إسكيــرت و بلــوزة !!! أزهـــري سيــف الديـــن

نحو رؤية واضحة لسودان مابعد الحرب !!! حسين عبد الجليل

ليه الحرب ليــه؟؟ هل من إجابـة للشاعر خالـد شقوري؟ !!! عبد الحكيـــم

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > نــــــوافــــــــــــــذ > مسابقة القصة القصيرة 2013

إضافة رد
 
أدوات الموضوع انواع عرض الموضوع
قديم 07-04-2013, 08:58 AM   #[31]
ماجد تاج
:: كــاتب نشــط::
الصورة الرمزية ماجد تاج
 
افتراضي

اقتباس:
المشاركة الأصلية كتبت بواسطة معتصم الطاهر مشاهدة المشاركة

- لنا لم و لن تستطع التعديل لأن البوست قفل .
ـ

دا وقت ادراج السيدة لمشاركتها ( 31-03-2013, 06:56 PM )

ود وقت تعديل المشرف للمشاركة ( 31-03-2013 الساعة 08:30 PM )

ودا المبرر الوحيد لقيامه بالتعديل :

اقتباس:
المشاركة الأصلية كتبت بواسطة لنا جعفر مشاهدة المشاركة
مابعدل براي ياماجد تاج...بيعدل لي شليل
عندك اعتراض؟؟؟

.......................................



ماجد تاج غير متصل   رد مع اقتباس
قديم 07-04-2013, 09:38 AM   #[32]
مشرف منتدى نوافذ
Super Moderator
 
افتراضي

اقتباس:
المشاركة الأصلية كتبت بواسطة ماجد تاج مشاهدة المشاركة
ـ


يا شليل الواحد حقو ما يفكها ف روحو اكتر من اللازم

لو رايحه ليك فرصة تكب فيها الشويتين بتوع المرأة والذكوري والعبط ال من النوع دا

وافتكرت ماجد ممكن يحتمل تبقى غلطان

كلامي كان أوضح من أنو تحملو ما لا يحتمل ، مداخلتي كانت مازحة اكتر منها جادة

لكن التعالي المفرط الحايق بيك بيخليك تعاين بعين ما كويسة

واحساسك بأنك عملت حاجة ما صاح لما عدلت مداخلة المذكورة برضو

والاصح أنها تعدلها لوحدها كما فعل البقية .. وكما نبهت انت الاخرين

دا هو سبب جفاف ردودك واستعجالك للغلط دا

لو كترت الكلام ال ما في محلو دا بتموا معاك في حتة تانية !!

وما تقول تهديد .. لكن أنا ما بنساق لمهاترات على النت

عندك حاجة رايحه ليك ممكن أقابلك وأوضح ليك الناقصك

ما عندك اكتب باحترام شان تلقى الاحترام

وكمان لو القصة كلها غضبة لأنو دسنا على طرف السيدة لنا يبقى انفقع ياخي ...



ـ
سأعود لهذه المداخلة لأمرمغك بها في وحك ترهاتك



مشرف منتدى نوافذ غير متصل   رد مع اقتباس
قديم 07-04-2013, 10:50 AM   #[33]
ماجد تاج
:: كــاتب نشــط::
الصورة الرمزية ماجد تاج
 
افتراضي

اقتباس:
المشاركة الأصلية كتبت بواسطة مشرف منتدى نوافذ مشاهدة المشاركة
سأعود لهذه المداخلة لأمرمغك بها في وحك ترهاتك
ـ

اقتباس:
لكنني أحمل بعض التضاد ، فمن أضعه على بروفايلي يرمق كل ما أكتبه
ويشهد له بحصافته وطيب خلقه مع خصومه
أود أن أكون مثله ، ولست بقادر على ذلك في الوقت الحالي
كما أنني لا أستطيع أن أزيح صورته عن بروفايلي/ خاطري.
ـ


ضع أثقالك أولاً يا شليل ..

ثم عد كما تحب ( كما أنت الان ) لا رسن ولا لجام ..




