وطبعا موضوع (أم بُقبُق) استهواني شديد ... فكنت معزوم غدا في مقر الحنكشة زااااتا فسألتهم منها ... اول حاجة كلهم نططو عينيهم ... أصابتهم الدهشة مما أقول ... فكبيرهم الذي علمهم الحنكشة ردد عبارات استياء شديدة اللهجة في بادئ الأمر ولكن سرعان ما ضحك عندما رددتها أكثر من مرة تعقبها ضحكة حامية الوطيس ... وكلهم بعد شوية رقدو قش ... بعد أن استوعبو الكلمة التي أنا بصددها ... والتي أضحكتني جدا ... فقال لي بصوت تتخلله ضحكة ... جبتها من وين دي ... فلم استطع الاجابة لأنو خشمي مليان بأم بقبق (الكلمة) والقليل من السمك المدخن ...
ياخي ديل ما بكونو سمعو بالبامية المفروكة ولا اكلوها
فما حاولت اشرح ليهم كتير لانو ح اتعب نفسي ع الفاضي ... فقلت بامية وسكتا
لكن بالجد جاتني لوز من النطق والضحك الكتير
وعلمت من احد المراسلين ان أم بقبق متعارف عليها في غرب السودان اكثر من وسطه ... وتعرف في الجزيرة (بالمهجومة)
