهم القصيرة حتي وصل الناس بعد ذلك الي التعاطي الاعلامي مع احدث سبتمبر 11 والهجوم الدرامي علي ابراج التجارة الدولية وردود فعل الادارة الامريكية الطائشة والحرب علي العراق وحتي مرحلة الحروب الراهنة التي لم تكتمل التغطية الاعلامية والوثائقية لاحداثها من عودة طالبان الي الحكم دون ان تطلق رصاصة واحدة الي حرب حماس واسرائيل بنتائجها وتداعياتها الكارثية المثيرة الي الحرب الغير ضرورية بين روسيا واوكرانيا وانعكاساتها المخيفة علي الاقتصاد العالمي والسلم والامن الدوليين الي حرب السودان البدائية المستمرة منذ عام كامل حتي يومنا هذا.
وهنا ياتي الحديث عن نصيبنا من توثيق ومعرفة ما حدث في السودان وحتي اليوم بعيدا عن مجالس الونسة و الانطباعية الشخصية وغياب التوثيق القانوني لمجريات الامور منذ الاستقلال وميلاد الدولة السودانية واختفاء فترات كاملة من تاريخ السودان المعاصر لم يعرف الناس حقيقة ما حدث فيها خاصة فترة الثلاثة عقود من حكم جماعة الاخوان ونظام عمر البشير الاكثر بشاعة والتي انتهت اليوم الي الحرب التي تعود جذورها واسبابها الحقيقية الي زمن البشير وحكم الانقاذ الذي لم يتعامل معه الناس والنخبة السياسية بما يستحق علي الاصعدة القانونية والعدالة المفترضة التي كان من الممكن ان تردع المغامرين وتجار الحروب وللاسف الشديد لاتزال الساقية تدور ولايزال الافلات من العدالة مستمرا في السودان وسيستمر حتي اشعار اخر تعود فيه هيبة الحكم والدولة وسيادة القانون وتسود فيه الحريات الاعلامية والسياسية المحمية بقوة القانون لمواجهة التحدي الاكبر بوقف الحرب الراهنة ومحاسبة المتسببين فيها واعادة بناء الدولة والمرافق السودانية ومؤسسات الحكم والدولة في فجر جديد .
لقد نجحت قناة العربية بعد الاستناد الي شخصيات عامة ومعروفة في نظام الاخوان والمعارضة وشهادات اخرين كانوا حول البشير في الساعات الاخيرة بالخروج بوثيقة افتراضية تشبه في خطوطها العريضة مسلسل الاختيار المصري الذي سلط الضوء في سيناريو خيالي وافتراضي استند الي وقائع حية وواقعية علي اللحظات الاخيرة لحكم الاخوان في مصر ومرشحهم المعزول الدكتور محمد مرسي في يونيو 2013م وبيان الرئيس السيسي الاكثر درامية واثارة .
الذي لم تذكرة قناه العربية في تلك الوثيقة الافتراضية ان الانتفاضة السودانية التي كانت اشبه بالزلزال قد تسببت في انفضاض الكيزان والنخبة الاخوانية الحاكمة من حول البشير وتركوه وحدة مع بعض اقاربه وعمال النظافة والطباخين و مجموعة من الجنود كانوا يتلقون التعليمات والاوامر المشددة عبر الهاتف المحمول من احد قيادات جهاز الامن والمخابرات السودانية بعدم المغادرة وترك البشير وحده في الوقت الذي كان فيه قيادات الحكم والدولة والتنظيم الحاكم في المؤتمر الوطني والحركة الاسلامية يحزمون حقائبهم ويتدبرون امر نقل اسرهم وعوائلهم الي مناطق امنة بعيدا عن مرمي الهتاف والجموع الثائرة والانتفاضة الشعبية الغاضبة خوفا من ان ينتهوا الي المصير الذي انتهي اليه القذافي .
ومن المفارقات التي لم تذكر اعلاميا في هذا الصدد انه حتي الكاهن العراف المعروف بله الغائب تخلي عن عمر البشير ولم يرد علي اتصالاته التلفونية المتكررة في لحظاته الاخيرة ، وكان ذلك هو حكم التاريخ وعدالة السماء علي الرئيس الصوري المعزول عمر البشير الهارب من العدالة والمحاكمة الهزيلة التي لم تكتمل بسبب الاداء الهزيل للحكومة الانتقالية وبعض الشخصيات والافراد في تلك الايام .
لقد كان البشير يموت تدريجيا في اللحظات الاخيرة لحكمه واصيب بصدمة افقدته القدرة علي التصرف بصورة سليمة وطلب من احد اقاربة ان يبحث له عن تلفون الشيخ العراف بله الغائب الذي كان يعلن علي الدوام ان البشير سيكمل 35 عام في الحكم وظل يتصل به مرات كثيرة وتلفون الشيخ لايرد حتي لحظة مغادرة البشير قصر الضيافة والمنزل الرئاسي بالقيادة العامة للمرة الاخيرة .
الذي لم تذكرة قناه العربية في تلك الوثيقة الافتراضية ان الانتفاضة السودانية التي كانت اشبه بالزلزال قد تسببت في انفضاض الكيزان والنخبة الاخوانية الحاكمة من حول البشير وتركوه وحدة مع بعض اقاربه وعمال النظافة والطباخين و مجموعة من الجنود كانوا يتلقون التعليمات والاوامر المشددة عبر الهاتف المحمول من احد قيادات جهاز الامن والمخابرات السودانية بعدم المغادرة وترك البشير وحده في الوقت الذي كان فيه قيادات الحكم والدولة والتنظيم الحاكم في المؤتمر الوطني والحركة الاسلامية يحزمون حقائبهم ويتدبرون امر نقل اسرهم وعوائلهم الي مناطق امنة بعيدا عن مرمي الهتاف والجموع الثائرة .
المقارنة بين نظام الاخوان وعمر البشير في لحظاته الاخير وبين حكومة الامر الواقع التي تدير السودان اليوم عبر تحالف غير معلن بين البرهان وبقايا زمن الانقاذ وحكم الاخوان لاتميل لصالح البرهان وتركيبة الحكم الخفية التي تحكم السودان عبر تحالف الوان طيف واسعة من الارزقية والمغامرين معدومي الهوية وكتائب الجهل المسلح التي تجهل بتاريخ وجغرافيا العالم والسودان لكل ذلك ستكون نهاية البرهان والاسلاميين والذين من حولهم نهاية درامية وفريدة من نوعها مالم يبادر البرهان بمحاولة حقيقية للتصالح مع شعب السودان بوقف الحرب واعادة اعتقال البشير وقيادات الاخوان وتشكيل حكومة تكنوقراط من غير الذين عملوا في زمن الانقاذ اما التفاصيل الافتراضية لنهاية زمن البرهان الغامض فلا يعلمها الا الله وان كانت خطوطها الرئيسية واضحة كل الوضوح ..
اللهم نسالك اللطف بالسودان واهله وان تعوضهم خيرا علي صبرهم الطويل علي مدي عقود طويلة علي العقوق والاضرار التي الحقها بالناس والبلاد بعض المنتسبين اليها بشهادات الميلاد وبعض الاوراق الثبوتية ليس اقل او اكثر .