ـ



ماجد تاج غير متصل   رد مع اقتباس
قديم 07-04-2013, 11:00 AM   #[34]
الرشيد اسماعيل محمود
:: كــاتب نشــط::
الصورة الرمزية الرشيد اسماعيل محمود
 
افتراضي

اقتباس:
المشاركة الأصلية كتبت بواسطة ماجد تاج مشاهدة المشاركة
ـ
مرحب يا شليل

تعديلك كطرف يفترض حياده في القصة المشاركة بيها لنا جعفر كان غريب وما عنده مبرر

وبيخلي دخول النص للمنافسة مجحف في حق البقية

يا ريت تسحب النص من المنافسة

أو توضح انت عدلت شنو .. وليه
سلام يا سيّد المشرف
معليش خليني أختلف معاك في النقطة بتاعة غلظة سؤال ماجد، أنا ما شايف أيّ غلظة فيهو، سألك سؤال معقول جدّاً، وردّك عليهو كان وافي، لغاية هنا كويس، بس في مداخلتك مع لنا جعفر أشرت لغلظة بالنسبة لي غير موجودة في مداخلة ماجد.
عموماً:
البوست بتخيّل لي بطريقتكم العدائية ممكن تحرفو عن مسارو ومقصدو، فيا ريت لو جنبتو القارئ المتابع، حيثيات أبعد ما تكون عن هدف البوست. فقط رجاء ليك وماجد

تحيّاتي



الرشيد اسماعيل محمود غير متصل   رد مع اقتباس
قديم 07-04-2013, 11:24 AM   #[35]
ماجد تاج
:: كــاتب نشــط::
الصورة الرمزية ماجد تاج
 
افتراضي

اقتباس:
المشاركة الأصلية كتبت بواسطة الرشيد اسماعيل محمود مشاهدة المشاركة
سلام يا سيّد المشرف
معليش خليني أختلف معاك في النقطة بتاعة غلظة سؤال ماجد، أنا ما شايف أيّ غلظة فيهو، سألك سؤال معقول جدّاً، وردّك عليهو كان وافي، لغاية هنا كويس، بس في مداخلتك مع لنا جعفر أشرت لغلظة بالنسبة لي غير موجودة في مداخلة ماجد.
عموماً:
البوست بتخيّل لي بطريقتكم العدائية ممكن تحرفو عن مسارو ومقصدو، فيا ريت لو جنبتو القارئ المتابع، حيثيات أبعد ما تكون عن هدف البوست. فقط رجاء ليك وماجد

تحيّاتي
ـ


مرحب يا رشيد ..

للحق القصة كلها أنو الناس اتعودت على نوع معين من النقد فيه الكتير من الطبطبة والتمليس ومراعاة الخواطر .. وما الى ذلك مما تراه هنا وفي كل أو أغلب الاسافير السودانية ، بمجرد ما تطلع من الخط شوية وتخت كلامك بلا وش تعبيري وبلا كلمة مجاملة أو كلمة مهادنة ببقى الافتراض الطبيعي عند الاخر أنك عدو ، وأنو لازم يحمل عليك حملة تتارية شان تتوقف عن نقده .

عني ما زال لدي انتقادات هنا سأوالي إيرادها بكل هدوء ، ولن استجيب لحملة شليل حتى وإن ارتفعت وتيرة تشنجه ـ وإن استجاب يكون أحسن ـ لو رأى تحت خطوطي ما لا يتقبله أو ما يظن أنه محمل بخفايا أنا متاح ليه ومستعد أنتقل ليه أنّى كان وأوضح ليه الغامض عنده ، أو حتى لتلقى غضبته على أرض الواقع .

مداخلتي ال أثارت حفيظته كانت مازحة أكثر منها جادة خاصة وأنا عارف أن السيدة لنا اتعرضت لحادث مؤخراً ، ومطالبتي بسحب البوست مرتبطة تمام الارتباط براي سابق قالته في ذات الموضوع ، أنا غير معني بسحب مشاركتها ، ومنتظر فقط فتح النقاش حول المشاركات شان أكتب رايي فيها في موضعه .

من ناحيتي ما تشيل هم .. حتى لو شليل زاد في غلظته ما ح أرد عليه هنا

بعرف كيف أرد عليه على أرض الواقع شان البوست ما ينحرف عن مساره

تحياتي



ـ



ماجد تاج غير متصل   رد مع اقتباس
قديم 07-04-2013, 11:55 AM   #[36]
عماد سلمان
:: كــاتب جديـــد ::
 
افتراضي

سلام وتحية للجميع
بالنسبة لملاحظاتي على المسابقة
• اتفق مع مقترح نشر المشاركات مرمّزة أو مرقّمة . واقترح نشرها فور وصولها لبريد مشرف المنتدى. لأني فهمت أنك سترسلها للجنة التحكيم أولاً. لتوفير فرصة أكبر للقراءة , وتحفيز للمشاركين بإرسال أعمالهم .
• بخصوص التسمية ( مسابقة خالد الحاج للقصة القصيرة 2013 -2014) اقترح تسميتها مسابقة خالد الحاج للقصة القصيرة – الدورة الأولى .. الدورة الثانية وهكذا . أو لو كانت سنوية تكفي سنة واحدة , لأنها بدأت تقريبا في بدايات 2013 م ولسنة 2014 مسابقة أو دورة جديدة. وتوحيد الاسم في عناوين البوستات بالمنتدى .مكرر لملاحظة الأخت وهاد.
• لا أتفق مع ربط وتخصيص نصف قيمة الجائزة لمشروع إفطار طالب . الأعمال الخيرية اختيارية ولكل أولوياته.





