بوست عام لتبادل الخبرات فى عالم الكمبيوتر والنت

[رأفت ميلاد]

حبيبنا المشرف ولدنا أشرف

أولاً عاتب عليك عدم الزيارة فى الخاص فى بوست الممنوعات .. محتاجين خبراتك برضو بهناك

البوست ده حيكون بوست مفتوح ما عندو سيد .. سأرفد فيه تجاربى مع الكمبيوتر والأنترنت .. وكالعادة بدون تحضير مسبق .. وأتمنى المشاركة بالأستفسار أو التعديل أو الأضافة .. أنا غير متخصص أو دارس .. وسيكون الأمر تبادل خبرات

سأعتمد هنا على البرامج المجانية .. ومافى مضروب وكلو قانونى .. ربما نحتاج لبرامج غير مجانية .. سأشير لمصادرها دون أنزالها وكل زول يشيل شيلتو

وبجيكم راجع

[رأفت ميلاد]

سأبدأ بفكرة تنزيل الأفلام والمواد التوثيقية وغيرها من الميديا

نوعية المواد القابلة للتنزيل نوعين

1. torrent
2. HTTP

النوع الأول أصبح هو الأشهر .. إذا سألتونى ما هو والله ما عارف لكنه سياق لتبادل الملفات فى النت .. الفكرة يتم التنزيل من عدة مصادر من كمبيوترات عدة

أما النوع الثانى هو العادى .. وهو تنزيل الرابط من مصدر واحد محفوظ فى صفحة فى النت .. يكون الأسهل لأنه موجود فى النت وليس كما الـ(torrent) الذى يًفترض أن يكون الكمبيوتر مفتوح وداخل النت ..

بتجربتى أفضل (DownLoader) للنوعين من الملفات هو (BitComet) مضمون من الفايروسات ويوقف تنزيل الملفات المضروبة ..

(BitComet) برنامج مجانى يمكن تنزيله كاللآتى

• للويندوز 32 bit (هنا)
• للويندوز 64 bit (هنا)

الفقرة التالية: طريقة تشغيل الـ(BitComet)

[رأفت ميلاد]

ده شكل الـ(BitComet)



أستعمال الـ(BitComet) شغل كتير ويمكن أستعماله متصفح .. لكن أنا هنا ماشى أركز فى طريقة التشغيل التقليدية .. وهى أستعماله لتنزيل نوعى الملفات الأشرت لهما سابقاً

أنقل مداخلة سابقة وبعدها أعود لمصادر الأفلام أو المواد المراد تنزيلها

المشاركة الأصلية كتبت بواسطة رأفت ميلاد

سلامات يا طارق

أنا هنا نزلت نوعين من اللنكات
(HTTP) وده زى الفلم الأخير .. بتعمل ليهو داون لود دايركت من الصفحة بتاعتى

النوع التانى (torrent) وده ما منى أنا .. ده بتحملو من النت من نفس المصادر البجيب منو الأفلام أنا

فى ناس تضغط على اللنك يقوم ينط براهو فى الداون لودر (BitComet) وناس بتكون زى حالاتك .. الداون لودر ما قدر يكون الأساسى فى الكمبيوتر

لتلافى ذلك :

النوع الأول (HTTP) كالآتى



تمشى محل الفلم وتدوس باليمين على اللنك البكتب ليك أنا فى (هنا) .. وتختار (copy url ) طبعاً الفى الصورة بالألمانى .. وكان مكتوبة بأى طريقة أتصرف المهم تصور اللنك

الخطوة التانية تمشى الداون لودر



فى (1) تلقى اليقونة دى فوق أقصى اليسار مربعا ليك بالأحمر .. تضغط عليها يظهر ليك الجدول التحت .. فى محل أتنين دوس باليمين وأعمل (paste) أو لصق .. ينزل اللنك الحفظتو قبيل .. إذا دوست تلاتة يبدأ التنزيل .. أما أربعة بيحفظو بدون تنزيل .. وتديهو تكتين وكت ما داير تنزلو