نقلاً عن سودانايل

YouTube

أرشيف العربية الوثائقي | البشير..الساعات الأخيرة

[elmhasi]

*ونسة😊*

*قصة من أدب الشايقية*
*إنْتَ آ عُثْمَانْ مِنْ وِينْ جَابُوكَا.. الزُولْ يلُوكْ السِمْ كِلِيمْتَك ما يَلُوكَا - قصة وقصيدة*
جمال أحمد الحسن – الرياض 27 يونيو 2016م

(بَكِيتْ آ صَبَاحِي طِرِيتْ أبُوكَا)...
قصة العمَّة مع زوجة ود أخُوها ...
القصة دي طبعاً أنا سمعتها بدري خااااااالص في التسعينات من عمنا المرحوم محمد محمد أحمد الشايقي وعرضتها على المرحُوم محجوب كرار ولم أجِد توثيق وأصل لقائلها... بطلها كما تروي القصة.. عُثمان من تنقاسي وعمتُو الكبيرة وزوجته (فلانة) من بنات الخرطوم...
وإلى الآن لم نتحصل على من هُو عثمان ومن هي عمته الشاعرة دي... وقد عرضت هذه القصة إبَّان عملي مدرِّساً بثانويات تنقاسي في حفل وداع حضره عدد كبير من الطالبات وطلبت البحث عن هذه الأُسرة ولم نتحصل عليها حتى الآن...
على العِمُوم القصة كالآتي:
عُثمان دا من أُسرة مروووووووووقي في تنقاسي، ويدرُس في الجامعة وكان أصغر اخوانُو... أها.. قامْ حَبَّالُو واحدِي من بنات الخرطوم ديل... وبعد التخرُّج اشتغل في الخرطوم...
أبُوهُن الكبير المروِّق دا... رسل لي ولادُو ديل كلللللللللهُم قال لهم تجُو على السريع...
كلَّهُم جُو بما فيهم صديقنا عثمان...
قام فتح ليهُم الخزنَة حقُّتُو... اتفاجأُو لمَّن لقُو المصاريف القاعدين يرسلُوها ليهُو قاعدي بي رُبَطَها...
وقال ليهم يا ولادي أنا ما محتاج لي أي مصاريف... بس عاوز منكم طلب وااااااااااااحد...
لمن أنا إنتقِل للدارة الآخرة... عاوز واحد منكم يجي يمسِك العَقَاب دا لا تهمِّلُوهُو...
قالُولُو الله يبارك في أيامك.. ودعُولُو بالبركة وسافَرُو...
أها مُو كتير... أبُوهم مات...
الاخوان بعد الفُراش قالُو لازم ننفذ وصية أبونا... أها اليقعُد منوووووووووووو؟؟؟
قالُو لي عُثمان إنت ياكَ الصغيِّر ولليلي ما عندك التزامات في المدارس لا فُوق... فدحين تعرِّس خطيبتك دي... وتجي تقعُد في البلد... وتمسِك العقاب.. وأها دا طرَفنا من خير أبونا الفي البلد.. وطبعاً العرض مُغري لأنُّو في خير كتيييييييير في البلد راجيهُو...
صاحبنا عثمان وافق...
واتزوج بت البنادر دي وجاء نازل البلد مسك خير أبُوهو...
.
.
.
أها طبعاً الزمن داك ... تنقاسي لي هسع الكهرباء ما جاتها ... والراجل بالرغم من روقتُو الزايدي لكن البلد عموماً حالها زي القُرى وكدي ...
أها بقت طوااااااالي مرَتُو تنَقْنِقْ فُوقُو... هسع دي بلد دي ؟؟... بلد لا نُور ولا كهرباء... ولا مروحة ولا مُكيف؟؟؟ إشمَعْنَا إخوانك يرسلُوك للبلد إنت... ما يجُو هُنْ مالُو؟؟؟
والمِسكين الظاهر عليهُو قاعِد يريييييييييدَا صابر ومتحمِّل نقْنَقَتَها دي!!!
أها مرة كدي في يوم نقَّتْ فيهُو شديييييييييد مع الصباح وهُو مندَلِّي لا تِحتْ علي الساقي... وقَفَلَتها معاهُو ومرَق طَقْ قَفَل الباب وراهُو يطنطِن ماشي لا تحت...
وهُو يحُشَّلُو في قَشْ جاتُو عمَّتُو (شاعرة قصتنا الما معروفة دي) قالَتْلُو عليك الله يا عُثمان يا ولدي أنا ماشَالِي مشوار كدي... حُشَّلِي قبضَة قَشْ معاكْ ودِّيها لي غنيماياتِي لا فُوق...
أها هُو حسب زهْجَتُو... قام شخَتْ المُنجَلْ كدي وقال ليها وهُو يطنطِن يَحُشُّو ليك كمان يَوَدُّو؟؟؟!!! وطبعاً يا حليلو حالة لا شعورية...
إتلَفَت علي عمتُو لقاها واقفِي وتبكي... مشى عليها... قال ليها يا عمَّتِي مالِك تبكي...
ردَّت عليهُو بي قصيدتنا الأُولى وقالتْلُو:
بكِيت آ صَبَاحِي طِرِيتْ أبُوكَا
وُطِرِيتْ حِنُّو المَعَانَا المِنْ زَمانْ قُبَّالْ يَلْدُوكَا
