ضيف على مائدة سودانيات ...! - 12 - زول الله

[أبو أماني]

أحبائي الأعزاء ..
أحباء سودانيات .. لكم صادق الود والتحايا القلبية .. حقا قد سرني وأثلج صدري عمق صداقتي بكم ذهاء ما يقارب السنة أو يزيد .. قضيتها بينكم في سعادة وحبور .. وأحسست وأنا بينكم وبكم بدفء الأسرة وأحلى وشائج الإخاء والمحبة .. حيث صرتم بالنسبة لي كأفراد أسرتي رحما بل أكثر من ذلك..بحيث أقضي الساعات الطوال في رحابكم المرحة العامرة قبل وأكثر مما أقضيه مع أسرتي .. فلكم الشكر على ما وهبتموني من حب صادق إمتزج في شراييني وصار يغزو القلب ويعمر غرفه الأربع ويهرب ليعود ثانية ليمدني بالحياة .

فكرت مليئا في شكل مستقبل علاقة كل سوداني في سودانيات بالآخر! وهالني أن تكون علاقة صادقة حميمة كهذه عرضة للعيش والعمران طويلا عبر الفضاء الإسفيري والعالم الأثيري ..! وتصورت حياة شخوصها في اللاشئ وفنائهم في اللاشئ ..تماما كما يحدث يوميا بالنسبة لممثلين وممثلات نشاهدهم عبر الشاشات البيضاء والبلورية .. نعايشهم ونعاصرهم ثم يتلاشوا في اللاشئ حقيقي حزت في نفسي هذه الخاطرة .. وفكرت ثانية !..

أضع بين أياديكم عتبة أولي لتجسيد علاقة كل منا بالآخر .. وهو بوستر تتم استضافة عضو فيه ليكون مصدر حوار تعارفي يحكي لنا ما عن له أن يرويه عن نفسه فنزداد قربا منه أكثر وأكثر ومعرفة به وثيقة أكثر .. نعرف موقعه الحالي .. رقم موبايله .. عدد أفراد أسرته .. طموحاته الآنية والمستقبلية .. بعض مشاكله الخاصة التي يمكن الخوض فيها .. والمشاركة في علاجها بعض الجوانب المضيئة من حياته الماضية والتي يحلو له الخوض فيها مع الأحباء .. الخ ..

إن راقت لكم فكرتي هذه فأقترح أن يقوم كل ضيف حل بالبوستر في نهاية حلقته بترشيح من يحل بعده ضيفا على مننتسبي سودانيات .. وهكذا دواليك .. تبقى المعضلة في إختيار عضو الشرف الأول .. وأقترح أيضا أن يقوم صاحب البوستر بإختياره .. درج كبارنا على إختيار كبير القوم ليتولى ضربة البداية في كل مشروع أو عمل .. وحيث أن مجتمع سودانيات يحفل بالكبار شكلا وموضوعا وليس من بينهم من يتفضل على الآخر .. فأسمحوا لي أن أختار أكبر الأعضاء (سنا) .. فليكن ضيف الحلقة الأولى العميد الأستاذ :-

[align=center]خـــالـــد الحــــاج [/align]
مساهمتي الأولي معه المطالبة بنبذة صغيرة عن عميدنا والبطاقة الشخصية وتعريف مختصر ولكم جميعا خالص حبي وإعتزازي وإحترامي ...

[زول الله]

دا شنو دا هسه ؟؟؟
مؤامرة واضحة لـ فك الخنقة عن جانيت وخنق واحد تاني
نحن قلنا البت دي يكون حدها معانا العيد تقومو تفكوها من هسه ؟؟؟
غايتو الله مرقك المرة دي لكن الرملة الدقاقة في

اوكي ودسعد نحن هنا












اقول قولي هذا واستغفر الله لي .............

[زول الله]

المشاركة الأصلية كتبت بواسطة عبدالعزيز عبدالله

والله حركتك انت وود سعد دي زكرتوني بها حسن الترابي... كان في احدي تقليعات تشريعاتة حاجة اسمها الإجماع السكوتي وكدة الشكية لي اب إيداً قوية

غايتو نسميها رضينا

الواسطة الواسطة ياولدنا

نحن لينا الله وعيشة السوق












اقول قولي هذا واستغفر الله لي ..........

[فيصل سعد]

المشاركة الأصلية كتبت بواسطة زول الله

دا شنو دا هسه ؟؟؟
مؤامرة واضحة لـ فك الخنقة عن جانيت وخنق واحد تاني
نحن قلنا البت دي يكون حدها معانا العيد تقومو تفكوها من هسه ؟؟؟
غايتو الله مرقك المرة دي لكن الرملة الدقاقة في

اوكي ودسعد نحن هنا

اقول قولي هذا واستغفر الله لي .............