هامش
• أخ معتصم أعتقد الناس ديل معاك في قطر .رجاء أجمعهم. ومافي مانع تجيب صور البُنْية ثم الأحضان وبعدها كل واحد يجي يعدّل مشاركاته هنا بنفسه.



التعديل الأخير تم بواسطة عماد سلمان ; 07-04-2013 الساعة 01:04 PM. سبب آخر: و+تشكيل
عماد سلمان غير متصل   رد مع اقتباس
قديم 07-04-2013, 02:02 PM   #[37]
الفاتح
:: كــاتب نشــط::
الصورة الرمزية الفاتح
 
افتراضي

اقتباس:
المشاركة الأصلية كتبت بواسطة ماجد تاج مشاهدة المشاركة
ـ


يا شليل الواحد حقو ما يفكها ف روحو اكتر من اللازم

لو رايحه ليك فرصة تكب فيها الشويتين بتوع المرأة والذكوري والعبط ال من النوع دا

وافتكرت ماجد ممكن يحتمل تبقى غلطان

كلامي كان أوضح من أنو تحملو ما لا يحتمل ، مداخلتي كانت مازحة اكتر منها جادة

لكن التعالي المفرط الحايق بيك بيخليك تعاين بعين ما كويسة

واحساسك بأنك عملت حاجة ما صاح لما عدلت مداخلة المذكورة برضو

والاصح أنها تعدلها لوحدها كما فعل البقية .. وكما نبهت انت الاخرين

دا هو سبب جفاف ردودك واستعجالك للغلط دا

لو كترت الكلام ال ما في محلو دا بتموا معاك في حتة تانية !!

وما تقول تهديد .. لكن أنا ما بنساق لمهاترات على النت

عندك حاجة رايحه ليك ممكن أقابلك وأوضح ليك الناقصك

ما عندك اكتب باحترام شان تلقى الاحترام

وكمان لو القصة كلها غضبة لأنو دسنا على طرف السيدة لنا يبقى انفقع ياخي ...



ـ
أولا : أبتعد عن الكتابة اللي كتبتها في حق المرحوم عماد الأمين من هنا ، وخليهو يرقد بسلام.. لم ضنبك عليك ، وأقعد في جحر ترهاتك دي .
ثانياً : إشارتك الخفية بتاعة طالعني سايبريا دي عاضَه ..أبقى مارق لي برًه السايبر ده ..شان أوريك قلة أدبك دي .. بس ما تجيني ب ( فساتينك ) !.. يللا أبقى راكز..
ثالثا : بتعرفني إنت من وين عشان تحكم علي بإني فاكيها في روحي..مش ياهو النت الواحد البجمعنا ده .. بختار خامة الكتابة البتعجبني وبتداخل فيها .. إنت واحد من الناس الكونت فيهم راي من خلال شخبطتك السايبرية دي.. إنك زول كيسو فاضي وبتحب الظهور أكتر من الكتابة الموضوعية في حد ذاتها ، بالإضافة لإنو قدامك ملايين السنين الضوئية عشان تتجاوز نظرتك الدونية للمرأه ، ووصفك لإنو الحديث عنها مجرد عبط .. بيشير لتدني وعيك
توضيح ووضحت ليك دواعي تعديلي لمداخلة لنا.. شنو الثقاله بتاعة مجبصه وإنك ما قبلت التكليف ده من ( أبو شنب ).. لو إنت أساساً كايس للنتايج بعد ما عرفت مش كان الأحرى إنك تلم ضنبك عليك .. أبدا ما عملت كده .. لإنك بتحب تعيش في الحتات الضحله .. توسخ نفسك وتوسخ الحتات الحواليك
وبعد ما البوست إتحور عن مسارو قال .. كنت بهظًر..
تهظًر بتاعة فنيلتك ! الفاتح سعيد ما بيقبل نوعية هظار سخيف زي ده .. والقارئ البسيط بتصلو رسالتك المتخلفة في إنو كيف أبشنب يقبل التكليف من ( إمرأه ).
بؤس الرسالة ، وبؤس التفكير



الفاتح غير متصل   رد مع اقتباس
قديم 07-04-2013, 02:07 PM   #[38]
الفاتح
:: كــاتب نشــط::
الصورة الرمزية الفاتح
 
افتراضي

اقتباس:
المشاركة الأصلية كتبت بواسطة معتصم الطاهر مشاهدة المشاركة
هذا غلاط جاف لا داعي له

- لنا لم و لن تستطع التعديل لأن البوست قفل .