وُطِرِيتْ بقَرُو الكُتَار الماهِن رُوكَا
وُطِرِيتْ وِيكْتُو البِي تِحِتْ قَاجِّي وُمَشْبُوكَا
وُطِرِيتْ قَدَحُو المَوَهَّطْ في الدَرِبْ يَجِي شَايْلُو اخُوكَا
وُطِرِيتْ سِعْنْ أُمَّك الكَانَتْ مَبْرُوكَة
وُطِرِيتْ اخْوَانَكْ المَابْ يَشْبَهُوكَا
إنْتَ آ عُثْمَانْ مِنْ وِينْ جَابُوكَا
الزُولْ يَلُوكْ السِمْ كَلِمْتَكْ مَا يَلُوكَا؟؟؟
***
طبعاً صاحبنا عُثْمَان إتْبَرْوَق بالكلام المرصُوص الرصين دا... واتهَجَم... ومسك لي عمتُو في كراعها وقال ليها بَسْ تعفِي مني... أنا والله حاصل لي كدي وكدي وكدي... وحكَى ليها قصة بت البندر معاهُو...
قامت قالتْليهو... مشكلتك المزعلاك بس ياها دي؟؟؟ باستغراب طبعاً... قال ليها أيِّ ياها دي...
قالتليهُو خلاص أنا بحل ليك مشكلتك دي...
قام قال ليها وحات الله وحات الله تحليلي مشكلتي دي... حش قش غنيماتك ديل لا يوم القيامي علي أنا... يا حليلو طبعاً هُو الظاهر عليهُو قاعد يريييييييدَا...
أها قامَت طلعت البيت لي زوجتُو... لقتها واقفِي في نُص الحُوش وغازي كُوعَها لا قشَّت ولا نظفت ولا ضايَرَت شي...
تُووووووش دفرت الباب ودخَلَت وخَتَّتْ قُفَّتها الكَانْ شايلاها... وقالت ليها...
مَالِكْ آ كَنَّانَة قالُو مَكَاتْلِي عِتْمانْ؟؟
مالُو مرَق الصبَاح مِنْ بيتُو حَردَان؟؟
إنْ بَقَى شَانْ تَرَك الوَظيفَة؟؟ في البَلَدْ هَنِي عندُو شانْ
خِيرُو وافِرْ وُدَهَبُو راقِدْ جُوَّ كيمَان
التمُر شايِلْ مدَنْدِحْ وللقَدِيمْ ما لاقِين بَكَانْ
الليمُونْ دايْرَ اليَقُشُّو والشِدَرْ يَقْنِتْ بُرتُكان
البَقَر دَارَّات تلاتِي دِيلْ يَحَلْبِنْ وُديلاَكْ سُمَانْ
هُووووووووووي...
فَتِّحِي عِينِكْ في الضَلاَم سَوِّيهَا فُنجَانْ
وُصُمِّي خَشمِكْ واللِّسَانْ سَوِّيلُو بَطَّانْ
الفَتَوَاتْ في الحِلِّي مَالاَتْ الحِيشَانْ
والعَزَبَاتْ كُتَارْ وارْخَصْ مِنَ الضَانْ!!!
وُبَس قالَت كلامها دا... واتناوَلَت قُفَّتها... وُمَرَقَتْ طوااااالي مشت...
صاحبنا عثمان جاء من لا تِحِت شايل قِشِيشُو... لقَى زوجتُو راجاهُو بي فارقَ الصبُر جنب خشم الباب... وُطَوَّالِي هَاكْ يا حُبْ ويَا حَنَانْ...
كيفَك يا عُثْ عُثْ؟ تدليع عثمان!!!
مالك إتأخَّرْتَ كدي الليلة؟؟
عثمان يهمهم في نفسُو... ياااااا ربي الليلي المَرَة دي الحاصل عليهَا شنو؟؟؟
فقامت هي قبُل ما يسألها قالتليهُو... الليلة عمتك (فلانة) زارتني هنا... وقالت لي كلام كتيييييير عنك...
كلامها كُلُّو فِهِمْتُو بس اللِّسَان دا يَعمَلُولِيهُو بطَّان كيف؟؟؟
قال لها.. اللسان دا يَحَشُوهُو في الحلِقْ وتانِي ما يَنَقْنِقُوبُو!!!
أهَا مِنْ اليُوم داك... ولي يُوم الليلي تاني ما جابَتْ طارِي البنْدَر...
والنُكتَة جايي وين؟؟؟
قالُو طوووووووولَت ما جابت طريق عاوزة تسافِر ولة تمشي تزُور أهلها...
قامُو أهلها شِفْقُو عليها... رسلُو أخُوها الصَغَيِّر في الإجازي قالُولُو تمشي تشُوف خبر اختك دي شنو؟؟؟ بس من مشَتْ الشمالية دي تاني ما جابت خبرنَا...
أخُوها جاء نازل البلد والجماعة احتفلوبيهُو ونقل ليها أشواق أهلُو والجيران والحبان... أها لمَّن إجازْتُو كِمْلَت وبِقَى مسافر وستَّفُولُو خلاص... عثمان مشَى لي زوجتُو بي غادي قال ليها يا فُلانَة أنا يَبْقَى لي أحجِزْلِك مع أخُوكِي دَا ... تمشِي تقضِّي شهر مع أهلك مِشْتَهِنِّك وُتَجِي ...
قالَتْلُو .. بَرِي بَرِي ... يا نمشي سَوَا يا نقْعُد سَوا ... قال ليها ليه؟؟؟
قالَتْلُو نسيت كلام عمِّتَك؟؟
الفَتَوَاتْ في الحِلِّي مَالاَتْ الحِيشَانْ
والعَزَبَاتْ كُتَارْ وارْخَصْ مِنَ الضَانْ ...!!!
😊😊😊😊😊