مرحب يا رجل و عساك بالف خير،
و شكرا للاستجابة، و حللت هنا
عزيزا مكرما ..

تفضل يا عزيزي بمقدمة افتتاحية
لتحية المتابعين و المشاركين و تفضل بنبذة قصيرة تختارها انت ..

و خليك هنا، انا ساكي لي بوست بهناك
سكة كديس لفار

[سمراء]

المشاركة الأصلية كتبت بواسطة فيصل سعد

لتحية المتابعين و المشاركين و تفضل بنبذة قصيرة تختارها انت ..

تااااااانى نبذة !!
وكمان يختره هو بمزاجو !! انا لله ياخ

يلا يازول الله اختار النبذ الدايرو ....عارفاااااك مابتتوصى
متعدة دائما

[زول الله]

المشاركة الأصلية كتبت بواسطة فيصل سعد

[align=center]
*********************************************
السلام و التحايا الطيبة للاخ الحبيب زول الله، رمضان كريم يا ابن العم،
و مرحبا بك ضيفا عزيزا في هذا البوست العامر محبة و تواصل،
يمكنك الدخول و ادينا هنا اشارة بالجاهزية و الاستعداد، و ينتظرك
الجميع هنا بكل الود و الترحاب، تفضل يا عزيزي بمقدمة افتتاحية
لتحية المتابعين و المشاركين و تفضل بنبذة قصيرة تختارها انت ..
سأكون معا في بداية هذا البوست مضيفا، و اذا عاد صاحب البوست
ربما نتحول لمقاعد الجماهير ..
بسم الله، و الحمد لله، و الصلاة و السلام على رسول الله، و
الكرة بملعبك ايها الاخ العزيز و كلنا اذان صاغية ..
*******************************************[/align]

مرحب بيك اتا دا
التحية اول حاجة لـ جانيت واقول ليها الف مبروك المخارجة المؤامرة دي
شكراً ابوأماني وفيصل سعد وشكراً كل المتابعين والمتاوقين والمتأبطين شراً ..ناس عبعزيز وكدا
جاهزين جاهزين لحماية الدين حتى لو صنفتونا مع ناس بدرالدين












اقول قولي هذا واستغفر الله لي .....................

[عبدالعزيز عبدالله]

المشاركة الأصلية كتبت بواسطة زول الله

الواسطة الواسطة ياولدنا

يا زول ما تصاحبني بعد ما قعدت في كرسي الحلاقة وخاصة العيد قرب... اها عاوز الحلاقة بالموس الميتة ولا نسنها ليك...؟؟؟

ضربة البداية خفيفة:

1/ الاغتراب ... ومرارات الغربة... لماذا اخترت السعودية بالذات للإغتراب؟
2/ متي بدأت الاغتراب وكيف كنت تقضي ايامك وانت مكوي بين نار الغربة ولهيب الإشتياق للوطن؟
3/ ماذا اضاف لك الاغتراب... وماذا اخذ؟
4/ عزيز انت يا وطني ... ما هو شعورك وانت تعيش في مجتمع غير مجتمعك؟

[زول الله]

المشاركة الأصلية كتبت بواسطة سمراء

تااااااانى نبذة !!

يلا يازول الله اختار النبذ الدايرو ....عارفاااااك مابتتوصى
متعدة دائما

وثم اشكر الاخت سمراء على المشاركات القيمة ووقوفها بعييييد وجرران الشخيت
ياخ انتي مش كنتي زهجانة قبل شوية ؟؟؟












اقول قولي هذا واستغفر الله لي ....................

[زول الله]

المشاركة الأصلية كتبت بواسطة عبدالعزيز عبدالله

يا زول ما تصاحبني بعد ما قعدت في كرسي الحلاقة وخاصة العيد قرب... اها عاوز الحلاقة بالموس الميتة ولا نسنها ليك...؟؟؟

ضربة البداية خفيفة:

1/ الاغتراب ... ومرارات الغربة... لماذا اخترت السعودية بالذات للإغتراب؟
2/ متي بدأت الاغتراب وكيف كنت تقضي ايامك وانت مكوي بين نار الغربة ولهيب الإشتياق للوطن؟
3/ ماذا اضاف لك الاغتراب... وماذا اخذ؟
4/ عزيز انت يا وطني ... ما هو شعورك وانت تعيش في مجتمع غير مجتمعك؟

كويس ياعبدالعزيز الله في وبنتلاقى كان الله مد في العمر

1/ لم اختار السعودية ولكن الفيزا جاءت في شكل هدية للوالد من أحد حيرانه بالمملكة - او يكون هو طلبها بي وراي الله اعلم -
2/ اتيت هنا ياعبدالعزيز قبل 13سنة ولحد الآن ماعارف أيامي بتمشي كيف لكن اهي ماشة
3/ الاغتراب يقتل فينا الأشياء الجميلة أو يجمدها .. ويكسبنا الاحتكاك مع الجنسيات الاخرى الكثير من الخبرة في مختلف المجالات
4/ زي السمكة برا الموية












اقول قولي هذا واستغفر الله لي .................