عن الـ(torrent) تعمل نفس الخطوة الأولى لنسخ رابط لنك التنزيل .. وتمشى الداون لودر



المرّه دى تختار الأيقونة التانية (التالتة من الشمال) .. تضغط يطلع ليك الصندوق التحت .. بضغط الماوس باليمين على الصندوق الفاضى محل ما خاتى ليك (2) وتعمل لصق وتدوس (ok) بقوم يطلع ليك صندوق جديد بتفصيل المادة الجاهزة للتنزيل



شيل تكة صاح من الملفات التانية ما بتحتاجا .. خليها فقط على الفلم أو الحاجة المركز فيها .. فوق محل خاتى ليك (1) ممكن تحدد محل تنزيل المادة .. فى (3)و(4) .. نفس فكرة الفاتت .. تنزيل فورى أو تسبنا لليوم الأسود

أنشاءالله أكون حليت ليك القصة

ملحوظة:
سبق أن سألنى معتصم الطاهر عن طريقة زيادة سرعة التنزيل .. أجبته أن ذلك يتوقف على عدد المصادر وسرعة الكمبيوتر وسيرفر النت .. وجدت فى اليوتيوب نزل أحدهم هذا الفيديو لشرح طريقة تسريع التنزيل .. ما عارفو جد ولّ كضب .. المحاولة ما بتضر

[flash=http://www.youtube.com/embed/-dTOKnwEosw?]WIDTH=350 HEIGHT=400[/flash]

[رأفت ميلاد]

يا أشرف السر شايفك مبوب قسم الكميوتر .. أنا دخلت توش .. حقو تنقل البوست الى المكان الذى تراه مناسباً .. طبيعة البوست برامج وشروحات

[مشرف منتدى الكمبيوتر]

المشاركة الأصلية كتبت بواسطة رأفت ميلاد

حبيبنا المشرف ولدنا أشرف

أولاً عاتب عليك عدم الزيارة فى الخاص فى بوست الممنوعات .. محتاجين خبراتك برضو بهناك

البوست ده حيكون بوست مفتوح ما عندو سيد .. سأرفد فيه تجاربى مع الكمبيوتر والأنترنت .. وكالعادة بدون تحضير مسبق .. وأتمنى المشاركة بالأستفسار أو التعديل أو الأضافة .. أنا غير متخصص أو دارس .. وسيكون الأمر تبادل خبرات

سأعتمد هنا على البرامج المجانية .. ومافى مضروب وكلو قانونى .. ربما نحتاج لبرامج غير مجانية .. سأشير لمصادرها دون أنزالها وكل زول يشيل شيلتو

وبجيكم راجع

شكرا يا رأفت ميلاد على اهتمامك وعزمك على فائدة العضوية هنا
خصوصا في برامج التورنت..

عتبك في محلو واللوم راكبني...
بس معذور.. ظروف عمل وما بدخل نت الا يوم واحد في الاسبوع..
بس اوعدك بردم بوست (الممنوعات) وهنا برضو متى ما تيسر الوقت...
تحياتي

[قرقاش]

المشاركة الأصلية كتبت بواسطة رأفت ميلاد

حبيبنا المشرف ولدنا أشرف

سأعتمد هنا على البرامج المجانية .. ومافى مضروب وكلو قانونى .. ربما نحتاج لبرامج غير مجانية .. سأشير لمصادرها دون أنزالها وكل زول يشيل شيلتو