قصة من التراث .. عجبتني ... فنقلتها لكم من الواتساب

[elmhasi]

*السلاح ياهو السلاح ..*
*أصلو ما بهزم قضيه*
*وعمرو ماجمل قباح ..*
*والبنادق لما تفتح نارا*
*في صدر المناضل*
*ينفتح في الليل صباح ..*
*الرصاصة بتنهزم ..*
*لما الصدور الضاوية*
*للحب تبتسم ..*
*وتغني للموت والجراح ..*
*لا السياط بتهز يقين*
*لا سجون العتمه*
*بتودر طريق الكادحين ..*
*لا وردة الدم في قلوبنا*
*يوم بتطفيها الرياح ..*
*والسلاح ياهو السلاح ..*
*قلنا ليهم البنادق*
*لما تسكت ..*
*ما بترتاح في سكونا ..*
*ليلا مليان بالهواجس*
*ونوما أوهاما وظنونا ..*
*كلما أصواتنا تعلى*
*تصحي تتحسس دقونا ..*
*ليلم*
*الخـــــوف ..*
*والكوابيس ..*
*والخيانـــه ..*
*ونحنا قدامنا الصباح ..*

*# أوقفوا 🗣️ هذهـ الحرب الكيزانية*☠️☠️☠️☠️‼️

[elmhasi]