هكذا يجب أن يكون الرد من المشرف .
و يكون مقنع للسائل ..

تحول النقاش الهادى للحاد غير محبذ

مفردة ( اب شنب مفردة عادية عند ماجد تاج يستخدمها لكل فرد بدل اسمه او يا زول) ..

الردود باسم مشرف نوافذ مرفوضة تماما .. النتحدث اظنه شليل .
مابذكر إذا كان البوست إتقفل وللا لأ.. دي حاجه شكلية.. البيهمني إني نبهتها لعدم جدوى إنها تخت بياناتها في صدر القصة.. ولو في ناس شافوا قصة لنا بيكونوا إنتبهوا لإنو ختت بياناتها الشخصية ..
القارئ ما بيعرف إنو مفردة أبشنب حاجه عادية بيستعملها ماجد .. القارئ حتصلو رسالة متخلفة من ماجد نصها : إنو الراجل ما تكلفو مره



الفاتح غير متصل   رد مع اقتباس
قديم 07-04-2013, 02:19 PM   #[39]
مشرف منتدى نوافذ
Super Moderator
 
افتراضي

اقتباس:
المشاركة الأصلية كتبت بواسطة الرشيد اسماعيل محمود مشاهدة المشاركة
سلام يا سيّد المشرف
معليش خليني أختلف معاك في النقطة بتاعة غلظة سؤال ماجد، أنا ما شايف أيّ غلظة فيهو، سألك سؤال معقول جدّاً، وردّك عليهو كان وافي، لغاية هنا كويس، بس في مداخلتك مع لنا جعفر أشرت لغلظة بالنسبة لي غير موجودة في مداخلة ماجد.
عموماً:
البوست بتخيّل لي بطريقتكم العدائية ممكن تحرفو عن مسارو ومقصدو، فيا ريت لو جنبتو القارئ المتابع، حيثيات أبعد ما تكون عن هدف البوست. فقط رجاء ليك وماجد

تحيّاتي
سلامات يا الرشيد..
بعتذر عن تحويل البوست عن مسارو .. وبأسف عن الكتابة بإسم مشرف منتدى نوافذ في صراع ديكه زي ده.. عموما .. بعد مداخلتك دي أعدت قراية الحاجه الكتبها ماجد كم مرًه ، عشان أكون صادق مع نفسي لأنو إحتمال أكون منفعل وما قدرت أشوفها كويس.. فبكل أسف لقيت الغلظة موجوده.. ليه لأنو ماجد ده قبل ما يجف حبر تساؤلو عن سبب تعديل نص لنا ، جرى طوالي للأحكام ( بإنو مفروض نسحب البوست بتاعها وو ).. ياخي إنت سألت سؤال .. أدينا فرصة نجاوب ليك.. وللا ماكان في داعي للسؤال طالما إنو النظرة التقريرية التجريمية موجودة.

بأسف ليك وللسادة القراء عن الحاجه الحاصله دي.



مشرف منتدى نوافذ غير متصل   رد مع اقتباس
قديم 07-04-2013, 02:32 PM   #[40]
مشرف منتدى نوافذ
Super Moderator
 
افتراضي

اقتباس:
المشاركة الأصلية كتبت بواسطة عماد سلمان مشاهدة المشاركة
سلام وتحية للجميع
بالنسبة لملاحظاتي على المسابقة
• اتفق مع مقترح نشر المشاركات مرمّزة أو مرقّمة . واقترح نشرها فور وصولها لبريد مشرف المنتدى. لأني فهمت أنك سترسلها للجنة التحكيم أولاً. لتوفير فرصة أكبر للقراءة , وتحفيز للمشاركين بإرسال أعمالهم .
• بخصوص التسمية ( مسابقة خالد الحاج للقصة القصيرة 2013 -2014) اقترح تسميتها مسابقة خالد الحاج للقصة القصيرة – الدورة الأولى .. الدورة الثانية وهكذا . أو لو كانت سنوية تكفي سنة واحدة , لأنها بدأت تقريبا في بدايات 2013 م ولسنة 2014 مسابقة أو دورة جديدة. وتوحيد الاسم في عناوين البوستات بالمنتدى .مكرر لملاحظة الأخت وهاد.
• لا أتفق مع ربط وتخصيص نصف قيمة الجائزة لمشروع إفطار طالب . الأعمال الخيرية اختيارية ولكل أولوياته.