وبجيكم راجع

رافت ياحبيب ..كل التهانى مع بعض
حاجه كده زى ام فتفت لمن نغسلها كل ماتفتح فتفته تطلع ليك تهنئه..
وعفوا كمبيوترى كان معصلج غبته شويه ..
الا حبيبنا اشرف السر بالغ عديييييييييييييييييييييل كده
ضرب لينا الدكان ( قسم الكمبيوتر ) ..بوهيه وقسمه ليك كيف كيف ماعارف لكين
شطه بس ..التهانى مستمره ...ام فتفت برضه
ياخوى قلت لى كل شئ قانونى
انته الخواجات ديل ماسرقوا بلدنا لمن غنوا
انت قايل التاريخ ح يخلى انجلترا والقطن الشالتوا .
و لا التاريخ ح يسامح العرب فى ولادنا ا لساقوهم باتفاقيه البقط ...هم والاتراك الطالعين الايام دى فى الكفر ...شئ مسلسلات وشئ دراسه تاريخ ..
ولا فرنسا دى براها مع ارياب كوم ..انسى مالى ومختار المختار
طيب مادام سرقونا اقله نحنه كمان نسرق ونبهدل حنان حنينهم زاته
المهم ما اكثر مايمكن سرقته على النت .. ( لااقصد سرقه الافراد )..حتى برامج الانتى فايروس من الممكن كسرها ..وتكريكها ..وهذا موضوع اخر ..

[رأفت ميلاد]

المشاركة الأصلية كتبت بواسطة مشرف منتدى الكمبيوتر

شكرا يا رأفت ميلاد على اهتمامك وعزمك على فائدة العضوية هنا
خصوصا في برامج التورنت..

عتبك في محلو واللوم راكبني...
بس معذور.. ظروف عمل وما بدخل نت الا يوم واحد في الاسبوع..
بس اوعدك بردم بوست (الممنوعات) وهنا برضو متى ما تيسر الوقت...
تحياتي

يا زول لا فى عتاب ولا شيئ القصة كلام ومداخل عشان نلزك تزورنا ونستفيد منك .. بالمناسبة البوست ده لكزة من عكود لزانى بى جاى .. الفكرة هنا الكل يكون أستاذ ويكون تلميذ .. ومشاكل الكمبيوتر دايماً تجربة خاصة

أهو ظهر قرقاش والقصة أحلوت

[مشرف منتدى الكمبيوتر]

المشاركة الأصلية كتبت بواسطة رأفت ميلاد

ده شكل الـ(BitComet)



أستعمال الـ(BitComet) شغل كتير ويمكن أستعماله متصفح .. لكن أنا هنا ماشى أركز فى طريقة التشغيل التقليدية .. وهى أستعماله لتنزيل نوعى الملفات الأشرت لهما سابقاً

أنقل مداخلة سابقة وبعدها أعود لمصادر الأفلام أو المواد المراد تنزيلها




ملحوظة:
سبق أن سألنى معتصم الطاهر عن طريقة زيادة سرعة التنزيل .. أجبته أن ذلك يتوقف على عدد المصادر وسرعة الكمبيوتر وسيرفر النت .. وجدت فى اليوتيوب نزل أحدهم هذا الفيديو لشرح طريقة تسريع التنزيل .. ما عارفو جد ولّ كضب .. المحاولة ما بتضر

[flash=http://www.youtube.com/embed/-dTOKnwEosw?]WIDTH=350 HEIGHT=400[/flash]

سلام يا اساتذة متعلمين،،

بخصوص البرنامج المسمى بإسمه الفيديو لم اشاهد الفيديو)..
يستخدم Cheat Engine لتفعيل الخدع Cheats في عدد من الالعاب على الكمبيوتر..
ويمكنه تفعيل بعد الخصائص المعطلة في برامج أخرى (مثل ان يكون البرنامج نسخة غير كاملة)...
هو برنامج تجربتي الخاصة معه في مجال تسريع الداونلوود ببرنامج سكاي مونك Skymonk
فعند استعمال البرنامج المشروح في الفيديو... يزيد سرعة السكاي مونك وكأنك مشترك Perimum
المهم
-----
عن برنامج سكاي مونك... هو برنامج يستخدم لتنزيل الملفات سواء افلام او برامج او غيرها من موقع libitit وغيره من المواقع... ميزة سكاي مونك هو انه يتيح لك التحميل على فترات مختلفة وبعد انقطاع النت مثلا...
بالامكان تنزيل سكاي مونك من
http://www.skymonk.net

او ابحث في القوقل بدلالة عبارة
Skymonk offline installer

ساتيكم فيما بعد بشرح مفصل ومصور لاستخدام سكاي مونك...