الي نبيل اديب المحامي
نحن نذكرهم دائما بعارهم

👇
بمناسبة فض اعتصام القيادة العامة 3 يونيو 2019م
كتب : الفريق الركن مرتضي وراق والي الخرطوم المستقيل ...
عن فض الإعتصام امام القيادة العامة يقول :
▪كنت في السودان ورأيت ما لا عين رأت وما لا اذن يمكن أن تسمع، وما لا يمكن أن يخطر على قلب بشر .
فض الاعتصام لم يكن مذبحة ..!
▪ الذي جرى في التاسع والعشرين في ميدان الاعتصام أمام بوابة القوات المسلحة لم يكن مذبحة ولا مجزرة .. فالمذابح والمجازر (أخفّ) من ذلك بكثير! وفي وصف ما جرى بالمذبحة استهانة بما حدث فيها من أهوال وفظائع .. والذي قام بهذهـ الفعلة هم أناس جلسوا وفكروا وخططوا وقرروا وانطلقوا .. ولم يتنصّلوا فيما بعد عما فعلوهـ .. مهّدوا لكل شئ بصريح الكلام ، عن (المهددات القومية) وحكاية كابول (التي تحت الجسر)..! ولا عبرة بـ(الاختلاف الطفيف) حول من كان في مقدمة الهجوم ، أو من حضر (بدون دعوة) .. والمسؤول عنها ،،، جهة تقول أنها جهة حاكمة (سيادية) تدير شأن السودان .. وقد أعلنت للملأ أنها مسؤولة عن أمن الناس وظلت تكرر التعهدات بأنها لن تفض الاعتصام .. لن تفض الاعتصام .. لن تفض الاعتصام ..! ولا يمكن أن يكون المجلس العسكري غافل عن حركة مئات السيارات المسلحة التي أدارت محركاتها بأقصى ما في وسع دوّاسة البنزين .. وعليها المئات من مغاوير المليشيات التي يقول قادة المجلس العسكري إنهم يتشرفون بانتمائهم لها.. وبانتمائها لهم .. لا شك شاهدوها تنطلق (نحو العدو) في فجر ذلك الاثنين الوتر الأخير من ليالي رمضان ..!
▪ لقد كان ما حدث اكبر من مذبحة وابلغ من مجزرة .. تمت بحق ناس نيام في رحاب ميدان من ميادين دولتهم وتحت بصر قواتهم المسلحة و(جيشهم الأمين) ..! وهي ليست مجرد مذبحة لأن القتل فيها (تنوّع بشكل لافت) بين الرصاص على الوجه والصدر، وبين الضرب بالسواطير والسكاكين وأعقاب البنادق حتى الموت ، وبشدخ الرؤوس وتحطيم الجماجم ، وبين الإلقاء في البحر بعد ربط بلوكات الصخر والاسمنت على أرجل وأجساد الصبية .. لا فرق أن يكونوا أحياءً أو أمواتاً أو في حالة احتضار .. ثم كان من أنواع القتل حرق الناس مع الخيام .. وأعجب لدولة تفض ما يمكن أن تسميه ما شئت مظاهرة أو اعتصام أو احتجاج عن طريق حرق الخيام بما تحتها من بشر وبغير تنبيه النائمين في أمان ربهم (حتى يستعدوا للموت)..!
▪ هل تعلم الدولة وهل يعلم موفدوها من زبانية القتل وشق الأجسام بالرصاص والمدي والسواطير والعكاكيز عدد من قتلوهم ؟ هل ألقوا بعضهم في النيل أحياء ؟ هل أيقظوا النائمين أو الساهرين وطلبوا منهم أولاً الانفضاض ؟ هل خاطبوهم قبل القتل ؟ هل أمهلوهم ليستيقظوا من النوم لتلاوة الشهادة -على أقل تقدير- قبل الموت ؟ هل كان بينهم أطفال وصبايا ومقعدين ؟ هذا لا يهم ..!