هامش
• أخ معتصم أعتقد الناس ديل معاك في قطر .رجاء أجمعهم. ومافي مانع تجيب صور البُنْية ثم الأحضان وبعدها كل واحد يجي يعدّل مشاركاته هنا بنفسه.
مرحبا يا عماد ، وأطيب الأمنيات بإقامة طيبة في سودانيات..
بالنسبة لمقترحك الأول حول إرسال النص بعد ترميزه إلى القراء ، قد يؤثر على تصور الأخوان الفي اللجنة الفنية.. لأنو قد يشارك واحد ما مشترك في اللجنة الفنية ويقراها بزاوية مختلفة عن الزاوية الشايفها عضو اللجنة الفنية، وبالتالي يؤثر في قرارات اللجنة الفنية.. الحاجه الحتتم إنو حننزل النصوص مرفق معاها تقييم الأخوان في اللجنة الفنية ، بعديها نفتح الباب للإستماع لآراء الجميع.
حول التسمية (دوره أو إسم خالد الحاج حاف ) بتؤدي نفس الدور إللي نحنا عايزنو .. البيهمنا هنا الحراك الثقافي.. وحالما تنتهي مسابقة القصة القصيرة ، حأعقد ورشة لمسابقة تانية من نافذه تانية وهكذا دواليك
رايك حول مشروع إفطار طالب ، يجد مني الإحترام ، مع عدم إتفاقي مع رؤيتك

تحياتي.



مشرف منتدى نوافذ غير متصل   رد مع اقتباس
قديم 07-04-2013, 02:33 PM   #[41]
لنا جعفر
:: كــاتب نشــط::
 
افتراضي

اقتباس:
المشاركة الأصلية كتبت بواسطة ماجد تاج مشاهدة المشاركة
ـ


مرحب يا شليل

تعديلك كطرف يفترض حياده في القصة المشاركة بيها لنا جعفر كان غريب وما عنده مبرر

وبيخلي دخول النص للمنافسة مجحف في حق البقية

يا ريت تسحب النص من المنافسة

أو توضح انت عدلت شنو .. وليه



ـ
اقتباس:
المشاركة الأصلية كتبت بواسطة ماجد تاج مشاهدة المشاركة
ـ


شكراً شليل على التوضيح وما في غلظة

لنا جعفر فهمت السبب وضحكت زي ما شايف لأنو دا كان رايها فيما سبق عن التعديل

واستثنائي ـ اللين ـ ختيتوا ليك في آخر الكلام ـ توضيح سبب التعديل

مع أنو حتة كلفتني دي ما عجبتني يا أب شنب

مالا ما تعدل براها .. كانت مجبسة ؟



ـ
اقتباس:
المشاركة الأصلية كتبت بواسطة معتصم الطاهر مشاهدة المشاركة
الاخت لنا

و السيد المشرف

سؤال العضو ماجد تاج جزء من الشفافية و مطلوب السؤال و يجب الاجابة فلا يجب أن نتحسس .
اقتباس:
المشاركة الأصلية كتبت بواسطة الرشيد اسماعيل محمود مشاهدة المشاركة
سلام يا سيّد المشرف
معليش خليني أختلف معاك في النقطة بتاعة غلظة سؤال ماجد، أنا ما شايف أيّ غلظة فيهو، سألك سؤال معقول جدّاً، وردّك عليهو كان وافي، لغاية هنا كويس، بس في مداخلتك مع لنا جعفر أشرت لغلظة بالنسبة لي غير موجودة في مداخلة ماجد.
عموماً:
البوست بتخيّل لي بطريقتكم العدائية ممكن تحرفو عن مسارو ومقصدو، فيا ريت لو جنبتو القارئ المتابع، حيثيات أبعد ما تكون عن هدف البوست. فقط رجاء ليك وماجد