[Magdy]

بالله احنا عندنا (اوض) تانية

الزول من ما خش سودانيات ماسك سيفو وقاعد في منتدى الحوار ومدور حرب دينية

وانتو بي جاي مرطبين

اها وادي قعده

انا خبرتي في سوفت وير وهارد وير الموبايلات

دمتم بخير

[مشرف منتدى الكمبيوتر]

المشاركة الأصلية كتبت بواسطة مجدي محمد عبدالله

بالله احنا عندنا (اوض) تانية

الزول من ما خش سودانيات ماسك سيفو وقاعد في منتدى الحوار ومدور حرب دينية

وانتو بي جاي مرطبين

اها وادي قعده

انا خبرتي في سوفت وير وهارد وير الموبايلات

دمتم بخير

سلام يا مجدي

ويركة الظهرت هنا...
وتخصصك دا تخصص نادر في سودانيات..
رأيك شنو تفتح لينا بوست (مدرسة تعليم صيانة).. خاصة بكل الاعطال، وتورينا الكيفية المثلي لتعامل مع الموبايل وبطاريتو...الخ
وممكن اساهم معاك بتنزيل السوفتوير والبرامج الاضافية في اصدراته الجديدة في
ونستفيد من علمك وخبرتك هنا...
شاكر لمرورك..

[Magdy]

المشاركة الأصلية كتبت بواسطة مشرف منتدى الكمبيوتر

سلام يا مجدي

ويركة الظهرت هنا...
وتخصصك دا تخصص نادر في سودانيات..
رأيك شنو تفتح لينا بوست (مدرسة تعليم صيانة).. خاصة بكل الاعطال، وتورينا الكيفية المثلي لتعامل مع الموبايل وبطاريتو...الخ
وممكن اساهم معاك بتنزيل السوفتوير والبرامج الاضافية في اصدراته الجديدة في
ونستفيد من علمك وخبرتك هنا...
شاكر لمرورك..

تمام وانا مستعد

بس غالبا الكلام حايكون عن السوفت وير لان الصيانة دي شغلانة عندها ادواتها

واللي غالبا مامتوفرة لي كل الناس وحتى في السوفت وير حايكون التركيز على

الحلول المجانية free solutions لان السوفت وير بتاع البروفيشنالس

داير وسيط (بوكس - دونجل - هاردوير كي الخ) وانترفيس بتعامل مع الوسيط

حا اركز علي الحاجات الساهلة وبامكان اي زول يعملا

انا مهندس لكن مابتاع اليكترونيات بس بحب الشغلة دي بي جنون

دمتم بخير

[قرقاش]

المشاركة الأصلية كتبت بواسطة مجدي محمد عبدالله

تمام وانا مستعد

بس غالبا الكلام حايكون عن السوفت وير لان الصيانة دي شغلانة عندها ادواتها

واللي غالبا مامتوفرة لي كل الناس وحتى في السوفت وير حايكون التركيز على

الحلول المجانية free solutions لان السوفت وير بتاع البروفيشنالس

داير وسيط (بوكس - دونجل - هاردوير كي الخ) وانترفيس بتعامل مع الوسيط

حا اركز علي الحاجات الساهلة وبامكان اي زول يعملا

انا مهندس لكن مابتاع اليكترونيات بس بحب الشغلة دي بي جنون

دمتم بخير

ياخوانا الزوول ده صفقوا ليه شديد ..
ده اول سودانى يقول بحب شغله شديد ..
فى زمتكم لاقاكم سودانى قال انا بحب شغلى
كان سواق تاكسى ولا سواق كمبيوتر ولا سواق ناس ولا سواق عساكر ..؟
ياخى حتى رافت المرتاح وقاعد فى جو اوربى ..رمى لينا بوست السينما العالميه فى وشنا مع انه قال بحب السينما ..ولا علق على جوائز الاوسكار ..