▪ المذابح والمجازر ليست بهذهـ الصورة .. والذاكرة السودانية لا تغفل عن الذين قتلتهم الإنقاذ في دارفور بالقصف والرصاص والتجويع والتهجير، ولا الذين قتلتهم في سبتمبر الدامي ، وفي جبال النوبة وجنوب كردفان والنيل الأزرق ، ولا الذين قتلتهم في أمري وكجبار وبورتسودان ، وفي رمضان الذي كان ، ولا غيرهم .. ولا من قتلتهم بالتعذيب في السجون وبيوت الغيلان والسعالي والأشباح ، ولا من ذبحتهم بالمهانة والطرد من الخدمة .. إلخ ولكننا نريد أن نشير إلى مبلغ الخسة والمجاهرة التي لم تأبه لكل هذا التاريخ الدموي حتى وصلت إلى هذا الدرك في ميدان الاعتصام .. ميدان (النصر المؤزر) للمجلس العسكري .. الذي استعاد به كرامته المهدورة التي تتوق إلى تحقيق (نصرٍ ما) بأي كيفية ..!
▪ هي واقعة لم يخجل منها مَنْ قاموا بها .. بل هلل لها مؤيدي المجلس العسكري من (منبرالسلام العادل) وجماعة (نصرة الشريعة) و(هيئة علماء السودان) و(أحزاب الوفاق) والمؤتمر الوطني ، ورجالات الإنقاذ ونسائه ، وكتائب الظل والدفاع الشعبي .. والإعلاميين ومذيعو البرامج في القنوات التلفزيونية وفي الصحف الذين طفح السرور على وجوههم .. وضيوف التلفزيون القومي ومعهم آخرون فيهم محامون طالبوا بتعويض المواطنين الذي (تأخروا عن مشاويرهم) بسبب الاحتجاجات وفق (منظومة حقوق الإنسان) ولوائح مفوضية حقوق الإنسان السودانية ...!
▪ هذهـ ليست مجرد مذبحة إنها اكبر وأعمق وأعرض من ذلك بكثير ... فالمذابح تترك خلفها الجثث ؟! ولكن أين بقية أجساد شباب الميدان ؟! .. مَنْ ينبئنا بما يخفي البحر والبر منها ؟!
▪ ما حدث في ليلة فض الاعتصام في سياقنا السوداني بحق مسالمين يجلسون أمام بوابة (جيشهم الوطني) وتحت بصر الناس وأيديهم فارغة حتى من عصا مقارعة كلاب الطريق .. هو في سياقه وكيفيته وفي الغدر الذي صحبه .. أفظع وأكبر مما حدث في مذابح الأرمن ، وهجمات المغول والتتار ، ومذبحة دير ياسين ، ومذبحة القلعة ، ومذبحة الإسكندرية ، ومذبحة رابعة بالقاهرة ، ومذبحة بحر البقر ، ومذبحة جسر الشغور في سوريا ، ومذبحة الجوازي في بنغازي ، والأحد الدامي في ايرلندا ، ومذبحة اكتيال في المكسيك ، ومذبحة صابرا وشاتيلا ، ومذبحة الدامور في الحرب اللبنانية ..
ومذبحة دنشواي التي دخلت التاريخ والقتلى فيها أربعة أشخاص ..!
لقد كنت في السودان ورأيت ما لا عينٌ رأت .. ما لا أذنٌ يمكن أن تسمع .. وما لا يمكن أن يخطر على قلب بشر ..!
حسبي الله ونعم الوكيل
مرتضي وراق