تحيّاتي

ظهيرة سعيدة ياشباب.....
وسوري لي شليل تاني ولوقت الناس الهنا ...بس لازم اوضح
ح الخص فكرتي سريع عشان البوست ده يفترض مخصص لشي محدد
1/ ماجد تاج عنده حق في السؤال عن التعديل وسببه وده حق مكفول لي اي عضو في سودانيات....بس هو سأل كيف ؟؟يارشيدي ومعتصم ماجد تاج اول شي اطلق حكم وقال التعديل ماعندو مبرر ومجحف في حق النصوص التانية ودي تهمة واضحة لي شليل انه عدّل في متن قصتي ...يعني كان يسأل ومايفترض قبل تلقي الجواب انه يقول الدخول ما مبرر وانه بيضر بالقصص التانية....شليل ماعدّل في متني وهو عارف حدودو وانا عارفة سبب التعديل لانه مع اسرتي ممكن يسبب لي اشكال ووقتها ماقدرت ادخل واعدل لاسباب محتفظة بيها وعارفنها اصحاب هنا
يبقى مداخلتو الاولى كان يفترض تكون سؤال واستيضاح موش يطلق حكم قطعي ومبطن انه شليل عدّل وظلم البقية من القصص !! صح الكلام يارشيد ومعتصم ؟؟؟
الشي التاني طالب بسحب قصتي من المنافسة كطلب اصيل والطلب الاحتياطي كان الطلب من شليل توضيح انه عدّل شنو وليه......الصورة هنا مقلوبة ...يفترض يسأل ولمن يتلقى رد شليل يبني احكامه وحكاية سحب النص تجي بعد ثبوت التعديل وادانة شليل وادانتي ع تواطؤ قدر ده...
سمعوني رايكم هنا في الحتة دي معتصم ورشيدي
2/ حكاية المزح اللي قالا ماجد تاج في مداخلتو التانية ...اللي هي اني مجبسة أنا رافضاها لانه مافي مزح بيني وبين ماجد تاج ولاعلاقتنا بتسمح بمزح ...ولا انا بسمح ليهو اصلاً يمزح معاي ...ولاح يحصل مستقبلاً
ماجد تاج بنى علاقتو معاي ع الترصد والتعريض والتهديد ومافي شي يدفعني بتوقع حسن النية منو اطلااااقاً
3/ بالنسبة ليك زي ماكتبت يارشيدي انه المداخلة مافيها غلظة ....من جانبي انا شايفة انه في غلظة وترصد وطلب ما منطقي بي استبعاد قصتي حتى قبل تلقي أجابتي او اجابة شليل وفيها واتهام لي بالتواطؤ مع شليل لتعديل قصتي وده اتهام ظالم وماعندو اساس في الواقع وممكن تطلبو صورة من السيستم توضح ليكم انه شليل حذف عنواني وايميلي وتلفوني والدولة الانا قاعدة فيها وبس....وشليل اكبر من اخطاء واتهامات متسرعة زي دي ولا ح ادافع عنو لانه اساسا مامتهم ولا انا متهمة زي ماحاول يوحي ماجد تاج...اها يللا بتسمح لي وجهة نظري تكون مخالفة ليك يارشيدي؟؟ الزول الواقع عليهو الأذى بيشوف بزوايا شوف مختلفة جداً وبحترم وجهة نظرك في انك ماشايف غلظة بس انا شايفة ابعد من الغلظة حسب تراكم تجاربي العملية مع ماجد ...ومن وجهة نظر شليل قال انها غلظة ومن وجهة نظري هي شي ابعد من الغلظة....هي تشكيك واتهام واطلاق احكام بدون سماع دفوع الزول التاني ....وهي اقصااااااء جديد بيمارسو ماجد تاج في مواجهتي...ويجي يقول في مداخلتو الأخيرة انه ما معني بي سحب قصتي ....كيف ما معني ياماجد تاج وانت طالبت في مداخلتك بسحب قصتي وانه تعديل شليل أضر بالبقية والآخرين ؟؟؟؟ وقلتها صراااااحة وبياناً عياناً؟؟؟وبخط يدك ؟
واهي موجودة ومقتبسة...ومقتبس انكارك برضو بي انك مامعني بسحب قصتي ...كيف يعني ما معني وانت مطالب ؟؟؟ ليه زايغ منها ياماجد ؟؟؟ وضح ليك حجم الترصد والتسرع والأقصاء الفيها ؟؟؟وضح ليك التهجم وحجموا البتمارسو علي على رأس الاشهاد ؟؟ولقيتو ما مستستاغ عشان كده قلت ما معني ؟؟؟
لالالالالالالأ ...انت قاصد ومعني ومجتهد في اقصاء الآخر ونفيه واستبعاده كونه مابيوافق مكامن هبوب ريحك ,....ودي كتابة يدك الغرقت ليك وماجبتها من عندي .
السؤال المجرد حق ومكفول ومشروع ومحمي بس السؤال يتسئل صاح وبعيد عن الهوى والأذى والتعريض والتشنيع
وبنيان مواقف قبل سماع الرد ع السؤال...ليه ما انتظرت شليل يجاوبك وقلت اسحبو القصة ؟؟؟وحاولت تحرض الآخرين وتألبهم وتقول ليهم شليل عدّل لي لنا البليدة عشان يفوزا وتجو الطيشة انتو الشاطرين المجتهدين الجيتو بدري
4/ في شي خطير برضو لافت نظري وهو تعمد ماجد التهديد في الكبيرة والصغيرة انه بيصفي امورو بي بره وحكاية طالعني دي ....اها ياناس مافيها حاجة ...الحركة دي عادية؟؟؟ اتمارست ع الاقل لغاية هسا من قبل ماجد تاج ضد تلاتة اعضاء ...برضو ماشايف شي يارشيدي وانه عادي ؟؟؟
يا اخوانا انا ما بضيق بالراي خالص ورشيدي ومعتصم ديل خاصتي وصحبي ولو ماجوني بمشي ليهم آخد رايهم بس ياجماعة الراي طريق ذو اتجاهين
يللا طلعو لينا النصيحة ووروني كلامي غلط وين ؟؟
وليه لمن بتتدخلوا عشان تشيرو لي انه مافي شي ما بتشيرو لي أخطاء ومخاشنات ماجد واتهاماتو البدون اساس ؟؟؟؟ ليه مادافعتو عن حقي في البقاء في المنافسة وانه مايقصيني بدون تحقيق او انتظار اجابة شليل ؟؟؟ مالكم كيف تحكمون يا اخوانا ؟؟