[فيصل سعد]

شكرا زول الله، و نعود لك و معنا سؤال
عن منبر سودانيات، و كيف نشأت علاقتك
به و كيف و متى اشتركت به، و من
هم دفعتك هنا؟ و هل لك علاقات
ارضية ببعض اعضاؤه، و حدثنا
عن تجربتك في السايبر عموما و
سودانيات على وجه الخصوص، ماذا
اضافت و ماذا اخذت؟ و هل انت
سعيد و راضي و مستمتع ؟؟

[عبدالعزيز عبدالله]

المشاركة الأصلية كتبت بواسطة زول الله

كويس ياعبدالعزيز الله في وبنتلاقى كان الله مد في العمر

1/ لم اختار السعودية ولكن الفيزا جاءت في شكل هدية للوالد من أحد حيرانه بالمملكة - او يكون هو طلبها بي وراي الله اعلم -
2/ اتيت هنا ياعبدالعزيز قبل 13سنة ولحد الآن ماعارف أيامي بتمشي كيف لكن اهي ماشة
3/ الاغتراب يقتل فينا الأشياء الجميلة أو يجمدها .. ويكسبنا الاحتكاك مع الجنسيات الاخرى الكثير من الخبرة في مختلف المجالات
4/ زي السمكة برا الموية




اقول قولي هذا واستغفر الله لي .................

يا سلااااااااااااااااااام
اجوبتك كانت مستفيضة وباينة المعالم ... وفيها إذهاب شامل وبها شرح تفصيلي...


ياخ قوم لف

[زول الله]

المشاركة الأصلية كتبت بواسطة فيصل سعد

شكرا زول الله، و نعود لك و معنا سؤال
عن منبر سودانيات، و كيف نشأت علاقتك
به و كيف و متى اشتركت به، و من
هم دفعتك هنا؟ و هل لك علاقات
ارضية ببعض اعضاؤه، و حدثنا
عن تجربتك في السايبر عموما و
سودانيات على وجه الخصوص، ماذا
اضافت و ماذا اخذت؟ و هل انت
سعيد و راضي و مستمتع ؟؟

بدأت علاقتي بالمنبر منذ العام 2008م بواسطة الخال الدكتور حسن فرح
وقدمت طلبي للريس خالد الحاج وقام مشكوراً بتفعيل عضويتي
اما عن دفعتي فهم بلا شك المسجلين في نفس التوقيت لكني لم اكن مواصلاً
فقد انقطعت فترة طويلة جداً بعد تسجيلي وثم عدت مرة أخرى وواصلت مع سودانيات
وعموماً علاقتي بالسايبر طويلة ولي عضوية في عدة منابر ومكلف بالاشراف في بعضها
ولكن سودانيات استحوذت على كل الوقت المخصص للنت وقل تواجدي في غيره
حيث أضافت لي الكثير خاصة الوجوه النيرة التي لم اراها ولكن احس بها واعرفها












اقول قولي هذا واستغفر الله لي ...............

[زول الله]

المشاركة الأصلية كتبت بواسطة عبدالعزيز عبدالله

يا سلااااااااااااااااااام
اجوبتك كانت مستفيضة وباينة المعالم ... وفيها إذهاب شامل وبها شرح تفصيلي...
ياخ قوم لف

عبدالعزيز انا هسه صايم ماحأقدر أفصل ليك الحاجات اوكي ؟؟
اسألني بالليل ياخ












اقول قولي هذا واستغفر الله لي ................

[فيصل سعد]

لك الشكر يا حبوب،،

زول الله و الفن و تحديدا الغناء و الطرب،
و حلو القول في خشم سيدو !!
باستفاضة و تفاصيل التفاصيل بالله ..

[سمراء]

زول الله زول جميل جدا ...ومن هنا بنحييهو كتير
بس عندى شوية حرباشات كدى ..

1- العلاقة بين الغناء والمديح ،، ؟ وهل جربت المديح من قبل وخاصة انك ود شيوخ معروف ؟؟

2- زول الله لديهو ردود حادة جدا فى بعض المشاركات البحس انو اختلف مع شخص ؟

بجيك راجعه