حسبي الله ونعم الوكيل

[elmhasi]

YouTube

13‏/06‏/2019م #قناة_الغد # #المجلس_العسكري
قال الفريق شمس الدين كباشي رئيس اللجنة السياسية بـ #المجلس_العسكري السوداني، إن القوات القوات المسلحة والنظامية الأخرى استجابت لثورة الشعب السوداني، وأضاف خلال مؤتمر صحفي، أن القوات المسلحة والنظامية الأخرى ملتزمة بنقل السلطة خلال فترة انتقالية.

الكضابشي

[elmhasi]

YouTube

البرهان يراوغ ويراوغ ويعلن إن الدعم السريع هو من قام بفض إعتصام القيادة العامة
وقبل نكر اي صلة للقوات بهذهـ المجزرة !!! وهذا يحكي أزمة النخبة العسكرية ومدي إستسهالهم للكذب والنفاق وتضليل العدالة ...

[elmhasi]

لن ننسي هذا اليوم ولن ننسي نفس الزول الكاتل ولدك
حاكم بلدك
نفس الزول القاتل ولدك..
شال لي روحو الفاتحه وقلدك
حاكم بلدك
شال من ايد الكوز (السوط والسلطه) وجلدك
نفس الكوز في وجه جديد
نفس كتائب الظل والغل
#مجزرة_القيادة_العامة