التعديل الأخير تم بواسطة لنا جعفر ; 12-04-2013 الساعة 07:00 PM.
التوقيع:
نَحْنُ ننتظرُ الضياء ..لكننا نرى الظلام .
(أشعياء 9:59)
لنا جعفر غير متصل   رد مع اقتباس
قديم 07-04-2013, 02:39 PM   #[42]
مبر محمود
:: كــاتب نشــط::
 
افتراضي

تحيّاتي يا شليل،
للأمانة أنا شايف إنك وماجد تاج لم تتحليا بالحكمة اللازمة ولم تكونا موفقين في إدارة الإختلاف بينكما، حرفتما البوست عن مقاصده وحولتماه لساحة للتراشق اللفظي وتبادل الإستفزازات والشتائم الشخصية التي قطعاً لا تفيد ولا تخدم القاري في شئ، طبعاً أنا أخصك بالحديث دون ماجد لأني منطقياً كنت أعول عليك في تلافي كل هذا بإعتبارك جزء من الطاقم الإداري في سودانيات، فنحن كقراء وأعضاء في هذا المنتدى عشمنا دائماً فيكم كطاقم إداري أن تكونوا الأحرص على تأسيس الحوار الإيجابي الخالي من الشتائم في أروقة المنتدى!

روقوا المنقة يا أخوانا، ففي الإمكان أفضل وأجمل مما كان!



مبر محمود غير متصل   رد مع اقتباس
قديم 07-04-2013, 02:57 PM   #[43]
مشرف منتدى نوافذ
Super Moderator
 
افتراضي

اقتباس:
المشاركة الأصلية كتبت بواسطة مبر محمود مشاهدة المشاركة
تحيّاتي يا شليل،
للأمانة أنا شايف إنك وماجد تاج لم تتحليا بالحكمة اللازمة ولم تكونا موفقين في إدارة الإختلاف بينكما، حرفتما البوست عن مقاصده وحولتماه لساحة للتراشق اللفظي وتبادل الإستفزازات والشتائم الشخصية التي قطعاً لا تفيد ولا تخدم القاري في شئ، طبعاً أنا أخصك بالحديث دون ماجد لأني منطقياً كنت أعول عليك في تلافي كل هذا بإعتبارك جزء من الطاقم الإداري في سودانيات، فنحن كقراء وأعضاء في هذا المنتدى عشمنا دائماً فيكم كطاقم إداري أن تكونوا الأحرص على تأسيس الحوار الإيجابي الخالي من الشتائم في أروقة المنتدى!

روقوا المنقة يا أخوانا، ففي الإمكان أفضل وأجمل مما كان!
أهلين يا مبر..
بتأسف كتير على الحاجه الحصلت هنا ، لكن ياخ الزول ده شايت في خط بتاع تأليب عضوية ضد الإداره.. مهند كوم ، ولنا كوم ، وأهو هسع بيتشكك في نزاهتي..
خطة عملو واضحة ما بتتخطاها عين.. عموما أنا شايف الأتى :
1/ تقنيا السيستم كفيل بإنو يرد على إتهامو لي.. ممكن أصور الحاجه الإتعدلت وزمن تعديلها.
2/ بأسف على الضرر الإتسبب ليكم .. مع الوعد بالعودة للموضوع الرئيسي.



مشرف منتدى نوافذ غير متصل   رد مع اقتباس
قديم 07-04-2013, 03:01 PM   #[44]
لنا جعفر
:: كــاتب نشــط::
 
افتراضي

السيد مشرف منتدى نوافذ ...والسادة /عضوية لجنة التحكيم الموقرة
تحية واحترام
الموضوع : طلب إدراج نص قصصي للعضو محمد عبد الرحمن


الأكارم ...
العضو والزميل العزيز جدا محمد عبد الرحمن اراد التقدم لمسابقة القصة القصيرة
بقصة خاصة به وقبل موعد قفل باب المشاركة رسمياً فوجئ بقفل البوست وهذا القفل حال دون تقدمه بقصته مما حدا به كتابتها في بوست بمنتدى الحوار..
لاحقاً أعتذر المشرف الفني بأن خطأ ما كان السبب في قفل البوست
وبناءأً عليه التمس من لجنة التحكيم ومشرف منتدى نوافذ أستثناء قصة محمد عبد الرحمن مصطفى من موعد قفل المشاركة جبراً لضرره وادخال قصته لحيز المنافسة لانه لايد له في الأمر ولأنه حضر في الأطار الزمني المعلن عنه
اناشدكم باسم روح العدالة وروح سودانيات السمحة السماح له بذلك ما امكن رغم ما قد يسببه طلبي من ارتباك ...
*حاولت مكاتبة المشرف الفني بطلبي هذا لكن بريده كان ممتلئ ولم تسول لي نفسي مخاطبة عضوية لجنة التحكيم لانه لدي قصة مشاركة
عذراً للمخاطبة العلنية لكن قصدي هو عدم تضرر الغالي محمد عبد الرحمن مصطفى
حيث أن عامل الزمن مهم
وإن رايتم تحويل طلبي هذا لأي مكان آخر فأنا لا أمانع

ولكم فائق التقدير والإحترام
لنا جعفر
عضو سودانيات



التوقيع:
نَحْنُ ننتظرُ الضياء ..لكننا نرى الظلام .
(أشعياء 9:59)
لنا جعفر غير متصل   رد مع اقتباس
قديم 07-04-2013, 03:06 PM   #[45]
مشرف منتدى نوافذ
Super Moderator
 
افتراضي

اقتباس:
المشاركة الأصلية كتبت بواسطة لنا جعفر مشاهدة المشاركة
السيد مشرف منتدى نوافذ ...والسادة /عضوية لجنة التحكيم الموقرة
تحية واحترام
الموضوع : طلب إدراج نص قصصي للعضو محمد عبد الرحمن


الأكارم ...
العضو والزميل العزيز جدا محمد عبد الرحمن اراد التقدم لمسابقة القصة القصيرة
بقصة خاصة به وقبل موعد قفل باب المشاركة رسمياً فوجئ بقفل البوست وهذا القفل حال دون تقدمه بقصته مما حدا به كتابتها في بوست بمنتدى الحوار..
لاحقاً أعتذر المشرف الفني بأن خطأ ما كان السبب في قفل البوست
وبناءأً عليه التمس من لجنة التحكيم ومشرف منتدى نوافذ أستثناء قصة محمد عبد الرحمن مصطفى من موعد قفل المشاركة جبراً لضرره وادخال قصته لحيز المنافسة لانه لايد له في الأمر ولأنه حضر في الأطار الزمني المعلن عنه
اناشدكم باسم روح العدالة وروح سودانيات السمحة السماح له بذلك ما امكن رغم ما قد يسببه طلبي من ارتباك ...
*حاولت مكاتبة المشرف الفني بطلبي هذا لكن بريده كان ممتلئ ولم تسول لي نفسي مخاطبة عضوية لجنة التحكيم لانه لدي قصة مشاركة
عذراً للمخاطبة العلنية لكن قصدي هو عدم تضرر الغالي محمد عبد الرحمن مصطفى
حيث أن عامل الزمن مهم
وإن رايتم تحويل طلبي هذا لأي مكان آخر فأنا لا أمانع

ولكم فائق التقدير والإحترام
لنا جعفر
عضو سودانيات
العزيزه لنا ..
عن نفسي لا أجد ما يمنع مشاركته.. وللأمانه لم أعلم بهذا إلا في هذا البوست من خلال مشاركة العزيزة وهاد ، قمت بالإعتذار له فور علمي بذلك ، فلم أتلقى منه جواباً.. فله العتبى ، ولك مني الشكر أجزله.



مشرف منتدى نوافذ غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 05:46 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.